الجـزء الثانـي..تجهيـــزات عــــرايس الامـــــارات,,وحيالله عرايس خليجنا معانا,,

فراشة بوظبي:
هلا بغلووووية

حليلج عروستنا

لاتحاتين شي وان شاء الله كل شي يتم على خير

اقولج لو تبين تسوين السي دي سويه روحج احسن

ترى يوم الملجه دورت محل يعدل وحصلت واحد في بني ياس وتعديله مثل ويهه
ولا استفدت من اللي سواه

وعلى قوله الغلا كله ابتعدي عن اي شي يغضب ربنا يوم عرسج

والله يوفقج ان شاء الله

فرووووووشتي :shy:
ان شاءالله يارب دعواتكم
وين اسويه ما عندي وما اعرف احطي الاناشيد بسي دي
وان شاءالله انفذ نصايحكم على راسي من فوق والله

بس تدعولي
:)


مع كل الحب

روح الغلا
انا سايره هالسبوع صحارى
شفتلج في دبنهامز نعله محلاتهن
وفي لاسنزا بعد
والحقي عالتنزيلات

جواتي ب 70 استون ب 30

ياحليلج يا غلوية

والله ودي اساعدج بس ماادري كيف

تعرفين احسن شي عطي حد كم اخوانج او من شبابكم وخليه يدور بين المحلات ويشوف
انتي بنوته ووراج عرس وما بقى شي الشباب ادرى بهالسوالف ويدلون

وزين تسوين انج بتحطين اناشيد يوم عرسج عسب الله يطرح لج البركة وتكونين مرتاحه وتبدين حياتج بخير ....

عموما اتوقع محلات الاغاني تسوي هالشغلة .... او يجربون يودونه محل كمبيوتر ....

الله يعينج غناتي ويوفقج يارب

بنات أرجوكم ساعدوني في زهبتي
وين اشتري طقم الفوط
باجر بسير سوق مرشد شو تنصحوني اشتري من هناك

غالية الأثمان ...

عندي رقم واحد يس محله في الشارجه .. بسويلج اللي تبينه من أناشيد ...
وخبريه انج من بوظبي .. يمكن يقدر يدبر لج حد يوديلج السيدي ..

أنا رتب لي زفتي .. وما قصر

اذا تبين طرشيلي عالخاص ..


SJM

عن طقم الفوط ..في محل في الشارجه عنده طقوم حلوه .. طقم مناشف وعنده بعد طقم حمام 14 قطعه .. أنا اشتريت من محلات الشريف يوم كان مسوي تنزيلات ..

وعن سوق مرشد .. والله الغاليه ما عندي اي فكره ..
بس احيد بنات المنتدى كانوا يمدحون طقوم بإسم ديور ..


وبالتوفيق

شو اسم المحل في الشارقة

هلا سجم احدس معظم محلات اللانجري تبيع طقوم فوط والاسعار تتفاوت
وعن السوق هو في دبي ولا الشارجه ؟؟

في سوق في دبي جنب سوق نايف ومركز المنال
فهذا السوق خطييييييييييييييير بمعنى الكلمة ....

الواحد يدور فيه ويطلع اشياء ماتخطر على البال بس والله نسيت اسم هالسوق

______________________________________________

بنت جميرا شخبارج غناتي ؟؟

شكله مابقى غيرنا في الملف البقية ما ادري وينهم .....؟

يالله انتي عرسج قبلي شدي الهمة

غلوية عرفت الصالون اللي سويني عنده البديكير

شكله حلو من برع بس ما دخلته ......

اللي في مدينه زايد يمب محل شبرا

وان شاء الله بسير واجرب بديكيرهم قبل العرس

ام عذبة والغلا كله

تسلموووون حبيبات قلبي

بنات بوظبي حبيت اقولكم سويت ليدي مسوي تنزيلاااات

والسموووحة منكم

ربي يوفققن كلكن ..

دووم ادش الموضوع واقرا الردود ..:)

خلاص ما بقى شي ع عرسي ..اسبوعين بالضبط ..

ونفسيتي مثل البورصه مرة صاعدة مرة هابطه

بس الحمدلله ع كل حال

الله يتمــم الأعراس كلها ع خيــر :)

sjm:
شو اسم المحل في الشارقة

اسم المحل السعد .. مجابل مستشفى الزهراء ..

وعن السوق اللي تطريه فراشة بوظبي .. اظني اللي تطريه سوق عكاظ ..

وبالتوفيق ..

فراشة بوظبي:
هلا سجم احدس معظم محلات اللانجري تبيع طقوم فوط والاسعار تتفاوت
وعن السوق هو في دبي ولا الشارجه ؟؟

في سوق في دبي جنب سوق نايف ومركز المنال
فهذا السوق خطييييييييييييييير بمعنى الكلمة ....

الواحد يدور فيه ويطلع اشياء ماتخطر على البال بس والله نسيت اسم هالسوق

______________________________________________

بنت جميرا شخبارج غناتي ؟؟

شكله مابقى غيرنا في الملف البقية ما ادري وينهم .....؟

يالله انتي عرسج قبلي شدي الهمة

هلا والله بفراشة بوظبي ..
شفتي عاد .. اختفوا باقي العرايس في أعماق التجهيزات .. الله يعين ..
يلا الدور علينا .. ما باقي شيء ..

من زوود التوتر .. قمت أحلم بأشياء غريبه .. :angry:

مره حلمت إنه فستان عرسي طلع مب حلوو ..ويالسه أصيح ..
ومره حلمت إنه الخياط مضيع قطعتي ..
ومره حلمت انه ريلي خطفووه ..:confused:

وهذا دليل إنه النفسية :down:

الله يستر ..

ادعولي يا عروسات انه الله يتمم عرسي على خير ..

روح الغلا:


ام عذبة والغلا كله

تسلموووون حبيبات قلبي

بنات بوظبي حبيت اقولكم سويت ليدي مسوي تنزيلاااات

والسموووحة منكم

مشكووره يا رووح الغلا على المعلوومه

بنت زايـــد:
ربي يوفققن كلكن ..

دووم ادش الموضوع واقرا الردود ..:)

خلاص ما بقى شي ع عرسي ..اسبوعين بالضبط ..

ونفسيتي مثل البورصه مرة صاعدة مرة هابطه

بس الحمدلله ع كل حال

الله يتمــم الأعراس كلها ع خيــر :)

الله يوفقج يا عرووسه .. ويتمم الاعراس على خير ..

بنت جميرا 6:


مره حلمت إنه فستان عرسي طلع مب حلوو ..ويالسه أصيح ..


..

نفس الحلم اللي حلمته من يوميين

وانا زود بعد ان المكياج كاان يلوع الجبد والكوشه ما مركبينها

ومافي شي كان مثل ما انا اباه .. حتى اني ما بغيتهم يزفوني ..

ما اعرف شو تفسيره بس اكيد لأني شاله هم هالشي

الله يتمم كل شي ع خير يا رب

بنت جميرا وبنت زايد لا تسوون باعماركم جي

حتى انا احلم وحالتي حالة واحاتي فستاني لان للحين ماشفته

بس كل ماحلمت حلم فسرته ان العرس بيكون ولا اروع وان فستاني بيطلع رووووووعة واحلى فستان

هههههههههههههههههههههههههه

ترا الحلم يتفسر مثل ماتفسرينه واللي تحلمونه من زود التفكير كلها اضغاث احلام باذن الله

يالله بنوتات انا اليوم مسافرة قطر عندنا عرس هناك
بتوحشوني وايد بس اكيد مابقطعكم .....

ويمكن تشوفوني مع تجهيزات بنات قطر هههههههههههه

هلا والله بحبيبات قلبي كلهم

يالله الحمدلله

الله يوفجكم ياربي

تدرووون بتوله عليكم حييييييييل والله

فرووشة هيه هو الصالون اسمه بيوتي اند مووور خذيت من عندهم الباكج كامل مال العروس والحمدلله ابشرتي وشعري وااايد تحسنو
وبالنسبه للزفه مووول ماعندي حد وعيال عمي كلهم صغار شكلي انا اللي بسير اراكض
يلله الحمدلله على كل حال

بنت جميرا فديتج طرشيلي الرقم بسرعه ع الخاص
انتظرج
ودعواتكم لي حبيباتي
خلاص باجيلي ان شاءالله
10 ايام
^_^
والنفسيه شرات الاسهم
^_^
يلله الله يوفقكم كلكم ياربي
واتمنى لكم احلى حياه
مع كل حبي

مرحبا بناااااااااااات .........


معاكم بنت الغالي صاحبة فكر موضوع التجهيزات الرئيسيه لبناات قطر .......


انا سعيده جدا ان فكرتي انتشرت واغلب الدول فتحت لها أجزاء .......... الله يوفقكم أجمعين انشالله .........


حبيت أهديكم بعض المعلومات الي تفيد العروس من تجميعي الخاص .........


[frame="7 80"]طريقة تعطير الفراش ليلة الدخله :



اول شي الاضاءه عنصر مهم وااااااااايد وعلى فكره ترى الاضاءه الخافته تغطي اي عيب وتبين البشره اصفى وانقى فما راح تحتاجين تكثرين ميك اب مجرد شي خفيييف

الشيفونات والدانتيلات بعد تلعب دور مهم وتعطي منظر رهيب


اول شي اختاري لون تشتغلين عليه


مثلا احمر او بيج او غيره


بتحتاجين شمووووووع صغيره وباحجام مختلفه

نسقيها بشكل عشوائي وعلى شكل مجموعات مثلا كل كذا شمعه مع بعض
وتقدرين تخلين الشموع بتدرجات لونيه وحده
مثلا تدرجات الاحمر والماروني او البيج والكراميل والاوف وايت

تشترين ثرو جاهز وهو القطعه اللي تنرمي عالسرير او الكراسي وغيرها

تقدرين تفصلين لو لج طلب معين

وتقدرين تاخذينه جاهز من دبنهامز او هوم سنتر او لايف ستايل

وتزينين به السرير مثلا عالجنب او عالكرسي بصالة السويت


الورد يلعب دور مهم وااااااااااااايد

تاخذين ورد مجفف ولو توفر الطبيعي يكون افضل

جنب الشموع نثري الورد وعالسرير وبكل مكان بيعطي شكل رومنسي وحلوووو بلمسات بسيطه


والاضاءه
طفي كل الليتات واستعيني بالشموع والاباجورات لو كانت متوفره بالسويت
بتعطي جو حلوووووووووو
وطبعا العطر بعد له دور مهم


خذيلج مجموعة عطور الفراش
ويفضل تسوين الخله او غالبا لو امج او عندج حرمه كبيره تعرف تسويها
واذا ماتوفر هالشي

قبل ماتدخلون السويت تخلين وحده من خواتج او ربعج تدخن المكان وتسكر الباب وتطلع عشان الريحه تتم

والمشمووووووووم يعطي ريحه فظيعه مع الدخون


ولاتنسين نفسج الله الله بالدخون الزين والعطر

بس لاتكثرين عشان ماتطلع ريحتج قويه وايد

استخدمي الشاور جل والبدي لوشن والعطر من نفس النوع

والمخمريه لشعرج وشوية دهن عود عند اذنج ورقبتج وصدرج[/frame]

[frame="7 80"]أساسيات العروس : -


المــــلابس الداخليــــــه)
ملابس مريحه للنوم شفافه وخفيفه
ملابس داخليه للطلعات والدوام
أطقم سنتيانات للبيت غير مبطنة
أطقم سنتيانات سهرة
كلوتات انفرادية ألوان متعددة

ماركات الملابس الداخليه)
ايتام
شانتيل وافضل للعرايس منها الاطقم الفخمه التل او الدانتيل المشغول والالوان الاسود والعودي والباذنجاني
لاسنزا
نعومي
البي اتش
لاسنزا للمقاسات الصغيره وشانتيل للمقاسات الكبيره
وفيه أشياء حلوه مو ماركه لكن خامتها ممتازه

وافضل ستيانه تشد الصدر الكبير هي
PUSH UP

موجوده عند كل الماركات..... انتي بس قوليلهم هاالكلمة

بس حتى البوش اب في اكثر من نوع

اذا تبغون وين باالتحديد تلاقونها مثلا عند ماركس آند سبنسر

ملابس النوم

ملابس النوم:
طقمين ارواب
قمصان طويلة بدون ارواب عدد :
قمصان قصيرة عدد:
بجايم حريري عدد
بجايم قطنيه عدد

كورساج + ستوكنغ اللي تجي فيها الشراريب و بعدين يشبكونها في الكورساج من فوق عرفتوها؟ عدد

متوفره عند

نعومي


(ملابــــــــــس البيـــــت)

أقمصة قطنية طويلة عدد
أقمصة قطنية قصيرة عدد
أطقم شورتات قطنية+جينز عدد
تنوره قصيره عدد
تي شيرت عدد
بناطلين عدد
فساتين قصيره عدد
بودي عدد
........



(ملابـــــــــــــس خـــــروج)

يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه
والعنابي
والوردي
والكحلي
والسماوي
اذا كان داخل عليها الذهبي
باالنسبه للموديلات لاتروحين للمصمم لأنه بياخذ على الرسم مع ان الرسم عادي ويقدر اي احد يرسمه
عندك اقرب خياط خذي مجموعه من المجلات المعروفه

سيدتي- الجميله-كل الاسره-زهره الخليج-اسرتي-لها


تلاقين فيها عروض أزياء تناسبك وقمه في الأناقه والذوق وبرضه جديده وتوفر عليك اختيار لون ونوع القماش احلى من مجلات الأزياء الخاصه لمسات وغيرها نقي لك منهامديل فستانين واحد للصباحيه وواحد احتياط وخيطيهم عند اي خياط تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك وجاهزه من غير ماتعذبين نفسك في الخياط ومشاكله
برضه راح تحتاجين
جلابيات للأستقبال أو اذا كنتي ساكنه مع اهل زوجج
باالأضافه للتنانيرالجينز والأسود اللي تناسب كل تي شيرت ولاتنسين مديل اللف منها كلها أنوثه ممكن تفصلين لك كم وحده تلبسينها لما تخرجين مع زوجج طلعه أو مطعم
وبناطلين حلوه لشهر العسل


(الـــذهب )


لاتكثرين لأنه راح تجيج هدايا سواء من اهلج أو من اهل زوجج
خذي لج طقمين أبيض واصفر واذا كنتي ماتحبين الذهب الأصفر
لاتكثرين منه لانه حلاته يوم الصباحيه اذا جيتي بتسلمين على اهله وبس
فااحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان عند داماس او مجوهرات المفتاح




(الشنـــاط)

الموضه في الشنط المشكوكه
راح تلاقين أشكال حلووه باالمره وخذي لك ثنتين عمليات
لما تطلعين مع العريس


وهذه ماركات شنط حلوه

فندي و جوتشي و كريستيان ديور و لويس فيتون و جيفنشي و الكارتير و الشانيل بولغري تورنتو واستغلي وقت التخفيضات



(اغراض الحمام)


طقم روب
عدد من الفوط
شامبوهاتك وصوابينك المفضله
كريم حمام زيت<< ضرووووري بتدعين لي
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن
كريم صنفره
أسكينول منظف للبشره
فرشاه +معجون
مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم:أحلى الرغوات:
صانسليك- B5 وتجي معاه ليفه ناعمه جدا-
برضه ممكن تستعملين رغوه نونو الخاصه باالأطفال تخلي جسمك ناعم جدا
حلاوه لأزاله شعر الجسم واحلى حلاوه مجبره هي :شهرزاد لونها موف وغطاها أبيض بس يا بنات تبون نصيحتي(حاولوا قدر الامكان الابتعاد من الحلاوه ولا تستعملونها بستمرار لان الحلاه وخصوصا في المناطق الحساسه تسبب ترهدلات فيه لان نزع الشعر من جذوره وبقوه تسبب اتلاف الاعصاب في ذيك المنطقه وبعدها تموت الخلايا فيها يعني لو نزعتي مرات ماراح تحسين بالالم لانها ميته وفي الاخير تسبب برود جنسي) ارجوا انه وصلت هالمعلومه لان مو من عندي الكلام هاي كلام الدكاتره عن نفسي انا مااستعمل الا مكينه الحلاقه ماركه براون صحيح ان ماتشيل من الجذور بس طريقتها امنه ولا تجرح وتخلي المكان املس وناعم.... المهم نكمل

غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
شموع +ولاعه <<<تعلمينه انك رومانسيه بعد ماتطلعين متسبحه خلفي ورى طلعتج من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فازلين




(علاجـــــــــــات)


بندول
نصيحه

بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب أو طفل فكري فيها
لأنك ماتعرفين طبيعتك هل أنتي قادره على الأنجاب أو لا..أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها من البدايه وصارو يعالجون منها
باالنسبه لصديقتي في بدايه زواجها مااخذت ولاشي..وجلست 9 شهور تقريبا بعدين حملت
وكل وحده تختلف عن الثانيه فيه ناس ماحملت الا بعد سنتين أو سنه
وفيه ناس من أول شهر ونادرا ماتسير..ونصيحه لاتفكرين ابدا بحبوب منع الحمل لأنها تخرب البشره والنفسيه وكلها تنعكس عليك




(الجـــــــــــــــزم)


شباشب أنيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام



(العطــــــــــــــور)


هذه بعض العطورالرائعه
العربيه
مسك لزج يجننن عند عبد الصمد القرشي
عطورات أجمل كلها حلوووووووه
الفرنسيه
ريميمبر مي
آديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
إليزابث أردن
عطر الشيخ
قوتشي
فيرساتشي
إيتيرنتي لوفي
مونتيل
لانفان
باكو رباني
212
بلجر
wish
نوا


وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب <<
مون فلورمن بودي شوب<<



(المفــــــــــــــــــــارش)


اختاري أثنين فقط
واحد أبيض وواحد مشجر
واخذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش
وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش



(ماكـــياج)
ماكياج الصباح
اختاري كريم اساس خفيف تلقينه عند ماكس فاكتوروبودي شوب
اما الأرواج والجلوسات اللي تناسب النهارتلاقينها عند(ماكياجي..زهور الريف..بودي شوب..نكتار
مكياج الليل
ماكياج الليل لازم يكون اكثف من النهار
باالنسبه للأساس احلى شي

ماك..جفنشي....كريستيان ديورويجي ضغاط يعني زي البخاخ ..كانيبو...فور ايفر وابتعدو عن نينارتشي يطلع قشور ويخلي وجهج كأنو مصبوغ في بويه

الأساس الستيك عملي جدا وخليه في شنطتك للطواري بس تمررين الأصبع بشكل سريع عند اللزوم..وخصوصا شهر العسل راح تحتاجينه في السفر اذا نزل العريس لمحطه البنزين طلعي الستيك وعدلي اللي خرب هههههههههههههههههه<< هذا ان سافرتي بسياره وخذيه من ماركه كريولان

كونسيلر فور ايفر تجيك علبه وفيها خمس الوان أخضر لأخفاء حبوب الشباب وانشاءالله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج البيج اذا كان فيك حبه ظهرت فجئه ولونها احمر فاقع ههههه والأصفرعلى جسر الأنف والبني على جوانب الأنف

كريم اضاءه

ريفلون..ماك..كريولان

بودره اضاءه ماك..بودي شوب

بودره بلمعه مافيه زي ريفلون خذي كل الثنتين البيضاء والبرونزيه

الكحل كريولان لانكوم وكحل القلم الجاف من جفنشي خطيييير

الشدو كريولان ..فور ايفر ..ماك..ووخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل


(IsaDora )

البلاشر روحي لمكياجي تلقين عندهم ماركة
الوان البلاشر حقتهم روووعه


مثبت الماكياج بخاخ من جفنشي.أو فور ايفر

المناكير خذي هذه الالوان بصلي..وردي..احمر..عنابي

الماسكارا هيلينا روبنشتاين ..بروجو..نيفيا

الأرواج
ماكياجي
فور ايفر
زهور الريف
جلوساتهم تهبل
نيفيا
شانيل
جفنشي
شسيدو
لانكوم
كريستيان ديور
مزيل ماكياج
ميلك للبشره
كريم مرطب للبشره
غسول للبشره كلين آند كلير

شنطة مكياج عشان تحفظين اغراضك فيها من الضياع وعشان يكون حملها سهل



(اكسســوارات)
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه لاتكثرين لبسها في البدايه علشان مايتعود على شكلك فيها
ويفضل لبس العدسات بعد 6 شهور من الزواج للتغيير

توكات"بنس للشعر"
بعض البكل الجميله موتحطين ميكي ماوس وارانب خلاص كبرتي ههههههههههههه



الأجـــــــهزه
استشوار عدد 2
فير لتلفيف الشعر
فيه فير على غاز يجننن تحطينه بشنطتج اليدويه وتكوين فيه الخصل اللي جدام اذا كنتي من النوع اللي يحب يحط خصل مستقيمه على الوجه
وخذي معاج كم اسطوانه غاز صغيره طبعا الأسطوانه بطول الأصبع وتجي ثنتين مع بعض بـ40 ريال _مو تاخذين سلندر الغاز مال البيت وتوهقوني وتقولون بنت قطر قالت جيه ههههههههههههههههههههههه
يستحب ويفضل أن تشترين الجهاز اللي هو الأستشوار البخار حق حمام الزيت راح يفيدك كثير اول الزواج خصوصا انك احتمال تتزوجين في اجازه و
24 ساعه مقابلك ماتقدرين تحطين زيت لمده4 ساعات اما استشوار البخار حطي الزيت واجلسي نصف ساعه تحته واستحمي قيمته تقريبا 800 ريال
مبخره



متفرقــــــات

كتاب الطبخ
كتاب طبخ من كتاباتك المختاره
خيوط+ابر+مقص
أكياس معطره للملابس
مصاصات العصير<<حتى مايخرب الروج

زيت السمسم <<<ياما من الشعر الجاف اللي بتشوفينه على الأقل رطبيه لو 10 دقائق بزيت السمسم
علب لحفظ اغراضك داخل الأدراج
صندوق مجوهرات
كاميرا علشان تصورين لنا رحلتكم في شهر العسل
لبان فيه لبان ايراني ممتاز عند محلات البخور داخله عسل وفيه نكهات متنوعه ملاحظه العلكه تشوه منظر العروس لاتعلكين قدامه
سجاد وشراشف للصلاه



ترا حاولوا في ليله العرس قبل لا تدخلين على الكوفير وتتمكيجين حاولي انج تاخذين حمام وتتنقعين بماي دافي مع زعفران ونص قلاص ماي ورد ترا يقلل نسبه الافرزات العرق اذا كنتي متوتره ويقلل التوتر نفسه بعد ماتتبخرين وتتطيبين راح تلزق فيج ريحه العطورات لان الزعفران وماي الورد تثبت الروايح....
وعندي نصيحه ثانيه اذا كان عرسج في فندق مثلا شرتون او فور سيزن حاولي تاخذين غرفه فوق علشان تجيبن الكوفيره مع الي تمكيج وطبعا خواتج علشان تختصرين الوقت مثلا لو تكشختي في البيت وخلصتي الساعه 8 ونص لين ماتطلعين وتوصلين يبيلج مليون ساعه وانتوا تعرفون الشوراع والزحمه...


نصـــائح
اهتمي بتثقيف نفسك عن امور الزواج
تجنبي كثره الثرثره عن اهلك لحد ماتعرفين شخصيته ويبغالك سنتين علشان تعرفين
احذري من كثره الحديث عن تفاصيل حياتك قبل الزواج
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلج لاتكثرين من الذهاب لهم اول الزواج علشان يتعود عليك ويسير مايستغني عنك
لاتكثرين رسائل الجوال علشان ماتسيرين لزقه
اذا بغيتي أي شي من السوق لاتستحين ترى حياك ماراح ينفعك ههههههههه
وبيتعود الرجال على قله الشراء وبعدين اذا طلبتي شي راح يتكاسل ولايهتم بأغراضك لأنو ماتعود من البدايه يشتريها
وطبعا مو كلهم جيه لكن اضمن لك انك من البدايه تبتدين ماتستحين من الطلب
وخلك ذكيه اذا لمحتي حاجه تناسبه في السوق قولي خذ هذا احس انو مناسب عليك يعني خلك بين طلباتك ومستلزماته وراح يتعود على المصاريف الله يعينه ويوفقه

اتمنى اني وفرت عليكم الجهد والوقت يلا كل وحده تجيب الدفتر والقلب علشان تكتب الي قلته علشان تاخذه من السوق...[/frame]

بنت جميرا 6:
غالية الأثمان ...

عندي رقم واحد يس محله في الشارجه .. بسويلج اللي تبينه من أناشيد ...
وخبريه انج من بوظبي .. يمكن يقدر يدبر لج حد يوديلج السيدي ..

أنا رتب لي زفتي .. وما قصر

اذا تبين طرشيلي عالخاص ..


SJM

عن طقم الفوط ..في محل في الشارجه عنده طقوم حلوه .. طقم مناشف وعنده بعد طقم حمام 14 قطعه .. أنا اشتريت من محلات الشريف يوم كان مسوي تنزيلات ..

وعن سوق مرشد .. والله الغاليه ما عندي اي فكره ..
بس احيد بنات المنتدى كانوا يمدحون طقوم بإسم ديور ..


وبالتوفيق

غالية الاثمان



ممكن اتطرشيلي على الخاص انا بعد الرقم؟

بنت زايـــد:
ربي يوفققن كلكن ..

دووم ادش الموضوع واقرا الردود ..:)

خلاص ما بقى شي ع عرسي ..اسبوعين بالضبط ..

ونفسيتي مثل البورصه مرة صاعدة مرة هابطه

بس الحمدلله ع كل حال

الله يتمــم الأعراس كلها ع خيــر :)

ياختي
مادري جيه عرايسنا دلوعات
خخخخخخخخ

عادي يا بنات
تيك ات ايزي

ان شاء الله بتفرحون وبتستانسون فهاك اليوم

عاد اطاعوا منو يرمس

شكلي بكون اخس من حالتكم