الجـزء الثانـي..تجهيـــزات عــــرايس الامـــــارات,,وحيالله عرايس خليجنا معانا,,

bint_zayed:
تسلمين عالنصايح :shy:

بس ما ادري ليش انا متكاسله ومابا اسوي جدول :confused:





++++++++

بنات المحلات اللي بيسوون تنزيلات فيهن خبرونا عنهم :gum:

وسؤال :sad:

انا محتاره بين عذبه وبين هيفا صفر ... اروح اتمكيج عند منووووووووووو
وايد سمعت عن هيفاا انها مزاجيه وانا الشي الوحيد اللي يخوفني مكياج عيوني لان عيوني صغيره :(
واخاف ما اتضبط المكيب عدل

وو من كم يوم اتصلت فيها المكياج 3000
والبروفه 1000 :angry: ولو يتني اتعدلني بكم قالت السكرتيره 10000 :confused:


وعذبه اتصل بها ماترد ..

مممم اتصلت في بدريه السويدي بس ما ادري ما اتشجعت :gum: لاني بغيتها اتعدل خواتي

وبسسس هذا تقرير اليوم:salam:

عزيزتي توكلي وروحي عند عذبه أنا مسويه عندها في الملجه وبروح إلها في العرس إنشالله روعه ماشالله مكياجها تغيرج تماما وتسويج نعومه.ةأنا بعد سمعت عن هيفا إنها مزاجيه

Perfectionist:
مكياج ليله وحده ابـ 10000 حراااام إسرااااف...

واذا طلع مب حلو بموت من الندم على ال 10 الاف..

اسير اتسوق فيهن احسن =)

بس ليش غالي يعني؟ شو المكياج اللي اتحطه ؟؟!!

انا من قالت لي جي السكرتيره جي عيوني صارت @_@ 10 الاف

قلت لها لا اييها احسن .. بس بعدني ما حجزت

واذا علي نوع المكياج والله مادري شو تستخدم :gum:

اخر حلم:
نصحيتي لج لااتجازفين واتروحين عند هيفا انا رحت اتعدلت فملجتي وللاسف الميكاج باهت مب حلو



وبدرية السويدي مكياج حلو ومرتب واحلى عن هيفا وهذا رايي

لا ان شاء الله شكلي بحول عند عذبه

وخواتي بيتعدلن عن بدريه بس بعدنا نتشاااور لول

طاغي الزين:
السلام عليكم يا بنات زايد ..

اللي تزوجن ألف مبروك .. و اللي بعدها تستعد عدل ..

أنا و لله الحمد تزوجت من شهر تقريبا .. و ما بنكر فضل المنتدى عليه ..

لو تذكروني أنا كتبت عن تجهيزي بالكامل في الموضوع الأول ..

عموما يا بنات .. أنا يايه ألحين أحذركم من بعض محلات الكوش اللي في الشارجه ..

احذروا أشد الحذر من محل إسمه حواء

والله العظيم يا بنات إني تندمت أشد الندم .. في يوم عرسي صحت صياح في الصاله .. :confused:

اللي قاله إلنا شي .. و اللي سواه شي ثاني ..

اتفقنا وياه على الكوشه و على الكراسي و على تزيين الطاولات .. و ياب إلنا بعد ديزاين الطاوله (الورد) لكن التطبيق شي ثاني .. والله كننا طالبين روز في باقات الورد .. و حط إلنا الورد اللي في الصاله ما يسوى حتى 5 دراهم ..

حتى الكراسي ما زينهم .. و يوم واجهناه قال والله هالكلام مب مكتوب في العقد .. تخيلوا ..

بس في النهاية المعازيم عيبهم كل شي .. لكن المبلغ اللي عطيناه إياه كان فوق اللي سواه .. يعني حرامي ..

و غير هذا ديزايناته كلها مسروقه .. على فكرة .. المحل الوحيد اللي شفت شغله في الشارجه و كان وايد حلو هو المناسبات .. صراحه وايد حلو ..

لكن بنات والله تحملوا تسيروله .. لأنه حتى تصميماته روعه في الكمبيوتر .. لكن كتطبيق ما يسوى مول ..

و سامحوني على الإطاله .. لكن والله ماباكن اتطيحن في اللي أنا طحت فيه ..

و في الحلقة اليايه بكتب إلكم كل اللي سويته في عرسي .. كتجهيز لليله الكبيره مثل ما يقولون ..

هلا طاغي الزين
والله زين انج خبرتينا عن هالمحل
بس يالله
ما دام عيب المعازيم لا تحاتين
والله يسعدج في حياتج
ويرزقج الذريه الصالحه

bint_zayed:
[COLOR="DarkOrange"]السلام عليكم ...

احم

>>>> عروس شهر 11 يعني مطوله خخخ

شو رااايكم اتزهب الحين ولا لاء ؟؟

بس احب اخذ راي البنات في مكياج هيفا صفر *_* لاني ناويه اتمكيج عندها

ومممم بعد شوووو بس لين ما اعصر هالمخ ويطلع شي يديد بخبركم

ربي يحفظكم [/COLOR]

هلا بنت زايد
عادي الغلا
انا مطوله اكثر منج
بعدني لين شهر 12
انا بعدني ما بديت والله
مفكره أبدا على شهر 8
وانا ناويه اتمكيج عند هيفا بعد
شفتي على كم من عروس وعيبني
مادري شو راي البنات؟؟

ceres:
بنت زايد انا وياج عرايس بشهر 11 ان شاء الله:shy:

وبالنسبة لي محتاره ومو عارفه ابدأ التجهيز من الحين او لا:gum: اخاف اشتري اغراض وباجر تنزل مجموعه جديده واتحسف على اللي اخذته:qaq:

لان عرسي راح يكون بشهر 11 وبعده شهر 12 و1 اشهر شتاء ، ومو عارفه كيف التجهيز يعني اخذ ملابس للشتاء ولا انوع من الحين لان في موديلات حلوه وعاجبتني بس اخاف اخذها من الحين :sad:
بس سجلت الاغراض اللي بحتاجها ، يعني بسويلي قائمة والبنات ماشاء الله ماقصرن كتبن لنا القائمه :clap:
وعلى شهر 8 ان شاء الله ببتدي التجهيز بس ماعرف اذا بيكفيني الوقت او لا:gum:

انتظر نصايح العرايس:shy:

هلا عزيزتي شحالج
والله انا رايي من رايج
شهر 8 ببدأ
احس اربع شهور قبل العرس وايد اوكي
اذا بغيتي تبدين
أحس مثلا المخاوير والجلابيات
هاي ما تروح موضتهم
وصح
حتى قمصان النوم
ابدي لقطي من الحين شوي شوي
عشان تيين جريب العرس تكون عندج كميه حلوة ومنوعه
لكن لو خليتيها جريب العرس تحسين انه بتشلين أي شي عشان مستعيله
ممكن بعد اذا شفتي نعله حلوه او شنط اشتري وخشي
اما المكيتج والعطور والبدلات اصبري لانه يمكن ينزل شي يديد

فراشة بوظبي:
عرايس شهر 11 بنت زايد و ceres و الغـــ كله ـــلا

لا تستعيلن على السوق بس احسبوا حسابكم ان من اخر 9 لين اخر 10 رمضان يعني ماشي سيرات للسوق

عندكم الفترة الياية بتكون تنزيلات فاستغلوها وتشروا الملابس الداخلية, قمصان النوم , وملابس البيت

ممكن تبدون من 6 و7 لهالاشياء

8 و9 كملوا الاشياء المهمة الباقية من ملابس الطلعات والبدل والجلابيات والفساتين وتشترون النعل والشنط على اساس الالوان اللي بتاخذونها للبدل والفساتين

ومايمنع لوحصلتوا اشياء تسوا ايام التنزيلات تاخذونها بس لاتغامرون وتاخذون بدل لان بتحصلون غيركم لبسها قبل ماتلبسونها

فترة رمضان خلوها راحه لكم واستغلوها في العبادة والعناية بالجسم والشعر

عقب العيد الله يعيده علينا وعليكم بصحه وعافية كملوا العطور وتوابعهم و المكياج وكريمات الجسم لاني ماانصح تشترونهم من قبل

بتتوهقون في التخزين

شو بعد ؟؟؟؟؟؟؟؟؟؟

وكل وحده تعدل وتضيف حسب اللي يناسبها

واللي سايرة العمرة هالصيف نصيحه مري على جده

سوقهم يجنننننن وصج غيير

جني قلبتها دعاية :shy:

فديت روحج يالفراشه
احس جنج اختنا العوده وتنصحينا خخخخخخخخخخخخخ
والله نصايحج ذهب
وزين ذكرتينا بفترة رمضان
انا سار عن بالي


انزين على طاري التنزيلات
اي وحده منكم خواتي تسمع انه في تنزيلات في محل معين تخبرنا الله يخليكم

Perfectionist:

السلام عليكم

أنا اليوم سرت سويت بروفة مكياج عند "ليلي" في صالون بيانكا


الصراحه واايد عيبني ستايلها..

سوتلي اللي في خاطري بدون ما اقولها امسحي وردي حطي

وغير عن شغلها.. تعاملها حلو .. رايقه وما اتعصب .. وها أهم شي عندي =)

-------------------------------------------------


مضاوي 991

أنا المسكه اللي في خاطري تقريبا نفس هذي

بس مب بالضبط، اباها اتكون احلى

الله
روعه مسكتج أختي

بنت زايـــد:
السلام عليـــكم يا عرايس ،،مبروك افتتاح المنتدى من يديد

عرسي ان شاء الله عقب شهر و

الحمدلله في الفترة اللي طافت خلصت كل شي تقريبا ،،

من فساتين ،جلابيات ،عطور ،مكياج،نعل ،شنط، ذهب
وحتى ملابس السفر واحتياجاتي في السفر بعد خذتها .

والأهم من ها كله الحمدلله خلصت امتحاناتي ويبت معدل حلوو رفع وايد من معنوياتي عقب ماكنت زهقانه وملانه من التجهيزات احس اني سويت رفرش احين وبدت اجازتي وعلى طول سجلت في نادي رياضه عسب ينشط جسمي ويريح نفسيتي ..وسويت لي packages في سبا ببدا فيه قبل العرس باسبوعين ..

باجلي
احين اجيك ع الكوشه وزينة القاعه ..

ع فكرة بنات انا حجزت التصوير في استوديو أضواء المدينه بس عقب ما حجزت ربعي قالولي ان اذا ما تابعتهم عقب العرس يمكن يخربون الألبوم يعني يبالهم اول باول متابعه ..صح هالكلام ولا ..في وحدة مجربه عندهم وشقا طلع الألبوم ..؟

بالنسبه للمسكه انا ف مجلتي سويت عند هاي فلور وكانت وايد حلوة وراقيه يمكن اسوي عندهم حق العرس لان عندهم افكار وايدة ..بسوي مسكتي من الورود لان فستاني فيه كرستال وما ابا ادفش ..

وباجي تاج واكسسوار حق الشعر فيه وحدة عندها فكرة وين يبيعونه في الشارجه او دبي او بوظبي ..؟

وسلامي لكل العرايس ..

هلا عزيزتي
بالنسبه للتيجان
المحل اللي اعرفه تيجان في الشارجه
بس والله ما جد اشتريت من عندهم
بس سامعه انه عندهم اشياء حلوه

غالية الأثمان:
مرحبا السلام عليكم خواتي
اشحالكن عساكن بخير

الف مبروووك لكل عرووس
وعقبال اللي ما عرسن

اعرفكم بعمري انا عروس اخر يوم بشهر سته ان شاءالله
يعني في العد التنازلي
وكنت مشاركة ويا خواتي
في الجزء الاول

حبيت اوافيكم باخر موجز لأهم الانباء^_^
الحمدلله اختكم مخلصه كل شيء تقريبا باجيلي الميك اب والباااقه والزفه و
سرت باريس قاليري قبل البارحه الحمدلله وخذيت لي من لانكوم كريم اساس وكونسيلر وبودره وعلبة البودره
وتونيك منظف ومرطب بالحليب وعطوني وياه شنطه عوده واايد عيبتي لونها تركوازي وااايد حلوه وسيمبلز مال كمن شيء كريم على عطر

وان شاءالله ع الاسبوع الياي بكون مخلصه كل شيء

الباقه بعدني ادور لأن شيء فكره في بالي ابغي اسويها وان شاءالله احصل المحل اللي بيظبطلي ايها
مممم وشو بعد ... هيه الحين بديت نظام عنايه للبشره والشعر والجسم في صالون ووايد الحمدلله مرتاحه عليه

ممممم
يوم اتذكر بخبركن
واي استفسار عن اي شيء تراني جاهزه ولا يردكم الا لسااانكم
من عيوني والله

والله يوفق الجميع

هلا والله غالية الاثمان
ما شاء الله
شكلج مرتبه أمورج زين والله
الله يسعدج
ها
عطينا نصايح نحن عرايس الشتاء ههههههههه
شهر 11 و12 ؟؟؟

مرحبا بنات

انا عااد عرسي شهر 1 يعني مطووووووله

بس قلت بستغل الصيف ألقط فيه الاشياء الحلوه واللي احسها ما تتفوت

بس بغيت اسألكن وين احسن محل يسوي كوش غير ستايل غليري لانه ماليت منه

و بعد بالنسبه لقمصان النوم .. شوم المحلات اللي فيها قمصان حلوه و اسعارها معقوله

وبالنسبه للتصوير اتعرفون اي مكان يكون بمستوى العدسه و فوتوغرافيا ... لاني ابا مكان يديد محد سوا عندنه من اهلنا لانه اغلبهم سوو عند سولو و فوتوغرافيا و العدسه الذهبيه

اتريا ردكم

الغلا كله وفراشة بوظبي

ان شاء الله ارح ابتدي من هالشهر 6 القط بعض الاغراض ، وراح ابتدي بقمصان النوم والجلابيات ان شاء الله

الغلا كله وفراشة بوظبي(f)

ان شاء الله ارح ابتدي من هالشهر 6 القط بعض الاغراض ، وراح ابتدي بقمصان النوم والجلابيات ان شاء الله:gum:

الرسالة الاصلية كتبت بواسطة الغلا كله
فديت روحج يالفراشه
احس جنج اختنا العوده وتنصحينا خخخخخخخخخخخخخ
والله نصايحج ذهب
وزين ذكرتينا بفترة رمضان
انا سار عن بالي


انزين على طاري التنزيلات
اي وحده منكم خواتي تسمع انه في تنزيلات في محل معين تخبرنا الله يخليكم

هلا فيج غناتي
جني اختكم العودة اتوصى عليكم

بس عن تتحروني وايد عودة تراني صغيرة :gum:
خخخخخخخخخ

على العموم يوم سالت لاسنزا على نهاية خمسة عن تنزيلاتهم
قالولي على بداية 6 عندهم تنزيلات

بس ما ادري اذا صج في ولا لأ

ماقلتيلي انتي من اي امارة ؟؟؟

الرسالة الاصلية كتبت بواسطةhigh class

مرحبا بنات

انا عااد عرسي شهر 1 يعني مطووووووله

بس قلت بستغل الصيف ألقط فيه الاشياء الحلوه واللي احسها ما تتفوت

بس بغيت اسألكن وين احسن محل يسوي كوش غير ستايل غليري لانه ماليت منه

و بعد بالنسبه لقمصان النوم .. شوم المحلات اللي فيها قمصان حلوه و اسعارها معقوله

وبالنسبه للتصوير اتعرفون اي مكان يكون بمستوى العدسه و فوتوغرافيا ... لاني ابا مكان يديد محد سوا عندنه من اهلنا لانه اغلبهم سوو عند سولو و فوتوغرافيا و العدسه الذهبيه

اتريا ردكم

هلا فيج اختي عروس يديدة تنضم لنا

والله يوفقج ويتمم لج على خير

بخصوص التصوير هذي احلى المحلات اللي طريتيها

في عندج برافدا في بوظبي
بس ما شفت شغلهم عند حد من اهلنا

مشكلة هالمحلات اسعارها .... كل مالهم ويطمعووون

وان شاء الله حد يقدر يفيدج من البنات

الرسالة الاصلية كتبت بواسطة ceres

الغلا كله وفراشة بوظبي

ان شاء الله ارح ابتدي من هالشهر 6 القط بعض الاغراض ، وراح ابتدي بقمصان النوم والجلابيات ان شاء الله

والله يوفقج ويتمم لج على خير

ونبي اخبار اول المحصول:ok:

بنااااااااااااااااااات لاتنسوني من دعواتكم في ظهر الغيب

حالتي صعبة ومالي خاطر في شي موليييه

دعواتكم حق عمتي الله يردها لنا بالسلامة وباسرع وقت

فراشة بوظبي:
هلا فيج غناتي
جني اختكم العودة اتوصى عليكم

بس عن تتحروني وايد عودة تراني صغيرة :gum:
خخخخخخخخخ

على العموم يوم سالت لاسنزا على نهاية خمسة عن تنزيلاتهم
قالولي على بداية 6 عندهم تنزيلات

بس ما ادري اذا صج في ولا لأ

ماقلتيلي انتي من اي امارة ؟؟؟

هلا فراشتي العزيزة
يا ريت تتاكديلي من الخبر اختي
او اتدليني على طريقه أعرف اذا بيسوون ولا لا
الغلا انا مكس هههههههههه
نصي من راك ونصي من عيمان
وانتي طبعا من اسمج من بنات العاصمه

فراشة بوظبي:
بنااااااااااااااااااات لاتنسوني من دعواتكم في ظهر الغيب

حالتي صعبة ومالي خاطر في شي موليييه

دعواتكم حق عمتي الله يردها لنا بالسلامة وباسرع وقت

أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها

الله يهدي بالج
وبشريني يالغلا عن عمتج

ceres:
الغلا كله وفراشة بوظبي

ان شاء الله ارح ابتدي من هالشهر 6 القط بعض الاغراض ، وراح ابتدي بقمصان النوم والجلابيات ان شاء الله

ceres
خبرينا عن الاخبار اول بأول عقولة اختي الفراشه
يعني من وين اشتريتي؟؟ والاسعار