الجـزء الثانـي..تجهيـــزات عــــرايس الامـــــارات,,وحيالله عرايس خليجنا معانا,,

مرحبا شلونكم عرايسنا ............
1_ceresإختي مبروووووووووووووووك وعن الخلطات تحملي على روحج تراني قمت أتبع خلطات من المنتدى ويهي طلع فيه حبوب وألحين وقفت بس الخلطه مالت الأميره النائمه مغريه يمكن أسويها وعن الصالون ما أنصحج بصالون بافان روحي عند هيفا او غيرها من البنات إلي يمكيجون .

إختي فراشة بوظبي بصراحه نورتي بس عاد سامحينا أنا أول مره أشارك في موضوع مثل هذا وماكنت معاكم قبل عاد ابيكم تساعدوني وتوقفون معاي عرسي الشهر الياي .
ومبروك لأنج خلصتي التجهيز ولالله أنا حايسه بهذا التجهيز
إختي
Perfectionist
إنتي مثلي أنا عرسي آخر سته بس الفرق بيني وبينج إني بسافر مع ريلي وبنقعد بالخارج
هذا إلي موترني وعن مسكات الكرستال انا كنت بفصل سلاسل كرستال وقالت لي المصممه راح يطلع عليج بحدود ال700 وبعدين الورد ب200 قالت أحسن لا تسوين وغيرت رايي وأبي أشتريلي مسكة بس ما اعرف وين يبيعون وما أدري يمكن أسوي كرستال أحس بتلمه وبتطلع نايس


إختي توكه مشكووووووره الغاليه
على إهتمامج بصراحه إلي موترني إني بسافر ومب عارفه شنو أودي وشنو أخلي


إختي الغلا كله وينج أنا أترياج ابي اعرف شنو سويتي بتجهيزج ابي اساعدج وتساعديني

بنات بسألكم عن المكياج أبي آخذ رايكم إذا كان الفستان سكري عادي أحط ميكب مكس ألوان أنا خاطري بالمكس
والمسكه تكون مكس ولا لا ....ز



أبي رايكم

هلا فراشة بوظبي ممشكوره على إهتمامج ما أدري تحسين وايد على المسكه 700 درهم على اساس جذي أنا متردده بس أنا ما أقدر أسوي المسككه في بوظبي بعيد علي ما تعرفون يا بنات محل يكون بالشارجه يبيع مسكات كرستال أو فضيات تلمع وأنا احط فيها الورد



محد رد علي عن العقد إلي بلبسه في عرسي شايله هم كل شي



بنات الحمام المغربي بالصالون نفسه إلي نسويه بالبيت ؟ أنا متردده أروح الصالون لأني من شهر أربعه أسوي حمام مغربي كل أسبوع
وبعده أتفرك بالحنه أحس فتحت لي بسشرتي ونعمته


وأبي أصبغ شعري .منو تعرف محل يصبغ الشعر حلو وشنو الموضه ألحين لصبغة الشعر أنا خاطري بنحاسي مع خصل ملونه
بس أبيكم تعطوني أسماء صالونات
على اساس أختار واحد وأحط في بالي
اأنا قالولي عمرو أو صالون جانيت وهدى شرايكم بنات إي صالون أروح

Ceres

هلا ختيه ,, بصراحه أحس الصالون مخاسير ماله داعي ,, يعني ممكن تسوين في الصالون جلسات تقشير تنظيف بشرة حمام مغربي بس كريمات وهالسوالف احسن سوي بعمرج لانج تضمنين انها طبيعيه


وبعدين انتي استخدمي الخلطه اللي كتبتها اول شي ,, اللي هيه الفازلين ، الهمالايا ، زيت اللوز ، جلسرين ، جليسود ,,, وصدقيني ما بتندمين ,, وإنتي حطيها الفليل قبل لا ترقدين دهنيها على كامل جسمج ويوم تنشين الصبح تسبحي لانه ما ينفع تحطينه في الشمس لانه تظهر النتايج عكسيه ,,, وحاولي دامج انتي في البيت تستخدمينها لانها اذا ما نفعتج ما بتضرج

وبالنسبة للمكياج ليش تغامرين ,, حاولي تسيرين صوبها وتسوين بروفه اذا ما عجبج سيري عند غيرها تراها ليله في العمر ولازم ما تغامرين لازم تختارين الاحسن لانها بتم ذكرى طول حياتج ,,, وحاولي تجربين اكثر عن وحده ما فيها شي

فراشة بوظبي


هلا وغلا ,,, أول شي الحمدلله ع السلااااامه ,,, والمعووونه ع التعب

هاه بشرينا شو اشتريتي من هناك ربج حصلتي شي يسرج

عاد خبرينا شو سويتي وشو اشتريتي وشو ترتيباتج عشان العرس ؟؟ عشان يستفيدين العرايس

Perfectionist

هلا والله ,, يا مرحبا الساااع فيج


والله ماشي باقي عن عرسج ع الأبواب ,, موفقه الغاليه

والحمدلله انج خلصتي معظم أشيائج وموفقه بالبقيه


بالنسبة لأسئلتج

عن المكياج انا بصراحه بس اشوف صورهم ما قد جربت عندهم ولا حتى حد من هليه جرب عندهم ,, سيري وسوي بروفه عندها اذا عجبج توكلي على الله ,,, أهم شي تكونين انتي مقتنعه فيه

أما عن المسكه تراها لين الحين ماشية موضتها ,,, خالي كان عرسه الاسبوع اللي طاف وعروسته كانت مسويه مسكه بالكرستال بس كانت شوي صغيره تمنيتها تكون أكبر بيعطيها شكل ارقى ,,, تصدقين انا مره قاريه عن وحده عندها شقه تأجر فساتين عرس وتأجر بعد مسكات بالكرستال يمكن تلاقين شي عندها يعجبج

وهذي بعض من المسكات اللي تأجرهن حق العرايس



المسكة عبارة عن قلب مغطى بالكامل بالكرستال يتوزع في القلب على شكل ورود ويغطي الكرستال أوراق الورد و وسط الورود و تنزل منه سلاسل و كلمة (LOVE YOU )بالكرستال



المسكة فيها دائرة عشان تمسكها العروس و وتشل الكورة




و من الممكن فتح الكرة لوضع الورد الطبيعي




وهاي مسكه ثانيه








وفيه وايد اشياء عندها حلوه اللي تبا تسير لها بتلاقي اشياء حلوه


وهاي صور من الفساتين اللي تأجرهن






وبعد هالحرمه تسوي بطايق عرس بس عجييييبه









فيه اشكال رووعه


خخخخخخخخ جني مدحتها وايد ,, للأمانه تراني ما اعرفها ولاشي بس لاني شفت فساتينها رووعه وعجبني وتخبرتها وين مكانها قالت لي انها في شقة ورى مركز البستان اللي في دبي

واسم محلها الروائع

تقدرون تتصلون البداله وتاخذون الرقم منهم وهيه ممكن تدليكم للمكان لاني ما اعرف بالضبط وين مكانها


بس حبيتكم تستفيدون منها


أما عن اسعارها ما عندي خلفيه بس ما اعتقد غالي

توكه


هلا وغلا ,,, يا حياااج يا ختيه وان شاء الله تستخدمين الخلطه وتستفيدين منها ,,, بس تراني اقولكم الخلطه الثانيه مش مالتيه ولا استخدمتها بس ان شاء الله في الصيف بستخدمها لانه امبين عليها فنانه ^_^

مضاوي 991

هلا ختيه ,, تراه مب كل شي تقرينه ممكن ينفعج ,, انتي حاولي تاخذين الشي الطبيعي وبعد اللي يناسبج ,, لانه كل وحده بشرتها تختلف عن الثانيه وكل حد يناسبها شي

موفقه الشيخه

مضاوي 991:
إي صح نسيت أقولكم إني ما سويت الزفه وإلي تعرف محل عندهم زفات جاهزه تخبرني


وبعد ابي مسكة من وين خذتوا مسكاتكم
أنا مفكره افصل بس تكلفني 700 غير الورد شرايكم أفصل ولا أشتري
وبعد عقد العرس بصراحه ما بشتري ذهب وبيطيح على جبدي وأنا ما أحب ألبس العقود الكبار

وين يبيعون عقود أكسسوارات بس تكون مثل الذهب
لأني رحت سيدة لندن ما عجبني شي عندها وإلي تعرف بنات يأجرون عقود لا تبخل علي



بلييييييييييييييييييييييز بنات محتاجه لكم ساعدوني عرسي الشهر الياي

هلا بمضاوي..هلا وغلا
تعرفين أنا شو ناويه أسوي
في خيايط في عيمان يفصلولج عبي على شكل جلبابات
أنا عاد شو بسوي
بوديلهم قطع بني وبيج وكحلي
بخلي يفصلي اياهم بس قصار شوي تحت الركب بشوي انزين
وعادي بلبسهم فوق البودي والبنطلون بيطلع من تحت

عاد سوالف المسكه والعقد ما اعرف والله بعدني ما دورت

الأميره النائمه:
هلا صبااااااح الخير


اول شي يا حيااااكن يا عرايسنا اليداد وان شاء الله تستفيدين من البنات


بالنسبة لكريم الهملايا هوه عادي كريم عادي وانتي سايره الجمعيه او السوبرماركت وين مكان الكريمات الفازلين والنيفيا وهالسوالف بتحصلينه هناك عندهم كرتونته زهريه مع ابيض وعليها علامه اعتقد خضرا من تحت ,,, هوه مكتوب عليه الهملايا ,,, وهاي اصلا سر الخلطه لانه هوه الكريم المبيض من بين الكريمات اللي استخدمهن


وينفع للويه وللجسم بعد ,,, للامانه انا خالتيه مخبرتني هالخلطه ويوم استخدمتها الكل لاحظ انه بشرتيه تفتحت حتى خالي قالي ابيضيتي خخخخ بس ما استمريت عليها لانه دوام وعثره فقلت الحين برد لها ان شاء الله


أما عن خلطه الموز طال عمرج انا ما استخدمتها بس يمدحون الخلطه بس عن النعمه الله واعلم


بالنسبة للترتيبات والتجهيزات ما اروم افيدكن لاني ما جربت لين الحين ^_^


بس حاولن ما تاخذن شي منيه والدرب حاولن تاخذن الشي اللي تحسنه بتلبسنه خص اللي بيسافرن عشان دراسه رياييلهن لانه بيتم في جبدج هناك ,, ع الاقل هنيه اللي ما تبينه بتعطينه حد من هلج عقب لكن هناك الا جان بتفرينه وهذا حرام الا خساره فلوس


المهم ادري اني هذربت وايد بس اللي محتاجه اي شي انا حاضرة

هلا والله بالأميره
تسلمين
ان شاء الله بجرب الوصفه

ومثل ما قلتي لازم نحاسب ...مب نشتري اي شي!!

فراشة بوظبي:
مرررررررررررررررررررررررررررررررررحباااااااااااااااااااااااااااااااااااا


ماشاء الله كان حلم حياتي اشوف تجهيزات بنات الامارات قبل ما اعرس

الحمدلله اللي فتحوا المنتدى بعد هالغيبة الطوييييييلة

شحالكم شخباركم ؟؟؟؟

اشوف محد طراني على باله :shy:

انا انقطعت عنكم اول شهر اربعة لاني سرت السعودية للتجهيز
ويوم رديت حصلت المنتدى مسكر لين اليوم

بطلته جي اشوف بس
تفاجات انهم فتحووووه

يالله بالمبارك

انا عن نفسي خلصت كل تجهيزي ولله الحمد

باقيلي المكياج والعطور العربية هذي خليتهم لين بداية 6

لان عرسي في نص سبعة

واللي عندها اي استفسار انا حاظرة .........

هلا بفراشتنا
انتي كنتي نشيطه في الجزء الاول من الموضوع
واكيد بتفيدينا من تجهيزاتج

انزين شو رايج يالغلا تحطيلنا أهم الاشياء اللي تشوفين انه لازم نبدا نشتريها من الحين ...خاصه ان عرسي على شهر 12 ...أحس بعده وقت...شو رايج؟؟؟؟

Perfectionist:

السلام عليكم..

أنا أول مره أشارك وياكم..عرسي آخر شهر 6 ان شالله.. يعني جريب

أحلى شي سويته في تجهيزي إني طلبت قمصان النوم والبجامات والملابس الداخليه من موقع فكتوريا سكرت.. وموقع figleaves اللي يبيعون ماركات مختلفه مثل CK , D&G الخ

طلبت حوالي 9 قطع من فكتوريا سكرت وطلعن كلهن تقريبا ابـ 1300 !!

أنا بديت أجهز من شهر 3 واحسن شي اني ماتسرعت في الالبسه لانهم نزلو اشياء حلوه حق الصيف ماكانت موجوده من قبل .. وكل اللي كان في المحلات ألوان غامجه مثل الأسود حق الشتا، والحين نزلت ألوان حلوه.. الأصفر والأخضر.. والأبيض أحلى لون عندي للقمصان...

هاللي ممكن أفيدكم فيه =)

والأشياء اللي أباكم اتفيدوني فيها هيه:

1. المكياج حجزت عند صالون بيانكا.. اللي اتمكيج اسمها "ليلي" بس الصراحه مادري ليش خايفه وبعدني ماسويت بروفه.. في حد يعرف شي عن هالصالون؟

2. المسكه خاطري تكون كرستال مع ورد بسيط..لأنه فستاني أبيض ثلجي، والكوشه زرقا.. وقلت الكرستال بيناسب.. بس ماعرف هل مسكات الكرستال موضه قديمه ولا عادي؟؟

3. سؤالي الأخير لكم – وين يبيعون مكياج (مكياجي) في أبوظبي؟؟ أحيد كان في المارينا.. بس ماعرف وين اختفى.. بعده موجود؟؟

هلا والله Perfectionist
الله ايسرلج امورج
وزين ما سويتي انج تريتي
انا جيه ناويه
الملابس باخذهم جريب العرس
لاني بعيد عنك ...أسوي ريجيم...مليانه حبتين...بس حابه اخلي جسمي متناسق شوي
فبتريا يمكن يتغير قياسي
اما المعلومات اللي طلبتيها والله ما اعرف انا مب راعية بوظبي

توكه:
السلام عليكم ورحمة الله وبركاته ..

أختي الأميره النائمه .. أنا بعد داشه خاطري الخلطه الثانيه بجربها يوم بيخووز عني هالكسل الله لايبليكم :qaq:

أم عذبه فدييتج مشكورة ع أسامي الخياييط

الغـــ كله ـــلا .. أنا مثلج بعرس وياج بنفس الشهر بإذن الله .. ما شاء الله عليج شاده حيلج بالخلطات عقبالي يارب :sad:

مضاوي 991 أهم شي لاتتوترين وحاولي تستمتعين بهالحظاات ولا تحاتين أختي وتوكلي على الله بكل شي والله يسر لج امورج ان اشاء الله .. واسمحيلي ما اروم افيدج بالنسبة للمسكه والاكسسوارات .. ان شاء الله البنات مابيقصرون

ceres .. والله فكرت الصالون حلوووه وتنفع للكسالى امثالي :gum:

فراشة بوظبي الله يتمم لج على خير ويسعدج ان شاء الله

Perfectionist يا مرحبابج .. عن المسكه اتوقع الكرستال موضه وأحلى من رايي .. ومكياجي سمعت أن ماعندكم في بوظبي !!

هلا بتوكه
هي والله ياختي شاده حيلي بالخلطات

نصحوني أبدا من الحين لأنه الاشياء الطبيعيه تاخذ وقت لين يطلع اثرها
وانتي بعد حبيبتي ابدي لا تتريين...لانه ساعات على الاخير ما تلحقين...وراج ركيض السوق ههههههه

مضاوي 991:
هلا فراشة بوظبي ممشكوره على إهتمامج ما أدري تحسين وايد على المسكه 700 درهم على اساس جذي أنا متردده بس أنا ما أقدر أسوي المسككه في بوظبي بعيد علي ما تعرفون يا بنات محل يكون بالشارجه يبيع مسكات كرستال أو فضيات تلمع وأنا احط فيها الورد



محد رد علي عن العقد إلي بلبسه في عرسي شايله هم كل شي



بنات الحمام المغربي بالصالون نفسه إلي نسويه بالبيت ؟ أنا متردده أروح الصالون لأني من شهر أربعه أسوي حمام مغربي كل أسبوع
وبعده أتفرك بالحنه أحس فتحت لي بسشرتي ونعمته


وأبي أصبغ شعري .منو تعرف محل يصبغ الشعر حلو وشنو الموضه ألحين لصبغة الشعر أنا خاطري بنحاسي مع خصل ملونه
بس أبيكم تعطوني أسماء صالونات
على اساس أختار واحد وأحط في بالي
اأنا قالولي عمرو أو صالون جانيت وهدى شرايكم بنات إي صالون أروح

مضاوي بغيت أسألج مممممممممممم
وين خذيتي الحمام المغربي؟؟؟
وبغيت أسالج عن الحنا...بعد وين اشتؤيتيها وشقى تستخدمينها؟؟؟

الاميره النائمه

ممم

شو اسم هلعضوه اللي عندها محل الروائع؟؟؟؟

هلا والله الشيخات اعلومكن عساكن الا بخير بس؟؟؟
والله اني وايد فرحانه بردة هالنتدى الغاوي....
بانسبه لتجهيزي والله اني (انجزت) شوط كبير في فتره قياسيه:clap: >>>>>>>>>ما عليكن اهذرب وايد.....:gum:
اول شي فصلت لي فستانين والحمدلله طلعو كشخه على اللبس مع انهم هاديين
وفصلت فستان للصباحيه بس بسير وبغير الموديل مش مقتنعه فيه:sad: ....
وشريت فستانين يجننون من مركز المنال من دبي وخذيت بعد فستان من ابوظبي مول من الجعيدي.... ياي على بنطلون......
انا قلت كفايه...بس عقب طلع عرس اخت ريلي بعد عرسي باسبوع يعني يبيلي كشخه من الخاطر ولازم اخذلي كم فستان بعد...
شفت الذهب بس ما قدرت اخذ شي لانه موووووووووووووت غالي بس اليوم قالتلي امايه انه نزل...!:qaq:
بسير بشوفه ....على فكره انا خذيت من قبل كم شغله من المعرض اللي فتحوه فالعين....وخذيت لي طقم خفييييييييييييييييف وابوي يابلي طقم عود....من الرميزان
بس بعد يبالي.....لاني عروس:shy: ......
اكسسوارات والساعات مخلصه...
فصلت دراعتين كويتيات كشخه ضهرن.....
فصلت الكنادير مالوت البيت والضهره امات الخوار الكشخه...وان شاء الله بيين اول الشهر.....
المغربيات ما احبهن ولا ادانيهن فما باخذ
خذيت لي شيل سود بس بعد يبالي... وشيل صلاه طقمتهن على كناديري (((بسكن عند اهل ريلي)))...
خذيت بنطلونين واسعين جنز وثلاث ضيج وخذيت برمودات وخذيت تنانير قصار وبديات قصار وطوال وبدل ربع كم وخذيت الكليون ((الشراب الحرير اللي على لون البشره عشان التنانير القصار)))وخذيت الشراب الشبك ومن هالشغلات>>>>>>>((((ملابس الغرفه....عند حمود:cool2:))))
خذيت بجايم اربع قطن واربع حرير هذيلا اللي جي فيهن ازرار ....
وخذيت بجايم برمودات على بديات وشورتات وخذيت القمصان القطن اللي لين الركبه...
امممممممممممممم
وخذيت الملابس الداخليه اطقم الستيانات مع الكلوتات ((حركات ودلع)) وخذيت كلوتات اروحهن...
وخذيت قمصان نوم اوووووووووووف عالقمصان
خذيت 13 حبه بس 2 طوال والباجي كله قصير..منوع حرير وشيفون وشي دانتيلات.....
بس كلهم حلوين.....
خذيت 9 شنط تقريبا ونعلتين ترى ماشي عيبني من النعول الله يعزكن...
وبكملكم عقب ترى تعبت من الكتابه............

مرحبا العرايس

مضاوي 991

عزيزتي انا شفت مكياج هيفاء على عرايس في منهن حلو عليهن المكياج ومنهن لا:qaq: ، وانا سويت لي اشتراك في الصالون ورتبت وياهن الجدول وان شاء الله لموعد العرس تكون بشرة جسمي وييهي حلوه :shy:

اختي الاميره النائمه

والله يا اختي انا كسووووووووله بمسأله التجربه، يعني ممكن اجرب الخلطه اليوم واسبوع لا:sad:
ومثل ماقلتي اختي بروح واجرب مكياجهم احسن واشوف بنفسي كيف مكياجها:shy:


وبالتوفيق ان شاء الله للجميع(f) (f)

الرسالة الأصلية كتبت بواسطة الاميره النائمه

فراشة بوظبي


هلا وغلا ,,, أول شي الحمدلله ع السلااااامه ,,, والمعووونه ع التعب

هاه بشرينا شو اشتريتي من هناك ربج حصلتي شي يسرج

عاد خبرينا شو سويتي وشو اشتريتي وشو ترتيباتج عشان العرس ؟؟ عشان يستفيدين العرايس

هلا فيج غناتي ...
الله يسلمج ...
اخبارج وعلومج ....
ها بشرينا مافي اخبار مني مناك :cool2:

وبخصوص التجهيز من هناك الحمدلله
تقريبا 50% من تجهيزي خلصته هناك

واهم شي انجزته في السعودية كان فستان العرس
وخلال هاليومين ان شاء الله بيخلص
ادعيلي بس يكون مثل ما تمنيت

وفالج طيب بنزل رد يبرد خاطر عرايسنا الحلوين:shy:

المشاركة الاصلية كتبت بواسطة الغـــ كله ـــلا

هلا بفراشتنا
انتي كنتي نشيطه في الجزء الاول من الموضوع
واكيد بتفيدينا من تجهيزاتج

انزين شو رايج يالغلا تحطيلنا أهم الاشياء اللي تشوفين انه لازم نبدا نشتريها من الحين ...خاصه ان عرسي على شهر 12 ...أحس بعده وقت...شو رايج؟؟؟؟

هلا فيج غناتي
فالج طيب وماطلبتي شي
بعد هالتجيز احس عمري استويت خبرة خخخخخخخ

ولا يهمج بالرد اللي يسرج

هلا والله ريم حمودي

هلا بعرايس الجزء الاول

ماشاء الله عليج خلصتي تقريبا

وعلى قولتج الذهب شاب ضووووو

وانا مابشتري الا شغاب كاشخ حق يوم العرس وخاتم بسسسسسسسسسس

الباقي هدايا واول الهدايا كان طقم لولو من الوالدة الله يخليها

والاغلب عطوني بيزات عسب اشتري اللي ابيه

بتشرى اللي بحتاجه