الجـزء الثانـي..تجهيـــزات عــــرايس الامـــــارات,,وحيالله عرايس خليجنا معانا,,

بالنسبه للمخايير

سيري الشارجه

انا من بوظبي
و الاسعار نار

يوم سرت الشارجه

خيط عرسي بعد بيكوون شهر 7


سيري خيطي من هنااك
بس لا تشتريين كله قطن

لانه معظم قطعهم شيفوون و اوركانزااا


منطقه المجره

صوب مسجد ادورييش والله خباال

صبحكم الله بالخير
واقتربنا من موسم الأعراس بقوة

الله يعين الجميع إن شاء الله

مرحبا بنات


صباح الخير


اول شي حبيت ابارك لكن برده المنتدى مره ثانيه ,,, والله انه فتره صار علينا ما شفنا بعض


واكيد فيه بنات عرسن ولا حتى باركنا لهن



المهم بنات مبرووووك للي عرست واللي انخطبت ,,, وعقبال البقيه


اليوم انا داخله كنت ابا اتخبركن شو الخلطات اللي تسونها ع جسمكن ممكن تفيد العرايس



عن نفسي انا نفعت معايه خلطه وفتحت لي بشرتيه شوي


يعني انا الاول رقبتيه اسمر عن ويهي والحين احس انه رقبتيه صارت مثل لون بشرتيه



المهم انتم تقدرون تزيدون عليها او تنقصون لانه كلها اشياء عاديه


فازيلين ، جلسرين ، جليسود ، ليمون ، كريم الهاملايا ، وزيت اللوز


كله اخلطه رباااعه وحطيته في قواطي الكريمات واستخدمه يوميا بس لازم ما تظهرين في الشمس ,, يعني طول ما انتن في البيت استخدمه وكل ما حسيتي انه جف حطي شويه لانه يبيض ويرطب في نفس الوقت


وفيه طريقة بعد تقدرين تستخديمنه على ريولج انا شو كنت اسوي يوم انا في البيت ادهن فيهن ريولي والبس دلاق"جوارب" واقعد فيهن عادي ويوم اتمسح واخلص ارد احطه مره ثانيه بس تحملن ترقد فيهن لانه هب زين


بس شو قدن ريول قطعه من البياض والنعومه ^_^


يالله كل وحده تخبرنا شو تسوي وشو نفعها

مرحبا يا عرايس

بصراحه الموضوع جدا مفيد وانا ان شاء الله راح اكون عروس بشهر 11 واكيد هالموضوع راح يفيد كل عرايس الامارات:shy:
وحبيت اسال احد جرب مكياج غاده اللي بصالون بافان؟؟؟

وبالتوفيق لكل العرايس(f)

هلا بنات نورتوا والله نورتوا حبيبتي الاميره تسلمييين

بغيت اقولكم انا استعمل نفس خلطة الاميره وصج انها تبيض تراها بس حبيت اعرف انتي اي كريم من الهملايا اتحطين لتفتيح البشره

بنااات بيرشكا يايب بدلات مالت السفر حلواااااااااااااااااااااااااااات يحنن كله تنانير قصار واشياء غريبه روحوا قبل لا يخلصن

ويالله اشوفكم ع خير

هلا بنات نورتوا والله نورتوا حبيبتي الاميره تسلمييين(f)

بغيت اقولكم انا استعمل نفس خلطة الاميره وصج انها تبيض تراها بس حبيت اعرف انتي اي كريم من الهملايا اتحطين لتفتيح البشره:ok:

بنااات بيرشكا يايب بدلات مالت السفر حلواااااااااااااااااااااااااااات يحنن كله تنانير قصار واشياء غريبه روحوا قبل لا يخلصن

ويالله اشوفكم ع خير:salam:

مرحبا ختيه ceres


الف الف الف مبروووك وان شاء الله تكونين احلى عرايس شهر 11

اما عن سؤالج سمحيلي ما عندي اي خلفيه عنها فما اقدر افيدج الصراحه ان شاء الله البنات ما بيقصرن معاج ,,, ويا حياج في حزب العرايس مره ثانيه



أم عذبه


هلا والله ,,, بالنسبه للكريم ما اعرف شو تقصدين ,,, أنا استخدم اللي لونه زهري يكون في صف الكريمات ,, ويكون شكلين واحد صغير وواحد وسط انا خذت ثنينه من الوسط وحطيتهن في الخلطه


بس المصيبه هب مداومه ع الخلطه عسبة الدوام لكن ان شاء الله برد عليها الحين في الصيف


ومن أيام قريب خلطه شكلها حلووو بحطها لكم بس للأمانه انا ما استخدمتها بس قلت يمكن تستفيديون منها


الحين في الرد الثاني بحطها لكم ان شاء الله


^_^

******:
السلااااااااااااااااااام عليكم ورحمة الله وبركاته

هلااااااااااااا بنووووووووووتات

اشحالكم؟ شخباركم ويا الخلطات؟
اكيد متعذبين وراسكم داير صح؟!


بصراحه؟ انا جربت خلطه والله يشهد علي وعلى صديقتي وامها وخالتي وخواتي وامي... ان ماشفت احلى منهااااااااااااااااااااا

تطلع النتايج من اول يوم

يا بنات تبغون دليل اقوى؟!

يد خدامتنا.... هي واااااااااااااايد سمرا.. سودا... ويدها نفس الشي... خذت شوية من الخلطه وفركت ايدها فيها... والله العظييييييييييييم مفاجأه ... لدرجه انها هي (خدامتنا) تقول شو هذا؟ سحررررررر؟
صارت ايديها بنيه......بدل ما كانت سودا وبشكل واضح.. نضيييييييييفه


الخلطه للوجه وللجسم.. وخاصه اليدين والرجلين... جربتها على رجل امي وخالتي .. كانت عندهم سواد على الصبع الكبير ... رااااااااااااااااااااااااااح نهائيا من الفرك لمده دقائق
بس بشرط تدعون لصاحبه الخلطه الله يخليكم
يعني الخطوات هي...
تفكرين جسمج بقوة شوي ... وبعد الفرك تضيفين شويه من الخليط على الجسم او اليد او الرجل او الوجه وتخلينه نص ساعه او الى ان يجف... وبعدها شيليه بالتقشير بيدج او بالماي البارد ... وشووووووووووفي النتايج وادعي لي ولصاحبه الوصفه.. هي وحده مصريه وطيبه وحبوبه والحين عليها مشاكل ماديه... ادعوا لها

بالنسبه للوجه افركي ويهج فيه وبعدها حطيه كماسك لمده نص ساعه.. وشيليه بالتقشير بيدج او بالماي البارد...

الخلطه هي...وانصح كل وحده تسويها.... والكميه هذي كبيره وتكفي لعده ايام.. بس لازم تحفظونها في الثلاجه علشان ما تخترب وتبقى لفتره اطول..

هااااااااااااتوا ورقه وقلم واكتبوووووووووووها

قشور 3 موزات... بس القشور من غير الفاكهه نفسها( يعني كلي 3 موزات وخلي قشورها للخلطه )
بطاطا مسلوقه مع قشورها
نص ليمونه صفرا مع قشورها
كوب حليب طازج(حليب نادك او مراعي او العين او اي حليب حجم صغير) الحجم الصغير للحليب .. تحطينه كله.. لأنه يعادل كوب تقريبا

وبــــــــــــــــــس..

تاخذين قشور 3 موزات والبطاطا المسلوقه مع قشورها ونص ليمونه مع قشورها والحليب وتحطينهم بالخلاطه وتخلطينهم عدل عدل عدل...

يطلع لج لون بني

خذيه وحطيه في علبه زجاج ( علبه ورق عنب مثلا راح يوصل لاكثر من النص) وخذيه وحطيه بالثلاجه علشان ما يخترب

وخذي منه اللي يكفي ويهج ويدينج وريولج وجربيه بنفس اليووووووووووم حتى لو مب بارد

وشوووووووووووووووووووووفي النتايج الرهيبه

والله رهيييييييييييييييييبه جربيه وشوفيه

بس نصيحه.. افركي ايدج عدل فيها... وحطيه ماسك نص ساعه
والوجه افكريه بحركات دائريه لفتره 5 دفايق واغسليه وبعدين حطي كميه منها كماسك لمده نصف ساعه وشووووووووووفي الفرق


ممكن تسوينها كل يوم ماشي اي مشكله.. انا اسويها كل يوم.. بس افرك ويهي فيه وبعدين اخليه ماسك..وساعات بس اغسل ويهي فيه

وشوفي النتايج

صدقووووووووووووووووني البنات في الجامعه كلهم يسألوني ليش محلوة؟؟

يتني بنت بس علشان تسألني انتي ليش حلوة ماشالله؟؟ وصدقوني كله من هالخلطه

صارت لي اسبوع وشويه استخدمها... وكل اللي سواها تخببببببببببببببل عليها,, يتني مسجات يقولون تجنن هالخلطه..

جربيها وماراح تخسرين ... جد راح تنفع الكل... وانا بشرتي تحسس من اي شي.. لكن ما تحسست من هالخلطه بالعكس.. تحسنت وايد وخف الجفاف اللي فيها


:26: :26: :26: :26: :26: :26:

ادري طولت بس اسمحوا لي... قلت لازم اخبركم..

بس ادعواااااااااااااااااااااااااااا للبنت هذي الله يخليكم ان الله يفرج همهااااااااااااااااا

هذي الخلطه اللي اطريها واتمنى تستفيديون منها ,,, وإن شاء الله اذا استفدت او شفت اي شي ما بقصر فيكم


وانتن بعد لا تقصرن


سلاااااام

هلا ام الريم حبيبتي الزفه انا مثلج ادور بس فيه وحده بالمنتدى قالتلي عن واحد من اهلهم اسمه العاني شاعر ويسوي زفات بحاول خليها تدخل موضوعنا وتفيدنا انشاءلله

اللي تسال عن مخاوير راس الخيمه انا سامعه بانه عندهم القلاده وباخنر وخياك يوسف هاشف(سعيد)

وحبيت اقولكم يابنات عن مهرجان دبي تراه بيسون تخفيضات فاللي تزهب تبدى قبل 22-6 لانه ينزلون الاشياء الجديمه

والله ايعيـــــــنا

الاميؤه النائمه تدرين انا وصفتي الكريم بالمره غير عن مالج حطيلي ماعليج اماره المقادير كامله
بليييييييييييييييييييييييييييييييييييييييييييييز

اشوفكم على خير وسلامـــــــــــــــــه

مرحبا بنات عرايس 2006مبروووووووووك مقدما بنااااااااااااااااات أنا عروسه إنشالله بشهر 6 القادم متوتره واااايد لأني بسافر مع ريلي للدراسه برى ولازم أجهز لسنه يعني مو تامه بالبلاد مثل باجي العرايس
وبدا العد التنازلي ومومخلصه تجهيزي باجيلي وااايد ....

كنت كاتبه لكم تجهيزي على أساس افيدكم وتفيدوني لأني متوتره هالأيام ومب عرفه شسوي ..





بخبركم عن التجهيز بس بكتب لكم كل يوم شي ....
اليوم بخبركم عن قميص أول ليله بصراحه خذت قميص يجنن
شوي عليه مثل إلي عند نعومي الذهبي بس أنا خذته من محل إسمه فمنا في الميقا مول والفرق بينا وبين القميص إلي في نعومي السعر والشكل السعر عند نعومي 1900وإلي أنا خذته سعره 1350 ولونه إفوايت يعني سكري مع وردي منعباره عن قميص طويل ومن تحت دانتيل لين الركبع يعني على أساس الحنه تطلع
مع روب كله دانتيل ويلمه لمع خفيفه يجنن باللبس ...


بكمل لكم عن الباجي بعدين لانبي كتبت وكل شي إنمسح تعبت
بعدين إنشالله
على فكره بعد ما اكتب التجهيز أبي كل وحده تذكرني بالأشيا إلي نسيتها

مرحبأأأأأأأأأأأأأأأأأأأأأأ

هلا بإختي الغلا كله

بصراحه انا مثلج متوتره مب عارفه كيف بيكون لبسي هنا ك يعني لازم أشتري بدلات ساتره وأنا ما حصلت بصراحه بالإمارات ..ز
عن البدل ما أعرف كم تحتاجين تاخذين معاج
لأني ما أعرف إنت جم بتقعدين هناكك ......
أنا بتواصل معاج دايما وبخبرج بكل شي آخذه
يعني أنا باخذ البدل إلي ما تكون ساتره يعني البدله إلي بديها غير ساتر باخذ لها قميص عليها ويكون مفتوح من جدا أتمنى فهمتيني
وأعتقد البدل 8 كافي وروحي المصانع أنا عن نفسي أول مره أروح المصانع وأخذ كود تنانير ولبقت عليهم بديهات بس باجي آخذ قمصان أبيض وبيج وأسود على أساس تناسب كل بدلاتي
والبناطلين خذتهم وخذت عليهم من فوق شيفونات يعني لتحت الركبه من لايف ستايل مثل البدلات الكويتيه على أساس تكون ساتره والبنطلونات فصلتهم حطي في بالج إنج عروس وتحتاجين أشيا لأول أسبوع وللسفر لتشترين كل شي غالي بصراحة البيزات تختفي وتحسين إنج مب شاريه شي.وخذت سكارفات يمكن أربع
ملونات وخذت تحتهم الربطه الكويتيه الساتره .
وبعد بلبس جلباب هناك وأنا أعتقد إني بعد كل هذا برسي على الجلباب
للأسف للحين ما فصلت
بس بودي خام للمحلات إلي يفصلون عبي وبخليهم يفصلون لي جلباب مسكر مع شيلته يعني أعتقد كافي 3 لمدة 6 شهور
على فكره أنا كثرت من لبس البيت وشكلي ما راح أودي كل هذا
لأنهم في المطار يحددون جنطتين لكل راكب لا تزيد عن 32كيلو
الله يعين وايد أشيا ناقصتني شكلي ما بشتريهم والسبة الشنط أخافها ما تكفي وأنا اتوهق

طولت عليج









بنات سامحوني لي رجعه بخبركم شنو شتريت عسب تستفيدون وتفيدوني لأني حييييييل متوترت

إي صح نسيت أقولكم إني ما سويت الزفه وإلي تعرف محل عندهم زفات جاهزه تخبرني


وبعد ابي مسكة من وين خذتوا مسكاتكم
أنا مفكره افصل بس تكلفني 700 غير الورد شرايكم أفصل ولا أشتري
وبعد عقد العرس بصراحه ما بشتري ذهب وبيطيح على جبدي وأنا ما أحب ألبس العقود الكبار

وين يبيعون عقود أكسسوارات بس تكون مثل الذهب
لأني رحت سيدة لندن ما عجبني شي عندها وإلي تعرف بنات يأجرون عقود لا تبخل علي



بلييييييييييييييييييييييز بنات محتاجه لكم ساعدوني عرسي الشهر الياي

هلا صبااااااح الخير


اول شي يا حيااااكن يا عرايسنا اليداد وان شاء الله تستفيدين من البنات


بالنسبة لكريم الهملايا هوه عادي كريم عادي وانتي سايره الجمعيه او السوبرماركت وين مكان الكريمات الفازلين والنيفيا وهالسوالف بتحصلينه هناك عندهم كرتونته زهريه مع ابيض وعليها علامه اعتقد خضرا من تحت ,,, هوه مكتوب عليه الهملايا ,,, وهاي اصلا سر الخلطه لانه هوه الكريم المبيض من بين الكريمات اللي استخدمهن


وينفع للويه وللجسم بعد ,,, للامانه انا خالتيه مخبرتني هالخلطه ويوم استخدمتها الكل لاحظ انه بشرتيه تفتحت حتى خالي قالي ابيضيتي خخخخ بس ما استمريت عليها لانه دوام وعثره فقلت الحين برد لها ان شاء الله


أما عن خلطه الموز طال عمرج انا ما استخدمتها بس يمدحون الخلطه بس عن النعمه الله واعلم


بالنسبة للترتيبات والتجهيزات ما اروم افيدكن لاني ما جربت لين الحين ^_^


بس حاولن ما تاخذن شي منيه والدرب حاولن تاخذن الشي اللي تحسنه بتلبسنه خص اللي بيسافرن عشان دراسه رياييلهن لانه بيتم في جبدج هناك ,, ع الاقل هنيه اللي ما تبينه بتعطينه حد من هلج عقب لكن هناك الا جان بتفرينه وهذا حرام الا خساره فلوس


المهم ادري اني هذربت وايد بس اللي محتاجه اي شي انا حاضرة

مشكوره يا اختي الاميره النائمه على ردج:shy:

بالنسبه لي راح ابتدي بالعنايه بالبشره والجسم والشعر بالصالون، قلت الاشتراك احسن، لاني مااقدر ادوام على الخلطات يعني يوم استعملها وعشره لا، فقلت الصالون احسن :gum:
وان شاء الله راح ابتدي من اول شهر 6 ليوم العرس عشان تكون بشرة جسمي ووجهي احلى ليوم العرس:shy:
وانا من اليوم شايله هم المكياج والتسريحه :sad: وبنات مدحولي غاده حق المكياج (صالون بافان) وسكون للتسريحه، فقلت خل اسأل عنهم:sad:

وبالتوفيق لكل عراسينا (f)

مرررررررررررررررررررررررررررررررررحباااااااااااااااااااااااااااااااااااا


ماشاء الله كان حلم حياتي اشوف تجهيزات بنات الامارات قبل ما اعرس

الحمدلله اللي فتحوا المنتدى بعد هالغيبة الطوييييييلة

شحالكم شخباركم ؟؟؟؟

اشوف محد طراني على باله :shy:

انا انقطعت عنكم اول شهر اربعة لاني سرت السعودية للتجهيز
ويوم رديت حصلت المنتدى مسكر لين اليوم

بطلته جي اشوف بس
تفاجات انهم فتحووووه

يالله بالمبارك

انا عن نفسي خلصت كل تجهيزي ولله الحمد

باقيلي المكياج والعطور العربية هذي خليتهم لين بداية 6

لان عرسي في نص سبعة

واللي عندها اي استفسار انا حاظرة .........

السلام عليكم ورحمة الله وبركاته ..

أختي الأميره النائمه .. أنا بعد داشه خاطري الخلطه الثانيه بجربها يوم بيخووز عني هالكسل الله لايبليكم :qaq:

أم عذبه فدييتج مشكورة ع أسامي الخياييط

الغـــ كله ـــلا .. أنا مثلج بعرس وياج بنفس الشهر بإذن الله .. ما شاء الله عليج شاده حيلج بالخلطات عقبالي يارب :sad:

مضاوي 991 أهم شي لاتتوترين وحاولي تستمتعين بهالحظاات ولا تحاتين أختي وتوكلي على الله بكل شي والله يسر لج امورج ان اشاء الله .. واسمحيلي ما اروم افيدج بالنسبة للمسكه والاكسسوارات .. ان شاء الله البنات مابيقصرون

ceres .. والله فكرت الصالون حلوووه وتنفع للكسالى امثالي :gum:

فراشة بوظبي الله يتمم لج على خير ويسعدج ان شاء الله

Perfectionist يا مرحبابج .. عن المسكه اتوقع الكرستال موضه وأحلى من رايي .. ومكياجي سمعت أن ماعندكم في بوظبي !!

Perfectionist

اختي ماشي محل مكياجي في بوظبي

وبخصوص الصالون اللي سالتي عنه ربيعتي دوم تسوي عندهم مكياجها

بس انا اشوفه وايد سمبل وخفيف

لو تسوين بروفة وتشوفين شغلهم يكون احسن

مضاوي 991

هلا اختي
هدي نفسج وخلج من التوتر

بخصوص المسكة وايد 700 درهم عىل مسكة وبدون ورد بعد
انا اعرف محل ازياء اليوم اللي في مدينة زايد يفصل واسعاره اقل عن جي

وعندج محل الظبيانية سويت عنده مسكتي الملجه بــ 450 درهم وتركيب الورد عند اماني بـ 250 درهم يعني المجموع 700 درهم واحسه وايد

في العرس بسوي اكسسوار بسيط جدا وبشتري الورد اللي اباه حق المسكة وانا بركبه ومابيكلفني شي ...