الغـــ كله ـــلا:
هلا والله غالية الاثمان
ما شاء الله
شكلج مرتبه أمورج زين والله
الله يسعدج
ها
عطينا نصايح نحن عرايس الشتاء ههههههههه
شهر 11 و12 ؟؟؟
هلا وغلا بكل عرايسنا
هلا والله بالغلا كله
الحمدلله رتبنا
بس نصيييييييحه
اول شيء قسمي مهرج
وطبعا راعي غلات الاسعار احينه :sad:
ونصيحتي عقب ما تقسموونه حطوه في أظرف الرساله
عسب تستغلين درهم ردهم
المهم عقب انصحكم بموضوع اختي ام عدول:clap:
وااايد وااايد فادني عن تقسيم المهر
وحاولي تنسقين
عسب تخلصين قبل العرس بشهر
هيه وصح
استغلو التنزيلات احسسسسن استغلال نصيحه والله
:clap: :clap:
واي سؤال انا حاضره
هيه وان كنتم حابين تعرفون شقايل :clap: قسمت مهري
بحطيلكم جدولي
المهم انا بخبركم شقا قسمت مهري وو جهزت بس عاد تحملوني واااااااااااايد بهذرب بصدع راسكم :
اول شيء جهزت دفترين واحد عود في البيت والثاني نوتبوك
الدفتر العود في البيت والنوت بوك في جنطتي 24 ساعه
المهم ...
نرد لتجهيزاتي
اول قسم خصصته تحت اسم
# ملابس البيت :
ومقسم لكذا قسم :
1. قمصان النوم:1 طويل بروب
1وردي طويل من دون روب
و5 عاديين شوي قصار ( أطوال متعدده ) و2 قمصان نوم مع بناطيلهم
و بالنسبه للقطنيات عندي 2 طوال و1 شورت وقميص
وخذيت اشياء حلوه انتو فاهمين شو قصدي اشياء دلع من ماكس رووووعه قطنيات وحراير بس اسعارهم واااايد روعه ومب غاليه خذت تقريبا 4 تقريبا نفس لاسنزا تقريبا
وخذت من المعرض القمصان الطويليه القطنيه اللي من عند الصدر فيها دانتيل
خذيت عدد 6 من الملا بلازا
يعني شطبت الحمدلله على هالسكشن . ^_^
2. ملابس داخليه ..خذيتهم من سبلاش وسناء يعني ما كثرت وااايد كاجوال
واتريا اخذلي كم وحده من لاسنزا بس مب احين شوي عقب
وخلصت هالسكشن .
3. ملابس البيت ( الدلع )
يعني خذيت فساتين خفيفه
وخذيت من المعرض فساتين صينيه عدد 3
وخذت قمصان صينيه تعرفون مفتوحه من الظهر تنربط
من ورى بخيط واحد ومن جدام مسكر
ويعني بنطلونين وكمن تنوره قصيره من برومود ايام التنزيلات وكمن قميص من دون اكمام .
# ملابس الخروج :
ومقسم لكذا قسم :
1. مخاوير :
ريلي وعمتي يموتون على المخاوير وانا اطريت اني اخور 9
وخورتهم في الشارجه والحمدلله واااايد طلعن حلوات مشاءالله .
2. جلابيات فخمه :
خذيت لي من كل بستان زهره ^_^
خذيت لي:
1. مغربيه لونها مشمي.
2. وحده بحرينية من عتيج الصوف لونها اخضر وذهبي.
3. وحده كويتيه على شكل فراشة لونها اسود وتطريزها برتقالي .
4. وحده من اليشمك خذيتها حق الصباحيه عند اهل ريلي لونها تركواز وتطريزها كله ذهبي وتتكون من قطعتين وشكلها فرعوني وووايد راقيه تطريزها من جدام وورى .
5. ووحده لونها عنابي وذهبي حركتها حلوه تتكون من قطعتين وحركتها وايد حلوه .
6. وحده فوشيه من الهودج .
^_^ وهالسكشن وخلصناه الحمدلله
3. الفساتين
الصراحه هالشيء شوي مضايجبي امايه تباني اخيط وايد وانا مابي اخيط وايد
تعرفون الجسم يتغير عقب العرس واميه مب مقتنعه الله يهداها وانتي بتحضرين هنيه وهنيه يعني
المهم الفساتين
1. مال ملجتي
2. فستان ليلة حنتي.
3. شريت قطعة قميص من امارات مول وااايد من افتر شوك ونصيحه سيرو له اسعاره واايد حلوه فتحو واحد احينه في المارينا القطعه واايدحلوه وفيها
فصوص وتطريز وباجيلي اخيط لها تنوره بس .
4. شريت واحد من مابوتيك لبناني
5. وواحد في السعوديه
4.أطقم الخروج :
خذيت لي كمن بدله
وتنانير من برومود ايام التنزيلات
وكل ما عيبني شيء شريته يعني مب من محل واحد
5. العبي والشيل :
خيطت طقمين مال اعراس وحده من نوران
ووحده من خنجي
و2 عاديات من فير ليدي
ووحده على الراس من دبي
وخذيت لي كمن شيله على كل لون شيله من لوزان ونوران .
وخذيت لي شيل ملونات مع قمطات وشيل دانتيل حبيت اني ما لبس وقايات البيت اول ايام عرسي بحكم اني عروس حبيت اغير وتعلمت تقريبا شقا يلفون الحجاب الكويتي ^_^ وناسه والله بس باجي اضبطه عدل .
^_^ والحمدلله خلصيت سكشن ملابس الخروج .
# مستلزمات الاناقة :
ومقسم لكذا قسم :
1. لوازم الاستحمام :
خذيت لي شنطة فوط ومناشف 12 قطعه
ومنشفة للشعر مثل الطاقية .
2.الإكسسوارات :
1. الشنط : استعيلت وااايد اني خذيت لا وبعد كنت اخذ كل شيء يدخل خاطريه اخذه واخر شيء يوم رتبيتهم تخيلو اغلب الالوان عندي طلع الغوامج بيج وبني واسود انقهرت واااايد لأني انا امووووت على الجنط وكنت حابه اخذ كذا لون اغير شوي ابغي اخذ على الاقل ازرق وبيج واحمر واخضر واااايد متحسفه والله . بس الحمد لله على كل حال
المهم
2. الجواتي ( عزكم الله )
خذيت لي من كذا مكان
والحمدلله من كل بستان لون ^_^
3. الذهب :
خذيت ووايد كان غالي
بس الحمدلله على كل حال
خذيت لي طقمين اصفر
وحيول
وخواتم
وعندي طقم ابيض
4. الاكسسوارات :
خذيت لي 4 طقوم
و بعد تراجي عوده ومتنوعه
وخواتم وسلاسل
5. الميك اب :
خذيت لي من باريس قاليري من ماركة لانكوم
( كريم اساس , بودره, علبة البودره, كونسيلر,)
وبعدني ما شريت البواجي
وان شالله بشتريهن
6. العطور والدخون :
ريلي يحليله مب مقصر واي شي اقوله بخاطري ياخذلي يعني هو متكفلي بهالشيء
بس انا خذيت سينما
سيت كامل امور امو
عطور زيتيه من ذي بودي شوب عدد 2 ريختهم عذاب
ولوشن وجل من الكوليكشن اليديد
7. اكسسوارات الشعر :
الحمدلله نوعت وخذيت لي واايد
مممممم
وبس
وشيء سكشن اسمه متفرقات
اللي فيه بيكون
السيشوار والاشياء اللي مب اساسيه
وهالسوالف
طولت عليكم ادري
سامحوني حبيبات قلبي
بس حبيت الكل يستفيد
واي شيء انا حااااااااااااااضره اي سؤال انا حاضره