الجزء الخامس من تجهيــــزات عرايس قطــ2006ــر

swairah

هلا فيج حبيبتي ويالله ننتظر مشاركاتج وخبراتج معانا :)

بنات جزاكن الله خيرا وماقصرتوا

أختي البطه المشتطه >>>>>>>>>>كشخه اسمج يذكرني بالكتوت الاصفر اللي في توم & جيري

المهم ألف شكر حبيبتي بس ما قلتي لي من هذه اللي تحف لج بالطريقتين أنا المشكلة أن الشعر سميك فبعضه يتقطع والثاني يكون توه صغير يقولون ما يروح بالحلاوة............تعقدت خلاص


أختي دوحانية
أنا حفيت من قبل بكل الطرق الماكينه والحلاوة والموس أعرف الحين ودج تزنطيني(في بنت تحف ريلها بموس) بس هذي أنا ادري غبيه عاد أنا شعري بوحه سميك وزته والحين متورطه..
بس بغيت أسألج من وين شريتي ماكينة براون وبكم

طولت عليكم
جزاكـــــــــــــــــــن الله خيرا

ويييييييييييييييييييييييي
وييييييييييييييي
وييييييييييييي
عظم الله اجرها سحابه حب والله اني داشه علشان اخد ارقام من الخاص الا شفت التعازي قلت اعزي الله يرحمه برحمته ويسكنه فسيح جناته
اللهم إغفر له و ارحمه و عافه و اعف عنه و أكرم نزله

ووسع مدخله وأغسله بالماء و الثلج و البرد

و نقه من الخطايا كما ينقى الثوب الأبيض من الدنس

وأبدله دارا خيرا من داره وأهلا خيرا من أهله

و أدخله الجنه و أعذه من عذاب القبر وثبته عند السؤال

اللهم آمين


شوشو
منوره معانا وان شاء نستفيد منج وتستفيدين منا

عروس قطر
السموحه على اللقافه شوي بس ليش انتي تعرسين هناك الي نعرفه ان العروس تتزوج في ديرتها واهل المعرس اهم الي يجون؟؟
المهم الله يوفقج ان شاء الله

بناااااااات بناااااااااات خبروني
الحين من الي بتعرس اول وحده فينا ومتى تاريخ عرسها خلنا نخوفها شوي ونسوي لها فلم مرعب:dd: هههههههههههههههه
اقصد نأزرها

هااااااااااااااااااي بنوتات

هلا غلا دبي حياج الغاليه بنا...وتسلمين على الكلام الحلو...

اممممممممممممممممم
روز قطر ليش غيرتي عن المركز العالمي؟؟؟
خخخخخخخخخخخخ شسوي فضول...

روح قطر
والله انا دايما احف حلاوه مصريه بس ماحسه تشيل الشعر الصغير
بس انا اساسا شعر جسمي خفيييييييييييييه ...
بس تحسين بالفرق اذا حفيت... اما الظهر اخاف اغامر والله شكلي بشقره...

ام الشيوخ ياحليلج ماباقي شي لج
بس اسبوووووووووع ...........

حبر ورق
ودي ارد عليج بس الخط صغيييييييييييييييييير وماشوف شي اسمحي لي..

بطبوطه <<<يعني البطه المشتطه
فديتج طرشي لي رقم هذي الي تحف بالطريقتين...
لاتنسين ترى انتفج واطبخج....

مجنونة قطر
تنفعين يحطونج في دعاية فيت والا ماكينه براون والا امجوي خخخخخخخخخخخخخخ
وطيري من النعووووووومه....

شــــوشـــــو
شوفي حبيبتي اي شي بتشترينه من هناك ماتلاقين وحده فقطر عندها
مثلها ..من جلابيات وشنط وجواتي وبدلات....
اما لما تشترين شي من هنيه تلاقين نص قطر عندهم مثله وخااااصه العبايات,,
يبه روحي هناك والي تقدرين تخلصينه هناك خلصيه...
والله نصيحه.....
امممممممممممممممممم المشكله خلصت تجهيزات والا كان وصيتج بقائمه طووووووووووويله...
هههههههههههههههههههههههههههههههه بالتوفيق الغاليه..

هلا فيج سويره بين خواتج...


حبر ورق الحين بصبصت شوي هاه عرفت اقرا كم كلمه خخخخخخ
والله براون انواااع بس اخر وحده الي فيها ليت يمدحونه سعرها350
وفي وحده يمدحونها بعد بس موووس...

سوري لقافه رديت عليج ...


ابرار الوادي ...
تعالي حبيبتي ياربج مارحتي ركض لفت ول
امس رحت له سالت عن الاساس الي سالتي عنه لقيته مخلص
عليييييييييييييييه اقباااااااااااااااااااااااال رهييييييييييييييب...


لابدوره انا في كل مكان....

دوحانيه
مشكوره حبيبتي وقولي الاماكن الي تعرفينها فيها عبايات حلوه
وربي يوفقج
بنت قطر فديتج النور نورج ربي يوفقج

عروس فرش هههههههههههههه من نصيحتج شكلي ما بخلي شي الاخذته
واحم كح كح الحمدالله خلصتي تجهيزات هههههههههه امزح شوفي يمكن تبين شي يمين يسار ناقصج شي
ويعطيج العافيه عالرد

عروس فرش:
هااااااااااااااااااي بنوتات

اممممممممممممممممم
روز قطر ليش غيرتي عن المركز العالمي؟؟؟
خخخخخخخخخخخخ شسوي فضول...

....

هلا وغلا

غيرت عنه لان انا ابي اروح مرات يوم الجمعه والمركز العالمي اللي تحف هناك صارت اجازتها

الجمعه علشان جذي غيرت ودايموند اقرب لي :)

ترا حتى الحف عندهم اوكي بس انا ماجربته شخصيا رفيقتي حفت حق عرسها عندهم وتمدحهم مادري

هلا بنوووووتااات

بغيت اخذ ارائكم بهالعطووور اشرايكم : واذا تكرمتوا اذا تعرفون اسعارهم بالحجم الصغير اكتبووهم لي:

عطر شانس صغير

عطر سينما صغير

ديور أديكت.صغير

عطر كوكو شانيل صغير

وبغيت اخذ ارائكم اي احسن كولكشن اخذ سينما او شانس؟ومن شنو يتكونون واذا تعرفون اسعاارهم؟

وااشوفكم بعدين

مشاء الله عليكم يابنات الله يوفقكم بغيت اسال خطيبة الغالي وينها مو اهي الي افتحت الجزء الخامس
طمنونا عليها

هلا نوور قطر ماادري اشفيهم البنات اختفوا فجأة وبعد كلاسيك اختفت وخطيبووه ودلووعه عسى المانع خير

هاي قايزات
دوحااانيه.... والله اليوم مريت وجيتي في بالي سمعي
في محل يهههبل والله مال اثاث اسمه ((المعرض الراقي))
وايد حلو الصراحه وان شاء الله اكون فدتج

المهم بنات ماقلتولي رقم صالون الشيراتون بليز...ويصير يعني تجيني وحده فوق عشان تحطلي؟؟
سو يو بعدين

مساكم الله بالخير ..

**

سويرة ..
هلا فيج أختي و حياج الله معانا ..

**
حبر وورق
اي اشدراج إني أبي أزنطج ؟!!!! شخليتي عيل ؟؟
اممم شوفي أنتي الحين استمري على الحلاوة المصرية و خليها كل شهر .. و في كل مرة تخلصين الشعر الصغير شيليه بالمكينة
عادي ..
و قبل الحلاوة استخدمي سكراب الجسم عشان يشيل الجلد الميت و الشعر اللي تحت الجلد يطلع .. و ما بيتعبج لما تشيلينه ..
بس أهم شي تستمرين على الحلاوة المصرية .. تتفقين مع وحدة تجيج كل شهر تحف لج عادي ..
و مرة عن مرة بيخف الشعر بإذن الله ..
والمكينة خذتها من لولو السد بـ300 وشي ..

**
بنت قطر ..

ترتيب العرايس جذي : عروووس قطر - أم شيوخ - عروس فرش - عروس الدوحة ... الخ .

**
شـــوشـــو

عندج مركز بوهيل في دبي .. كأنه سوق فالح عندنا لكن العبايات عندهم شي شي ..

و عندج محل في البستان روميو أو رومو .. للعبايات عندهم تشكيلات فخمة تصلح للعرايس ..

عندج محل في المنال اسمه بشار فوق .. حق قمصان النوم اخذي لج منهم .. تشيكلاتهم حلوة و هاي كواليتي .. و أسعارهم مناسبة

إذا تبين قماش للفساتين .. عندج بوكيه في المنال فوق .. اممممم القطع اللي عنده غير تماماً عن الفرع اللي في قطر ..

سوق التنين الصيني .. حق الفوط و المفارش <<-- نفس المفارش لقيتهم هني لكن أغلى ..

إذا بتاخذين لج ملابس .. دايماً اخذي من المحلات اللي مب موجودة هني <<-- نظريتي ^^

اخذي لج غلا زايد - دخون فزاع - المخمرية بالزعفران <<-- من علياء القمر في الملا بلازا ..

إذا تبين حراير للجلابيات أو للفساتين الناعمة .. روحي للمحلات القريبة من سوق نايف ..

هالمحلات كلها في دبي .. أما أبوظبي ما قد رحت لها ..

**
عروس الدوحة ..

اسمحي لي ما أعرف اسعارهم .. أنتي لا رحتي السوق شوفيهم بكم و كاسريهم ..

وبخصوص الكولكشن اللي تلقينه منهم اخذيه إثنينهم حلوين ..

**

اللي ما حطت الشريط في توقيعها تحطه .. و كل وحدة تكتب تاريخ يوم عرسها متى ..

البنات اللي اختفوا .. مفتقدين مشاركاتكم

هلا الغالية أم شيوخ ..

وين مكانه هالمحل ؟

و تسلمين فديتج ..

دوحانيه حبيبتي والله ما اعرف بالضبط بس انا كنت راحه طريج العزيزيه ويوم في رجعتي تذكرته

هلا ياعرايس شخباركم ؟

وييييييييي شوقتوني ابي اعرس مره ثانيه الصراحه ، وأبي عرسي ينعاد نفس ماهو بس بشرط ابي اقعد مع المعازيم عشان اشوف احداث العرس اول بأول وأعيشها خاصه الرقص لووووووووووووول

جد كل ماسمع كلام الناس عن عرسي اقول مايصير ينعاد مره ثانيه ، يقول زوجي بعيده لج بس بعروس جديده إهي إهي يبي يقهرني ، بس عاد اردها له اقول له وان ابعيد بعيد عرس مع معرس جديد فرررررررررررررش احم احم إن كيدهن عظيم

المهم طلعت عن الموضوع ، بس حبيت اساعدكم بكم شغله من دفتري اللي مسويته من 3 سنوات تقريباً

للعلم أنا عروس 2004 يعني صار لي سنتين :)

يالله تفضلوا :

إغراض الجمعية :
شامبو + معجون + صابون للوجه ( أو ممكن مقشر من أي ماركه تستعلينها ) صابون الجسم + ليفة الجسم ( وعندكم بودي شوب ) + قطن جونسون تحتاجونه ( انا عن نفسي مااستغني عنه خاصه اللي نفس الكوره ) + فرشاة أسنان ( خذوا 2 لج وحق بوالشباب ) + معطر للجو + كريم ( عني اخذ دوف عشان ازيل الكحل اللي نازل تحت العين ) + كوتكس ( سوري عذروني بس لازم اكتبه ) + كير فري وضروري جداً للأستعمال اليومي خاصه للمتزوجات حديثاً + غسول حميم ( من ماركة كير فري لغسيل المنطقه ) بس عاد لاتكثرون استعماله ( يفضل استعماله قبل النوم لغسيل المنطقه ) وأنتوا عارفين ليش + فريشي ( مناديل معطره للشنطه ) + فاين صغير للشنطه + منظره صغيره ( ممكن تاخذونها من أي مكان وإذا معاج علبة البودره مايحتاج ) + ديودرنت + مدخن صغير + ولاعه + فحم سريع الاشتعال + مقراض ( 2 لج وحق بو الشباب وفي شنطه فالبودي شوب شريتها من فتره سوده صغيره فيها كل شي ) + ملقط + مبرد + أسيتون + مشابيص هههههههههه ينفعون وانتي رايحه تغسلين وجهج او بتتمكيجيين او ممكن الاستعانه بكليبات صغيره + عود أذن + رغوه ( للي تحب تسوي شعرها كيرلي + سبراي شعر ( شريته وماحتجته بس يمكن انتوا تحتاجونه + بلك مربع ( محول كهرباء ) + مناديل مزيلة المكياج .

ممممممممم هذي الاشياء اللي انا شريتها واكيد في بنات يحتاجون اكثر منها ، وبنات مايحتاجون الا نصها ، يعني كل وحده وحسب استعمالها .

يالله ادعولي الله يهون علي ويرزقني بالطفل الصالح المعافى الحسن الخُلق والخِلقه


ولي عوده إن شاء الله

مب مشكلة الغالية .. خير إن شاء الله : )

قطر !!

وينج حبيبتي ما شاركتينا من زمااان ..

اقول العرس ترى مرة وحدة خاصة إذا لقيتي بو الشباب الـ full options ^_^ سوي لج عرس ويااه كل يوم ..

الله يهنيج و يوفقج و يرزقج الذرية الصالحة ..

و زودينا بخبرتج .. و أنا أبغي أسألج سؤال :

لما جهزتي .. العروس في خاطرها تشيل السوق كله .. لكنها تتحسف عقب إنها ضيعت فلوسها ,, أو شرت و ما استخدمت ... الخ

وشو الأشيا اللي خذتيها و شفتيها فادتج عقب العرس .. و العكس ؟

هلا بنات

دوحانيه فديتج تسلمين والله ع الرقم وام شيوخ بعد فديتها ماقصرت ارسلته لي .. =)

كلاسيك وخطبطب ودلوعه وعمري قطر وعذاري وباقي البنات وينكم ارجعو شاركو بالموضوع .. ^^

شوشو مثل ماقالو لج البنات العبايات والشيل في دبي حلوه واايد لا تفوتج روحي بو هيل وروحي الغرير والستي بعد فيه محلات عبايات.. وصح كلام دوحانيه اشتري من المحلات الي مو موجوده بقطر ..

امم ماذكر مين اسألت عن ماركة ميبيلين تلقونها في لايف ستايل وفي كارفور بعد ..

عروس الدوحه بالنسبة للكولكشن احس سينما أحلى من تشانس .. تشانس ماحبه وايد ماحسه مميز كوكو مدموزيل وكوكوشانيل ونمبر فايف والحين بعد نزلو عطر جديد الور سنسويل بعد حلو .. وعندج بعد لانستانت من جيرلان نزلو واحد جديد عجيب ومس ديور بعد حلو لا يفوتج .. ماعرف الاسعار اسمحيلي بس مس ديور اعتقد الصغير بـ 297 ان شاء الله ما اكون غلطانه بالسعر ..

ام شيوخ اتصلي 180 واخذي الرقم ماباقي شي كلميهم عشان تدبرين امورج لو ماعندهم ..

حبر وورق خلي عنج الموس وحفي كل شهر بالحلاوه احسن وبيخف الشعر ..

هلا بالبنات الي انظمو للموضوع وموفقين عرايسنا .. =)

السلام عليكم

أختي عروس فرش
كبرت الخط عشان عيونج الحلوين و أبد ما فيها لقافه ومشكوووووووووورة عالرد

أختي دوحانية
جزاكِ الله خيرا
تعرفين وحده تحف OK بالحلاوة المصرية

RoO7 QtR
والله هي مرة وحده وندمت بعدين


مشكوووووووووورين كلكم يابنات

مساء الخير


أم شيوخ عندي رقم الشيراتون اتصلي واهما بيحولونج على الصالون الحين بدزه لج على الخاص

عروس الدوحه

انا احس ان عطر سينما وشانس احلى شي واسعارهم ماعرف كم بالضبط روحي باريس غاليري وشوفي