الجزء الخامس من تجهيــــزات عرايس قطــ2006ــر

دوحانيه ماوصلني شي ؟؟ انتظر رسالتج على احر من الجمر

شــــــــــوشو ياقلبي تسلمين الغاليه تروحين وترجعين بالسلامه..

ياقلبي في مواضيع بنات الامارات حوسي فيها تلاقين المحلات
وكل شي في موضوع بس نسيت من نزلته...
ترى بعد فالشارقه في اشياء حلو ومصانع عجمان بعد يمدحوووننها واايد..

عروس الدوحه
حبيبتي انتي من متى مارحتى محلات العطورات..
ياعمري وااايد عطووور انزلت روووووووووووووعه احلى من هذول بووووايد
روحي خذيلج لفه انا اليوم رحت باريس غاليري..خذت برايفت كلوكشن من ستيلودر
وشميت عطر جنفر لوبيز اليديد رهيييييييييييييييييييييييييييييييييييييييب بس كان مخلصت
دايما حظي جذيه لما اسال عن شي طلع مخلص....وبعد شنو اي مس ديو بعد جربيه
في ناس عجبهم في ناس لا....اي وفي عطر بولقري نسيت شسمه بعد روووعه لايفوتج..
ولتذكرت شي بقولج...

قطر
يسلموووو على القائمه المفيده والله ذكرتني باشيا كنت ناسيتها..
الله يعطيج يرزقج بالي فخاطرج ويهون علييييج يارب....انتي فاي شهر؟؟لقافه..

حبر ورق

خخخخخخخخخخخخخخ اي جذيه كبري الخط الحين شفته
ههههههههههههههههههههههههههههه

هلا بجميع العرايس الحلوين



انه كنت اقصد اعرف وحده اقصد صديقتي هذي طريقتها تحف بالحلاوه في البيت بروحها وبعدين تروح الصالون تشيل الشعر الصغير

بالحلاوه الهنديه اي بالخلق ........انه احف في صالون دايموند بالخلق




انه اكثر شي تحسفت عليه يوم كنت اجهز هو الجواتي والصنادل شريت بالهبل تقولون السوق بيسكر ومالبستهم كلهم


تدرون ليش لاني حملت على طول وهم اغلبهم كعب عااالي وعقب الولاده مالبستهم حسيت راحت موضتهم صاروا مال اول ههههههه

هلا بنات

ام شيوخ انتي اتصلي وحجزي ومااعتقد لو ليله عرس طلبتي وحده وقلتيلهم عروس مايجونج الا بتلقينها في ثااانيه عندج

دوحاانيه مشكورة يالغاليه وهي مب مشكله الاسعار لكن لاني خلاص كرهت الاسواق وطلعه فبعطي اخوي مبلغ ميزانيه اللي حاطته وبخليه يشتريهم فخاف ينقص ومايزيده ذيك سااعه لو اموت ماراح يروحلي مرة ثاانيه زين بطلعت روح واافق يشتريهم عني (خبرج طمااعه ابيهم كلهم)

يااهلا فيج قطر وانتي احلى عروس وبتمين عروس وانا لومنج اسوي عرس مرة ثاانيه ههههههههه

روح قطر مشكورة حيااتي بس انا ابغي هالعطورات ادري في غيرهم واحلى بس انا ابيهم نفسهم

مشكوورة فديتج وردة العشاااق

حبر وورق كان ودي اساعدج بس دوحانيه وفت وكفت وانتي ماشاءالله عليج ماخليتي شي والا واستعملللتيه خخخخخخخخ

شوشو ياهلا فيج تروحين وترجعين بسلامه

عروس فريش اادري حبيبتي ان في غيرهم نزلوا بس انا ابيهم نفم ماابي غيرهم فيني طبع اذا تعودت على عطر مااقدر اغيره الا بعد مده ومصيبه اشتري وانسي الاسعااار

الكبر شيييييييييييين

ماادري ليش احس اني اكبر منكم (عمري 24)

يله كل وحده تقوول عمرهاااا؟؟؟(بنسووي تحقيق)

البطه المشتطه انا اللي صج تحسفت عليه قمصان وبجامات نوم شرريت واايد لدرجه اني نسيت واتنااسي كم شريت عشان مااعور قلبي وعاقبت نفسي مااشتري ولا قميص نوم ولا حتي بجاامه وحده ((((((((((((((عقاااااب)))))))))))))))

بنات ابغي كل وحده تقولي تجربه اختها مرة اخوها المهم في الهديه شيسوون لاني ولاعمري طبيت هديه ولااعرف شنو يسوون ؟وعادي اذا اهل ابوي ماجاوا لاني اعتقد ماراح يجون اصلا هم شووي وغيره هذا مالهم في زيارات وامي لازم تجي؟وخواتي لازم؟

وشنو احط وشنو نسووي فهموني (خبره تحت سالب)

متي ادش ؟وكلشي بتفصيل ابي شرح مفصل؟

اااادري بتقولون لي الهديه على اهل ريلج صح بس انا اابي ااعرف ماابغي جذي قااعده مثل هبله مااعرف شي

==========================================

صح ابغي اسئلكم اللحين حق توزيعات العرس انا موعارفه كم يكلف؟ عشان اقول لزوجي يحط بحساابه

وكم سله ؟ وشنو ناخذ كاكاو بيتي فور فطاير انتم قولولي ؟مع ذكر اسماء محلات ؟

وكلشي عندكم خبرروني

دوحانيه وروح قطر وعروس فرش حبايبييييييي تسلمووووووووووووون وماقصرتو

دوحانيه حبيبتي ترى انا مو مخطوبه ولا بتزوج :dd: ومع ذذي فديتج ماقصرتي تسلمين حبوبه

عروس الدوحه

بالنسبه للتوزيعات

فطاير صغار من الاوبرا اوالضيافه اوهيديارد او شوبان


بيتي فور من الاوبرا اوالبتيل او تحطين نوع ثاني حلويات غريبه بس لازم تكون صغيره احلى شوفي محل شانيل في سلوى


ومحل هضيم عنده التمر الي اشكال بعضه مغطى بكورن فليكس وبعضه بالمكسرات وايد حلو وبعد موالح من عند روان الي في النصر والاليزيه عندهم كيكات صغار حلوين للتوزيعات





وشكولاته من باتشي او ركن الشكولاته او جيربيرا وفوشون بعد عنه شغلات تصلح كتوزيعات

مشكووورة اختي البطه المشتطه

هااااااااااااااي قيزااات........

بنات الي تعرف سحابة حب اطمنا عليها بلييييييييييز...
وين باقي البنات...ترى صرت اخاف اذا اختفيتوا...
انشالله المانع خير...

بطبوطه الله يخس بليزج فرحتيني قلت الله اكيد هذي
عجييييييييييييييييييييبه فالحف...خخخخخخخخخخخ

عروس الدوحه امممممممممممممممم
ترى ودي اذبحج اشتري العطور اليديده...
خخخخخخخ الكبر شين ههههههههه

امممممم اوكي انا اقولج خذي طقم سينما
حلوو...وديو اوصفي لي شكله يمكن اعرف شكله وناسيه الاسم
خخخخخخخخخخخخ شنسوي الكبر شين.......

عن التوزيعات روحي لمسيس انا شفت وحده مسويه توزيعاتها عندهم
تهبل والله اظن سوتها 1500..بس مادري كم حبه..روحي انتي وشوفي..

اما عن الهديه
اصلا لازم هلج كلهم يحظرون اقصد امج وخواتج واذا عندج حريم حوانج
اما عن هل ابوج اذا تقصدين عمامج وجذيه...لاعادي ماعتقد ضروري
يحضرون...
وماعليج شي حبيبتي غير انج تكشخين بهالفستان والمكياج والتسريحه وترزين عمرج
ببتسامه حلوووووووووووووووه وتصويرين...بس...

مشكووورة اختي عروس فريش ماقصرتي يالغاليه

هلا كلاسيك عاش من شااافج وينج من زماان مادخلتي والله فرحت لما قريت اسمج تحت

بنااات والله من اي احد يغيب مده تخرعوووني دلوعه وخطيبوووه وووينهم؟؟؟؟؟

بس حبيت اسلم لاني مسافره
وبرد اطل عليكم بالليل اذا قدرت
ادعوااااااااالي ربي يوفقني محتاجه دعواتكم

عروس الدوحه 00000

هلا بالغالية00000000

الهدية الله يسلمج لازم يحضرها اكبر عدد من هلج وقرايبج وجيرانج ومعارفج وصديقاتج0000000

واذا ما عندج وايد مب مهم00

وبخصوص امج00

عييييييييييييييييييييييييييييييييييييييييييييييب تروح00الا فضيحة كبرى00خخخخخخخخخخخخخخ

اعتقد لان الام حزينة على فراق بنتها00وان تستقبل الاهل اللي بيطلعون من عندها للهدية00واشياء مثل هذي000

وبخصوص خواتج المتزوجات لازم يروحون والبنااااااااااااااااااااااات00لااااااااااااااااااااااااااااااااااا
بعد فضيحة يروحون00000

وبخصوصج 000
تروحيين بيت هلج اتعدلين عندهم وتروحين حق الهدية عند اهل المعرس جنج عروس جديدة0
وتطلعين مع مجموعة سياير فيها هلج والجيران والمعارف000
لان ايتجمعون عند امج ايباركون لها00ويطلعون معاج 00حتى لو بيت المعرس جيرانكم0000000

هذي الهدية باصولهااااااااا
وترى روعة وشعور عمرج ماتنسينة لو صارت جذية000

الهدية الي بعضهم ايسونها الحين00

العروس لو ساكنة عند اهلة اتعدل في غرفتها وتطلع للضيوف00

والخوات البنات ايجون وجنة العيد000***بس بعض الحضور بيتنقدون عليهم من وراهم000
والجيران ماينعزمون واذا انعزمو ما تقول لهم ام العروس ان القهوة عندها وان يطلعون مع بنتها 000
فيروحون بروحهم00

تبين الصراحة000
الهدية اللي جذي مالها طعم ولا احساس العروس بالفخر والغلا من اهلها00

اذا تبين الهدية اللي على اصولها قوليلي وانا احطها بالتفصيل الممل
لانه جزء كبير على اهل العروس00000

وهي الا هدية وحدة في العمر000000000

وبالتوفيق للجميع00000

صبااااااح الخير بنوتات...

العفو حياتي عروس.........

دلوعة قطر
تروحين وترجعين بالسلامه
وتبشرينا بكل خيييير..

دلوعه قطريه

تروحين وتردين بالسلامه ان شاءالله والله ييسر لج امورج يارب وينولج اللي في بالج قولي آمين

بنات حبيت اقولكم عن محل شوبان اللي بمجمع العمادي على مااظن عنده سندويتشات صغار حق التوزيعات وايد وايد حلوة

وكشخه للي تبي توزيعات للعرس وعندكم بعد هيدديارد حق الشوكولا حلو

ممممم وباتشي لاتنسون ..

الله يوفقج دلوعتنا :) تروحين وتردين بالسلامه يارب

عروس الدوحه ..ضيفي على محلات التوزيعات محل اسمه "الذواقة" هذا فيه موالح وحلويات مغربية غريبة وروعه وطعمها جنان وبيتي فوراتهم بعد روعه وصغيره فلللله للتوزيعات شوي غالي بس حق عرس يستاهل التجربة :)

وكبتشينو الخيام فكره حلوه ترى للضيوف اهم يجيون ويسوونه ويوزعونه في اكوابهم انا شفت في عرس مسويينه حق كبار الضيوف VIP بس حسيت عيب انه يتوزع على بعض الناس والبعض الاخر لا...حتى قلت حق رفيجتي ليش مسويه جذيه؟؟ فشيله في حقكم...اتقول بالعماله خخخخخخ عشان متهاوشين مع خوات المعرس "العروس اختهم" خخخخخ قلت لها بس صج عيب فشيلة هاوشتها :) فاذا بتسوون شىء خلي يكون بتنسيق وياهم "اهل ريلج" احسن عشان لاتصير اي حساسيات وسوء فهم

بنات انتبهوا حق هالتفاصيل ترى تخلي النفوس شايله وانتو مب ناقصين :)

وماسيس فللله بعد مثل ماقالت عروس فرش...وعندهم حلا القهوه روعه روحي مري عليهم وذوقي واختاري

ولاتنسين الشوكولاته ترى اللي تسوينهم ام حمد القطرية "الماركات" شكلهم روعه وتحفة...وهي تاخذ الشوكولاته من المناسبات على ما قالت لي :) يعني من برا حلووفخم ومن داخل طعمه بيكون لذيذ

السلام عليكم

اهلين :)

اخباركم ....
حبيت اسلم كلكم وخصوصا عروس الدوحة اللي صادتني خخخخخخ
انا احاول دايما اني اطل عليكم بس المشكلة اني مشغولة وااااايد
هلالايام مع الدراسة


نورة الدوحة:
ممكن تحطين تفاصيل الهدية بالضبط زين انا اول وحدة باتزوج شاسوي هناك بروحي بدون امي وخواتي :(

دلوعة قطرية
تروحين وترجعين بالسلامة والله يحفظج








جني قريت عن دايموند للمغربي امممممم انا ما انصح فيه جرحت جسمي
هل الشهر ابدى عناية مكثفة وباروح حلا وباسوي هناك

دوحانية ممكن رقم الهنديةاللي تحف

اممممم وشو بعد
في وحدة بتروح دورة منال العالم خاطري اروح بس ماعندي وقت

نور الدوحه :) الله فله شرحج للهدية يالهل انا اطالبج بالتفصيل الممل واللي ابو الممل بعد خلينا كلنا نستفيد قولي لنا من طق طق لين سلامو عليكو

كلاسيك :) هلا بالطش والرش والماي المعبا بالغرش ...وحشتيني والله افتقد مشاركاتج المميزة يالدعله ( من سبك حبك) خخخخخخ

انزين شنهي دورة منال؟ لايكون طبخ !! لا انا لو باخذ دورة بتكون مكياج بس طبخ ماحتاج ولااظنج تحتاجين ;)

عروس الدوحه...تذكرت..ترى عطر شانيل مس ديور شيري ...هذا تحفه وحلو للعرايس لايفوتج بتلاقينه في البيت الحديث لحقي عليه قبل لايخلص لانه جابوا منه كمية وخلص بسرعه من السوق من كثر ماهو فنان وعجيب وريحته حلوه انا شخصيا عندي الغرشة العوده وخاشتها مابي استخدمه الحين لانه فعلا عجيب للعروس