الجزء الخامس من تجهيــــزات عرايس قطــ2006ــر

الرد 500 أرجومنكم الانتقال للجزء السادس الحين بفتحه واتمنى محد يكتب بعدي :)

مشكوره حبيبتي الحلم ما قصرتي

اشلووووووونكم خواتي بنات المنتدى ان شااء الله الكل بخير

يحليلها ام شيووووخ ......... الله يوفقها ويسعدهااا يارب


يالله ننطر كلاسيك ....... اتيب لنا الاخبااار



اشوووفكم على خييييييير

خطبطب
يالله ان شاءالله تجي كلاسيك وتطمنا عليها

hba
سعاد البلوشي طبعاً

عمري قطر
اي ابتهال مادري شصاير لها بالفتره الاخي
كله ماترد على التلفونات واذا ردت تقول مشغوله


خطبطب
ويييينج ليش مافتحتي السادس
؟؟!!!!!!!!!

السلام عليكم

سوري خطبطب اذا رديت هينه بس خلاص تعبت ابي انام
سحابة سوري بس كنت انطر خطبطب تفتح الجزء السادس

بصراحة ماعندي شي اقوله الا الله يوفق ام شيوخ ويسعدها تستاهل والله
كانت تجنن فستانها حلو شعرها مكياجها .. واحلى مافيها ابتسامتها .. يعل ربي يوفقها ويهنيها
عاد انا قعدت قريب الستيج عشان اشوفها من قريب
خخخخخ وزفتها حلوة اول شي حسيتها خايفة " طبيعي " وعقب صارت تضحك وتبتسم
ماشاء الله عليها والله اني اشوفها وادعي لكم كلكم

اممممم الكوشة كانت حلوة والطاولات كان شكلها راقي بيج وذهبي
الضيافة حلوة وعجبتني
اللي يضيفون اوكي

اي مسكتها كانت غريبة عجبتني فكرتها لي ردت بالسلامة ان شاء الله باسئلها وين سوتها

وبس .. عاد استحيت اروح اسلم عليها ويوم تجرات باقوم الا يقولون بيجي المعرس

خخخخخخخ احس اني خربت عليها حلاتها هي تقولكم التفاصيل هذي



وان شاء الله الله يوفقها ويسعدها لانها تستاهل كل خير حبوبة وطيوبة وتهبل

الفال لكم ولي :)

الله يسعد أم شيوخ و يوفقها .. فديتها والله ..

غالية و تستاهل كل خير .. : )

الفال لعروستنا الجاية .. الدور على من ؟ أظن عروس فرش ؟

**

خطيبة الغالي ..

منى اللي تسوي حمامات زيت .. هي السودانية ؟

..

و يا جماعة ترانا مفتقدين عرووس الدوحة .. و ين مختفية ؟

بنات تسلمون على هالصفحه المميزة واللي استفدت منها واااااااااااااايد ماقصرتوا والله

بنات عرسي في الصيف والفال للبنات اللي ماعرسوا لين الحين المهم لين الحين ماجهزت وانشالله بروح الاسبوع الجاي البحرين والخبر علشان اتجهز هناك وحبيت اشتري من هنيه مفارش سراير وين اشتريهم ابي شي راقي لارخيص ولا غالي عادي يعني ... لاتقولون لي داليدا لاني رحت له وايد غالي..
وابي بعد افصل لي فستان للهديه... وين افصله شرايكم انتوا ؟؟؟
رحت للمصمم اسمه نايف ( خياط مرياج ) اللي بالسد بصراحه غالي عالفاضي
قولولي وين اروح ؟؟؟

طيب قطر حاولت اطرش ل رد على سؤالج على الخاص بس ترى الخاص عندج متروس ومايستقبل والاجابة هي:-
1. شريفة المهندي
2. صالون سما (سناء او هدى)
3. آمنه شاهين

ياحليلها ام شيوخ :) الله يوفقها يارب وترجع تقول لنا التفاصيل ..........كلاسيكو..شكلك صج كنتي تعبانه لانج ماتكتبين التفاصيل اللي تبرد القلب ...اخ بس لو اصيدج بانتفج تحريييييييييين !! :pain:

صاجه يا دوحانية..المره اختقت مره وحده...وينج عروس الدوحه عسى المانع خير ؟!

العنود :) الله يوفقج حبوبه........بالنسبة للفستان شوفي "انوني" في شارع السد اللي جنب كافتيريا "واي نوت" خياطة ممتاز

بالنسبة للمفارش ..فيه خيارات محدوده هنيه وبما انج بتروحين السعودية ترى هناك احلى وتشكيلة اكبر

هنيه بتحصلين في السلام، الصالون الازرق، هاي لاند، BHS، محلات سوق الاحمد مالت المفارش، BED And Bath في سوق الاحمد بعد، وفيه محلات غاليه موت بس صراحه حرام يعني مفرش ب14 الف !! شدعوه عاد ..فماله داعي احط اسمائهم خخخخخ

تسلمون على هالصفحه المميزة واللي استفدت منها واااااااااااااايد ماقصرتوا والله

بنات عرسي في الصيف والفال للبنات اللي ماعرسوا لين الحين المهم لين الحين ماجهزت وانشالله بروح الاسبوع الجاي البحرين والخبر علشان اتجهز هناك وحبيت اشتري من هنيه مفارش سراير وين اشتريهم ابي شي راقي لارخيص ولا غالي عادي يعني ... لاتقولون لي داليدا لاني رحت له وايد غالي..
وابي بعد افصل لي فستان للهديه... وين افصله شرايكم انتوا ؟؟؟
رحت للمصمم اسمه نايف ( خياط مرياج ) اللي بالسد بصراحه غالي عالفاضي
قولولي وين اروح ؟؟؟
وابي بدلات كشخه لاستقبال المهنئين ... وين الاقي هالبدلات ؟؟
جنها طولة السالفه ومصختها الشيخه العنود :bigsmile:

البدلات..السعودية بتلاقين اشكال واسعار احلى

من هنيه يمكن تحصلين في ...جلامور..وفي السلام اللي في المول....وفيه هاي لاند...وفيه مجمع امبوريوم فيه ماركات حلوه تقدرين تلبقين لج تنورة على بدي او جاكيت او بلوزة من نفس الماركة

ويمكن بعد تحصلين بدله حلوه تصلح لهالمناسبات في انوتا او برومود او دبنهامز في الستي سنتر

يبي لج تحوسين عدل :)

تسلمين حبيبتي ماقصرتي
بل ماداني الحوس كلش وعوار الراس <<<<<<<< العنود

بنات وينها خطبطب ما افتحت لنا الجزء الجديد
خلاص بنات لحد يرد بعدي >>>>>>>>>ختامها مسك لوووول

بس حبيت على اختنا العنود
حبيبتي بالنسبه للمفارش ارقى شي شفته بقطر انا وطفلتي بمركز المانع ب 4000 ريال 10 قطع عاد كله شغل مخمل وقطع مطرزه وتور مكسر وكريستال احلى من اللي بهاي لاند والسلام

والصالون الازرق عندهم الاوف وايت بالدانتيل حلو بس لو لحقتي عليهم وقت التنزيلات احسن ... وفوط الصالون الازرق احلى شي

والبدلات روحي السلام الفرع الرئيسي عنده بدلات كشخه ... واذا بتسافرين شوفي لج بالخبر انا انشالله اليوم بسافر الخبر

اي وحده تامرني على شي والا خاطرها بشي ما يردها الا صبعها لووووول وانشالله برجع لكم يوم الاحد


::::::::::::::::::::::::
وبختمها بزغروطه لاحلى عرووووووووووسعه ام شيووووخ كلوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووولووووووووووووووولييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييشششششششششششششششش

مع تمنياتي لج بحياة سعيده وهانئه وبالتوفيق انشالله دنيا واخره

عمري قطر :

الخياط اسمه كاتكوو وصلنا له بعد طلعة روح لانه يوصف لنا غلط بالتلفون ، لكن حواليه خياييط وايد في هالسوق ، بس انا مادخلت الا كاتكو وضاع يومنا فيه ، وخبرج الام الظهر والحمل ماقدرت اروح محلات ثانيه ، ولأني كنت مستعجله بروح الشهبندر أخذ طقم تظييف للمستشفى .
بس انتي شوفي كاتكو لكن مانصحج الحين تروحين له لان ماعنده شي جديد كله فراشات ، نطري اشوي يمكن ينزل شي جديد ، وبعد قبل ماتتفقين وضيعين وقت معاه سألي عن السعر قبل ، لان انا سويت وحده فيها شغل وايد ب250 وبنت خالتي مسكينه مافيها شي قال لها 350 عصبت عليه وخذت قطعتها ، لان الجلابيه كلش ماتستاهل وعاديه مادري ليش ضرب فالسعر .

بس انا جلابيتين طلعوا علي ب500 ريال .

ونصيحه قماش الجورجيت يطلع حلو عالجلابيات شايفته على كم وحده وعجبني ، بس روحوا الديره اشكالهم حلوه .
وبعد الحرير حلوين للجلابيات .

قطر مشكوره حبيبتي ومثل ما قلتي احلى شي الحرير للجلابيات الكشخه والشانتون بعد
ولجلابيات البيت مافي احلى من الجورجيت الالماني والحين صاروا يستخدمون التور الاسترج