الجزء الخامس من تجهيــــزات عرايس قطــ2006ــر

مرحبا :)
بصراحه معاج حق يا خطبطب..مافي مجال اقرا كل اللي فاتني..خلاص شكلي بكمل معاكم
بس عاد اتحملو اسئلتي المعاده والمنتدى منور فيج حبيبتي وبالعرايس الحلوين..
وبخصوص اخباري فوالله بين الجامعه وتجهيزات العرس...وبصراحه يبيلي اعتني بجسمي
وشعري لان جد مهملتهم..عاد وين تنصحوني اسوي حمام زيت وحمام مغربي؟؟..بصراحه
انا ودي بحد ايجيني البيت,,كنت حاجزه عند سميره اتجيني هالاسبوع بس شكلها مع سفرها مطنشه الكل!!

وعروس فرش بالنسبه لحف الويه فانصحج باستوديو1 اللي في النصر..
بصراحه يحفون بضمير وبالاخص الباكستانيه اللي عندهم شغلها اوكي.. وحبوبه ممكن
اطرشين لي رقم ام مجد وجربتيها قبل ولا ؟؟

والحلم الهادي يسلمو على المعلومات الحلوه بس وين برايج احسن مكان للفيشل؟
لاني بصراحه جربت اكثر من مكان وحسيته عادي..ابي مكان بروفشينل :D

وصج نبي التواقيع بليز...نبي نتابع العد التنازلي ونعرف تواريخ عرووس بعض وخاصةً
اني منضمه متاخر وما عندي فكره عن تواريخ عرايسنا الغاليات :)

خطبطب
جربتي منى

عمري قطر
ابتهال

برنسيسة قطر
ماسيس

عروس فرش
انا بعد انصدمت فيها
"سميره
فوين سويتي تنانيرج؟!


مسكيييينه ام شيوووخ
ماندري شلون نفسيتها

?!?!!?

وينكم

الحلم الهادي ...........

جربت منى قص وتسريحات بس مدحون حمام الزيت الي تسويه

عروس فتفوته ...........

هههه زين انتبهتي انتي لوماقلتي انج عروس جان فكرتج ولد :)

عمري قطر .............

ولايهمج الحين ارسل الارقام....... وترى منى تسوي سشوار حلو

أصدق احساس ................

الحين برسلهم

حلا قطر .........

هلا وغلا فيج......امممممممممم الحمام المغربي انا حجزت عند مغربيه اسمها ام ياسر ..........وحمام الزيت عندج منى تسويه لوتبين فالبيت .........ولايهمج اسالي الي تبين واخذي راحتج بالنا وسيع :)


سحابة حب ........
جربتها قص وسشوار وتسريحات اوكي وايد وحليوه بس حمام زيت ناويه قريب

حياتي ام شيوخ اكيد عالكوشه الحين :)

ماعليج امر طرشي لي رقمها

ويمكن لين الحين مانزلت
مسكييييييينه ماندري شخبارها
ياريت لو كان في مراسل فالعرس
:)

سحابة حب ولايهمج الحين ارسله ......... لايمكن نزلت او توها بتنزل ........ننتظر كلاسيك تجيب الاخباااااااااااااااار

اي والله مسكيييييينه ام الشيوووخ..!!

مايندري عنها الحين نزلت ولا...
يلا الله يوفقها...
الا خطبطب متى عرسج انتي..؟؟
وع فكره ترى نكج واايد عاجبني (*_*)

السلام عليكم ورحمة الله

انا فرحانه حق الغاليه

اكلم اختي اقول وحده بتعرس اليوم تقول اكيد وحده تقول من اقول ما ادري اختي شبتقول



الغاليه الله يسعدها ويهنيها ويربط بينها وبين زوجها ويجعل بينهما مودة ورحمه

والله الترتيبات الي تربك بس تفتك من سوالف العرس تتفرغ مع ريلها وتفتك من كل الي راح وحياه جديده

السلام عليكم ورحمة الله وبركاته


عزيزاتي حبيت اسأل عن :
اماكن تجهيزفستانالخطوبة من تفصيل وقطع قماش ... الح
وين ممكن الاقيها ؟؟
وبعد اريد اسأل عن سعاد البلوشي وآمنة شاهين اي وحدة تظبط المكياج ؟؟
شكرا .

السلام عليكم ورحمة الله وبركاته


عزيزاتي حبيت اسأل عن :
اماكن تجهيز ملابس الخطوبة من تفصيل وقطع قماش ... الح
وين ممكن الاقيها ؟؟
وبعد اريد اسأل عن سعاد البلوشي وآمنة شاهين اي وحدة تظبط المكياج ؟؟
شكرا .

السلام عليكم ورحمة الله وبركاته


عزيزاتي حبيت اسأل عن :
اماكن تجهيز فساتين الخطوبة من تفصيل وقطع قماش ... الح
وين ممكن الاقيها ؟؟
وبعد اريد اسأل عن سعاد البلوشي وآمنة شاهين اي وحدة تظبط المكياج ؟؟
شكرا .

hba

حبيبتي انه فستان خطوبتي خذت القطعه من العيسائي اللي في الستي وكاااااااااانت واااااااايد راقيه القطعه الصراحه..
وعندج محل تاااش أو البنفسج <<هااي أحس ارقى شئ..!!

لو تروحين الخبر او السعوديه تلالالالاقين احلى وارخص..

بالنسبه لأمنه شااهين كنت باحجزها حق الخطوبه بس ماحصلت عندها يقولون مكيااجها يهههههههههبل وناااعم وسعاد البلووشي بغيتها حق العرس بس ماحصلت يعني انه سامعه عن الــ2 وكلهم يقولون انهم حلوووين ومايشينون العرووس مهما كانت...(*_*)
بس احس سعااد انعم واحلى حق العرايس

بنات ابي رقم ام امجد ضرووووووري



خطبطب ام ياسر شلون اسعارها للحف ؟ وتسوي بالحلاوه المصريه ؟ حمام مغربي ؟


سحابه فديتج انا ما اتعامل الا مع ابتهال صبغاتها تجنن واستشوارها يهبل بس المشكله بالفتره الاخيره كل ما اتصل لها ما تجيني بالوقت والا تكون مشغوله علشان جذيه ادور غيرها لاني ما احب اسوي شعري بروحي اتملل احب اجيب وحده للبيت وافتك



قطر ممكن اسامي الخياييط اللي بالريان للجلابيات
بنات ابي اسامي خياييط الجلابيات بمدينة خلفيه

السلام عليكم ورحمة الله وبركاته

شكرا اختي على الرد

حلا قطر...الفيشل الاوكية وعن تجربة ..عندج بالاماكن التالية

1. الصالون الازرق وايد يمدحون اللي عندهم تسوي تنظيف بماركة لوريال اعتقد
2. لابيل ..متخصصين في الفيشل لبنانيات ويسوون كورسات خاصة للعرايس على 4 او 5 جلسات قبل العرس ب3 شهور تقريبا تبتدين..ومحلهم في البستان في السد..اتصلي وشوفيهم لاني من زمان مجربتهم يمكن سنتين !
3. صالون باريس نيلز (الحين دايما اسوي عندهم لانه اللي عندهم ممتازة وتسوي بذمة وضمير ) مغربية اسمها لبنى
4. النادي الدبلوماسي...الفيشل عندهم بعد ممتاز

وبالنسبة لحمامات الزيت للشعر...ذكرتهم بردي السابق :)

خطبطب :) فديتج طرشي لي رقم منى...عندج فكره تسوي الحمام للشعر بكم؟؟ وشتحط بالضبط؟ فاشكول او زيت خاص؟ وتستخدم البخار والا ع الناشف؟

الحلم الهادي فديتج باريس نيلز شلون اسعارهم للفيشل والحمام المغربي البديكير والمنيكير وشاللي جربتيه عندهم ؟ ولازم بحجز مسبق

حبيبتي...الفيشل اظن ب200 ريال...والحمام المغربي انواع يبدا من 150 ويوصل 300 اعتقد ...والمنيكير والبديكير بدون لون اتقد 130 واذا بفرنش منيكير وبيدكير يوصل 180 اذا مب ناسية

عندهم حف بالشمع والعسل..وعندهم مساج...وعندهم تنحيف بجهاز متطور...وعندهم مكياج بس غربي خفيف جدا...وعندهم حمام زيت بس يلزق بالشعر وايد تعذبت لين طار الزيت ....انا جربت اغلب خدماتهم وبصراحه هم ممتازين في المنيكير والبيكير والفيشل والحمام المغربي بس اذا سويتي الحمام مع المساج ومع الماسك مال الجسم كامل صج بتطلعين وانتي مبسوطه حدج :)

والاسعار ترى مب متذكرتها عدل بس بهالحدود اللي ذكرتها لج اتصلي لهم واطلبي "لبنى" واسئليها عن كل شىء

ايه لازم حجز مسبق لانه غالبا يكون جدولهم مزحوم