الجزء الخامس من تجهيــــزات عرايس قطــ2006ــر

مرحبا باحلى عرايس ،،
مبرووووووووووووووك الجزء االخامس وعقبال العاشر ،،
حبايبي انا عروس 2005 وحبيت افيدكم ،،
بالنسبه للحف انا انصح بالشمع ------------>> ليش : لان يطول يعني مايطلع الشعر بسرعه انا سافرت شهرالعسل لمده شعر وما طلع لي شعر
بالنسبه لبعض البنات ومثل ما قريت اللي حفوا ظهرهم وطلعت لهم حبوب ،، ترى عادي لاتحاتون كلنا مرينا بالمواقف ، انصح كل عروس تروح الصيدليه وتطلب كريم ((مضاد حيوي )) ما اذكر اسمه لونه برتقالي سعره 16 ريال بعد ما تحف تستخدمه 3 مرات باليوم على ظهرها او الوجه اوي منطقه تكون خايفه تطلع فيها حبوب وباذن ربي ماراح تطلع لها ولا حبه انا مجربته ،،
واي سؤال انا حاضره

ابييييييييييييييييييييييييييييييييييييه
مجنونة قطر
شنو هذاااااااااااااااااا.....
لالالالالالالالا امي وخواتي لااااااااااااااااااازم يحضرون
ماعلي من حد وانا ماسمعت هالكلام الا منج....
عادي فديتج لاينقدون عليهم ولا شي...

وانا ماحضر والا ماماه معاي اي ماشي 1و2<<<<وخروا عنها عصبت :dd:

اووووووووووه اسفه ماسلمت .........
هاااااااااااااااااااااااااااي قاااااااااايزات..:cool2:

زين كلاسك والحلم الهادي يوم شفناكم طمنتونا...باقي خطبطب بس وينها؟؟

تماضر
ياقلبي شوفي النت متروس زفات اخذيها وروحي لمحلات الدي جي يعدلونها لج بس
عااااااااااااااااااادي....

اوه اوه اوه والله ياقطر ماااااااااااااااااااقصرتي
مشالله عليج زين نبهتيني لاشياء وااااايد...يالله ننطر الباقي..
الله يهون عليج انشالله...:up:

اموووره الله يبارك فيج ونشوفج عروووس انشالله

والله يادوحانيه نفسيتي مب زفت العن بس خليها على الله..
شسوي :sad:

لورى

عند من تشوفين اشمع احسن؟؟؟
ومن حف لج ظهرج؟؟؟

وشور هالمضاد الحيوي مايطلع حبوب ترى اخاف اغامر:think:
ياربي احترت في الحف هذا...

عروس فرش
امشي عالعادات والتقاليد وانشالله محد بينقد عليج ...>>>> شعندها اللي لابسه بخنق ههههههههه

لا بس صج ..
الام لازم ما تحضر ...!!
هاي كلام الكل ... مب بس انا ..


وبعدين شفيها نفسيتج زفت ..!!
لا تتوترين وخلي القرآن دوم يشتغل جنبج عشان تحسين براحه نفسيه ..او اقريه وارقي نفسج قبل النوم



لورى 14.
انا بالنسبه لي شقرت ..!!
بصراحه خفت من الحف لا يعورني..!!

عروس قطر
الله يهنيج يارب وتعدي ليلة عرسج على خير وانشالله استقبلج في قسم الحمل والولاده... خلاص انتي استقلتي من هالقسم ^_^


دوحانيه ..
قريت لج مره رد عن الاثاث..!!
بس ماذكر في اي جزء >>> شدعوه ليالي الحلميه خخخخخخخ


المهم اي مساعده انا في موجود ..!!

السلام عليكم ..

عروس فرش ..

صلي على النبي و اذكري الله .. انتوا بتعرسون ولا بتدخلون حرب نفسية !!!!!

و حفيه بالشمع مثل ما قالوا لج .. و المضاد الحيوي .. عندج دلاسن تي أو فيوسيدين أو زيناريت أو اي محلول ثاني ..

بس مادري اذا اللي ذكرتهم ينصرفون بوصفة و لا من غير ..

**

مجنونة قطر

ههههههههههههههههههههههههههههههه اي والله لا بسة بخنق ..

بس صاجة الواحد لا مشى على العادات و التقاليد و الأعراف ما ينقدون عليه العرب .. بس تعودنا نقلب كل شي ..

اممم اي بخصوص الأثاث .. الله يسلمج قاعدة أفرش بيتي << اشعندها ام عيال

عاد أبي طقم طاولات للصالة + كبت للتلفزيون + امممم اي وين القى موكيت زين و سعره مب غالي ؟

أبي أسماء المحلات ..

دوحانية

تذكرت روحي هوم ار اس عندهم اشياء وايد حلوة ..
وبالتوفيق ان شاءاله

ثانكس حبيبتي روز و جزاج الله خير ع الإفادة ..

بصراحة قعدتكم ما تنمل

يحليلج يا عروووس قطر

خلاص عقب يومين عرسها

يالله بالتوفيق يالغالية

والله يتمم لج على خير

وعقبال باقي العرايس

وانا اولهم

هلا حبااايبي اشلونكم

جلوووعه فديتج تروحين وترجعين بسلامه والله يحقق لج كل اللي في بالج ياارب

نورة الدوحه ومجنونه قطر مشكوورين ياقلبي شنووو امي واخواتي مايجوون يووووووووووووه احس نفسي غريبه وضايعه بينهم (قلبي عورني) وعالعموم يمكن مااسوي هديه على حسب الظروف ولين وقتها يصير خير

دوحاانيه مشكورة ياقلبي بس والله خلاص قلتيها جات على عطور بس لعت جبدي من الاسواق تذكرين يوم تقولين خلاص ماابي اروح الستي انا صرت اكره طلعه تخيلي كله ابي اقعد بالبيت ماابي اطلع كللللللللللللللش

وكل البنات روز قطر عروس فريش بنت قطر الحلم الهادي وكل اللي اذكرولي لتوزيعات العرس مشكووورين

موناليزا ياهلا فيج حبيبتي

عروس قطر الله يتمم لج على خير انتي وام شيوووخ

عروس فريش معليش حبيبتي حاسه فيج نفسيه زززفت كلللش على قوله دوحانيه دااشين حرب ايه والله العرس صار حرب مع الوقت والنفسيه كل ماله ازفت من قبل

تعوذوا من الشيطان و خلوا معنوياتكم في السما

و لا تخلونها تأثر عليكم ترى كله بيبين على ويهج يوم العرس ..

بعد إحنا ما نبي عرايسنا يطلعون مب شي . . ^_^

عروس الدوحة ..

يختي أنا لأني من زمان ما أحب اروح السيتي و الأسواق بس التجهيز فرض علي هالشي فرض ..

و بعدين مو على كيفج ما تسوين هدية .. لأنها على اهل الريّال .. و لا قالوا بيسوون لج لا تعيين و تقولين لا ..

**

نداء عاجل لـ كلاسيك : احذفي شي من رسايلج ..

خواتي الهديه عباره عن عزيمة عشاء عاديه
وام العروس وخواتها يحضرون اول ما تحضر الام الحين من 4 اسنين او 3 عادي تتكشخ الام وتروح
بس اهوه عشاء كرامه حق اهل العروس

الغاليه مجنونة قطر انتوا محافظين على العادات احنا يا الهلال عادي

هلا بنااات...
رحت شريت الكريم الي قالت عنه المذاد الحيوي حق الحبوب الي قالت عنه لورى ....
بس مو البرتقالي واحد عليه ازرق ما ادري شلون بعدين باقولكم اسمه
ان شاءا لله لين جربته بعد كمن يوم باقولكم شخباره...

المهم بنات والمتزوجات بالأخص
الحين عادي اروح مع امي ارتب الأغراض مالتي في البيت ولا فشيله ولا شلون!!!

اليوم كلمت كلاسيك يحلييييلها والله كنت ابي اشوفها :) وحشتيني كلاسيكو خخخ
اي وبعد سؤال بلييييييييز
حق المتزوجات
الي بتم مثلا يومين في الفندق شنو بالضبط تحطه بالضضضضبط من طقطق لسلامو عليكو بليزز ابي الرد اليوم وبهال ساعتين اذا امكن
سي يو قايز
:)

الصراحه فشيله خلي اي حد يروح بدالك
وبعدين رتبيهم لاحقع خير

الله يسعدك ويهنيك

ام شيوخ حبيبتي ..

و الله مادري .. لو في بيت بروحج مب مشكلة باقول لج روحي ..

بس أنتي معاهم في نفس البيت إذا ماني غلطانة ..

فخلي أمج و اختج مثلاً يروحون يرتبون لج المكان .. اكيد بيعرفون شيسوون ..

هلا ام شيوخ حبيبتي

بالنسبة للبيت اذا كانتي بتسكنين بيت اهل زوجج .. لاتروحين مو حلوة .. خلي الوالده واذا عندج اخت كبيرة او حتى اصغر منج


يروحون او امج وخالتج .. لاتروحين انتي .. واذا بيت بروحج روحي وكأنه العيد :)


وبالنسبة لشنطة الفندق شوفي حبيبتي هاي كانت تجهيزاتي ..


قميص نوم ليلة العرس
نعال للقميص
2 قميص نوم
2 بجامه
ملابس داخليه حطي طقمين بس الاندروير حطي اكثر لاتكتفين باثنين
فستان الصباحية + الجوتي + الشنطه + طقم ذهب + ساعه
عباية
2 بدلة
لبس خفيف حقج اذا ماتبين تلبسين بجامه يعني بنطلون او تنورة قصيرة براحتج ...
مكياج للبدلات اللي بتحطينها
مزيل مكياج
استشوار
عطر + دهن عود
طقم كريم الجسم والبودرة
ديودرنت لاتنسينه
ذهب للبدلات اللي بتلبسينها حطي طقمين وخواتم
ساعه
طقم جوتي + شنطة مناسب للبدلتين
عطر فراش اذا حبيتي
وبعد حطي carefree بتحاتجينه او حطيه احتياط


للحمام
فوط حطي ثنتين وحده للجسم ووحده للوجه وطبعا بتكونين شارية لزوجج حطي له بعد
روب
فرشاة ومعجون
اذا تحبين صابونتج والشامبو مالج
كريمات للجسم

وفي شنطة يدج حطي كلينكس اللي يبعونه في الجمعيات كلينكس وبعد الكلينكس المعطر علشان لانزلتوا تتعشون تطلعينه عقب العشا
لج ولزوجج يعني دلع :)


هاي كل اللي جا على بالي الحين وان شاءالله اول ماتذكر شي غير بقولج ..

عروس الدوحه :

لازم تتعودين خلاص انتي متزوجه ...
تدرين انا قبل ما اطب عرس الا ريل امي(ألله يطول في عمورها) على ريلي بس الحين عادي ... اروح وجنه العيد ..(عيد الفطر بعد خخخخ) ومثل ماقالت لج دوحانيه .... الهديه على اهل الريل ...وخلهم يسوونها وناسه ترى ...وخالاتج وعماتج انشالله بيكونون معاج


ام حمد القطريه :

اييييييييه الحمدلله يا خيتج ....>>> تتكلم و تعدل الملفع على راسها..... خخخخخخ
بعد اللي ماله اول ماله تالي ..مالنا بد من عاداتنا وتقاليدنا....^_^


ام شيوخ :

اذا في بيت بروحج ... روحي انتي معاهم ...اما اذا في بيت اهل ريلج خلي خواتج وامج يروحون ....وتبين نصيحتي ..لاتخلين احد غيرهم يروح لا بنات عم ولا بنات خال ...(نصيحه والله حتى لو قراب)..!! الاضمن خواتج وامج الله يطول في عمرها.. واذا عندكم اكسترا خدامه خلها ترووح وتساعدهم ...عالاقل هم يشرفون وهي تحط...

اما شنطة الفندق.. حطي فيها كل اللي بتحتاجينه ..قمصان نوم - ثياب طلعه ..عبايه احتياط ..اغراض الحمام (ألله يعزج) حتى الكوتكس وديه معاج احتياط ...!! واذا تبين ودي استشوار ..علووج...سناكس...اممممم ... سليبر...سجاده وجلال صلاه...ع الاقل 4 بدلات كامله مع مستلزماتها من اكسسوارات وجواتي وشنط ووجي يعني .... يعني سوي حساب كل بدله وحطي هالاغراض معاها....مشط ......>>> ترى انا نسيته خخخخخخ .....مزيل مكياج ... عطوراتج ..دهن عود..مدخن(مبخره) صغيره ... واخذي معاج فحم صناعي..وووو اللي يولع الفحم ..بتلقينه في محلات العود .... واخذي معاج عووود وو بخور ..بتطلع ريحته حلوه مع الخله (المشموم)... وشو بعد ..ملابس داخليه عمليه حق الطلعات ....


مادري اذا نسيت شي ذكروووني...




والله يهنيكم و يهدي بالكم انشالله ....

هلا يااابنات صبااح الخير اشلوونكم

مجنونه قطر صح اني خلاص تزوجت بس بعد احس اني غريبه بينهم لاني موذاك زوود معاهم ماعرفتهم عدل وهو اهله ماشاءالله واايد غير عن هلى احنا ننعد على الاصاابع يعني مثلا عندي بس خاله وحده واكبر من امي ب15سنه مااعتقد انها بتجي لانها كبيرة بالعمر وماعندها الاولد واحد بس خخخخ شفتي هاي من اهل امي وامي ماعندها غير عم واحد يعني بنات عمها بس وكلهم متزوجات وكبار وووين ووين يزورونا ومن اهل ابوي عمين وعمه مش متزوجه ومااعتقد راح تجي نسوان اعمامي متاكده وحده راح تجي ثانيه لا واعيال اعممي يهاال شفتي لما قلت بكون غريبه بينهم وامي موراضيه تجي تقول فشيله وماعندي غير اخت اكبر مني لكنها مسكينه مسويه عمليه حتي العرس بتحضره بالغصب والباقي يهااال الصرااحه مفتشله اشلون بقعد مع اهله شبيقولون ماعندها احد؟؟؟؟ عندي ماسوي هديه ولااتفشل وحق القيل وقال

عشان جذي شلت فكرة الهديه من رااسي وطبعا على حسب الظروف هم يبون يسوون بس لين ماارجع من السفر ماتدرون يمكن هم من نفسهم يقولون مانبي !!!!

ام شيوخ حبيت اساعدج بشنطه فندق لكن روز ومجنونه مااقصروااا والف الف مبرروك

وعن البيت عييييييييييييييب لاترووحين والاغراض لاحقه عليها انا اقولج ودي الشناط بس فقط لاغير وبعدين لين رجعتي من السفر رتبيهم برووحج الصراحه فشيللله تروحين لاني اذكر قلتي بتسكنين مع اهل ريلج

لا هي ليله وبتعدي ....!!
ولا تخافين ان محد هلج بيجي
انا كنت خايفه من هالشي
بس ماشالله المسيره وراي كانت شكثر..!!
الجماعه ما يقصرن في هاللحظات ...
توكلي على الله .. وخلي املج بالله كبير....!!
بعدين هم اللي بيسوولج الهديه مب انتي..!!
.......الله يوفقج يارب... ويهنيج ويعدي كل امورج على خير

طبعا الدعوه للكل...!!

ميغسيي والله بنات ما قصرتوا والله :)

عروووووس قطر

الله يوفقج ويهنيج يا رب


عروس الدوحه
شفيج يا الغالية كل ماكنتي ريلاكس كل مااستمتعتي بالعرس
تراهي ايام وبتعدي حرام تمر واحنا متضايقين

دوحانية
دوحانية طلعت اكبر منج خخخخخ انا قبل شهر خلصت 23
فضيت الرسايل:)


ام شيوخ شخبارج
تصدقين تحسفت اني ماقدرت الاقيج
ان شا الله تتعوض ")


مجنونة قطر
شخبارج يا الغالية


موناليزا
انا كنت حاطة في بالي اني اغير عن الالوان اللي اخترتها للكوشة بس اخاف يطلع شكلي غريب شوي

بنات ابي رايكم
توهقت بسالفة فستان العرس ماعجبني ولا تصميم واللي يعجني يطلعون هلي فيه 100علة واعافه عقب وخلاص مابقى شي شرايكم اروح السعودية وافصل هناك وافك عمري ..واللي تعرف محلات زينه يا ريت تعلمني