الجزء الخامس من تجهيــــزات عرايس قطــ2006ــر

عروس الدوحه انتي وين ساكنه

ممكن اساعدك عن الخياط

هلا ام حمد ساكنه بدحيل بس عادي عطيني اي خياط صوب خليفه او خريطيات او فريق بن عمران او اللقطه لانهم قريبين منااا

هلا عروس الدوحه...انا ماجربت دايموند بس اتذكر كلاسيك جربته سئليها

عن باريس نيلز..انا جربته ووايد حلو وماتذكر السعر بالضبط لاني خذيت باكيج كامل عبارة عن حمام زيت للشعر + حمام مغربي للجسم + مساج+ ماسك للجسم + منيكير وبديكير كله بـ 500 ريال

بس الحمام المغربي بروحه مدري على كم..يمكن 150 اتصلي لهم واسئليهم بالتلفون

بس اذا نويتي تروحين لاتخلين الفلبينيات يسوون لج...لا ..طلبي المغربيات عندهم 2 خلي احد منهم يسوي لج

وترى يمدحون بعد حمام كليوبترا في صالون المشاطه للعرايس اعتقد ب 300 ريال بس يمدحونه ربعي

مبرووووووووووووووووووووووك عليكم الجزء الخامس عرايس .....


وانا الصراحه استفدت منكم وايد و يعطيكم العافيه ......

مرحبا بنات ..

أخباركم فديتكم .. عساكم طيبين ..

**

أصدق إحساس ..

امم الحلاوة المصرية تكون باليد .. و جامدة أكثر من الثانية .. و الهندية اللي بالخلق ..

و فيت كنت استخدمه ليدي و ريولي أيام الجامعة .. و كان أوكي بس هديته عقب ما قمت أستخدمه صادني كسل ..

خخخخ و بخصوص محلات الأثاث .. مشكورة حبيبتي ع المساعدة الفلة ^^

**

روح قطر ..

شيلي الشعر الصغير بالماكينة <<= أصلا بتحتاجينها سواء حفيتي بشمع و لا بحلاوة .. بس عموماً هو مأساة ..

و فديتج حبيبتي أنتي .. جزاج الله خير ع العبارة اللي في توقيعج ..

**

عروس الدوحة ..

عاش من شافج و الله يعينج .. بس لا تخلين نفسيتج تحت .. استانسي يمه و اشغلي نفسج دايماً .. و ربي يوفقج و يتمم لج على خير ..

و بنات خالتي وايد يمدحون حمام كليوباترا .. يقولون زين .. بس مادري عنه ..

**

بنت قطر ..

ما شاء الله تبارك الرحمن .. الله يوفقهم جميع و يبارك فيهم ..

بس حق خطوبة أختج اشتري جاهز .. و فستان الصباحية بتلبسينه الصبح و لا بعد العصر ؟

و المناسبات الثانية بتكون عقب عرسج و لا قبل ؟ و متى عرسج <= مادري سألتج و لا لا ..

**

روز قطر ..

صج أنا أتوقع لما وحدة تذم لج ماكييرة و تقول عن مكياجها مب شي و و و أكيد تتكلم عن تجربتها .. يعني وايد سمعت

عن دينا و عبير إن مكياجهم مب شي .. و شوف عيني مكياجهم واايد حلو ..

شخصياً يضايقني الذم اللي مب في محله ..

و فديتج محل الرواق وين ؟

و المركز العالمي بكم سووا لج الشمع و استخدمتيه لغير الويه ؟

**

عروس فرش ..

فستانج مب بإختيارج و ذوقج ؟ عاجبج و لا لا ؟ إذا عجبج أنتي ما لج شغل في أراء الغير خلهم يقولون اللي يبونه ..

و خلي عنج الإكتئاب و لا تقولين مابي عرس .. كله بيروح و بيعدي بسرعة .. كثري من الإستغفار و قراءة القرآن

و اذكري الله .. و لا تخلين شي بسيط و عفواً يعني تافه يخرب عليج : )

و ربي يتمم لج على خير .. و اشتطي و شطينا معاج ما بقى لج شي ..

**

الموناليزا ..

يرحم الله والديج حبيبتي و جزاج الله خير ما قصرتي .. أمر الله و لا إعتراض على حكمه ..

**

أم شيوخ ..

بالنسبة لمايا ..

و الله حد يمدح و حد يذم .. مرت حماي دوم تتعامل معاهم و تمدحهم .. و حمواتي تعاملوا معاها بس ما ارتاحوا لها

مب لشغلها .. لأنها من النوع اللي تحبط الواحد .. بنت عمي و مرت عمي سووا تنظيف بشرة بالكريمات بس و يقولون أوكي..

**



حبيباتي .. مكياجي جديد و ما استخدمته .. تهقون بيخترب إذا طوّل و لا لا .. ؟

حياج الله برنسيسة قطر .. و شدي حيلج معانا و شاركينا ..

هلا بج دوم الغالية : )

تسلمين دوحانيه .. وانشاالله اقدر اساعدكم ..

هلا دوحانيه

اي الفستان على ذوووقي بس هو اول ماتشوفينه غريييييييييييييب
بس مرات اقتنع فيه واشوفه حلو ومرات لا :(
والله نفسيتي صايره مثل الاسهم...


وحبيبتي على المكياج كايخترب فديتج سوى استخدمتيه او لا بس
الاشياء الكريميه مثل الفاونديشن كريمي او الشدو كريم ااو الروجات المهم الاشياء
الكريميه لاتخلينهم فالحر ترى يختربون :) وانشالله تستخدمينهم بالعافيه
وتتهنين فيهم .....

الحلم الهادي لازم احجز اخذ موعد؟

ولما ادخل حمام معااي حد والا برووحي ؟

وكم مده ساعه ساعتين؟

الف الف شكر لج

وانتظر كلاسيك ووينها صاارت واايد ماتدخل ؟

من ترشحون لي حق الحمام المغربي ؟؟؟؟؟؟؟؟؟؟؟؟؟؟؟

البطه المشتطه
والله عاجبني نكج واااايد بس ليش ماتشاركينا مرات اشوف نكج تحت بس ماشوف
لج رد .... نورينا حبيبتي...

هلا برنسيسه
حياج الله انشالله تساعدينا ونساعدج غصب اجباري موختياري هههههههههههههه
هلا فيج بين خواتج ...

عروس فريش ماعليج من كلام حد صدقيني مع الشعر والميكب والحنه والاضاءة ودخلتج حتي لو فستانج قطعه وحده بتطلللعين قمر صدقيني

دوحااانيه عن مكياجج خليه بالمرايه لاتحطينه بالحر كلش ولاتخاافين ماراح يخترب خليه دوم موجه للمكيف وبس

متى العزم ان شاءالله للبيت زوجيه نبي نفرح فيج؟

عروس فرش

ههههههههههههه تسلمين حبيبتي .. بس وين تنصحيني اسوي الحمام المغربي؟؟؟؟

هلا عروس فديتج والله انشالله اطلع قمر واقهرهم ههههههههههههههه

تسلمون كلكم على الكلام الي كتبتوه...

البرنسيسه انا امدحوا لي ام امجد للحمام المغربي اتيج فالبيت..
اذا تبينها قولي لي..بطرش لج رقمها

تسلمون ع الرد ..

عروس الدوحة ..

الموضوع مأجل حتى إشعار آآخر : )

و ربج كريم .. و باعلمكم إن شاء الله ,,

حياااج برنسيسه معانا والله كان ودي اسااعدج لكني نفسج محتاارة

وفديتج عروس فريش ان شاءالله دوووم كوووووووووول

فددديتج دوحاانيه الله يسهل عليكم وتفرحين يااارب

عروس الدوووحه مغسييييييييييييييييييييييه

المهم بقولكم بنات
انا شفت شي بس مومتاكد اذا صح او لا..
شفت توقيع عروس قطر ان عرسها بعد 6 ايام صح والا لا؟؟؟

صح عرسها اعتقد 30-3 الخميس الجاااي

بنااات صح ابي اسئلكم انا الصراحه لو اروح فندق 5 ستاارز بعد وسواسيه خصوصا اني بسافر 2 يوم وجذي جذي بودي معااي مفرش جااهز ليوم العرس من مجاميعه كامل ومعاه ملحف بو شعر لاني مااعرف انام على ملحف العادي لازم بووووشعر عشان اناام فيه ليله العرس برااايكم اخذه معااي للسفر والا اشتري من هناك جديد شوراايكم ؟

ووين احطه اوديه بكيسه والا احطه بشنطه كبيرة؟

يابنات تحملوا اللي بنامون بالغرف الفنادق حتى لو ليله مرة شفت برنامج اجنبي عن دعاوي القضائيه وحده اسكنت بفندق مع زوجها حق مؤتمر صادتها حساسيه من حشرات الفراش اللي مانشوفها بالعين المجردة الله لايوريكم خلال 4 ايام جسمها يممممممممممممه متقطع ويخخرررع وسبب انهم مايغسلون الفراش والمواسد يوميا وخصوصا كل اسبوع نايم فيه حد والله يعلم شو البلاوي اللي فيه