الجزء الخامس من تجهيــــزات عرايس قطــ2006ــر

امممم مشكورة فديتج و ما قصرتي ع الرد ..

و سألت لأن ما عندي خبرة كافية في محلات الأثاث .. و أبي شي مضمون : )

<<= خوفي تنمسح الردود <<= خارجة عن موضوع التجهيزات >_<

قوووه يا حلوين شخباركم؟ ان شالله كلكم بخير

اول شي سؤالي : شنو الفرق بين الحلاوه الهنديه والمصريه؟ ماعرف افرق :s بس انا من فتره وانا استعمل شرايح الشمع من فيت الي فالجمعيات ويحطون عنهم دعايه بعد حق ريلي وكل شي تمااام الحمدلله والله تخلصين بسرعه وتستانسين بس اخر مره الله يهداني جربت حق يدي وحسيت انهم طلعولي حرار :"( وتحسفت قلت اخر مره ..يمكن لان اليد حساسه اكثر ..بس حق الريل تماام والله يريحون

دوحانيه
هلا حبيبتي ..والله مادري بالضبط وين ماسألت امي والحين نايمه &#61516; بس معليه اسألها وارد عليج اكيد ولايهمج ..واعتقد عنده الوان امبلى .. والله يسلمج حبيبتي

روح قطر
فديتج والله ماتقصرين والله يسلمج ياعمري

عروس فرش
ههههههه والله مافهم فالاسهم للأسف بس شكلي سمعت هالكلمه بالغلط &#61514;
عادي فديتج اخذي راحتج وروح قطر ماقصرت

خطيبه الغالي
هلاااا من زمان مابينتي

ام شيوخ
معليه الله يعوضج فالباقي ان شالله ومبروك عالنجاح فالماده الثانيه

نور الحلوه
هلا فيج اختي

كلاسيك
هلا والله من زمان ماشفت لج ردود .. وصح المحل الي قلتي عنه مال الدلاغات في جمعيه المنتزه اعتقد امبلى نفسه الي انا اقصده ..وسلامتج من الصداع

دوحانيه
سمعي كلام كلاسيك والحلم الهادئ بعد.. هذا المحل الي قلتلج عنه وفيه دلاغات ملونه ..اسمه محل مال الله اعتقد ..يالله روحي اشتري &#61514;
وعن محلات الاثاث روحي فديتج طريق سلوى وبيدور راسج من كثر المحلات الي هناك في وايد ما شالله وجربي حظج ( وايد ساعدتج ماشالله خخخخ )

دلوعتها
مشكوووره حبيبتي عالارقام

عروس فرش
مشكوره فديتج ماقصرتي



وسلامتكم ياعرايس ..
سي يو

hey gurlz ^^

دوحانية بالنسبة للشمع والله اشوفه زين بس انا مشكلتي لما احف يظل شعر صغااار في بعض المناطق(في ريلي) ويقهرني ماتشيله الحلاوه او الشمع عشان جي ابي اعرف شنو الاحسن اما يدي لا الحمدلله مايتم ..وانا استانس ع الشمع لما يكون بالفواكه أو بالفراوله ريحته حلووه..

امم الاثاث ماعرف ماعندي خبره بس ماشاء الله البنات اذكرو لج المحلات المعروفه ..

الحلم الهادي هلا حبيبتي .. برسل لج على الخاص لا يقولون دردشه لاني بكتب وايد ..

شوشو بالنسبة لاسوداد الركب جربي الليمون واستمري عليه وداومي ع الـ body scrub والترطيب ..

عروس الدوحه والله هاي اسعار مصممين السد والنصر معرووفه .. عندج خياط سوريل المصمم مراد التركي هاي بعد شغلهم اوكي وعلى ذاكرتي اسعاره اقل عاد مادري اذا رفع اسعاره الحين بس يبيله مكاسر .. وعندج بعد مجمع الغرافه اسعارهم حلوه لفي ع المحلات هناك وشوفي..

عروس فرش واصدق احساس الله يسلمكم وحاضرين ..

بنااات حبيت اسلم عليكم كلكم

ومشكووورين كلكم للي ردوا على اسئلتي

دوحانيه صج كلام الحلم الهادي سوق الحراج اللحين مب مثل اول عندهم اشياء ماتخطر على بالللج وتجنن

الحلم الهادي فديتج شنو اسم محل اللي خذتي منه كبت جواااتي ؟

موناليزااا فديتج اشلونج

بنات معليش بطلع شوي وبرجع اكمل الردود

روح قطر وين مكان خياط سوريل

السلاااااااااااااااام عليكم قايزات كما عودت بنت قطر صايره عصفوره ماتدخل الا الصبح خاااااااااطري اصيكم علشان اسولف معاكم بس ماني قادره يوميا طلعات الله يعين:pain:
دوحانيه
شسوي فديتج الصيف الله يسلمج عندنا اعرررررراس بالهبل يعني قولي معاي
1- فستان حق صباحيتي بس وايد ناعم 2- فستان حق الهديه لما ارد من السفر 3-خطوبي اختي 4- حق عرسها
5- حق عرس اخوي 6- فستان حق عرس حماتي 7-واحد احتياط

خواطر غلا
الله يسلمج انا شفت مكايجها وماعجبني لانه دفش بس حتى دينا حوري وعبير يسون ثقيل ودفش بس تحسين انه مرتب وتركزين على الوحده الي حاطه بس منيره وايد وايد دفش وطريقتها قديمه في المكياج يعني كله طبقات

روز قطر
حبيبتي الي طرشتي لي على الرابط ماطلع شي ومن اول مافتح الصفحه يقول تحميل ولما احمل مايطلع كنه الرابط مفقود

بنات حبيت اقولكم شي ..

انا ماكنت احب مكياج عبير مايعجبني وايد لانه كل ماشوف عروس مكيجتها عبير يكون دفش على العروس .. بس امس حطت حق

صديقتي ناعم في عرسها وقالت لها انا احب الناعم بس الناس يطلبون دفش وفعلا كان مكياج رفيقتي امس روووعه وايد وايد حلو

واكثر من انه حلو كان راقي جدا ..

يعني اللي تبي تختار عبير وماتحب الدفش تقدر تطلب ناعم لانها تضبطه وايد ..

وبالتوفيق للجميع



bntqtr

حبيبتي جربي مرة ثانية هالمره بيشتغل ان شاءالله

دوحانية

من فترة مريت على الرواق للمفروشات وكان عنده تنزيلات مادري اذا لحد الحين ..

بس كان عنده اطقم طاولات وايد وايد حلوة .. وناوية ان شاءالله اروح وآخذ اللي عجبتني ..

اصدق احساس

حبيبتي جربي الحلاوة المصرية وايد افضل .. وتنظف عدل هذا اللي حسيته

والهنديه هي الحلاوة اللي يشيلونها بالخلق :)

ومرة انا جربت عند المركز العالمي للتجميل سوت لي بالشمع بصراحه وايد نظيف شغلها بالشمع ..

بس خلي عنج فيت اللي في الجمعيه انا بعد طلع لي حرار مرة وماحب استخدمه .. استخدمي الطبيعي احلى :)

بالتوفيق

يالله صباااح خيييير...
لي ثلاث ايام مادخلت ولما دخلت اول ماحصلت فويهي اعلان تعازي
ل3 عضوات:qaq:...الله يرحم جميع موتى المسلمين ياااارب....

هلا والله بالموناليزا هلا بالعروس...
قولي لنا شخبارج حبوبه؟؟؟:cool2:

ام الشيوخ
والله انا من اشوف توقيعي يعورني بطني وين انتي..
كيف شعورج الحين وانتي ماباقي لج الا اسبوع و5 ايام ؟؟؟

بنات شرايكم ظهري احفه والا اشقره؟؟

نبات انا في قمت الاكتئاب..:sad::sad::sad:
معاد ابي فستاني ناس قالوا لي حلو وناس قالوا لي مب حلو
خلاص انسدت نفسي منه ماعد ابيه شسوي هئ هئ هئ :cry::cry::cry:

معاد ابس اعرس خلاص سويت اضرااااااااااب :(

هااااااااااااااي قيرلز....

عروس فرش
وييي انتي تو الناس باقيلج شهر وشوي انا وين خخخخخخخخخخخخ
والله شنو اقولكم احس كل شي بسرعه بسرعه والنفسيه لا عااادي خخخخخخخخ لأنه اصلن شاغلتني شوي الكولج
باقيلي امتحانين اقدمهم الإسبوع الجاي واخلص
بس للحين النفسيه اوكي الحمدالله ....بس احسها بتتغير على الإسبوع الجاي خخخ

بس اقولج فرش :: تره انا جاتني حالة اكتآب من قبل شهر وشوي صج كنت خلاص لايعه جبدي بس تره عادي والله اذا جرب العرس بتشوفين لا النفسيه يمكن تتغير لأنه بتحسين انه بتشغلج اشيا وايد...
وعن الحف شوي اذا شعرج كلش كلش شوي شقريه اما اذا يعني ها وايد حفيه يبه شنو احلى جي تطلعين فرش من قلب :)

انزين بنات اي استفسار اي شي انا حاظره خخخ

ياحليلج ام الشيوخ الله يوفقج فالامتحانات وتفتكين...

ياربي ليش العرايس كله في حالة اكتئاب ومب حلوووو والله شنو هذا :(

روح قطر :) مشكوره حبيبتي ردي عليج بالخاص قولي لي اللي طلبته ولا عليج امر

عروس الدوحه...والله ماذكر اسم المحل..بس اهم كلهم تقريبا عندهم كبت الجواتي "الله يعزج" ومعروف اصلا ان سوق الحراج فله حق الكباته وطاولات الكمبيوتر وطاولات التقديم واتلفزيون ...لكن الاطقم وغرف النوم طبعا لا ماعندهم كلش

انتي روحي وشوفي واسئلي قبل لاتدشين المحل قولي له عندك كبت جواتي؟ ودشي اذا عنده وشوفي الاسعار وايد زينه والكباته مرتبة وحلوه وموديلاتها حلوه

ام شيوخ

هلا والله بالعروس مابقى شي خلاص خلي معنوياتج عاليه ولا تحاتين شي صدقيني كل شي بيتم لج على خير


دوحانيه

شلونج حبيبتي قريت الخبر والله وتضايقت وايد علشانج عظم الله اجركم ادري متأخره بس اعذريني

بالنسبه للطاولات احلى شي بتلقينه في هوم سنتر روحي وبتلقين اللي تبغينه

خطيبة الغالي

هلا الغاليه ماشاء الله على الموضوع ماكل الجو عيني عليه بارده انا معاكم اون لاين ان شاء الله لاتحاتوني


كلاسيك
وينج وحشتيني شفيج مختفيه

عروس فرش
ان شاء الله دايما فرش وخلي عنج الكآآآآبه تراها فتره وبتروح عنج اذكري الله دايما وحصني نفسج وهالله هالله في قراءة القرآن وايد بترتاحين خصوصا هالفتره اللي تحسين فيها بكآآآآبه الله يتمم لج على خير يارب .


بنت قطر
احجزي آمنه شاهين وانتي مغمضه لانها مكيجت خواتي في عرسي روووعه مكياجها نااااااااااعم وبودرتها حلوه خواتي استانسو عليها .

الحلم الهادي شلونج ماشوف لج ردود

عروس الدوحه
هلا حياتي شلونج انا معاكم متواجده الله يتمم لج على خير يارب

روز قطر
شلونج تراج في بالي على طووول

وتحياتي للجميع
اختكم في الله / الموناليزا

شخباركم بنااااااااات؟؟

حبيت اطمن عليكم وحبيت اعرف اشاريكم في مكياج وفاء اللي تشتغل في صالون الشيراتون

والله الموناليزااا كلام يريح مشالله..
شسوي لاكت جبدي من كل شي :(..

وردة العشاق انا سمعت البنات مرات امدحوها بس ماشفت شغلها..

لي رجعه معاكم

الموناليزا :) هلا والله ...حبيبتي انا موجوده وهذاني ارد على اي سؤال اقدر افيد البنات فيه...بس تدرين مشاغل الدنيا والدوام مخليتني شوي مقصرة المهم شخبار البوم الصور؟ وين مسويته؟ متى بيخلص؟ وشلون الفيديو؟ خبرينا عشان كلنا نستفيد من خبرتج

وردة العشاق........انا شفت مكياجها على بنات ..وايد حلو..سموكي وناعم...هالكلام من زمان واعتقد الحين اكيد طورت من نفسها وانشاء الله البنات يفيدونج

هلا بنات
كنت ابي اقولكم عن صالون اسمه مايا في التاون سنتر هاي عجيب
مافيني شده اكتب زياده والله الصداع النصفي ذابحني حتى دراسه يادوب
تشاو

بنات سمعت عن صالون بالعزيزة اسمه حلا رفيجتي تمدحه تقول في وحده ماتعرف اسمها تقول مكياجها فن فن وروووعه حد يعرف عنها شي او جربهااا

الحلم الهادي مدحتي صالون باريس نيلز بكم عندهم حمام المغربي ومن جربه فيكم بنات خلاص لازم اسوووي مابغي شي ؟

ومن جرب حمام دهن عود وصج ريحه تم في العرووس؟ سمعت انه صالون دايموند عندهم

وبغيت وحده تجي الفندق للفريش منكير تعرفون حد دزولي الاسم والرقم ؟بس على فكرة انا مااطول اظافري صغاار يصير تحطلي فيهم ورود صغيرة مع لمعه او مانكير فرنسي

وسلام لكم كلكم ااادري يابنات اني مقصرة ويااكم ومااتجاوب معاكم نفس قبل ااعذروني والله مشغوول دوم او نفسيه في نااازل

وصح عندي جلابيات ابي اقصرها واضوقها شوي مواايد يعني يسويها مخصرة فقط لاغير ااروح حق اليرموك اشراييكم مع انه بعيييد بس شاسوي ابي واحد ممتاااز

هلا والله موناليزا فديتج قوليلنا عن تصوووير كامل وكل شي وعن صالون سندريلا للحمام المغربي ارووح له ؟

ام شيوخ هذي اللي بصالون مايا سوريه يمدحونه بس ماادري ليش نفسيا مارتاح حق صاحبه صالون مايا احسها ماديه تبي فلوس فوق كل شي ماادري سبحان الله من اشوفها مارتاح لها كلش احسها نصاابه وصاحبه كلام بس

وعلى فكرة جنسيتها سووريه وماتخلى حد ماتكلم عنه او تعب عليه وكل تقولج بسويلج وبحطلج وتحتاجين وجلسه وحده تسويها لج 3 عشان تكسب من ورااج

وللافادة انا مااظلمها بس هذا رايي شخصي عندها وللعلم عمري ماسويت عندها شي