الجزء الخامس من تجهيــــزات عرايس قطــ2006ــر

صح حبيت اسئلكم لاني لحتي الان ماشريت عطور مخليتها قبل العرس فحبيت اسئلكم ماليزيا نفس اسعارنا والا اقل منااا؟

السلاااااااااااااام عليكم شلونكم بنات انا مادش الا العالم طالعه ههههههههههه
دوحانيه
هههههههههههههههههههه خوش دلاله اما معصره هههههههههههههههههههه المهم انا بحوس في كل فريج وكل مصمم راح ادخله لاني ابي افصل تقريبا حوالي 7 فساتين

ام احمد
لو سمحتي انا مرت اخوي حامل وبعد كم سبوع بتدخل الثامن الرابط الي عطيتني اياه مالج اغلب الصور حق اعراس واهي تبي استاندات مالت موالد حق الحلويات اذا عندج صوره طرشي لي وفي صوره حلوه وايد عجبيتها اهي السرير الابيض الي محطوط دلاغات نشوره بحبل ابي اعرف سعره وابي اعرف اذا عندج تجهيزات الوالده وبكم ياريت تردين علي

نور الحلوه
منوره وان شاء الله تستفيدين معانا وحبيت اسئلج اكثر عن امنه شاهين شلون مكايجها وشلون تعتمد طريقه مكايجها لان راح احجز عندها وابي اعرف شلون اسلوبها واذا على عرس اختج اذا عندج صور فستان اختج يا ريت تطرشينها

هلا بنات اشحالكم؟
بغيت أسألكم من شافت مكياج منيرة الأنصاري على الطبيعة حلو ولا لا؟
دوحانية بكم فصلتي الفستان؟ وفيه شغل وشك ؟

هلا بنات ..

بصراحه موضوعكم وايد يونس .. استانست عليكم .. :)

الله يوفقكم يارب .. واللي تبي اي شي لاتتردد انا حاضرة .. انا عروس 2004 :)

الله يسخر لكم ازواجكم يارب ويسخركم لهم .. قولوا آميـــن

نور الحلوه...........

ياهلاوغلافيج في موضوعنا يللا شدي حيلج فالدراسه والله الله بالنسبه لاتفكرين بالعرس وايد:cool2: ............

كلاسيك.............

دلوعه فتحت موضوع في قسم العنايه بالبشره .................

دوحانيه ............

انتي الي سالتي عن الحف ؟..........انا بالنسبه لي احف بالحلاوه يدي ورجولي واوكي مافي مشاكل بس الطامة الكبرى من غبائي بل فتره كان عندي مناسبه ومع اني مب محتاجه لكن حفيا ظهري بحلاوه تخيلي وشب كله حرار مضايقني :(

ام شيوخ...........

شخبااااااااااااااااااااااارج ماباقي شي قوليلنا شتسوين هالايام ...................


عروس الدوحه...........

الحنا قبل العرس بيومين يعني اذاعرسج الجمعه الحنايكون الاربعا >> خوش شرح

عروس الدوحه مثل ماقالت لج خطيبة الغالي

الحنه قبل العرس بيومين علشان تصبغ لج عدل

والله يوفقج

وحشتوني بنات ديرتي والف مبروك على الجزء الخامس والى الامام دائما

انا زعلت من الاخت المشرفه بغداديه لانها مسحت ردي وكان كله رد على استفساراتكم واسماء المحلات اللي ذكرتها واهم نقطه هي قراءة سورة البقره يوم العرس لكن هي ماعبرت هذا كله وامسحته مع انها كانت نقاط مهمه للعرايس تستفيدون منها لكن الله يسامحها ...


وهذا رد على استفسار اختي الغاليه ام شيوخ

بالنسبه للملابس ودي معاج فساتين دلع عددهم 5 تحتاجينهم للقعده العاديه طبعا البناطلين لازم تودين معاج لانها مريحه في السفر تقريبا اربع بناطلين خذتهم من مارك سبنسر والصالون الازرق وبوديات او قمصان طويله انا وديت معاي جاكيتات طويله لان كان برد في لبنان وقمصان نوم خفيفه قطعتين بس عدد 10 اعتقد بيكفونج ودي معاج جوتي واطي لانج بتنططين وايد كم واحد للكشخه لازم بتكون في طلعات حلوه تحتاج الكشخه .

عروس الدوحه

حبيبتي شلونج بالنسبه للحنه مثل ماقلو البنات خطيبة الغالي وروز قطر فديتهم .

وتحياتي للجميع

اختكم في الله / الموناليزا

mashookoooora ilmonaleeza
a5baarich walla wi7ashteeena

5a6b6b
ana al7en ba6la3 min ilcollege o baro7 a5ith fistan il3irs o b3d baroo7 athawig fostan ilhaida hhh kilshi yaleela tithog 7ta bina6len ilsifar bas yalla hhhh

bageeli bnat 4 days bilcollege o a3a6il ya3ni 3la youm il tuesday hai iljai a5ir youm hhh shifto shlon bsiiiir3a mabiga shai
ilmohim baro7 al7en ilcar btiji ciaaao
see you guysat in the house hhh

:sad::sad: دوحانيه مشكوره انتي الوحيده رديتي علي البقيه سو لي طاف :sad:

مساء الخير ..

عروس الدوحة ..

يفضل تخلين الحنا قبل المناسبة بليلتين .. يعني عرسج مثلاً يوم السبت خلي الحنا يوم الخميس .. عشان يصبغ

و حنا زبيدة وايد يمدحونه و يقولون إنه يصبغ شخصياً ما جربته ..

و الحف خليه قبل الحنا بيوم ..

والمسكة أعتقد تخلينها قبل العرس بأسبوع أو اسبوعين .. أو روحي اخذي فكرة و شوفي واسألي أحسن ..

**
بنت قطر ..

هههههههههههههههههههه ما يضيع .. يعني هاذي جزاي اللي ابيج تشربين كرك عقب ما تطلعين من عنده ^_*

امممم وشو له 7 فساتين الشيخة مو وااايد ؟

**

خواطر غلا ..

اذكري الله أول ^^ فستاني بـ4000 و فيه قصات وايد و كريستالات .. لأن القطعة أصلا ما فيها شك ..

**

روز قطر ..

حياج الله حبيبتي .. و جزاج الله خير على الدعوة الطيبة ..

**

خطيبة الغالي ..

انا ما كنت أحف غير يدي كاملة و ريولي و .... بس .. حتى حق الخطوبة ما حفيت ظهري .. لكن أعتقد ما ينحف الجسم كله في مناطق تتشقر .. و اللي ما يتشقر ينحف <<< حد فهم شي ..

بس عالجي ظهرج من الحين .. الحبوب تمرّض لين ما تروح ..

**

الموناليزا ..

حي الله العروس : )

أخبارج الشيخة ؟ طمنينا عليج عقب العرس .. و كل البنات تضايقوا ليش إن المشرفة امسحت ردج >_<

**

أم شيووخ ..

عروستنا الثانية << تنازلت عن منصبي لج ..

الله يتمم لج على خير .. و تبشرينا بعرسج و كل شي يكون مثل ما تبين و أحسن ..

**
شـــوشـــو

ما عاش من يطوفج << شدخل

ماعليه حبيبتي .. يمكن ما انتبهوا : )

***

بنات سؤال خارج عن التجهيز ..

امممم وين ألقى طاولات حق طقم الصالة و كبت للتلفزيون ..

أي محل ترشحون ؟

دوحانيه شوفي نابكو عنده شغلات حلوه.............

ام شيوخ كل شي تضوقينه؟؟؟؟؟؟ يمه روحي قيسي كل تجهيزج لاتوهقين بعد :qaq:.............

الموناليزا:dd: وحشتينا حبيبتي ............. يللا خلج اون لاين على طول نبي نستفيد من خبراتج:)

مرحباا عراااايس
هلا بنت قطر
حبيبتي امنه شاااهييين مكيااجها روووعه ولاتخاافين احجزي عندها وتوووكلي على الله مكياااجها روووعه وتعاااملها وااايد اوووكي طيووبه طريقة مكيااجها الله يسلمج حلووو وناااعم بس ماذكر وشو اسم بوودرتها بس واايد حلوووه
اما بالنسبه حق فستاان اختي ماعندي صوور حالياّ لكن بصوووره لج وبطرش لج الصووره عالخاااص
واذا بغييتي اي شي انا حاااضره

خطيبة الغالي ..

مابي نابكو يربح على حسابي لووول .. ماخذة من عنده طقم الصالة و غرفة النوم (,") بس مشكورة حبيبتي ع الرد ..

بنات رشحوا محلات ثانية ..

هاي بنات
دوحانيه........
فديييتج والله لالا انتي عرستنا اول وحده مالي خص خخخخ ...خل افكر لج بأحلى المحلات واقولج لأنه مره ماره على محلات اثاث روعه...

خطبطب طبطيبو ((اتحدى من يقراها بسرعه خخخخ))kiddin
شااااسوي والله خخخخخخخ سألي كلاسيك قوليلها شكثر ضعفت واهي بتقولج لأنه اشوفها انا بالكولج:)

باروح باجر الصبح اخذ الفستان ان شاء الله لأنه يوم رحت اليوم كان قياس على التضوق الي سوتلي اياه وانا خبر خير نسيت...والحين باروح ادرسلي شوي او اكلي والله من الساعه 10 وانا ماني ماكل شي لأنه الله يسلمكم حتى امي وعليه تحط لي الغدا حتى لو اجي العصر واكلي اكلي بس انا ما اكل كلللش عيوش في الليل <<<<<<<<<<<<على المزاج الأخت

سي يوو الحين قيرز ;)

دوحانية...دلاغات ملونه وشبك كا الوان الدنيا تلاقينا في بوتيك صغير مدعوس في جمعية المنتزة مره كنت هناك وانبهرت بهالبوتيك كله دلاغات عجيبة وطويلة لايفوتج...الا فستانج بكم سواه لج ماري مارا؟ وشلون موديله ناعم والا ثقيل؟

روح قطر...فديتج قولي لي عن تجربتج مع الما بالتفصيل اي جزء سويتي من جسمج وبكم؟ وهل كان احمر عقب الليزر او بقع او يعور؟؟ وكم جلسه قالت لج؟ وهل حطت لج كريم عقب الليزر او قبله؟ بالتفصيل فديتج لاي مجربة ليزر عن د.عايده وابي اقارن لها بصراحه اسعارها وايد غاليه وبغيت اجرب مكان ثاني بس مابي اخاطر.

عروس الدوحه...فديتج انا كنت اتحنى عند زبيدة ليلة العيد ويجي يوم العيد والاقيها صابغه عدل ولن الحنا بني محروق شزينه لا تحاتين وتوكلي على الله بيصبغ انشاء الله

الحف خليه قبل الحنا بيومين لان عقب الحف المسام تكون مفتوحه وخبرج الحنا فيها بلاوي وبتحرق جسمج او بتخليه احمرررر...فالاحسن قبل الحنا بيومين ..هذا عن تجربة وتدرين بشرة عن بشرة ...انا بشرتي شوي حساسة مب وايد.

والمسكه..اتفقي مع المحل على موديلها ونوع الورد فيها واذا فيها كرستالات او اي اكسسوار ..وخليه ينفذها يوم العرس الصبح عشان تكون فرش وحلوه...شتنظرين؟ ليش ماتختارينها من الحين عشان اذا فيها شىء مب متوفر يلحق يوفره لج

خواطر غلا...انا شفته..مكياجها دفش بصراحه..مدري احس مب حلو ويطلع الوحده كنها صباح الشحرورة ! وايد دفش

دوحانية..شوفي هومز آر أص في المول...وانا شخصيا احب هومسنتر وايد ..وعندج بعد دوحه سنتر ترى فيه شغلات حاوه بس يبي له تنبر عدل...وبالنسبة لطاولات التلفزيون ترى سوق الحراج عجيب وفيه شغلات ماتتخيلونها واسعاره زينه

ام شيوخ ...ماعليه خيرها بغيرها...المهم نفسيتج خليها فووووووووق عشان العرس والله يبارك لج يالغالية

كلاسيك ..ردي شاركي مثل اول .......وخطبطب اصطلبي بالردود يالله عاد تراني احب اقرا لكم وايد

سي يو ياحلى بنات بالمنتدى

مرحبا

أم شيوخ ..

فديتج والله .. أنتي عروستنا و بتمين عروس على طول .. أما أنا عروس سبشل <<= من قدي ^_* أتغشمر ..

و أنتظر أسامي المحلات ..

**
الحلم الهادي ..

اشلونج يمه ؟ عساج بخير .. : )

هاذي ثاني مرة ينذكر فيها هالبوتيك .. امممم عساني أتذكره لا بغيت أشتري ..

و فستاني يا طويلة العمر سواه بـ 4000 امممم تبدا اسعاره من 3000 ,,, و فصلت عنده فستانين اللي استلمته ناعم و لاعب بالقماش فيه و فيه كريستالات .. يعني موديله ناعم وراقي في نفس الوقت <<= هذا اللي انقال لي ..

و أعرف وايد سووا ليزر عند ألما يقولون ما ينفع .. يرد يطلع مرة ثانية مثل ما كان و لا كأنها سوت ليزر ..

و هوم سنتر عنده تشكيلات حلوة << = من زمان ما رحت له ..

اقول اشدعوة عاد سوق الحراج ؟!!! حرام عليج بيتي و الأثاث اللي فيه جديد ^_^ بس يسلموو ع الرد و الإقتراح ..

دوحانية...الله يهديج بس لا تستغربين روحي شوفي الاثاث وبعدين ردي وتكلمي :) خخخخخ والله انه كباتة التلفزيون عندهم روعه وبعدين اللي اقصده اثاث جديد مب مستعمل ولا مبيوع واغلبه يجيبونه من الامارات اصلا وعشان جذية يكون مميز وسعره ارخص من المحلات العادية

وطاولات التقديم الصغار اللي بجونج احجام بعد تلاقينهم هناك...في محل اسمه...."الامارات" هذا تشكيلته كبيرة وكل المحلات اللي في صفته بعد زينه

صدقيني اذا تبغين شغلات حلوه وبسعر معقول جدا بتلاقين عندهم بش المشكله احنا مانروح الا المحلات الكبيرة ولا ندري عن هالسوالف

انا وحده من ربعي قالت لي عنهم..وقلت لها اشدعوه عاد الحراج !! بس يوم رحت وخذت فكره طلعت شارية من عندهم كبت جواتي "الله يعزج" ليومج هذا الكل يسئلني عنه ..وشايل حوالي 14 طقم جواتي "وانتي بكرامه" وسعره 200 ريال بس لا وعليه بعد ستكر كبير حلو وصورة جوتي ومكتوب عليه "تيك كير اوف مي" اللي يشوفونه يقولون اكيد من هوم سنتر !!

وطاولات التقديم والتلفزيون والكمبيوتر روووووووووعه واسعاره تجنن واصلا كله من الامارات مش محلي يعني مب شغل مناجر لا شغل مصانع من برا

جربي ومابتخسرين شىء :) وبتقولين الحلم الهادى قالت !

مشكورة :)

السلام عليكم مبروك بنات الجزء الخماس وعقبال المليون ان شاء الله

دوحانيه
عندج هو سنتر
وهوم آند ارس في الحياة بلازا
وذون في الاندمارك
وشوفي بعد محلات الاثاث في شارع سلوى اكيد في شي حلو