الجزء الثاني..(تجهيــزات عرايــــ قطر ــس 2006)

اللهم آميـــــــــــــــــــن

بنات ابي احط فطاير ع الطاوله يوم العرس
شرايكم آخذها بالمره من عند ماسيس؟؟
ولا في مكان ثاني يسوي موالح حلوه تعرفونه

بناااااااااااااات انا متخرعه من صوت الرعد قووووووووووووي ماشاء الله احس انه اسد يزأر علي هههههههههههههههههههههههههه
قمت على طول أتأكد أن الشبابيك مسكره أخاف الماي يتسرب وعلى طول على جهاز العرس لوووووووول خبركم غرفتي مافيها مكان احط ريلي لوووول كلها أكياس وكل من دخل قال ماشاء الله بموووووت من الضحك كل ما بغيت اطلع من البيت اروح السوق افكر اقول لو احترقت الغرفه كل شي بيحترق هههههههههههههههه

::::::::::::::::::::::::::::::::::::::::::::::::::::::

جروح قطر اسعفيني باسم مقشر احماض الفواكه
والرتنA وصفته لي دكتوره مروه وقالت لي اذا ما نفع معاج تعالي بسوي لج تقشير بالكريستال او كيميائي عاد خفت وما رحت لها مره ثانيه

:::::::::::::::::::::::::::::::::::::::::::::::::::::::

خطيبة الغالي ليش متضايقه حبيبتي ؟؟ مافي شي يستاهل لازم هالاشياء تصير في هالفتره لان كل واحد يفكر بشي في باله واذا انج متضايقه من سالفة التاجيل قولي له ان اهلج مايرضون تطول فترة الخطوبه او خلي امج او ابوج يكلمونه لان وبكل صراحه اذا فترة الخطوبه تطول تصير مشاكل وخلافات كثيره
:::::::::::::::::::::::::::::::::::::::::::::::::::::::

ايييييي والللللللللللللللللللللله المطر روووووووووووووووعه..

بنات من تعرف الموناليزا معرفه شخصيه؟؟
عندي سؤاال...

دوحانيه وحده قالت لي حضرت عرس مالت الدي جي اوكي يعني حق قبل لطق الطقاقات ولزفه..
وسالتها قالت 700<<< @_@

الله يغربل ابليسج ضحكتيني
طلعتي اخس مني

انا حاطه كل أغراض العرس من الألف للياء بغرفه >> اسمها غرفة "تجهيز سحابة"
حتى الكمبيوتر حاطته هناك وحالياً استخدم اللاب توب بس
والباب على طول مقفول والمفتاح بيدي وين ماروح لووول اخاف حد يبوق شي

مافيني شده اروح اتطمن على اغراضي
الله يحفظ أغراضنا >> قولي آمين

سحابة حب اذا انتي ماخذه الكوشه والطاولات من ماسيس هم يحطون لج 3 صحون انتي تختارين الاصناف بيتيفور وموالح وبقلاوه وفطاير اخذي من عندهم لان هالاشياء تنحسب من سعر الطاوله

سألت رافي يقول الطاولات مع الاكل سعرغير

انا مكسرات وملبسات بيجيبونه من برع
بس باقي الفطاير محتاره مادري من وين آخذها

شنووووووووو؟؟؟
يعني كم سعر الطاوله عندهم مع الاكل وبدون الاكل ؟

سحابه انا مره ماقدرت استحمل احس اني مقدر اتنفس بغرفتي من الاغراض قلت للخدامه شلي الاكياس والشنط والصناديق وديهم للغرفه الفاضيه

ما عرفت انام رجعتهم لغرفتي بنفس اليوم ههههههههههههههههه ولما الخدامه تنظف الغرفه اقولها لا تسكرين الباب لوووووول احس انها تدري اني احاتي انها تبوق شي

ماقال لي بكم والله بس قال ان السعر يختلف

هههههه انا الغرفه اللي فيها اغراضي محد يدخلها الا انا او اذا اخواني يبون يستخدمون الكمبيوتر
لوووول مستحييييييييييل ادخل الخدامه تشوف البلاوي اللي بالغرفه

ان شاء الله بكتب لكم كل شي عن العناية بالمنطقة الحساسة ان شاء الله تستفيدون

بغيت اسألكم .........
زهور الريف الحين وين مكانهم؟!! مب في اللاند مارك مادري وين راحوا

مشالله عليكم مستمرين
وانشالله دوم اشوفكم جذي بهالنشاط
طبعا انا ما وراي شي
بس متضااااااايقه وايد
مادري شفيني هاليومين متلخبطه وضايعه
يمكن عشان ضغط الدراسه

فراولة قطر
باللاند مارك

دلوعه قطريه
الله يعييينج وشدي حيلج بالدراسه

مرحبا الغالية روح قطر ,,

افا يا قلب ليش تصيحين عااد .. و أنتي بعد دخلتي قلبي .. و حبيتكم كأني أعرفكم من زمااان .. اللهم آمين لا يغير علينا ^^

و الله فكرت إنها اوكي .. بتشغل لي أغاني اول العرس لين ما يجون الطقاقات و بتشغل الزفة .. امممم باشوف .. و لا هي ترى يمدحونها

رفيجتي قايلة عنها إنها وايد اوكي و في كل مناسبة يجيبونها ..

و بخصوص الزفة كنت مفكرة قبل أدخل على أغنية لكن مادري غيرت رايي .. شفت إن الميوزك أنسب مع أجواء العرس ..

**

سحابة حب ..

شوفي حلويات الاليزية عنده موالح و فطاير صغيييرة تصلح ضيافة للأعراس و لذيذة بعد .. إذا كنتي حابة تغيرين و تجيبين من برى .. بس إذا طاولاتج من ماسيس هم يحطون لج أعتقد مكسرات و بقلاوة و بيتي فور و الله مب متأكدة ..

و بعدين الطاولة كاملة مع الأكل و ما شي تختارينه .. اهل ريلي حاجزين يوم عرس ولدهم يقولون معروف البقلاوة و المكسرات و البيتي فور او الاصناف اللي يحطها من عنده .. بس الشاي و القهوة أظن هي اللي انتي تجيبينها .. هذا اللي أعرفه .. مستحيل ياخذ هالمبلغ على طاولة ما عليها شي ؟؟

ههههههههههههه والله يحفظ أغراضج ..

**

عمري قطر ..

ههههههههههههههههههه أي والله يزأر علي .. ضحكني ردج .. زين ليش ما تحطينهم في شناط ؟؟ مب أحسن لج .. انا كل شي أشتريه اسجله في الدفتر و على طووول في الشنطة .. و لا أفتكر اشوفهم الا اذا بغيت اتأكد من شغلة معينة أو من الالوان ..
و الشناط في حجرة أمي بعيد عن عيون الخدامة ^^

**

عروس فرش ..

@@ وين هاذي أم 700 إذا تقدرين تجيبين رقمها تسوين خير فديتج .. انا اصلاً لو باجيب دي جي بس حق الزفة .. و ابي شي عدل .. مب قاصرة حرقة أعصاب ..

**
فراولة قطر ..

ننتظر مواضيعج حبيبتي .. اممممم انا بعد أسأل نفس السؤال زهور الريف وين اختفى ؟؟؟؟

**

دلوعة قطرية ..

شخبارج حبيبتي .. عسى ما شر ؟؟ اشفيج متضايقة ..

و تبين الصراحة كل ما شفت الصورة اللي حاطتها قلبي يعورني .. يكسر الخاطر ..

زهور الرف يمكن راح الريف
بدا العبط الحين لووووووووووووووووووول وش تشترون من عنده على كثر ما يمدحون فيه البنات ماشفت عندهم شي جذبني
:::::::::::::::::::::::
دوحانيه الله يسلمج اول الايام كنت كل ما شريت شي حطيته بالشنطه وكل ما بغيت أتاكد من شي العن شكل الاغراض بالشنطه واطلع كل شي فتعبت نفسيا كل يوم ارتب وارد اخرب قلت اخليهم باكياسهم اسهل لي اطل في كل كيس بروحه

حتى لما ابي اروح خياط والا مكان تلاقيني شايله عشرين كيس وراده ب10 اكياس ابوي يقولي شسالفتج انتي كل يوم تشترين شي وترجعينه ههههههههههههههههههههه

و الله زهور الريف عنده كريم مرطب بالتوت للأقدام << ركزوا عليها ^^ لا بس صج وااايد حلو و لذيذ خخخ ..

اهااا جذي ..

لا انا أمي تحشرني ما تحب تشوف الخرايط مكودة في كل مكان .. حتى انا نفسيتي تتعب من أشوف أشيا متراكمة .. : )

اففففففففففففففففف ياحظي كل شي اسويه مايطلع عدل
حتى الرد انمسح

مشكورين على سؤالكم عني
والظاهر صج نفسيتي تعبانه بسبب ضغط الدراسه هادين حيلنا
بس الحمدلله على كل حال امس عطونا الريبورت الشهري وجبت بي


بنوتات كل وحده تكتب رد نبي باخره دعاء حق الموناليزا اول عرايسنا

تستاهلين الغالية .. و عن النرفزة .. صلي على النبي ..

و حق الموناليزا ما في :

" بارك الله لهما و بارك عليهما و جمع بينهما في خير "

الله يهنيها و يسعدها و يوفقها بحياتها .. و يحفظها من الحسد و من العين .. و الله يرزقها بالذرية الصالحة ..

و الله يفرح أهلها فيها و يبلغهم في الباقي جان في باقي .. و الله يطول في عمر والدينها و يعيشون لين ما يشوفون عيالها

تارسين البيت و مطيحين ذي و مكسرين ذاك ^^

و الله إنها طيبة و تستاهل كل خير : ) " الموناليزا .. رسالة ما راح توصلج أدري .. بس إحنا نحبج في الله " ..

<< صاااحت :"(

دوحانية حرام عليج صيحتيني

الموناليزا ان شاء الله تكون ليلة عرسج من أحلى الليالي بحياتج وان شاء الله تتوفقين وتتسهل امورج يارب
والله يستر عليج انشالله ويحفظج بعينه اللي ماتنام ويبعد عنج الحسد والله يخلي لج كل غالي
وهذا يومج انتي فيه بتتوجين ملكه على عرش قلبه لووول والله قمت انثر درر

ولا تخافين ادخلي للناس بكل ثقه لانج انتي بس اللي ملكتي قلبه وصرتي شريكة حياته

" بارك الله لهما و بارك عليهما و جمع بينهما في خير "



ااااااااااااه يا موناليزا قلبي عورني والله احس اختي بتعرس واحاتيها


بنات عاد نبي نسوي عرس صغير للموناليزا هني اوكي

الغاليه المونليزا

اسعد الله ايامك وادام فرحك وجمع بينك وبين زوجك في خير

اخيتي ها انتي على ابواب مرحلة جديده من حياتك تركت الحضن الدافى الى مملكه انتي ملكتها
فغاليتي احتسبي الاجر انك ستبنين بيت مسلم وتنجبين من يشهد بلا اله الا الله ويشفع لك يوم القيامه

احتسبي اجر العفاف لك ولزوجك فكم من محروم من تلك النعمه

احتسبي انك بهذا البيت وطاعة الزوج ستدخلين الجنه مصداقا لحديث رسولنا الكريم

اخيتي الحياة تنازلات ومن خروجك من بيت ابيك ستجديها ولكن تذكري انك تبنين عشك بالكلمة الطيبه وتذكري ان كل واحد قد عاش ضروف مختلفه فلابد من تقريب الوجهات لتسير السفينه

اكسبي قلب زوجك بحبك لوالديه واحترامهما واسمعي وانسي

اتفقي مع زوجك ان مشاكلكم لا تخرج من حدود غرفتكم وتحلوها بانفسكم لا اهلك ولا اهله

وضعي حدود لتعامك من كل فرد بحيث لا تدخل في حياتك وبالكلمة الطيبة

غاليتي نحن النساء نبني جيل امة محمد جيل الصحوة

تذكري اخيتي ان تقرائي الاذكار وتحافظي عليها خوفا من العين

ولا تنسي ان تتذكري دعاء الجماع

اللهم جنبنا الشيطان وجنب الشيطان ما رزقتنا

اكثري من الاستغفار فهو المخرج من كل هم ومهما ضاقت اخيتي تذكري ان كل ذلك الى زوال وان الجنه هي الهدف الاعلى


تذكري ان لا تقلقي من ترتيبات الزواج فليس مهما المهم راحتك استرخي وضعي في غرفتك شريط قران وانصحك بالشيخ مشاري راشد احسن سورة البقرة

الغاليه اللهم اسعدها واسعد جميع بنات المنتدى ووفقها لما تحب وترضى

هلا بنااات اشلوونكم شخباركم قبل اسهر معاكم بليل لكن ماادري شصار فيني قمت انام من 9 بليل ومن صبح اقعد عدلت نووومي فجأة لووووووووووووول

مشكوووورين ياحبايبي لكم كلكم اللي اقترحتوا على هداياااا كلكم وحده وحده انا لاني محتارة هي مابغي شي عليها بتربي فمااعرف ولد او بنت وهي اخت زوجي ولانها اول مرة اخذ هديه فابغي شي عدل لكن الصراحه اقتراحاتكم عجيبه وبقولكم لين شريت هديه

المهم عن الوان الخليج وكريستال انا بروح الاثنين وبشوف لانه يمكن بعد يطلع واحد فيهم مشغول يوم عرسي المهم زوجي مر عليهم وعن الوان الخليج قالوله ان خلاص اللحين مايصورون صور عاديه كله ديجتال فماادري هذي شغله جديده او قديمه عندهم واذا نفس مستوي كريستال

وكريستال مايمدحون فيديو مالهم كله مغبر مووحده ذاامتهم وااايد ذامين تصويرهم فيديو انا بشوووف وبخبركم

موناليزاااا ادعيلج من كل قلبي ان الله يوفقج ويتمم لج على خير وخلج واااثقه من عمرج ولايهمج حد ثاااني والله يوفقج حبيبتي

عروس فيرش فديتج الحقيني اللي مالت دي جي ب700ريال

دوحانيه انا نفسج اذا بحط دي جي بس حق زفه لاني مااعرف كم دقيقه دخله واخاف احط من عندي واتوهق يوم العرس
وبغيت اسئلج بعد انتي حق خطوبتج استخدمتي من الوان الخليج دجيتال والا عااادي اقصد صور مش فيديو

بناات تكفون تعرفون وحده رخيصه دزولي رقمهااا
حق دي جي


لازم احجز مافي وقت اخاف بعدين مااحصل حجوزات

خطيبه غالي الله يوفقج بالفحوصات حبيبتي وخبرينا افكر انا وزوجي نسويها

كلاسيك شدي حيلج انتي كورس تخرج لاتخربين على نفسج افتكي وخلصي من جامعه قهررررررررر

دلووعه الله يعينج على ظغط معليش استحملي اخرتها بتخرجين وشهااده

ام شيوخ وروح قطر وقطريه 75 وقطريه لوطه وكلاسيك ونور وحلم هادي وسحابه وعروس فريش واحلام صغيرة مع انها تختفي وترجع وفراوله ومجنونه فديتها ودوحانيه وخطيبوووه بليده وام حمد وعمري قطر وااااسفه للي نسيت اسمها ماشاءالله اشكثركم وان شاءالله تزيدوون الله يوفقكم كلكم المتزوجين والغير متزوجين بحيااتكم ويحقق لكم كل امانيكم

ام شيوخ وموناليزا وعروس فريش ودوحانيه الله يهنيكم باعراسكم ويوفقكم ويتمم لكم على خير

صح نسيت اخبركم عن كرين الجديد عند كريستال ب8الاف والوان الخليج ماادري بس اقل قالت له موظفه هذي شغله جديده نفس مال مهرجانات صورة تنزل من تحت لين فوق وتفتر بس قالت لازم نصور القاعه كلها يعني معازيم واللي يرقصون بيطلعون قال لها احنا مانقدر نصورهم قالت بس على عروس تخيلوا يعني حتي المراة مش ماديه قالت مايسوي تحطونه بس على عروس لانه بيتم بس رايحه راد عليها وبيكون موحلللو كلش على تصوير ومايستاهل تاخذونه

انا قلت حق زووجي خلاص ماابيه مايسوي يتم رايح راد يفتر على راسي وتخيلته بيطلع موحلو كلش

المهم بنات وعروس فريش دزولي ارقام دي جي تكفووون ابي وحده رخيصه دوحانيه اذا حصلتي دزيلي ومالت 2000ريال دزيلي رقمها انا ابغي اي وحده بس للزفه فقط لاغير