الجزء الثاني..(تجهيــزات عرايــــ قطر ــس 2006)

خلاص بسمع كلامكم وباتوكل ولا باخذه ...بروحي ابي افتك وافضى حق هالكليه العللللللللللللله الله يسهلها وانجح بس هالكورس

بنات لحقووا في طقم ارواااب كشخه في الصالون الازرق وسعرهم اوكي على 2000 وشي
وبعد عندهم مفارش حلوه وناعمه

وفي عطور مسوين عليها خصم بعد

بنات شوفوا هالصوره من مكياج الغاليه ملاذ الحب رقم اثنين هذا هو بري برايم من ماك اللي قلت لكم عنه
جربوه ما بتندموووووووون وبتدعون لي بعد

وردة العشاق شنهي العطور اللي مسوين عليها خصم ؟ ومتى اخر يوم التنزيلات ؟

اذكر بس جفنشي عندهم واااايد ماركات في عطور قديمه بس ريحتها حلوه تصلح حق البيت
وآخر يوم تنزلات ماادري بس ماصار لهم اسبوع

تدرين ندمت اني شريت الحين لان قالوا لي آخر الايام يسون خصم 75% وينزلون الاسعار عدل

هلا بنات ..

فيني نوم بس قلت بكتب لكم رد قبل أنام .. =)

دوحانيه فديتج .. ترا انا من مشجعين انه الزفه تكون ميوزك .. صج في زفات مطربين حلوه وتستاهل بس مادري احس الزفات الي أثرت فيني اكثر كانت ميوزك وخصوصا لما تكون مميزه .. وسالفة المسج لووول 10 شنط عيل هههههه الحمدلله جات ع الشنط

بالنسبة للشنط ماعرف سوري بس عجبني كلام سحابة 4 شنط 2كبار و2صغار احس اوكي ..

كلاسيك اوكي بسمع الكلام =( .. ماراح اقصه ..

عمري قطري لووول مت من الضحك ع سالفة زهور الريف راحو الريف هههههه

اسم الكريم .. (AHA-CONCEPT) ماركة Widmerسويسري هو.. تلقينه بالصيدليه الي عندي تركيزه 5% يعني خفيف واايد ..لو عرسج قريب احس مايكفيج تبين نتايجه عدل عدل انا ظهري ماصفى 100% بس تعدل اللون وغير هذا انا صار لي يمكن شهرين ماحط يعني لو الآثار خفيفه بيفيدج واايد.. وسعره 100 ريال .. يصلح للوجه والظهر ع حسب علمي .. ولو خذتيه ضروري ضروري تقرين الورقة الي معاه عشان تعرفين الاستخدام صح .. هذا كل الي اعرفه واسمحي لي تأخرت عليج ..

بالنسبة للرتن ايه تحملييييي تحطين ع ظهرج بيبقع صدقيني .. الرتن ايه لو للوجه اوكي بس الظهر مايصلح ..ممكن اماكن ثانيه بس الظهر مو شي ..

مشكوره ع صورة البري برايم انا شفت صورته من موقعهم .. المشكله اني ماخذه من كانيبو الي يتحكم بالاويل توني ماصار لي شهر وماستخدمته الا مرتين بس لاني ماحط ميك اب دايما ..بس البودره اكييد بجربها شوور .. وشكلي باخذ المسكرا البري برايم ..

الموناليزااا عرسها اليووووم .. ! فديتها الله يوفقها ان شاء الله ويتمم لها على خير وان شاء الله يطلع العرس حلو وهي احلى عروس يارب وكل شي يكون نفس الي في بالها .. وان شاء الله تكون مرتاحه ونفسيتها احسن يارب ..

اللهم بارك لهما وبارك عليهما واجمع بينهما في خير ..

الموناليزا ان شاء الله نشوفج قريب معانا وتكونين مستانسه ومرتاحه .. =)

يلا بونوي يا حلوات .. ^.*

فديتها الموناليزا انشالله يوقف المطر بكره علشان عرسها

الله يحفظج من كل عين ويسخر لج زوجج يارب

اي والله فديتها الموناليز وايد طيبه تستاهل.. الله يوفقها ويتمم لها على خير وان شاء الله تطلع احلى عروس


اللهم بارك لهما وبارك عليهما واجمع بينهما في خير ..

بنات للحين ماحجزت التصوير..


ريلي سألني تبين كرستال ولا الوان الخليج.. عاد هو خاطره بكرستال


وانا محتاره سمعت بنات وايد يذمون تصوير كرستال!! ..


انتوا شرايكم ساعدوني

هلا قاايزااات (بقتها من ام شيوووخ)

موناليزا عرسها بكرة والله يوفقها ويتمم لها على خير

مشكووورين خواتي على نصايحكم وتجاوبكم وانا راح اخذ كل شي من الوان الخليج من اضاءة الى تصوير فيديو لكن تصوير فوتغرافي هو اللي محتارة بين كريستال والوان الخليج لكن للاسف لما رحت قالولي الوان الخليج احنا خلاص مانسوي عادي بلبلور كله نسوي ديجتال وانا مااحب ديجتال ابغي اللي تعرف صور عاديه ببلور

بنات اللي امدحولي الوان الخليج سويتوا عند الوان الخليج عاديه او ديجتال

وشرايكم بديجتال عند الون الخليج

وعاديه عند كريستال بلبور حلووووو

وفي حد سمع عن مصورة اسمها فريده واعتقد سودانيه ابغي رقمهااا بليزززز

دوحااانيه عن شناط انتي شوفي اغراضج اذا واايد اخذي 6شناط لكن اذا تكفيهم شنطتين خلاص اخذي 2 هو على حسب شوفي وخلي وحده لشهر العسل ووحده للفندق

دلوووعه الله يعينج على الدوام ذكرتيني بلي مضي كنت ادوام من 6صبح لين 7 ليل والله ارهاق تعب وتخيلي شبه يوميا بس الحمدالله تخرجت وافتكيت لووووول راح تعب كله لما تخرجت

بناات وين خطيبه غالي شاركينا وشوفي مشاركتنا وراح تستفيدين منهم

صح نسيت اسئلج كلاسيك ابغي اسئلج عن اون لاين للتصوير صورهم عاديه لخطوبتج كانت حلوة وناعمه ماابغي ترتيب وتنسيق من عندهم فقط تصوير فوتغرافي ردددي على ضروررري واي مصورة تنصحيني فيهم ؟افكر احجز فوتغرافي من عندهم

كلاسيك فدييييتج مشكوره عالادعيه وانشالله باحفظهم في قلبي وارددهم.............
دوحانيه وعمري قطر.......... ماقدر اتكلم عن أي شي ولااقولهم لاتاجلون ولاتسوون اصلا يوم انخطبت محد قال لي شرايج والتاجيل لانه هو يدرس برا.. ........ لاتستغربون بس الحمدلله على كل حال..........

بنات كل الي يسال عني انا بخير وعافيه وناويه ارجع لكم بقوه >>>> لاحد يضرب حد........

اليوم عرس الموناليزا..........واي جسمي يرجف فديتها والله يارب يوفقها ويسهل عليها وتطلع أحلى عروس في احلى عروس ويعديلها هالليله على خير ولايصيدها ضيق في أقل شي........... اللهم بارك لها واحفظها ياأرحم الراحمين...........بنات كلكم ادعووووووولها

مجنونة قطر صح النقطه الي ذكرتيها مهمه صارت في وحده من ربعي هههههههههههه.................
عمري قطر شنو هذا الي حطيتيه من ماك ؟؟ .....................
دلوووعه.........الحال من بعضه حتى انا ضغط الدراسه ذابحني واليوم ركبت واير ليس في بيتنا عشان اشبك 24ساعه معاكم بس مادري ليش مايوصل غرفتي بنات في وحده منكم خبيره فالوايرليس؟؟؟؟؟؟؟؟

كلاسيك
اي والله شفتي الدوام ههههه لا وفي مدرس مينني يقولي انتي دوم مبتسمه وتضحكين حتى لو تعبانه
خخخخخ شكله هو اللي صكني بعين

روووووح قطر
ويييييينج صديقتي العزوبيه ههههه لايكون انخطبتي صجججج وخليتيني بروحي


عروس الدوحه
الله يعين الجمييييع واشوه ان ماوراي عرس ولا لو مثل حالتكم باااااال بمجع شعري صج صج تتعبووووون

ام شيوخ
بالتوفييييييق فديتج وانشالله تييبين اعلى الدرجات


خطيبة الغالي
الله يعينج والحمدلله على كل حال
وعن الوايرلس انتي ركبتيه على جهازج بعد ولالا؟
لان لازم تودين الجهاز عند المحل ويحطون لج خط الوايرلس فيه
في نوعين قطعه تتركب برا وهالنوع مانصحج فيه ابد كل شوي يفصل
وفي نوع قطعه تتركب داخل الجهاز وهاي احسن لانه مايفصل ولاتخترب
وهاي عن تجربه بالنوعين
مادري اذا فهمت سؤالج ولا انتي حطيتي الوايرلس بجهازج وبس تبين تشبكين منه ومب عارفه؟

اهداء لأول عروس من هالموضوع وبيوم زواجها اكتبها والله ودموعي تنزل مادري ليش حبيناها وحبتنا وصارت اكثر من أخت لنا...
بنات اقروا هالكلمات الي تقطع القلب..........
في أجمل ليله من عمرج يا أغلى موناليزا في هالكون....
كتبــنالج ومن الفرحه تــلامع دمعنا في العيــــــــــــــن

من أهــلـج ..عزوتج ..ناسج.. رسالة حب والمضمون
نـــبارك اطيــب انسانه وأجمـــــــــــل ورده في الايدين

نعم ياعـــيون هالدنيا في ليلــــــــــــــة عرسج الميمون
عيـــــــــون الدنيا تتكحل وهي تشوف القمر مـــــرتين

لأن اللــــيله هي ليله ولكن ليله عــن مـــــــــــــــــــليون
مـــــساها لأجلج تـــحنى وخط اسمــج على الكــفيــن..

صحيح انا بنــــــــــشتاقج ياأطهر قلب واحلى عيون
ولكن صـــــورتج تبــــقى تنور دارنا وتـــــــــــزين

لانـــج ويـــــن ماكنـــتي مكانج فالحنـــــــــايا يكون
ودامج انتي فرحـــــــــــــــانه ترانا كلنا متهــــــنين

هلا بج ياعــــــــــــــــــروستنا ياقلب كلنا له عون
يابنـــــــــــــت الي في هالــــدنيا أبد ماشي مثله اثنين

عسى ربي يوفقــــكم ويهدي سركم ويــــــــــصون
عســــــــى ربي يهنيــــــــــكم وخيره يجمع القلبين

:smile:(f):up::cry::cry::cry:(r)(r)(f)(f)(f)(f)(g)(g)(})(})

بنات نسيت اسئلكم حد جرب مصورة مريم الفلبينيه تصويره العادي مع بلور حلووو حد شاف انا ماابغي تنسيق من عندهم للالبوم فقط صوررررر

بنات اللي منكم عينها تدمع مع الرموش لازم تقول حق اللي بتمكيجها قبل لا تجيها علشان تشوف لها حل لاني سمعت سعاد تقول في رموش خاصة والمفروض تبلغونها تعمل حسابها قبل لا تجي لأن الدموع مأسااااااااااااااااااااه واذا حد عنده حل لهالمشكلة يقول لنا.

بنات اللي اعرفه ان موناليزا عرسها بكره السبت تاريخ 25 ليكون انا غلطااانه واليوم عرسها نوررروني

عروس ترى مريم الفلبنينة فنانة وشغلها مرتب وتخيلوا بنات لما ما لقيت تصوير فيديو قلت لها وجابت معاها وحده تصور فيديو قولوا بكم الفلم طلع؟؟؟؟
بــ 500 ريال بس

غرشوووب ااكيد يعني تصويرها الفوتغراف فقط العادي لاني مااحب ديجتال حلو ونااعم وتحميضها للالوان مرررتب