الجزء الثاني..(تجهيــزات عرايــــ قطر ــس 2006)

فوشيا الله يعافيج حبيبتي................

وين البنات يعني يوم انا موجوده هم محد !!

اليوم جمعة وامس مطر الكـــــــــل في البببببببببببببببببببببر :cool2::cool2::cool2:

خطيبوه حبيبتي>>>>>>>> ابغي افهم ............ نوريني!!

بنات اللي انخطبوا وسوواا خطووبه يليت تفيدونا بخبرتكم طبعا اكيد تمكيجتوا ممكن تخبرونا عن اللي مكيجوكم عشان نستفيد خبرات من اللي يمكيجووون ؟لان عندي كذا مناسبه هامه وماابي اخذ وحده واطيح بجبدي كلشي والا المكياج لووووووووووووووووول

وعن تصوووير خبرونا عند من خذتوا واشلون شكله اوكي او لا ونوع اللي خذتوووه

فراولة قطر انا جيه استحي يعني انتي متزوجه وماتعرفييييييييين !! الله يسلمج زبدة الفراوله لها ريحه ونعومه و((( طعم)) فهمتي ؟؟

عروس الدوحه انشالله الي سووا خطوبه يفيدونج والي ماسووا ( نفسي ) يسكتون وعن اللقافه ............

بالنسبة للمكياج يا عروس الدوحه صدقيني ولا وحده بتفيدج !!!!! يمكن تقولج طريقة مكياجها فنتازي مثل شريفه واللي صار ماسخ يخلي كل الوجيه مثل بعض وانتهت موضته ولا كلاسيك مثل سعاد البحرينيه بيفيدونج بهالشي و بس .... لاكن الباقي يعتمد عليج وعلى بشرتج و و و و و انا استغرب لما ينقدون وحده ويمدحون الثانية ويعممون هالشي على الكل اكيييد لأنه ناسب ذوقها او ما وارق مع اللي تحبه سواء عليها او على غيرها !!!!! فأول شي تعرفينه طريقة مكياجها والمكياج اللي تستخدمه وبس والباقي عليج انتي قوليلها اللي تبينه أو طلبي بروفه أذاا أمكن هذي الحكايه !!! ويمكن يفيدون البنات بأرقام أو أسماء للماكيرات فالدوحه !!!

خطيبوووه صج اللحين العرس تاجل زين ليش خطوبه تاجلت لاتكلفوون فيها سوها بالبيت عائليه كلش وخفيفه عن مخاااسير بس دي جي وسووها بالمجلس وعزموا ناس شوي كلش كلش واهل لايكشخون قولولهم يلبسون اي شي عادي وانتي كشخي وهو يدخل ويلبسج ويصورونكم وبس على الاقل فرحه خفيفه

خطيبي مب فالدوحه وكورس تخرج يعني مايقدر يشرف للخطوبه........... ولهالسبب تاجلت .....................

هلا لحظه عناد والله يااختي شاسوي سئلت عن امنه شاهين ابيها لزواج اختي نص امدحوا ونص ذموا لاني ماشفت مكياجها وعطوني لسته مااعرفهم ؟وماشفت غير مكياج لينا وعبيرودينا ماابيهم؟وحصه حامد مب حلوا ماادري طلع وحده بيضه غصب ؟وشوق وهنادي وبثينه ناس امدحوا وناس ذمواااا وغير جذي مايجون قاعه لازم اروح لهم واللي معرووفه بتاخير

انا محتارة اخذ فاديه او امنه شاهين او هيلدا عشان جذي اسئلكم

وخصوصا اني بعد اعرف امكيج فااامواي مكياج يدخل مزاااجي

تدرين دينا بتمكيجني بعرسي ومييييييييييته خوف منها اللي هي توووب بالعرايس

وانا ماراح اخذ ناعم لو كان ناعم مومشكله اي وحده بتظبطه انا احب وسط مابين ثقيل وناعم وهالمكياج يبيله وحده فنانه

معليش خطيبه غالي كلها كم شهر وبيكووون عندج وبتسووين خطوبه وبتفرحين ان شاءالله

خطيبة الغالي
عن الوايرلس الله يسلمج لازم تسوين كونكشن بكمبيوترج يعني لازم تودينه المحل يسوونه لج الا اذا عندج حد خبيييييييييير يمكن يعرف يسويلج الكونكشن
واذا بتودينه المحل شوفي اذا تقدرين تردين القطعه خذي اللي داخل الكبيوتر
النوع اللي خذتيه مب اوكي وايد يفصل
اللي داخل الكمبيوتر احسن وتقريبا نفس السعر



وعن المكياج
هيلدا ستايلها حلو وااايد وكشخه
شريفه المهندي عالطلب تبين دفش ناعم فنتازي على طلبج
والاحلى فيها ان نفسيتها حلوووه وايد وحبوبه وتفهمج وتريحج

امنه شاهين شفت مكياجها على وحده كان حلو ونعوم مع انها ما تدرجت وايد بالوان الشدو

عروس اخذي شريفه سبيشل بـ 500 وقوليلها لا تكثر الفونديتون ولا تسحب الكحل أو ما تخليه فنتازي واجد بيطلع عليج حلو انشالله انا شريفه مجربتها كل اعراسنا والكل يمدح مكياجي محد ذمه بالعكس يمكن وجهي مساعد ( واحده واثقه من نفسها ) ههههههههههههههههههههههه انا اقولج اخذي شريفه وحده كويسه ومواعيدها قققرنتش وانا كنت حاجزتها لعرسنا بس أبي أغير الستايل !!!! لكن انا بسألج عن دينوه أم المزاج طريقتها قريبه من شريفه أو غير .... وبالنسبة للفونديشن انا بتحكم فيه وبأمرها تسويه لون بشرتي مو مهرج لاكن طريقة الكحل شلون !!!!

شوووفي بقولج شغله دينا ماترضي تغيرين فوندشن مالها وحده قالتلي ماترضي وطريقه كحل عاديه ترسم العين بس هي مكياجها نااعم كلش وليش خاايفه منها لاني لاحظت البنات اللي عندهم عيوووب طلعهم روووعه لانها تخفي ملامح وترسمها مرة ثانيه من خلال هالجص الابيض اللي تحطه للعروس وانا ملامحي حلوة وتساعد بالميكب الحمدالله ماعندي عيوب بوجهي وهذا اللي مخرعني اخاف تخفسني بدال ماطلعني اوووكي وانا موبيضه حنطيه على سمره وموعاجبني تسويني كاني جص ابيض لكن شبسوي اخاف اقولها شي ويتعكر مزاجها وتعفسني عفاس فقلت بنطم احسن وتسوي اللي تسويه

وعن شريفه شفتها مكياجها اول ماطلعت كان حلوووو

وسمعت اللحين ماتمكيج سبيشل وماتروح فندق واللي تبي تمكيجها بالف بالبيت وااايد غالي شنو بتحطلي ؟؟؟؟

والله توني حاجزه عندها وامس مكنسله الحجز بـ 500 يمكن لأنها رفيجتي وسألتها قالت العرايس غلتهم بس !!!! والباقي ثابت لا مأعتقد تأكدي من السالفه .... طيب انا حاجزه بـ 1000 عند دينوه :angry:!!! بس وحده من رفيجاتي قالت انها طلعت مرت اخوها خياااااااااال غيرتها 360 درجه :think: ليه هي تخصص جياكر تعدلهم والحلوين تدمرهم شسالفتها ذي :ss: حاقده على الحلوييين :eek: خرعتيييني عروس :cry::cry:!!!

شفتي عناد قلتيها تخصص العيووب تعرف كيف تخفيهااا وهذا على فكرة فن واللي تسويها لازم تكون فنانه مش جياكر لا البنات اللي عندهم عيوب مثل خشم كبير يعني وجه مش متناسق فيه اختلافات وانا ماابي اغلط على البنت بالعكس مكياجها عجيييب وروعه وهي توب هني بقطر لكن هذا اللي لاحظته من خلال العرايس اللي شفتهم بعد ماحجزت شفتي وكلمتها ابغي اكنسل دفعت 1000عربون والثانيه يوم العرس مارضت ترجع العربون فسكت ووكلت امري لله

وهي ليش تحط ابيض وااايد عشان تخفي ملامح الحقيقيه وترسم رسااام مرة ثانيه وتغيرهم 360 درجه انا اخر عرس شفت لها بشهر 11 تعرفين طلعت البنت خياااال الكل شهق وهي داشه وانا اعرفها مب حلووووووووووووووووة كلش كلش كلش ولافيها ذرة جمال لكن والله ياعناد طلعت قمر 14

ومكيجت بنت عمي من سنتين طلعتها خفسه لوووعه انصدمت لما قالت لي دينا فجيت حلجي ماصدقت ان دينا مكيجتها طلعتها فووووق لوووعه

وشريفه كلمتها وحده اعرفها شخصيا تبي تحجزها لعرس اختها قالت لها انا اللحين امكيج عرايس ب2000 وماروح الفندق واذا تبين تعالي البيت ب1000ريال

بنات حجزت عند سعاد القطريه حق الخطوبه...



شرايكم فيها شلون مكياجها واساسها.. البودره رسمة العين يعنى قولولي كل شي عنها ..



والله قاعده احاتي :pain: لاني ماجربتها من قبل ولا شفت مكياجها

تطمني عذاري
سعاد الكل يمدح مكياجها ويقول عنه نعوم وحلو

اخواااتي تصوير فوتغرافي هو اللي محتارة بين كريستال والوان الخليج لكن للاسف لما رحت قالولي الوان الخليج احنا خلاص مانسوي عادي بلبلور كله نسوي ديجتال وانا مااحب ديجتال ابغي اللي تعرف صور عاديه ببلور

وشرايكم بديجتال عند الون الخليج ؟

وعاديه عند كريستال بلبور حلووووو؟

وفي حد سمع عن مصورة اسمها فريده واعتقد سودانيه ابغي رقمهااا بليزززز

صح نسيت اسئلج كلاسيك ابغي اسئلج عن اون لاين للتصوير صورهم عاديه لخطوبتج كانت حلوة وناعمه ماابغي ترتيب وتنسيق من عندهم فقط تصوير فوتغرافي ردددي على ضروررري واي مصورة تنصحيني فيهم ؟افكر احجز فوتغرافي من عندهم

ومن شاف تصويرهم العادي ؟

بنات نسيت اسئلكم حد جرب مصورة مريم الفلبينيه تصويره العادي مع بلور حلووو حد شاف انا ماابغي تنسيق من عندهم للالبوم فقط صوررررر

بللليز عروس فريش قالت عن وحده ب700 للدي جي اللي طرشت لها رقم دزه لي

بنااات تذكرت موناليزا شفت توقيعها بكرة العرس فديتهااا ادعولها بنات ان الله يتمم لها على خير ويهنيها ومن فيكم معزززوم بكرة على عرس هههههههههههههههههه في سلوى بيكون عرس الموناليزا هههههههههههه (شقاعده تفكرين فيه ) ماادري اشلون جات في بالي مرة وحده

الله يهنيها يابناااات والله انها حبوبه وتستاهل الخير

ليش ماتشاركون شاااركوا شتسووون كلكم اشوف اساميكم تحت اشكثركم مللللللللللللللللللللللل