الجزء الثاني..(تجهيــزات عرايــــ قطر ــس 2006)

برنامج تهيئة البشره للمكياج في اسبوع واحد فقط ( البرنامج اللي وعدتكم فيه
)
السلام عليكم ورحمة الله وبركاته
كيف حال بنات حواء الحلوات ؟


وعدتكم بموضوع اعداد البشره للمكياج وهاهو أخيراً يرى النور


حبيباتي كثير من الاحيان نهمل بشراتنا اما بسبب الانشغال بدراسه او عمل او قل
اهتمام واحيانا نهتم فيها لكن مانلاقي نتيجه لاننا نعتني بصوره خاطئه ونتحطم
ونقول الله يخلف علينا متى بنصير من جنس الانااااااااااث
الله يخلف بشراتنا وجلود الضبان واحد <<<<<<<<<<<< هذا الشيء كنت احس فيه
كثير قبل كم سنه .


وتجي الطامه الكبرى والمصيبه لما يكون عندك مناسبه قريبه وانتي بشرتك تقرف (
مسام واسعه _ قشور _ حبوب بجميع الاحجام _ زيوان _ بقع _ كلف _ هالات سوداء
على العيون _وووو ............ مشاكل مالها نهايه )
ومع هالمشاكل طبعاً مكياج مهما تعبتي فيه يطلع خايس ومتعزل ومتكتل وطاير عن
بشرتك ولو سويتي المكياج عند كوافيره طالعي في عيونها وهي تزينك تلاقينها
تزينك من غير نفس واذا كانت حليوه تلاقينها تلف وتدور وتزيد هذا وتقلل هذا في
محاوله يائسه لاخفاء عيوب بشرتك والنتيجه ولاشي البشره تجيب الهم .

ومع هذي الضغوط نعتقد ان بشراتنا يبيلها اعادة هيكله وسمكره من اول وجديد
وهات يارتن اي ويا خلطات والنتيجه عكسيه .

المهم يابنات انا مره قريت نصيحه تقول :
تاكدي دائماً ان القليل يفيد بشرتك ويكفيها .

ومشيت على هذي النصيحه
والحمد لله بعدها من كم سنه وانا ماعندي مشكله حتى لو يقولون زواجك بكره وانا
ماادري . وكانت قاعدتي هي لما تختارين اي طريقه للعنايه اختاري شي متوفر في
البيت ولو كان بينشرى لازم يكون في كل مكان .

ما اطول عليكم موضوعي هذا يفيد اي وحده بشرتها تعبانه وماتتقبل المكياج
وعندها مناسبه قريب وهذا البرنامج اذا سويتيه قبل المناسبه باسبوع بتلقين
بشرتك تلق في المناسبه وهذا طبعاً برنامجي الخاص وماشيه عليه دائماً واخترت
مكوناته من المكونات اللي دائماً تكون متواجده معك عشان ماتنزنقين ابداً.وغير
كذا قاعده معروفه اي شي صعب ماراح تستمرين عليه وبتملين منه وبترجع مشكلتك
مثل اول لكن لما يكون سهل بيكون جزء من روتينك اليومي وبتحطينه وانتي عادي
ماتحسين انه ثقيل عليك.
والمكونات موجوده في الصوره



اكيد بتسالوني عن شكل بشرتي قبل البرنامج وبقول لكم قبل كم سنه كااااااااانت
بشرتي:
ا- دهنيه.
2- مسامتها واسعه .
3- توجد عندي بقع كلف عجزت فيها الخلطات الطبيه والطبيعيه والكميائيه وكلها
تزيد مشكلتها لكن البرنامج هذا كان بمثابة الحل الغير متوقع لهذي المشكله .
4- زيوان.
5- قشور وحبوب بجميع الاشكال وتزداد وضوح بشكل مخيف مع الفاونديشن .
اما الان:
ما ودي امدح نفسي (بس قولوا ماشاء الله ) بشرتي والسيراميك سوى . لمعه ونظاره
وصفاء وخدود ورديه بالرغم من اني حنطاويه .
مافي كلف ولاحبوب ولا قشور ولا شي .


الخطوات :
1- توقفي عن اي كريمات او خلطات خلال هذا الاسبوع والاهم توقفي عن التقشير
والصنفره واي شيء ثاني .
2- يومياً اصنعي هذا القناع .



القليل من حليب بوني في فنجان وضعي قطرات من الليمون ( اذا بشرتك جافه 3 نقط
كفايه ,, واذا دهنيه او مختلطه زيديها كل ماكانت يشرتك دهنيه اكثر يعني
الدهنيه مره عادي لو تعصر ربع ليمونه )
واتركي الخليط لمدة دقيقه بعدها بتلقين الخليط ثقل شوي حطيه على وجهك ودلكيه
الين تحسينه دخل جوى بشرتك واتركيه الين ينشف بس انتبهي تضحكين او تتكلمين
وهو ناشف لان اي قناع يشد وجهك لما ينشف وتضحكين وتتكلمين وانتي حاطته
يكسروجهك ويجعد لك خطوط الضحك .
بعد ماتغسلين القناع امسحي على وجهك بموية ورد

فائدته :
يشيل اثار حب الشباب .
يفتح الوجه .
يوقف السبب اللي يخلي القشور تطلع وهو انه يغذي البشره بشكل عميق ويعطيها
العناصر الغذائيه اللازمه
يمد البشره بالكالسيوم المهم في نظارة البشره
يمد البشره بفيتامين سي المعروف في اعادة حيوية البشره وتفتيحها
ينظف البشره
وفوائده لاتعد
2 ادهني وجهك ورقبتك يومياً من زيت اللوز الحلو او المر ولكن اشوف ان الحلو
اكثر واسرع فائده من زيت اللوز المر المهم حطيه ونامي .



فوائده :
يشيل خلايا الجلد الميته.
يساعد يشكل كبير ورئيسي في ازالة الكلف او تقدرين تقولين انه الشيء االرئيسي
في ازالة الكلف.
يجدد شباب البشره ويخليها مثل بشرة الطفل
يشد البشره
راااااااااائع للتجاعيد والهلات السوداء حول العيون .
بعد ماتصحين من النوم اغسلي وجهك بصابونة البابايا لانها تفتح وتجدد البشره
الا اذا كانت بشرتك جافه اوحساسه اغسلي بصابون دوف روعه .




بعدها حطي ديس لاين تي المعقم



هذا المعقم فتاك بالحبوب الصغيره والكبيره لاني حاولت اعالج الحبوب عند افضل
الدكاتره بس لما استخدمت هذا المعقم ارتحت جداً وماعاد صرت اشيل هم الحبوب
ابداً.لانها ماعادت تطلع ولو طلع شي بالغلط ثلاث اليام من وصع هذا المعقم على
الوجه كفيله بازالتها من غير اثر
استمري على هالخطوتين يومياً طوال فترة الاسبوع

في يوم المناسبه :



استحمي بدري شوي عشان يكون معك وقت
بعد ماتستحمين وانتي لازلتي في الحمام استخدمي السكراب اللي تحبين ( وانا
افضل السكراب اللي في الصوره لانه يفتح البشره وحبيباته صغار ماتخدش البشره
ولطيفه عليها ومزود باحماض الفواكه وفي تركيبته مفتح للبشره )
طبعاً وانتي في الحمام لان وجهك يكون وقتها وكانه متعرض لحمام بخار ومسامك
مفتوحه وجلدك الميت لين فتسهل ازالته
طبعاً استخدمي السكراب بحركات دائريه خفيفه من غيرماتضغطين على بشرتك
استخدميه مرتين الاولى خليه بكميه كثيره نوعاً ما بعدين اغسلي وجهك وحطيه مره
ثانيه بس بكميه قليله جداً ومعاها مويه وبصوره سريعه دلكي وجهك واغسليه
الفائده من انك تحطيه مرتين هو الحصول على صنفره مثاليه وعشان تتاكدين المسي
بشرتك بعد المره الاولى وبعدين المسيها بعد المره الثانيه وشوفي الفرق .


3- بعد الحمام ضعي القناع التالي على بشرتك :
-اذاكانت بشرتك دهنيه او مختلطه :




بياض بيضه مع قطرات من الليمون واتركيه ثلت ساعه بعدين اغسليه وامسحي على
وجهك بموية ورد


وفائدته يقفل المسام لين تصير البشره مثل السيراميك مافيها مسامات ابداً
ويعطيك نظار حلوه
- اذا كانت بشرتك عاديه الى جافه :
اكتفي بصفار بيضه افرديها على وجهك لمدة ثلث ساعه ثم اغسليها وامسحي على وحهك
بموية ورد .


4- قبل وضع المكياج :


ضعي القليل من الدقيق الابيض مع القليل من الماء واخلطيهم حتى تكوني سائل
وافرديها على وجهك لمدة خمس دقائق بعدها اغسليها بماء ( منغير صابون ( وجففي
وجهك وابدئي بخطوات المكياج .
فائدتها :
تخلي المكياج يلبس وجهك تماماً ويكون رائع.

اتمنى اني فدتكم