الجزء الثاني..(تجهيــزات عرايــــ قطر ــس 2006)

افااا عليج نور ..

انا دعيت لج بس الظاهر ما انتبهتي لردي http://www.3roos.com/forums/showpost.php?p=2074614&postcount=188

: )

نور 3 الله يتمملك على خير حبيبتي

توني مسلمة بحثي بس عندي احساس انه بيحذفه بويهي
:)
عمري قطر
مرة رحت مركز الشفاء الطبي وشفت عندهم فحص قبل الزواج

الحركات امممم حركة العلج ولما تكون العروس ماخذه راحتها مع المعرس الاحظ الكل ينقد عليها

روح قطر:
ان شاء الله انج بتنضمين للمجموعة قريب وبالنسبة كلها فيتامينات اخذيهم عقب الريوق مرة وحدة الفيتامينات احسن شي تمتصينه الصبح


الموناليزا
الله يوفقج وايد في بالي واحاتيج

دوحانية
كلاارو الابيض والازرق ??? شريته اخر مرة وماحسيته اوكي

الذهب خذته ب12 الف تقريبا

>>الحركــات<<
العروس ماخذه راحتها مع المعرس وسوالف وضحك

العروس مبوزة ومالها خلق للمعرس جنها داشه عزا

العروس تمشي بسرعه على بالها الكوشة بتطير

العروس كل شوي تنادي حد وتسولف معاه

واخس شي عندي العرس يخز ما يخلي حد بالقاعة ما يخزه انزين واللي قاعده حذاك!!

دوحانيه شحالج؟!!!:)
بس ممكن بليز توضحين شنو الكريم الي قلتي عنه ينباع في الجمعيه اسمه كلارو وشنو فايدته واذا ممكن الصوره واذا زين او لأ كل التفاصيل يعني ومشكوره مقدما:)

فراولة قطر صاجه والله الناس مايخلون شي الا وتكلموا عنه وطلعوا عيوب بس يعني اذا مثلا تميت اسولف واضحك مع ريلي بس بطريقه مأدبه مو كأني مع رفيجتي خخخخ شاسوي بعد اسكت وانطم بيقولون شفيها هاي ماتتكلم ولا ترد على ريلها تعرفين من هال سوالف ولالا يمكن يوصلونها والله غاصبينها ما تعرفينهم خخخخ
بس الي كلش مو شي انه العروس اتعلج اصلن عييييب والي تحب العلوج لا تنسى قطيه قبل ما تدخلين مو تنسييين وتخلينه بحلجج واذا تذكرتي انه في حلجج وانتي في الزفه خخخ احسن حل البلالالالاع بلعيه خخخ ولا شرايج فراوله

انا بعدين يمكن اطلع اخلص كمن غرض لي واسكر الشنطه...بنت عمي قالت لي لازم تكون شنطتي زاهبه ومسكره كل شنطه مالت الفندق والسفر في نص 3 تقول لأنه بعدين ما تحاتين ولا شي ..بس انا باخليها هي ترتبها معاي هي متزوجه وادرى..
وياله قايزات سي يو

-%-سحابة حب-%- مشكوره يالغاليه لانج سالتي عني


بنات وين مكان مجوهرات المفتاح اعرف ان بالسد بس وين مكانه!!

احساس طفلة مجوهرات المفتاح بالضبط جنب مركز المفتاح واللي هو مقابل رويال بلازا

غرشــوب مشكوره يالغالــيه ..

بنات شبلاكم بااااارين اليوووووووووم
مشووووف حد يسوووووووووووووولف..

ام شيوخ تعالي قوليلنا شحطيتي في كل شنطه عشان انسوي مثلج خخخخخخخ
وعمري قطر ماحطيتي لنا الاسعار؟؟؟

وبنات في عندنا استديو العدسه الذهبيه والا لا؟؟؟
والي تعرفه تقولي وين مكانه او رقمه؟؟؟

بليز...صرت محتاره فالتصوير :(

هلا بنات شلونكم
انا اول مره اشارك بتجمعكم هذا بس كنت اتابعكم فقط

لان انا راحت علي (خلاص تزوجت والحمد لله)

بس بغيت اسال اذا في وحده منكم تمكيجت عند ساره امان (تقول لي هي اي بودره وكريم اساس تستخدم يعني اي ماركه لان وايد حلو)

هلا بنات اشلووونكم شخباركم ؟

اليوم صايدني كسل موطبيعي كسلانه حتي ارد عليكم ماادري اشفيني؟

موناليزا ادعيلج من كل قلبي والله يوفقج

ماادري من سئلت عن شنط اعتقد ام شيوخ انا خذت شنطه ماركه نسيت اسمها من كبيرة للصغيرة والله نسيت كم طلعت على بس ماتعدي 500 اعتقد في سوق واقف نفسها حكم اصليه ويمكن اقل من 500 كاسروهم مكاسر اول مادخلون سوق واقف لفوا يمين امشوا شوي بتلقون محل يمينكم كبير مترووس شنط اشكال والوان

الحمدالله عروس فريش انج حجزتي دينا انا نفسج بودي لمعتي معااي وخلصي حجوزاتج كلها من شعر وحنه وللاهل

والفال للبنات اللي ماحجزوا يابنات حجزوا لاتغترون تقولون توا الناس المكياج والشعر تلقونهم فل لان الاغلب ياخذ لبني ومرسيدس وسعاد ودينا وعبير هم توب بقطر احجزوا لكم ولاهلكم وافتكوا وبعدين ابتدوا بالفستان وبعده جهزوا شوي شوي

عمري قطر الحمدالله حبيبتي تسهلت اموورج بس حبيت اوجه نصيحه للبنات تحملوا تستخدمون شي على شعركم وخصوصا العرس قريب لاتصدقون اكثر اللي ينقال بتلفزيون دعايات خرطي من اجل ربح ماادي عقب لين اختفست شعوركم بتتحسفون استخدموا شي كنت تستخدمونه وارتحتوا معاه لاتقولون زيت وماراح يضر ماتدرون كل بنت ولها نوعيه شعر ومدى حساسيته ومدي فروة راس قويه ضعيفه مب لازم هذي طول شعرها انتي بعد يطول شعرج ويصير زين يمكن العكس يختفس اكثر بس حبيت انصحكم لاتغامرون وخصوصا مابغي شي على عروسنا كل وحده شهر او شهرين او 3
شوفوا دوحانيه استخدمت خلطات طبيعيه وحبب وجهااا واحنا موناقصين هم فوق همومنااا

تحملوووووااااا تبون سوا مساج لشعركم او استخدموا زيوت كنتم مستخدمينهم وارتحتوا لها انصحكم لاتغترون بدعايات تلفزيون

وعمري قطر ماحطيتي لنا الاسعار؟؟؟

كلاسيك الله يوفقج بالبحث ان شاءالله

الله يوفقكم يابنات كلكم وسلام للكل

وبغيت اسئلكم سمعتوا عن مصورة سودانيه يمكن اسمها عاديه موااكيد هي ماتشتغل لا في كريستال ولافي الوان الخليج ممكن رقمها اللي تعرفهااا ابيهاا ضروررري؟

ممكن بنات تقولولي بشنطه الفندق شنو احط وعلى فكرة ثاني يوم مسافره

وشنطه شهر العسل شنو احط اخااف انسي شي مهم

معاج حق أم شيوخ،،،
زين تسويــن....أحسنلج تخلصين من الأغراض وتجهزين كل شي>>>>>>>>>لأن اختج فراولة توهقت:sad:


كنت مخليه كل شي لين آخر لحظه وتحسفت

عروووووووووووووووس الدوحه خلي عنج الكسل وتعالي شاركينا..

من وين تقصدين او ماندخل سوف واقف وضحي خبرج سوق واقف شطووووووووووووووووووله..
شنو الماركه الي خذتيها..

وفي وحده اكتبت عن مصوره اسمها عايده وماطرشت لي رقمها:think: مادري ليش؟؟

وترة انا حاجزه عند دينا من شهر 12 والله يالله حصلت حجز ....

برجع لكم ..سي يو

هلووووو (( قايزات )) << صرنا نقلد ^_*

هلا و غلا كلاسيك :

ههههههههه لا إن شاء الله بيعطيج عليه العلامة الكاملة " قولي إن شاء الله " ..

بالنسبة لكلارو .. أنا أستخدمه بصراحة بعد ما اتسبح و وايد زين مادري يمكن ما فاد وياج .. انا جربت أكثر من مزيل عرق و آخرها مال

البودي شوب الأبيض .. لكن كلارو كان أحسن ..

..

هلا و غلا أم شيوخ :

انا بخير الله يسلمج ,,, بشريني عنج ؟

كريم كلارو أزرق و أبيض ينباع في الجمعية و الصيدليات لكن الأسعار متفاوتة طبعاً .. تستخدمينه بدال مزيل العرق ..
دورت صورته ما لقيتها .. عموماً انا جربته و كان وايد اوكي و مع الإستخدام تلقينه يفتح لون المنطقة .. بس الأهم من هذا كله .. إزالة الشعر على طول ..

و زين تسوين و تخلصين قبل عشان لا تتوهقين ..

..

هلا و غلا فراولة قطر :

اممممم انا هالحركات اللي ذكرتيها ما أحبها .. ولا اللي تطقها سالفة مع ريلها ! خير يمه ما حلت السوالف الا جدام الناس .. بس مع كل الإحتياطات لازم الناس بتنقد على العروس ولا المعرس و لا العرس بكبره ..

..

هلا و غلا عروس فرش :

أي عندنا حتى اسمه بالإنجليزي golden focus و لو اتصلتي على كيوتل بيعطونج رقمهم ..
بالنسبة لمكانه يقولون إنه في مجمع غرناطة .. انا مرة طلبت رقمهم و قلت لهم الإسم بالانجليزي و عطوني إياه ..

..

هلا و غلا عروس الدوحة :

انا مثلج بعد عيزااانة حدي و ما لي خلق اسوي شي .. خاصة و بعد إن في موضوع كدرني شوي ..

و بخصوص و يهي اللي حبب خخخخخخ أنتي دريتي بالموضوع ؟!!! بس الصراحة ما اندمر كلللش منطقة بسيييييييييطة و هذاني اقولها مب من شي بس من سوء إستخدامي للشغلة و هاذي غلطتي .. بس توبة ما أعيدها خلاص ^^
لكن الحين الحمد لله ويهي تمام بس يبي له عنااية بسيطة مني << الكسل ذابحها ..

و نصايحج في محلها .. جزاج الله خير ..

والله دوحانيه شجعتيني........

:) <<<<<<<<<<< راحت تركض تتصل لكيوتل خخخخخخخخخخخخخ

ومشكوووووره اختي كلاسك على الرقم...
بس شرايج فتصويرها تمام والا يعني ؟؟؟؟

اممممم مابي أحبطج لكن توني قارية ردج في موضوع بنات الامارات بس مادري هل هالمحل له فروع ثانية برى قطر ولا لا ..


^^ و السموحة أختي إذا طلع غير ..

السلام عليكم

عروس فرش .. في استديو اسمه العدسة الذهبية بس اخبر يوم اتصلت له قالي انه يصور ديجاتل وماعنده تصوير اعراس عاد هل الكلام كان من 6 شهور تقريبا

ابرار الوادي ..
حياج ويانا وما يمنع انج تفيدينا بخبرتج
بالنسبة لكريم سارة امان ما اعرفه بصراحة د

عروس الدوحة .. خلي الكسل عنج حبيبتي :) وشاركي
بالنسبة لنصيحتج انا معاج فيها في شعور ما تستحمل
بس انا عندي وقت باطول هنيه باقي 5 شهور واسبوع ومدري كمن يوم خخخخخخخخخخ تمللت وانا اشوف الايام
لان فيني طبع اذا عندي تقديم بحث واو برزنتيشن دايما احب اكون اول وحدة عشان افتك واطالع الناس الباقية وانا مرتاحة ..
وواللحين باقي على العرس وايد وكل يوم احاتي اوووف ملل والله
بالنسبة حق عايدة طرشت لج رقمها .. اتصلي لها وعطينا معلومات عنها

دوحانية ازيك .. عاملة ايه :)
كلارو يفتح ؟؟؟ اذا جي بتم استخدمه .. انا ما عجبني لانه لازم تحطينه اكثر من مرة بالاسبوع لان مفعوله يومين تقريبا وانا اصلا ما ابي احط ديودرانت كل يوم
وبالنسبة للشيل انا اللي باط جبدي ان الشيل هو اللي يغمج هل المكان تمللت من هل الحالة والله مع اني اشيل بالحلاوة
وتعالي انتي شمسويه بويهج .. طلعت لج حبوب ؟؟ شوفي اذا عندج حد بيروح السعودية وصيه على محلول اسمه دلاسين تي هاي طال عمرج تحطينه على الحبة تروح وما تخلي لج اثر

عروس فريش مدري الاخت ام لولوة عطتني الرقم بس مذكر شقالت عنها بدور لج الرد وباحطه لج
بس اشوف عروس الدوحة تبي الرقم بعد اكيد سمعت عنها من مكان ما


امممممممم كاهي المشاركة لللاخت ام لولوة
تفضلي

بنات انا ما احب اسوي دعاية بس قررت اسوي دعاية حق الاخت ام مريم وشهد
هي تبيع مكياج كارولاين وبن ناي وصراحة اسعارها وايد اوكيك
اللي لين اللحين ما شرت مكياج بينفعها لان الاسعار وايد رخيصة

والله شكلهم مالهم فرع فالدوحه لانه محل معروف فالامارات وما حصلته عن كيوتل مو معقوله..
كلاسك انا ابي التصوير دجيتال للعرس مابي عادي اقصد الفتوغرافي..

وخبر عايده بتصل لها وبشوف شنو سالفهتا وبقولكم ..

انزين شرايك تسالينها عن الالبومات اذا عندها واسعارها من كم تبدى ..
واذا عندها الالبوم بو دروج