الجزء الثاني..(تجهيــزات عرايــــ قطر ــس 2006)

ان شاء الله يااااااااااااارب
طمنينا وقولي لنا انواع الفحوصات

عروس الدوحه


بالنسبه للهديه انه مرت اخوي لما ربيت بولدي جابت لي هديه حلوه استانست عليها وااايد .......وهي عباره عن خاتم ذهب ابيض حلو وناعم وقميص نوم قصير وللبيبي ملابس متنوعه تقريباعددهم 8او 9 والتغليف كان حلو بوكس كبير فيه ملابس البيبي وفوقه بوكس اصغر في قميص النوم والخاتم والبوكسين ملفوفين بشرايط وحركات.........انشالله شرحي مفهوم





وباقي العرايس حبيت اسلم عليكم واقولكم الله يوفقكم يارب ويهنيكم..



ولي لين الحين ماعرست الله يسوقلها ولد الحلال<<<<<<<<بايقتها من الوالده ههههههه

نور الله يوفقج ويرزقج بالزوج الصالح سوري ماكنت شايفه مشاركتج الي قبل ..

الله يرزقج ويرزق فاتنه ودلوعه وروح قطر << من هذي p= وكل البنات العزوبيات بالزوج الصالــح الي يسعدهم .. اللهم آمين

خطيبة الغالي الله يوفقج ان شاء الله بالفحص وان شاء الله كل شي بيكون اوكي وتمام ..

بنات صج ترا الفحص واايد مهم انا اقصد فحص الدم عشان اليهال ..

عروس الدوحه صح ممكن تجيبين لام البيبي خاتم ذهب أو قلب ..لان الولد شنو ممكن تجيبين له غير ملابس أحس مافي شي =s

البطه المشتطه (ياعيني ع السجع) تسلمين ع الدعوات الحلوه .. الله يوفقج ويبارك في عيالج ويسخر لج زوجج اللهم آمين ..

وبث =)

خطيبة الغالي :) بس عقب ماتطلع النتايج لازم ريلج بعد يسوي الفحص عشان يشوف الطبيب النتايج ويقول لكم اذا فيه شىء (لاقدر الله) لازم تنتبهون له

روح قطر...ولله انا اسوي حمام الكريم ب 70 وشعري لين حد "الستيان" من ورا يعني اقل من نص ظهري بشوي......واحيانا يقولون لي 100 !! يعتمد على اللي بتسوي لج الفاتورة واذا انتي تفاصلين (مثلي) او تستحين ويقصون عليج خخخخخخخخ :)

بس شغلهم ممتاز في هالخدمه بالذات :)


فراولة ..............بليز شرحي لي وللبنات عن هالموضوع "المنطقة الحساسه والعناية بها" ...اعتقد الموضوع مهم وكلنا بنستفيد من تجارب المتزوجات

اعرف وحده مدري من قص عليها وقال لها تحط دهن عود هناك خخخخخ يعني انه فله !! وصادتها حساسية والتهاب وتبهدلت من جد تخيلوا؟؟؟ واهي عروس يعني الحبيبية مسويه جذيه حق ليلة عرسها !! وتمت تناقز من الحرار والحكه خخخخخخخخ سوري بس تحملوا يابنات اقولكم عشان لاحد يضحك عليكم

مب اي شىء ينحط هناك لان فعلا المنطقة تتتاثر بسرعه وتسود من هالمواد العطرية القوية

واللي تعرف شىء لاتبخل علينا

ميرسي :shy:

عروس الدوحه....اعطيج فكره حلوه مسويتها رفيجتي حق وحده والده؟...اخذي لج مجموعة ملابس مواليد (لون بيج) محايد..ووديها حق الميجا مارت...بيسوي لج تلبيسة للملابس هذي من البلاستيك وبيوزعها في تنسيق ورد كبير وااايد حلو :) يعني بيسوي مجسم لجسم البيبي وبلبسه الثياب وبيكون بين الورود موقفه مانه بيبي صجي :) والله طلع روووووووووووووووعه فكرته غريبة ومبهره وصج بتكون حلوه :) المبلغ اللي حددتيه بيكفي وبيزيد

مساء الخير ..
دوحانية فديتك تعبج راحة
وان شاء الله يصير عرسج احلى عرس وانتي احلى عروس .. عاد مب تنسينا لي تزوجتي ارجعي بخبراتج ونصايحك
الدلاسين اللي سمعت عنه انه بس تحطينه على الحبة وامس يوم كنت ادور لج الطريقة كانوا يقولون تخلطينه ويا محلول ثاني ويشيل اثار الحبوب
انتي لو احتجتيه حطيه بس على الحبه بس لا تجازفين انطريني انا قاعدة انطر اي حبة تطلع عشان اجربه خخخخخخخ
الزنييت هاي استخدمه كنت بس ماله تاثير قوي
يعني ما يتغير شي ..

روح قطر .. ترى الجدول حلو .. جربته كمن يوم قبل خطوبتي ونتيجته حلوة بس الكسل مشكلة عندي وعندج
وشسم الكريم اللي استخدمتيه هو مقشر من لويس ويدمر .. لاني استخدمته بس مافاد

سحابة حب
قريت اللينك اللي حاطته .. كنت احسب السالفة بس تحليل دم .. صراحة ما يطاوعني قلبي اسوي هل الفحوصات
:(


خطيبة الغالي
اممممممم حاولي تغيرين هل الحالة اللي انتي فيها واذا انتي متضايقة من تاجيل العرس ليش ما تكلمين ريلج بالموضوع
انزين خطوبتك لين اللحين بنفس الموعد ولا تاجلت بعد ؟

عروس الدوحة :
انا اخت زوجي بعد توها مربية يا حليلها وقلت باطرش لج خاتم حلو مع ست للبس البيبي وباغلفهم حلو

الحلم الهادي انا تقريبا نفس طول شعرج أو اطول بشوي .. اتوقع لازم يشوفونه ويقولون لي بكم .. انا من النوع الي ينقص علي في الاسعار ='( ..بس اكيد بتكون امي معاي بخليها تكلمهم ..

حلوووه الفكره الي قلتيها لعرووس .. انا مسويه هالحركه كذا مره عند ميغامارت وماسيس ومره كانت هداية ولاده بس فكرة الهدية مع الورد وتكون بحركه .. وهم يعرفون لهسوالف ..

وعروس بعد وصيهم يحطون لج قلتر (لمعه) ع الورد بس بشكل خفيف بيطلع حلووو .. =)

كلاسيك بقول لج اسم الكريم بعد شوي بروح اشوفه وبقول لج .. ترا الديلاسين نفس الزيناريت بس اخف من صجج الزيناريت مافاد ؟ يعني داومتي عليه ولا شلون ؟ لانه صج ينشف الحبوب..

كلاسيك حتى الخطوبه تأجلت............ انا ماعرف السبب الرئيسي من تغير نفسيتي بس انشالله بتروح الضيقه مع الايام..........
فراولة قطر بالعكس النقطه الي قلتيها مهمه لازم نهتم بهالمنطقه انا استخدم لها غسول كير فري وقت السبوح واحسه ينظف ويطهر وريحته حلوه......... وكل ليله احط كريم جليسوليد الاحمر ونعومتها مب طبيعيه وساعات احط على جسمي كله بودرة جونسن ( بتذبحني دوحانيه على هالبودره) ......... المهم واحط اسكينول الله يعزكم حاطته مع كل دخلة حمام.......... وبارجع استخدم البتادين عشان تفتيح اللون...............

نور3 يالله يارب يجيج ذاك الرجل الي يطيح الطير من السما شتبين بعد >> تستاهلين كل خير..............

دوحانيه والله دوم ادعيلج انتي والمنواليزا وام شيوخ الي قرب عرسهم وكل الي بيعرسون وماعرسوا...........
روح قطر .......... فديت سوالفج :)

الحلم الهادي والله حلوه الفكره ببوقها بنت خالي توها والده بعد هههههههههههه

خطيبة الغالي فديت قلبج .. وان شاء الله نفسيتج تتعدل قريب .. والله كنت نفسج متضايقه وبليده ونفسيتي تعبانه بس الحين الحمدلله احسن..

دايماً رددي .. ((ربي اشرح لي صدري ويسر لي أمري واحلل عقدة من لساني يفقهوا قولي))

((لا إله إلا أنت سبحانك اني كنت من الظالمين))

((اللهم لك الحمد كما ينبغي لجلال وجهك وعظيم سلطانك))

واقري سورة الواقعة صدقيني هالسوره لها تأثير في النفس والله ينشرح صدرج وتتعجبين من الصور الي فيها والوصف الرائع وغير هذا انها تجلب الرزق ..

مللتكم اليوم واايد اكتب :$

الحلم الهادئ
شخبارج ؟؟؟
شعرج نفس طول شعري تقريبا ..
كان ودي يكون اطول يوم عرسي بس ان شاء الله في الفترة الجاية يطول اكثر شوي
تدرين شسويت فيه قبل لا انخطب بشهرين قصيته لين رقبتي ويم شافته امي قالت شبتسوين لو انخطبتي قلت لها من صجك انا ما راح اتزوج كلش :)
خخخخخخخ وكلها شهرين والا انا مالجين علي
عاد اللحين احاول اطول فيه ولا في فايدة بس صاير صحي وناعم اكثر من قبل

روح قطر ..
يا حليلج وايد اشياء نتشابه فيها خخخ
انا ما اعرف اكاسر كلش فاشلة من قلب لو قالوا لي على طول اعطيهم وانا ساكته

الزينانت مدري ماعطاني مفعول اوكي استمريت عليه علبيتين مدري 3 وعقب تمللت ..
قبل كان فيه دواء سعودي مذكر اسمه وكان اوكي وياي بس مافي شي كان ينشف الحبوب بسرعة يعني ينشفها في يومين او 3 وبعد تترك اثر

خطيبة الغالي
انزين ليش اجلتوا الخطوبة على الاقل بتشغلين وقتج فيها وتشغلين نفسج عن هل التفكير
بس نفس ماقالت روح قطر عليج بالادعية
وعندج " حسبي الله العظيم " هاي بعد اوكي وطول منتي قاعدة اخذي مسباح وسبحي وكبري بتحسين براحة
اممممممم خليني ادور لج في ملفاتي ادعية وباحطها لج



تدرون ان باجر عندي quiz ومادرست لا ولا مرة فتحت المقرر قبل
يا ريب مدري شفيني هل الكورس والله وايد ماخذه الامور باستهتار

classic 2004
شخبارج..

فديتج فضي صندوق الرسائل لاني ابي اطرش لج وما يوصل

فجر قطر ..
فضيت صندوق الرسايل ..

خطيبة الغالي ..
تفضلي وان شاء الله ينفعونج

ماأصاب عبداُ هم ولاحزن فقال :" اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحاً
كان رسول الله صلى الله عليه وسلم يكثر من هذا الدعاء اللهم إني أعوذ بك من الهم والحزن، والعجز والكسل والبخل والجبن ، وضلع الدين وغلبة الرجال
دعاء الغضب
أعوذ بالله من الشيطان الرجيم
دعاء الكرب
لاإله إلا الله العظيم الحليم ، لاإله إلا الله رب العرش العظيم ، لاإله إلا الله رب السموات ورب العرش الكريم ". ( متفق عليه ) قال صلى الله عليه وسلم دعاء المكروب :" اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت ". " الله ، الله ربي لاأشرك به شيئاً
دعوة النون لاإله إلا أنت سبحانك إني كنت من الظالمين

عظيم لتفريج الهم وتنفيس الكرب ولله أنا جربته ...
السلام عليكم ورحمة الله و بركاته
حصلت لي قصه مع الدعاء المستجاب وهي أنه
مر علي موقف عصيب جداَ وولله أني كنت في قمة الكرب وفي حاله نفسية الله يعلم فيها تمنيت فيها الموت .
المهم لجأت إلى الله في الثلث الأخير من الليل وفي السجود جلست أدعي لأنه أقرب ما يكون العبد لربه وهو ساجد ، و أقول (أمن يجيب المضطر إذا دعاء ويكشف السوء ويجعلكم خلفاء الأرض أإله مع الله قليلاَ ما تذكرون)
وبعد كذا كنت أقول (اللهم إني أنا المضطر و أنت المجيب )
ثلاث مرات أو سبعة وستشعرت فعلاَ بأفتقاري لربي وأن ما أحد يستطيع يحل موضوعي إلا هو وحده و انا أجهش من البكاء.
ولله يا بنات هاذا الكلام كان يوم الجمعة في الليل ، ويوم الأحد قريب المغرب جاني الفرج من الله تعالى كأنها معجزه ، بعدها فعلاَ عرفت اني ضعيفه وحقيره في أني أعصي الله وهو بمجرد ما أدعوه يستجيبلي.
والله مافي زي كرم الله لعبده ولكن نحتاج شويت ثقه بالله وشويت يقين بأن الله راح يستجيب للدعاء.
لأن الله تعالى يقول في الحديث القدسي بما معناه ( أنا عند حسن ظن عبدي بي فليظن بي عبدي ما يشاء)

دار للكروب الشديدة: لا إِله إِلا اللّه العظيم الحليم، لا إِله إِلا اللّه رب العرش العظيم، لا إِله إِلا اللّه رب السموات، ورب الأرض، ورب ا لعرش ا لكريم (أخرجه البخاري، ومسلم).

دعاء إزالة الهموم]يا حي يا قيوم، برحمتك أستغيث (رواه الترمذي، وابن السني في عمل اليوم والليلة، وحسنه الألباني).

00دعاء من أصابه كرب وشدة
اللّه اللّه ربي، لا أشرك به شيئاً. (أخرجه أبو داود، وابن ماجة، وأحمد، وصححه الألباني)

دعاء لدفع هم الدنيا والآخرة
حسبي اللّه، لا إِله إِلا هو، عليه توكَّلت، وهو رب العرش العظيم " "سعباً" (أخرجه أبو داود موقوفا، وابن السني مرفوعا، وصححه الارناؤوط).

] دعاء لدفع الهم وأنواع البلاء لا حول ولا قوة إِلا باللّه العلي العظيم. (أخرجه الحاكم و صححه، والطبراني في الأوسط والصغير).

]]اللهم إِني أسألك بأن لك الحمد، لا إِله إِلا اللّه، أنت المنان بديع السماوات والأرض، يا ذا الجلال والإِكرام. (أخرجه الترمذي، وأبو داود، وابن ماجة، وأحمد، وصححه الألباني).

اللهم إِني أسألك بأني أشهد أنك أنت اللّه الذي لا اله إِلا أنت، الأحد الصمد، الذي لم يلد ولم يولد، ولم يكن له كفواً أحد.

]من دعاء الرسول صلى الله عليه وسلم في الكرب: ]اللهم إِليك أشكو ضعف قوتي، وقلة حيلتي، وهواني على الناس، يا أرحم الراحمين، أنت رب المستضعفين، وأنت ربي، إِلى من تكلني، إِلى بعيد يتجهمني؟ أم إِلى عدو ملّكته أمري، إِن لم يكن بك غضبٌ علي فلا أُبالي، غير أن عافيتك هي أوسع لي، أعوذ بنور وجهك الذي أشرقت له الظلمات، وصلح عليه أمر الدنيا والآخرة، أن يحل عليّ غضبك، أو ينزل بي سخطك، لك العتبى حتى ترضى، ولا حول ولا قوة إِلا بك. (أخرجه الضياء في المختارة).

] أدعية عامة]· حسبنا اللّه، ونعم الوكيل.

· يا من لا يعلم كيف هو إِلا هو، ويا من لا يبلغ قدرتَه غيره، فرّج عني.

· اللهم اجعل لي من كل ما أهمني وِأكربني من أمر دنياي وأمر آخرتي فرجاً ومخرجاَ، وارزقني من حيث لا أحتسب، واغفر لي ذنبي، وِثبت رجائي، واقطعه عمن سواك، حتى لا أرجو أحداَ غيرك.

· اللهم أنت أخذت، وأنت أعطيت، ومهما تبقي نفسي، أحمدك على حسن بلائك.

· ربي لا تكلني إِلى أحد، ولا تحوجني إِلى أحد، وأغنني عن كل أحد، يا من إِليه المستند، وعليه المعتمد، وهو الواحد الفرد الصمد، لا شريك له ولا ولد، خذ بيدي من الضلال إلى الرشد، ونجني من كل ضيق ونكد.

دعاء لرفع الضر لمن أمسى وأصبح محزوناً: -

· بسم الله الذي لا يضر مع اسمه شيء في الأرض ولا في السماء، وهو السميع العليم "ثلاث مرات" (أخرجه أبوداود، والترمذي، وابن ماجة، وصححه الألباني).

· قرآة آية الكرسي.

· خواتيم سورة البقرة. [/size]

وفي دعاء اللي يقوله الصبح ما يصيده شي يضايقه طول اليوم ودايما اقوله اذا كنت خايفة من شي يصير وسبحان الله ولا مرة دعيت فيه وصار شي يضايقني عقبها اذا تبينه قوللي باكتبه لج
وان شاء الله تروح عنج هل الضيقة

كلاسيك كتبي الدعاء الاخير اللي تقولين عنه :) كلنا نبيه (محامي بالنيابه عن الكل)

انا بخير جعلج بخير..بس ماحبج لانج صرتي مهمله ...وين اللي بتجيب التقادير العاليه؟؟ حرام عليج اشتطي يالله وشدي حيلج ترى دراستج اهم شىء الحين ولاحقه على الاستهتار عقب العرس انشاء الله :)

على طاري الشعر..ترى من ينقص يصير شزينه وشحلاته وتحسين يصير اغلظ اقوى...بس شنسوي نبيه يطول ...انا الحين صارلي شهر يدي تحكني وابي اقصه بس ماسكه عمري بالغصب ...لاني اول مره يوصل هالطول خخخخخخ والا كله قصات ماعطيه فرصه يتنفس خخخخخخ بس صج انه كساء الرحمن وفعلا تاج الجمال .وانا صرت مقتنعه فعلا ان الشعر الطويل احلى .........تبينه يطول بسرعه؟؟ جربي زيت الخروع واخلطية مع زيت الصبار والسمسم والجرجير ..تلاقينهم في الجمعيه او الصيدلية اخذيهم كل واحد بروحه..واخلطيهم في غرشه زجاجية وخيهم عندج ..ولين بغيتي تحطين..صخني الغرشه بماء حار عادي من الولف يعني "الولف" بل صج مصطلح شوارعي بس يالله فاهميني اكيد...المهم صخنيها تحت الماء الحاء وعقب حطي في روة الراس ودلكي على خفيف مب بقو..وخليه بشعرج 4 ساعات او اكثر اذا تقدرين.........صدقيني انا من واقع تجربه عقب ما حسيت ان شعري مايطول..جربت هالاسلوب والحمدلله يطول و قل التقصف وصار لماع وناعم وشزينه الحمدلله...المسئلة بس انه يبي اهتمام ورعايه

انشاء الله مايجي العرس الا وشعرج اطول واحلى :) وترى عندج فترة حلوه يمديج تطولينه بالراحه

روح قطر :) اهم شىء استمري على حمامات الكريم...مب تروحين مره بالشهر؟؟......خليها بالاسبوع مره وتحسين بالفرق خاصة اذا شعرج جاف...انا شعري جاف بالاطراف بس ووايد تحسن وصارت الاطراف زينه وصحيه وقل التقصف

الحلم الهادئ .. ان شاء الله باكتبه بس مب اليوم بكره ان شاء الله
صراحة الكتاب فوق ومتكيسلة اروح فوق لي طلعت مب رادة :)

بالنسبة للدراسة والله شاسوي احس مخي صاير تفكيره كله بالعرس والمشكلة ان مافي ولا مقرر هل الكورس حلو كلهم يمللون ويعلون القلب
بس انشاء الله باشد على نفسي شوي

اما بالنسبة للشعر حدث ولا حرج دايما اطوله وفي لحظة يدي تحكني واقصه
بس هل المرة ماسكة نفسي عشان العرس بس

اوكي بنات ترى الموناليزا عرسها عقب باجر .. ادعولها الله يوفقها انشاء الله

واي توه بدى يطق مطر .. اللهم اجعله غيث رحمة ولا تجعله غيث عذاب
اللحين ادعوا ترى الدعاء مستجاب لما يطق المطر .. خصوصا خطيبة الغالي


وتصبحون على خير

ماشاء الله صوت الرعد واااااااايد قوي والسما تبرق
بس مافي مطر :(

لاتجيبون طاري الشعر
انا ميته ابي اقص شعري بس العرس ماسكني
تدرون مو حلو عروس شعرها قصير

ياريت كل وحده جربت خلطه للشعر وحست ان
شعرها تحسن تكتبها لنا

هلا عروس فرش ..

شفتي اشلون !!
اممم مادري حالياً مب محتاجة اللمعة جان رحت و طرت علي خذت لي ..
مشكورة يا قلبي ..

**

هلا عروس الدوحة ..

انا جربتهم يوم خطوبتي عني انا ما عجبتني الصور لأنها تبين الملامح حادة .. الصور اللي عليها بلر أحلى من الباقي .. من جذي غيرت حق العرس .. بس طلعت روحي صج لين ما خذته 3 شهور و انا انتظر لاعت جبدي .. و آخرتها مب لين هناك .. و تنسيق أي كلام ..

امممم وبعدين الهدية تاخذينها على حسب .. المربي شجابت بنت ولا ولد ..
إذا بنت تقدرين تاخذين لها قلب صغير ناعم مع سلسلته أكيد .. و الأم تاخذين لها خاتم مثلاً < إحنا عندنا لازم للإثنين ..
و وديهم ماسيس أو أي محل ورد ينسقهم في باقة و معاهم البطاقة و خلاص ..
أما إذا ولد نفس الشي بس الولد عادة إحنا نعطيه فلوس و الأم نجيب لها هدية بعد .. أو ممكن تاخذين له ملابس أو شي ينفعه و تودينه ..
انا يوم ربت أخت ريلي وديت لها مثل ما قلت هدية لها و لبنتها اممم كلفتني تقربباً 1200 – 1500
الذهب خذته من محل جواهر اللي بالديرة و هو قلب عليه حرف البنت .. و الأم خذت لها خاتم ذهب أبيض .. و ديتهم للميغا مارت عند الورد وغلفهم بلون مناسب مع الورد و نسقهم و قلت له ابي شي سبشل و كانت باقتي مميزة بصراحة بين الباقات اللي عندها ^^

و فكرة الحلم الهادي حلوة انا مرة سويت جذي حق اخت ريلي فكانت هدية بنتها جذي ملابس وردية و بالونات و ياهل ناقز في النص خخخ

**

هلا LMA22

بخصوص المرجان يمدحون ورده بصراحة يقولون وايد حلو .. و كوشه أسعاره مناسبة .. لكن بعد مب مضمونين ..

**

هلا روح قطر ..

جزاج الله خير على كلامج الطيب و الحلو .. عقبال ما نفرح فيج أنتي بعد و باقي الصبايا : )

و كلامج درر .. كملي حبيبتي .. و الله إنه يريح وايد ..

**

هلا فراولة قطر ..

أي صدقتي هذا أهم شي و الحمد لله ماخذة إحتياطي .. و شكلي بآخذ غرشتي وياي ^^

**

هلا خطيبة الغالي ..

الله يهديج ليييش ذي كله ؟؟؟ إذا الدراسة عاذرينج لكن شي ثاني لا و ألف لا .. ردي شاركينا مثل قبل ..
و بشرينا عنج و إن شاء الله خير ..

من صجج الخطوبة تأجلت .. لا إله إلا الله شصاير ؟؟؟؟

و بخصوص جونسون خخخخخخ لا ما راح أذبحج " ريلج يبيج " .. لا فديتج لا تحطين في بالج .. يختي أنا طماعة شاسوي ^^

جزاج الله خير .. و إن شاء الله أسمع خبركم لوول اقصد خبر عرسج قريب و نفرح فيج ..

**

هلا الحلم الهادي ..

واااو مسكينة ... شنو دهن عود و لا نوع عطورات الوحدة تقدر تحطها بصراحة نخاف .. ^^

**

هلا كلاسيك ..

تسلمين الغالية على هالكلام .. و الله يتمم لج على خير .. و يا رب اقدر أدخل عقب : )
شوفي أمس حطيت دلاسن تي على حبيبة مب حبة .. انشفت على طول و تقشرت .. و بارجع أحطه اليوم ..
و انا مثلج قلبي ما يطاوعني على إني اسوي هالفحوصات .. " على الله و الله كريم " ..

**

هلا سحابة حب ..
انتظري رسالتي على الخاص ..

**
تصدقون عاد إن الزفة و لا أدري عنها ؟؟؟

زين باقول لكم اليوم اتصلت حق وحدة مالت دي جي .. تقول إنها تجي العرس و تشغل موسيقى و لا أغاني قبل الفرقة و الزفة بـ 2000 ريال ..

**

بنات ادعوا الحين مع المطر ترى الدعوةمستجابة ..

اللهم إجعلها سقيا رحمة لا سقيا عذاب ..

يااااااااااااااااااااااااااي فله المطر يجنن
لوووول طلعت الحوش بقميص النوم عشان ادعي لي ولكم يابنات بلادي

برررررررررد


ان شاء الله نقوم الصبح ونحصل والشوارع كلها ماي
ويعطونا اجااااااازه

:)

كل عرووس تدعي حق ريلها ع الطريق >> لوول حلوه ذي

مشالله المطر يهببببببببببببببل وناسه<<<<<<<<<<<<<متخرعه حدها كل شوي طلت من الدريشه

هاهاي وانا نفس الحاله

انا مو مصدقه ان طق مطرررررر

هلا بنات ..

كلاسيك شفتي شلون هههههه انا كللللش ماعرف اكاسر ع طول اطلع فلوس وادفع .. الحين متشابهين ف الكسل وانه ينقص علينا لوول

جزاج الله خير ع الادعيه الحلوه والله يشرح صدر الكل اللهم آمين ..

الحلم الهادي ان شاء الله اروح كل اسبوع مره ولا كل عشر ايام ع الاقل .. تدرين شكلي بقول لبنت خالتي عشان نشجع بعض ونداوم ع حمامات الكريم ..

كلاسيك والحلم الهادي بليز لاتجيبون طاري قص الشعر مييته في خاطري ادرج شعري من فوق بس ادري بيقصونه لي من تحت عشان يتناسب الطول من جي مابي اقصه .. ='(

دوحانيه فديييتج والله كلامج صيحني .. الله يشهد علي مو مجامله اني احب اسلوبج وردودج واايد.. والله حتى باقي البنات احس كل وحده شخصيتها حلوه وبنات فيهم خير الله لا يغير علينا ..

ع طاري الزفه بتدخلين ع ميوزك ولا زفة مطربين مفكره في شنو ؟ 2000 احس اوكي بس شوفي شنو الاغاني الي عندها لا تطلع قديمه ولا مكرره واايد ..

يجنن المطر بنات الحمدلله اخيرا الله عطانا .. اللهم اجعلها سقيا رحمة لا سقيا عذاب ..اللهم ارحم المسلمين والمسلمات والمؤمنين والمؤمنات الاحياء منهم والاموات اللهم آمين ..

سلام لجميع البنات بدون استثناااء .. =)