تجهـــيزاتــ عرايـــس قطـــر 2006

بنات اللي للحين يبون مفرش........انا اتفق مع كلاسيك..اخذوا 2 احس كفاية مبدئيا...واحد كشخه كشخه والثاني يعني مزيزن :)

يعني ممكن تاخذون واحد من السلام او الصالون الازرق نوعيتة ممتازة وقطعه كامله بالاكسسوارات والثاني شوي اقل من ناحية الجوده والتكلفه طبعا

لان الجخ ماراح يقل عن 3000 مبلغ مب سهل والثاني ممكن يكون اقل وايد بحدود 600 مثلا

شفت لكم مفرش وايد عجبني اهو تقليد على مفرش امريكي بس هذا صيني وينباع في محل مفارش في سوق ال أحمد...جنب محل العروسه بس نسيت اسمه اهو صغير وطويل المحل اقصد

عنده مفرش ذهبي نفس اللي بالصورة بالضبط بحاول انزل لكم الصوره الحين...وترى بيفاصل بالسعر يعني يمكن يوصل 500 بس واهو حلو وايد وفخم ومطرز بالذهبي وفيه 7 قطع مع المخدات

هذا هو

الحلم الهادي جني شفت هل المفرش بس لونه كان عنابي :)

صباح الورد يا كلاسيك :) شفيج متضايفه من صباح الله خير...شربي لج شىء وانتعشى يالله ..وتعالي شاركينا بالاجابه على اسئلة دوحانية


مكياج و فرش بس ابي الحاجات الأساسية و قالت لي ام خالد عن كم شي و جزاها الله خير ..
فراشي ماك فله والمجموعة الاساسية حوالي 5 او 6 فرش غاليه بتطلع عليج بـ 600 ريال تقريبا....تدرين؟ يوم رحت اتمكيج عند سعاد القكرية روتني شنطة فراشي كبيرة قالت لي انها عملية وحلوه من الشاهين ...تخليني بكم؟ بـ45 ريال بس !! وفيه ما لا يقل عن 12 فرشاه...وتقول لي ان الفراشي هذي زينه للبنات يعني ماله داعي تشترون فراشي ماك او البودي شوب لانها للمحترفين بس

هي شنطة بلاستيك عليها رسمة زهور بلونين منها الوردي ومنها الاخضر الفاتح ...انا بصراحه افكر اخذ منها ...خاصة انها مدختهم لي وقالت عنهم وايد زينين وعمليين.


- كولكشن واحد بس و ابيه حق يوم العرس لأن عندي شنطة متروووسة عطورات و كلها هدايا ..
انصج بكولكشن سينما احس الكل يحبه


- بوديات و بلايز ابي زيادة و كششششششخة أتوقع المجاملات بتزيد عقب العرس خاصة إن ريلي مب من هلي و التغيير لازم ..
تبين شىء كشخه وايد عندج محلات مجمع (امبوريم) كلها ماركات......واذا تبين شىء سعره حلو...عندج بلايز وبديهات الهاي لاند ماركة "سيفذاكوين" حلوه وراقيه وبعد فيه شوية ماركات حلوه في السلام اللي في المول واغراضهم حلوه ومجموعتهم كبيرة

- نعل و جواتي + طقمين شنطة و نعال مب صندل للفساتين ( الله يعزكم )
الشناط الاطقم والنعل فيه في السلام اللي بالمول روعه صراحه...وناين وست بعد حلو


- شناط سفر ( مادري كم وحدةآخذ ) و اللي شافت set تقول لي وين .. و مابي اي نوع لأن هاذي شناط باستعملها ..
انا شفت اللي بالهاي لاند ووايد حلوين ماركة "سامسونايت" الشنطة العوده مع شنطة مكياج صغيره وفيه احجام اكثر ومختلفة واسعاره حلوه وكشخه حق السفر وبتتم معاج لفترة طويلة..........شنطة المكياج بحدود 275...والشنطة المتوسطة للسفر "حجمها وايد زين وعريضه" ب 690 وفيه منها الوان وايد تتناسق مع شنطة المكياج يعني تقدرين تكونين لج مجموعتج الخاصة من الاحجام اللي تبينها.

- الــــــــــمــــــفـــــــــــرش ( بيض الصعو )
بنهامز عندهم شغلات حلوه وماركاتهم مضمونه كندية :)...بس غالي ..سمت واحد طلع علي باكثر من 4000 اذا كامل مع كل الاكسسوارات
وفيه بالمحلات اللي ذكروها البنات...بس هذا اللي شفته

- الذهب و ابي شغلات خفيفة بس راقية ..
الماسية فلللله ..موديلاته منتقاه واسعاره زينه...لاتروحين المحلات الكبيرة بيضربونج بالسعر على الفاضي.......او روحي الملكية موديلاته حلوه واسعاره زينه ويسوي خصم...في الستي جنب المكي. وانا اشوف لو تاخذين لج خواتم الماس...2 كبار..و2 ناعمين...بيكون احسن من الذهب لان الهدايا غالبا بتكون ذهب.

- ساعة و باشتريها قريب إن شاء الله ..
الساعه يعتمد على الميزانية اللي حطيتها لها؟....والموديل اللي تحبينه.........بس ترى ساعات كوغار وااايد حلوه..واسعارها زينه...في مجوهرات ال محمود والجابر في مركز البستان بالسد...انا جاتني هدية من هالساعات ب 4000 بس الكل سالني عنها لانها تحفه واكيد عندهم موديلات افخم وتصلح لكشخة العروس.

- جوتي لفستان العرس الله يعزكم ..
محد بيشوفه..خذيلي شىء كعبه عريض عشان خطوتج تكون ثابته.....في الجبر فوق ..محل اسمه ديانا اكيد بتلاقين شىء يناسبج

الله يتمم لج على خير يا دوحانية :) ويالله عاد الحين خلصي هالمشتيات بسرعه عشان تبتدين تقرين بالبيت وتهتمين بشعرج وجسمج ووجهج :) نبيج تنورين بالعرس وخلاص مابقى شىء ...يادوب تركيزن على هالامور الحين :)

كلاسيك :) انا يوم رحتله من فترة حول شهر ونص.......كان ماعنده الا الذهبي وحبتين بس مخلص .......بس عنابي احس مايصلح لعروس جديده........الحين المفروض الالوان الراقية...بيج..ذهبي...سكري...شىء جذيه..والا شرايج؟ :)

الحلم الهادي شربت شاي حليب ومافي فايدة :)
انزين ساعديني في الاختيار:
سعاد ولا عبير للمكياج ???
دينا بتكون مسافرة يوم عرسي والبنات حيروني كل وحدة لها راي فباخذ برايج والبنات بعد عشان اطرش لهم العربون

وبالنسبة للمفرش عان لونة ماخذته هدفي شي بيج او ذهبي :)

بصراحه انا شفت مكياج سعاد وعبير على عرايس وايد :)........لكن اللي صج كان يبهرني اكثر...واحسه وايد راقي ونظيييف حده...مكياج سعاد :) البلوشي طبعا

لا يعلى عليها للعرايس.........عبير بعد وايد حلو وشفته على عرايس وايد...واللي لاحظته انها تسوي على طلب العروس...فاحيانا ينقال عن مكياجها انه دفش...بس ترى يكون طلب العروس

لاني شفت لها مكياج راقي وحلو وخطير...ولاني اعرف العروس شخصيا..قالتلي انها اهي طالبه ناعم...وفيه مره رحت عرس وكانت العروس فيها استغفر الله عيونها مثل شنو؟؟؟ لوووعه..واااايد ثقيل وكله اسووود ....والام تتباهى وتقول..شرايكم بمكياج بنتي؟؟ حلو؟؟ كنه عيون المها :(..ويع.لا مها ولا غوريلا حتى...يعني على طلب الام اهي اصرت على هالمكياج

لو لي الخيار...وانا ناوية باذن الله احجز عندها في عرسي........بختار سعاد البلوشي ...واذا ماحصلتها لاي سبب.......بختار شريفة المهندي لان بعد مكياجها الناعم روعه...وعلى طلبج تسوي لج...ونفسيتها حلوه وطيبه :)

اممممم اوكي انزين ممكن تطرشين لي رقمها عشان اتاكد اذا هي نفسها لو لا

وضحكتيني بسالفة الام هذي ياحليلها عيون المها عيل

كلاسيك...فديتج والله ماعندي رقمها...وانا للحين ريضه على الحجوزات...فعشان جذيه ما سالت عن رقمها لحين

بنات اللي عنده رقم سعاد البلوشي يصكنا به على الخاص بليييييييييييز :)

بنات يعني خلاص في البي اتش حلوين ها يعني اخذ اثنين بس قولولي بكم يعني الأسعار عشان اعرف شكثر اودي اليوم؟؟... واي احلى الألوان اخذ...والشناط يعني لازم اخذ والا استعمل الي عندي الحين..
اختي تقولي انه ما اشتري شناط عادي استخدم الي عندي ...انا اقول عادي عندي وشرايكم انتوا؟

دوحانيه خساااااره كتبت رد شطوله وانمسح بعد ق7
الفرش عند بودي شوب وميك اب فور افر
الشراشف والمفارش عند القرنه اللي بالسوق او دبنهامز او بي اتش اس او الصالون الازرق او السلام
الشنط عند هاي لاند
البديات برومود
الشنط والجواتي كلها
ميلانو الصالون الازرق السلام ميلانو سكوير
وعندج محل في سوق الجبر اظن اسمه نور تعطينه اي جوتي ويلبسه لج حق العرس او غيره
الكولكشن مافي غيره كولكشن العروس خذيلج لانستانت من جيرلان
البديات السلام وبرومود احب بدياتهم
الذهب والساعه كله من الماسيه بسوق الذهب او مجوهرات دمشق والمحلات اللي بالستي



سحابة حب
البناطلين عند مانجو وزارا
طقم الصلاه عندج ام حمد تبيع اطقم وعندج بقسم التسوق يبيعون سجادة العود
الشنط عندج السلام والصالون الازرق




ام شيوخ
هلا واللللللله قايزه شخبارج خخخخخخخ
خذيلج 2 غير اللي هم جابوه
واحد كششششششششخه والثاني وسط لزوم التنويع
والاول خليه ابيض او اوف وايت والثاني بلون فاتح حسب غرفتج مثلا بيج



كلاسيك
سلااااااااااااااامت راااااااسج
شرايج اليوم تاخذين بريك؟؟
طلعي تمشي مع ريلج او غيري الجو ولاتفتحين الموضوع مره ثانيه الا بالليل عشان ماتحاتين شي وتريحين شوي
هاي كله من كثر التفكيييييير


كلاسيك مره ثانيه
سعاد يمدحونها اكثر وولا مره حد ذمها الكل يمدح مكياجها
وعموما قبل ماتتمكيجين فهمي اللي بتمكيجج شاللي تحبينه


ام شيوخ للمره الثانيه
قصدج شنط السفر؟ اي مب زلام لو اللي عندج اوكي
لو زادت فلوسج وحبيتي تاخذين طقم كشخهخذي لانه بيتم عندج طول العمر وحلو جيه تكونين مطقمه الشنط


خطيبة الغالي وينج مابينتي اليوم؟

هلا دوحانيه فديتج البنات ماقصروا ماخلولي شي اقوله والله يوفقج بمشتريااتج وخلصيهم بسرعه وافتكي

هلا سحابه حب الله يعينج على تجهيز البيت ويهنيج فيه

هلا كلاسيك اخذيلج 2 اسبرين وان شاءالله تصيرين زينه وخلاص دينا بتسافر اخذي سعاد البلوشي احسها اضمن من عبير

ياهلا فيج الحلم الهادي والله ذكرتيني بالمفرش هو المحل جنب العروسه اااكيد وعنده مفارش حلوة

تدرون بنات ليش 2 بقولكم اولا واحد للفندق وتاخذونه معاكم لشهر العسل الصراحه مااضمن انام بفراش الفنادق لو تكون 10نجوم والثاني للغرفه

ام شيوخ اذا تقصدين شنط للسفر تمي على اللي عندج يعني ماادري ليش طقم وماركه يبه الا شنطه لاراحت ولاجات اخذيلج من سوق واقف تدرين بالاندمارك حصلت نفس شنطتي ماخذتهم طقم ماركه من صغيرة للكبيرة 5احجام طلعوا على بسوق واقف 2كبار ب180 و2صغار 160 والاصغر 50 وتخيلي بالاند نفسهم نفسهم حكم كل وحده ب160 شوووفي الفرق

دلووعه ولكل البنات انا شاسوي لاني اخاااف اكتب واخرتها يروح كلام اكتب وعقب ماخلص اسوي كللك باليمين نسخ هههه عشان لو طار الكلام احط لصق ومايضيع مني هههههههههههه شوفواا اشلون انا فنااانه

مساء الخير
هلا بالعرايس الحلوين الله يوفقكم ان شاللة ويعينكم علي التجهيز
انا الحمدللة افتكيت وارتحت .بس حبوبات بغيت منكم مساعدة بغيت منكم رقم مها العامر لان هديتي قريبة ومن اسبوعين ادورة وما حصلتة فياليت اللي عندها الرقم اطرشة لي على الخاص واكون لها شاكرة

هلا كلاسيك .. بخصوص الثياب
انا بيتي قريب من بيت امي . فكرت لما انقل الثياب
احطهم على الستاند واغطيهم بمفرش ولا شي

اتمنى فهمتي قصدي

والثياب المطويه مثل البجامات والبديات القطن والملابس الداخليه
قلت بحطهم بسلال وبنفس الطريقه باغطيهم بمفرش

ابي اودي كل الثياب البيت وهي مكويه ومعطره ومبخره

ثااااانكس بنات ع الردود الحلوه

بخصووص المكياج "سعااااد البوشي" فنااااااااانه
وللي سألت عن رقم مها العامر.. شوووفي الخاص

عروس الدوحه
وييييي عبالج ماسويت هالحركه لما شفت الرد طويل؟ سويتها كت ورحت الصفحات الثانيه اقرى واجاوب وسلكت اول وكت كل مره
لين ييت بحط بيست
خخخخخخخخخخ نسيت ونسخت اغنيه جان تطلع مكان الرد
رديت ابي اطلع الرد راااااااح لاني مسويه كت مو كوبي لوووووووول

بنات حبيت اخذ رايكم بشي


عندي ربيعتي تبغي تسوي حركة يديدة في يوم عرسها انها تخلي القاعة مظلمة من اول الحفل لين النهاية بس تخلي اضواء خفيفة

بس يوم تدخل اتزيد شوي

انا ماعجبتني الفكرة قلتلها خلي القاعة مظلمة من تدخلين ليييييييييييييييييييييين تنور فدخلتج

فشو رايكم فكرتي احلا ولافكرتها هيه الحين مترددة شو تسوي


انا طلبت رايكم ليش انكم ذويقات وعندكم اكييييد فكرة

عمري قطر فديتج مشكوووووره كلامج ريحني...........

عروس الدوحه سناء سوت لمرت اخوي في هديتها وهي كانت موديتلها صوره وضبطتلها التسريحه اذا تقصدين سناء الي مع سعاد...........وبالنسبه لسعاد مكياجها روعه بس امنه شاهين مادري............


وردة العشاق ياهلافيج حبيبيتي............


كلاسيك انصحج بسعاد البلوشي انا حجزتها لعرسي واليوم ناويه اتصل الغي الحجز .............

الحلم الهادي انتي متى عرسج؟؟؟؟؟؟؟ نفسي مجهول الهويه :)

غلا دبي فكرتج حلوه يعني تدخل والاضاءة خفيفه وعقب تنور القاااااااااعه بوجودي أقصد وجودها ههههههههه.........

دوحانيه انا امس شفت في رويال بلازا محل يبيع اطقم شنطه مع جوتيها بس ماشفت اسعاره اسمه ريدو اعتقد في الطابق الثاني اذا رحتي هناك شوفيه..........

وبالنسبه لشنط السفر اخذيها مع شنط جهازج مره وحده يعني اخذي محموعة شنط ديلسي من السلام 5 شنط باحجام متفاوته بتحطين فيها تجهيزاتج وبتنفعج للسفر ولما تروحين بيت ريلج..................

هلا والله بنات ..

كلاسيك اذا تحبين المكياج الكلاسيكي الناعم والنظيف انصحج بسعاد البلوشي بصراحة انا ماجربتها ولا مره بس كل الاعراس الي حضرتها وكان مكياج سعاد كان حلو وناعم ..واهم شي انها ماتغيرج 180 درجة لا تبرز الجمال بس تكونين انتي مو وحده ثانيه<<قمت اتفلسف !! >_>

بنات معرض المجوهرات قريب .. واخر الايام ينزلون الاسعار ويسوون عروض حلوه حبيت اذكركم فيه

دوحانيه بالنسبة للتوبات روحي السلام قسم الملابس الجديد فيه اشيا حلوه بس اشيا وايد حلصت يمكن جابو اشيا جديده

غلا دبي اذا القاعه بتكون اضائتها خافته خلي الاضاءه الملونه شغاله من البدايه بيطلع العرس شي ويوم تدخل العروس ممكن تصير الاضاءه شوي اقوى

وبالتوفيق ^^