تجهـــيزاتــ عرايـــس قطـــر 2006

ام شيوخ :) تعجبيني يا قايزه انتي خخخخخخ...زين سوت فيج اللي ماخلتج تشترين من ذا ون لانه غالي وايد ..ودام بتسكنين مع اهله صح كلامها انطري لين تشوفين لون الغرفه وعقب اختاري اللي يناسبها

الا على طاري تبيين الاسنان...انا بعد ابي اسوي وحاطه ببالي هالشىء........انتي وين بتسوينه؟ انا اتصلت حق عيادة اسنان الخليج وقالوا لي يسوونه على الف ريال وجلسه وحده لمدة ساعتين اعتقد اول شىء تنظيف وعقب تبييض مره وحده !

بس مدري..محد سمع عن مكان زين؟؟ لاني ماعرف بالاسنان شىء الحمدلله اسناني زينه وعمري ماتعالجت فماعرف شىء عن عياداتهم ووين الاحسن؟ اللي عندها خبره تنورنا يابنات :)

فديتج الحلم الهادئ انا وييييين اسناني تحر وايد اوكي بس يبيلها تبيض والله يعيني على الدكتور احسه وحش ما احبه اصيح عليه تره مسويتها مره خخخخ ..
انا رفيجتي قالت لي مركز المدينه تقول اهلها كلهم هناك انا قلت باروح لها ويمكن اغير اروح الملكه بس عندج بدون جلسات ولا شي يسوونه لج مره وحده اظن بالليزر..
بس الا بعد ماعرس اخذلي من ذاون احبه خخخ واموت على شموعه انا احس انه لحافاتهم اوكي اسعارها بس مرات يحرون شمعه نتفه بمادري كم خخخ..ابس انا ماخذه واحد راقي ب 6 تقريبا من السلام لحاف ومعاه كل شي الي يجي بصندوق كبير لونه على سكري وذهبي خفيييف لمعيه بسيطه وخلقته تههههبل وتجي عليه رسومات الكلاسيك وايد حلو...المهم بنات اي طلب حاظرين يبه عندي خخخ

بناااااااااااااات محتاره وين اسوي تبييض الاسنان شنهي اقتراحاتكم

هلا بنات شخباركم.................. ماعرف شفيييييييني صايدني اكتئاب من شنو مادري استغفر الله العظيم .............

انا الذهب الابيض خذت طقم من الدمام عندهم تشكيلات لوبتتخيلين وبتصصمين شي مابيي في بالج والله كشخه كشخه كشخه وكأنها ألماااااس خذت واحد ب2500 مع انه الي يشوفه يقول اقل شي 10 الاف ............... وتبييض الاسنان انا بعد ناويه اسويه سمعت عن عيادة المدينه للاسنان جلسه وحده ب700 وفيه عند دكتور الاحمداني ممتاز اعتقد ب500 ماذكر................. بس ماستقريت متى اسويه......................

وجدان استخيري قبل لاتقولين لامج وعقبها قوليلها عادي ان البنت اتصلت وقالت ان اهلها بيزورونكم وانشالله الله بيكتب الي فيه الخير وبنرقص لج حبيبتي .........

ام شيوووخ :) تتهنين فيه ارب دامج مخسره عليه 6 اكيد بيكون فخم وحلو.........وعسا لون الغرفة يناسب لون الكفر

شلون اسعار كفرات ذا ون..ماقد شفتهم...بس اروح اكل فوق خخخخخخخخ حق البلعه مافيه احسن مني :pain: بس مثل ماقلتي اشياءهم بسيطة واسعارها غريبة...يعني فازة صغيره توصل فوق الميه ليششششششش؟؟ ونفسها اختها في لايف ستايل ب 20 !!! ترى ماعليج منهم اكسسواراتهم وايد مبالغين فيها

بس الصيني عندهم صج فخم.........وماتلاقين تشكيلتهم عند حد ثاني :) ---< وحده تموووت في سوالف الصيني والصحون مالت التقديم

المدينه؟ والملكه؟ والله مايندرى...........اللي مجربين يقولون لنا :)........واهو صح بالليزر وجلسة وحده بس

مشكورين بنات وما تقصرووووووون

بس ما عليكم امر بغيت رقم ميرا ضروري ابي اكلمها اليووووووم..

وشكرا

انا ابي بعد رقم ميرا

:cry: ابي رقم ميرا .

يابنوتات اللي سألو عن ميرا

دزيت لكم رقمها

عمري قطر

حاولت ادز لج الرقم لكن الوارد عند ممتلئ
ياريت لو تحذفين بعض الرسايل عشان اقدر ادز لج الرقم

سؤال للي شافووو مكياج ميرا هو مثل مكياج نعمات الي في جاك ديسانج ؟؟؟

يعني نفس الطريقه ..

مرحبا بنوتات قبل العرايس ^^

امممم اخذوا آخر أخباري .. الله يسلمكم رحت اليوم حق البروفة الأخيرة للفساتين و الحمد لله اطلعوا مضبوطين و ما بقى غير إني استلمهم على اول 3 ..

لا تسوون تبييض اكتفوا بالتنظيف بس ..

هذا لليوم و بكرة بنوافيكم بأخبار جديدة

ابييييييييييييييييييييييييييييييييييييييييييييييييييييييييييييييييييييييه @_@


لا لا لا ماصدق متى رجعتوا الموضوع محد قالي ...

انشالله مافاتني شي خخخخخخخخخخخخخخخخخخخخخ

هلا عروس فرش منوره حبيبتي

شخبارج ان شاء الله طيبه ..؟

ووين كل هالغيبه ؟

دوحانية بن نوره :) خخخخخخخ حلوه "بنوافيكم"...اقول؟ ليش نكتفي بالتنظيف؟ ...قصدج عشان التبييض يسبب حساسية للسن وألم لمدة مش سهله؟ (سمعت هالكلام) بس يقولون عقب عادي يتعود السن وتصير الحياه ورديه :)

دلوعتها.فديتج طرشيلي الرقم...من كثر ما مدحوها ابيه يمكن احتاجها منيه والا مناك !

عروس فرش كح كح كح ...غبااااااااار ...يمه؟ انتي عرستي والا بعدج فرش والا شسالفتج؟ :) احس من زمان ماشفت لج مواضيع وقبل كنتي شادهالحيل اهنيه

ياااه من زمان احنا هنيه!! اقري الموضوع عدل اكيد بتستفيدين فيه سوالف ومعلومات حلوه للبنات والعرايس على حد سواء (مب بروحج دوحانية بعد انا يجي مني:))

دوحانية...شبتسوين بالنسبة للفرش؟ (بيض الصعو؟)......حاطه شىء ببالج؟ والا ؟ اذا فيه روحه للسعوديه اخذيه من هناك يقولون فلللللللله مفارشهم ورخيصة مب مثل اهنيه ضوووو ! :(

خطيبة الغالي :) عادي حبيتي...لايضيق صدرج...خذي الامور ببساطه وتفائلي ----> قولي حق عمرج :(.......الله يعدي هالكم يوم على خير واعرف مصيري زهقت وانا مدري شسالفه !!.........خطيبوه بدال منتي مبوزه جابلي السجاده وادعي لي يالله ......عفيه على الشاطره خخخخخخخخ :shy:

هلالالالا

بنااااااات اللي راحت المعرض خل تقول لنا كل شي بالتفصيل

(( قبل لا اكتب هالرد .. شفت المتواجدين في الموضوع ما شاء الله الله يزيدهم ))

..

نرجع لمحور حديثنا ..

هلا عروس فرش !! وين هالغيبة يمه ؟؟ تعالي سولفي لنا و علمينا شسويتي ما سويتي ... الخ

..

الحلم الهادي

كللللله تحرجيني ^_* انزين """ سنوافيكم """" أو """ با بلغكم اول باول """"" زين جذي ؟؟!؟! << ترى أتغشمر لحد يزعل و يصيح

امممم بالنسبة للتبيض مب عشان الألم .. عشان الأسنان ما ترد أسوأ من قبل .. لأن التبييض يعني إن الطبقة الخارجية للضرس تنشال .. لذلك < ركزي عليها ,, ما ينصحون بالتبييض ..
و عموماً أنتي لو نظفتي .. بتبيض أسنانج .. خذي من الحجي ^^

و بالنسبة لبيض الصعو .. والله شايلته من بالي حالياً و مب بحولي اي سفرة قبل العرس .. و اللي مطمنّي إني باروح بيتي و بيكون جاهز من كل شي .. مب معقولة بيجهزونه كله و بينسون المفرش ؟ و إذا كلللش كلللش باشتري أي واحد و السلام و من أي مكان ..



لا عت جبدي خلاص ..


سحابة حب : صدقتي لا تنسووون اللي بتروح تخبرنا شنو شافت ولا اشترت ..

زين بنات أنا حجزت مكياج حق ثاني يوم < و هاذي سالفة .. رشحوا لي حد غير فاطمة العازمي و حنان < دايماً أتعامل معاها ..

و اللي بترشح تكون متأكدة و عندها الرقم .. اتفقنا ؟؟







سحر الشوق و غلا دبي .. منورين : )

بنات النزيه عندهم فراشي حلوه للمكياج

هلا بنات نسيت شنو بكتب لكم اييييه

عن تبييض انا بعد افكر ليش لاني اشرب نسكاافيه واايد واصلا اسناني تعباانه فخفت من تبييض يقولولي اول شي اللي بتسوي مرة لازم كل 6شهور تسوي لان الاسان بترجع اخس من اول وغير هذي بتعدم الاعصاب من داخل ومب وحده والا 2 قالولي وااايد فخفت لكن اسناني الله لايوريكم صفر بسبب ادماني على شاي ونسكافيه ومايصير كلشي كشخه واسنان صفر فماادري موحاطه ببالي تبييض قبل العرس بروح لدكتور بشوف شبيقولي والله يستر

دوحانيه ماادري من ارشح لج لاني ماجربت ولاشفت بس اسمع انزين اشرايج احجزي سعاد القطريه او امنه شاهين اذا تبين ارقام قوليلي وعندج سعاد البلوشي ناعم

والحلم الهادي انا ليش حطيت 15الف لاني ماراح اخذ الماس مااحبه والصراحه يمكن تقولين وسواسيه اخاف اغامر اول شي سعره يطيح بسرعه شي ثاني اللحين صرتي ماتعرفين تفرقين بين اصلي وتقليد وثالث شي احس الذهب الابيض ارقي ليش ماادري يستهويني واصلا انا اموووت باكسسوارات قطيني بمحل اكسسوار وانسيني سنه وبعد ماراح اخلص امووت في سوالف شغابات وخواتم وخصوصا شغابات طويله عشان جذي امي تهاوشني تقولي بس جدامهم لبسي كم شهر لانج عروس
عشان جذي خذت بس ساعه وطقم ابيض +شبكه طقم الماس وبفلوسي قلت باخذ 3 اطقم قالتلي وحده لا اخذيلج خواتم وحلق وكم تعليقه بس

بنات تهقون الخبر والدمام او البحرين ارخص اذا ارخص باخذ من هناك ابغي جواب اكيييد اللي شافوا اسعارنا واسعارهم اذا ارخص بواايد بشتري الذهب من هناك

ام شيوخ وموناليزا ودوحانيه وعمري قطر الله يتمم لكم على خير يله خلصوا تجهيزات وارتاحوا بالبيت ريحوا اعصابكم

ام شيوخ الله يوفقج بالامتحانات يارب تجيبين كله امتياز اللهم امين

خطيبه غالي وينج حبيبتي حتي لو ماعندج شي شاركينا شوفي الحلم الهادي فديتها تشاركنا اول باول على الاقل نشوووفج ؟

دلوووعه اشلونج حبيبتي ان شاءالله بخير واشلون الاسواق معاج والا خلاص ستوب بسبب جامعه؟

هلا عروس فريش معانا عطينا اخر تطوراتج للتجهيز وكل شي

مشكوورة دلوعتها على معلوماتج

احلام صغيرة وينها دايما تختفي فجأة؟؟؟؟

يابنات اللي ماحجزوا اقولكم لاتسكتون احجزوا تعبت وانا اقول لكم الحجوزات مافي وماراح تحصلون والاسعار كل مالها ناار احجزوا ادفعوا عربون بس اقصد القاعات

وعن لامودا اللي بالسد محد جرب قطع وتفصيل منه ؟

وتاش اشلون غالي يعني بحدود كم؟ لان وحده امدحته لي وشفت موديل قالتلي بتاش بتحصلين نفس القطعه