تجهـــيزاتــ عرايـــس قطـــر 2006

-%-سحابة حب-%-
عطيتينا التفاصيل وماقلتي شلون كانوا ..
شلون كان مكياج العروس وشعرها ؟

غرشوب

بنات حد يعرف مكان الاقي فيه كوش ناعمة حق خطوبة..

كوش الخطوبة بتلاقينها في كل المحلات ماسيس والغردينيا ورويال فلاورز ..


بالنسبة لتصوير كريستال انا شفته كذا مرة وما عجبني عشان جي حجزت تصوير الوان الخليج فيديو وخليت الفوتو كريستال
بس مدري وايد احاتي انه تصير عفيسة يوم العرس والشي الثاني ابي اعطيهم صور الحناء يحطونها بس كريستال هو اللي بيصور ..
مدري شلون بانسق هل السالفة ..
:(


دلوعتها .. امممممممم خرعتيني .. انا ابيها حق 6 من اهلها واحتمال اكثر شاسوي اذا جيه ..
ابي وحدة مضمونة ودقيقة في المواعيد


خطيبة الغالي .. تنورتج موديلها اسباني ؟؟؟
وين خيطتيها ؟؟
وعلى فكرة كان المفروض يكون عرسي شهر اربع يوم قالي ريلي شرايك ناجل تضايقت وصارت سالفة لاني كنت مرتبة كل شي على التاريخ اللي عطاني اياه
بس يوم فكرت فيها لقيت ان هل الوقت بيكون احسن باكون متخرجة ومفتكة ومريحة شهر وعقب العرس مب ركضة وعوار راس ..
واللحين اجهز وانا مرتاحة :)
عشان جي قلت لج كل تاخيرة فيها خيرة

دوحانيه رحت ماسيس وسالت ام احمد عن الخصم وقالت لي ماعندنل خصم ولا شي
الا اقولها على بالج ما اعرف وحده قالت لي تقول وقالت لي رافي سوى لها الخصم لانها كانت تبي تسحب العربون
وهم الاثنين صج عيارين واهم شي عند هالمحلات العربون تخيلوا فاليوم كم وحده تدخل وتدفع الف وما يرجعون لها العربون

عروس الدوووووحه
هلا والللله تدرين فيني احب التسوق هاااااا عرفتي من تسئللين خخخخخ
الله يسلمج توني من شوي راده
ومن امس لين اليووووووم ماشتري الا العطووووور شكثر شريت
بس خساره كلها عطور عربيهماخذت شي فرنسي بس افا عليج
عندج كولكشن سينما في دبنهامز فيه العطر والبدي لوشن وهالسوالف كلها
وعندج مجموعة هوجو اليديد بعد حلو واااايد وريحته نعومه وحلوه
وعندج مجموعة هيبينوس من لانكوم
وكلهم اسعارهم بحدود ال700 وال 600
ماعدا سينما اظن 790 مو متأكده
بس تبون نصيحه؟
مالكم الا لانستانت من جيرلان يسمووووونه عطر العرايس
وانا جاني هديه الصراحه يجننننن فظيع


خطيبة الغالي
ههههههههه خلاص افا عليج يمكن نعرس انا وروح قطر معاج
ولاتنسين معانا احلام صغيره لاعب احتياطي خخخخخخ
مو تزعلووووون اتغشمر ترى
يالللله استانسوا مافي احلى من فترة الخطوبه
طلعه ووناسه ودواره وتحسين انه صج يشتاق لج
غير عن وقت العرس
ولاتنسون الخبرات اللي بتاخذونها

عمري قطر:
الموناليزا اميره تشتغل في محل والا بروحها ؟ وشلون تعاملها ؟ عندها الجهاز اللي يغير الوان القاعه بالكامل ؟؟
وشنهي ترتيبات الزفه عندها ؟ وعندها زفات جديده ؟
والاضاءه اللي قلتي عنها من الدر المنثور كم سعرها ؟ وهي اسمها سيتي كلر ؟ وكم جهاز خذتي ؟

البنات اللي طلبو استفسارات عن اميره

هي تشتغل في محل بروحه اسم المحل الشادي لتجهيز الافراح وتعاملها حلو وايد وعندها الجهاز اللي يغير لج لون القاعه بالكامل وهذا هو اللي حجزته عندها .

عندها زفات بس ماتسعج كل شي اشايء بسطه بس لكن اذا حجزتي ودفعتي عربون اخذي راحتج معاها .

والاضاءه اللي اقصدها ايوه هي اسمها ستي كلر وخذت جهازين بس اللحين كنسلتهم .

وبالنسبه للبنات اللي طلبو رقمها راح اطرشه لهم على الخااااااص ولا يهمكم ...

السلام عليكم ورحمة الله وبركاته :shy:


خواتي بليز ... الي عنده مواقع فكتوريا سكرت على الخاص

:smile::smile::smile::smile:

كلاسيك ...

بالنسبة لتصوير كريستال انا شفته كذا مرة وما عجبني عشان جي حجزت تصوير الوان الخليج فيديو وخليت الفوتو كريستال
بس مدري وايد احاتي انه تصير عفيسة يوم العرس والشي الثاني ابي اعطيهم صور الحناء يحطونها بس كريستال هو اللي بيصور ..
مدري شلون بانسق هل السالفة ..

توكلي على الله انا كنت اجزه الوان الخليج فيديو حق عرسي وكان وايد حلو بيعطونج الشريط في آخر الليله .....

اما عن صور الحنا عطيهم الصور اللي تبينها وهم بيعرضونها عالشاشه ...!!

فدييتج خطيبة الغالي لا تضايقين عمرج بالعكس استانسي وهالايام حلوووه وصج مثل ما قالت عروس الوقت يمر بسرعه ..

دلوعووو هههه مت من الضحك ع تعليقج .. خطيبة الغالي عاد تخيلي انا ودلوعه معاج واحلام بعد مانساها .. ويدشون البنات ينصحونا لووول

الحمدلله ع كل حال حبيبتي والحين فترة حلووه تاخذين خبره وماراح يجي وقت العرس الا كل شي تمام

===

ماذكر من سألت عن قاعة الدانه الجيوان اممم جنه دوحانيه ماذكر .. هي اضاءتها فاتحه بس حضرت كذا عرس وكانت الاضاءه خافته شوي وطبعا كان احلى .. يعني تقدرون توصون عليها ..

موفقين ان شاء الله ..

هلا عرووس الدوحه

ما شاء الله العروووس كانت قمممممممممممممممممممممممممممممر تبارك الله
هي ما شاء الله جميله
مكياجها كان يجججججججججججججججججججنن
يابنات كل وحده حاجزه سعاد البلوشي تتطمن
انا شفت شغلها مرتين وفالمرتين طالع روووعه
وشعرها كان حلووو بس متغطي بالطرحه مايبين

سلام عليكم
اول رد حق خطيبة الغالي
مثل ماقالوا لج البنات كل تأخيره فيها خيره ماتدرين يمكن صج نكون مع بعض انا وانتي ودلوعه وروح قطر

بس تدرين وضعج احسن من وضعي انتي عارفه متى العرس بالضبط مب انا ضايعه

بنات عن سالفه التسريحه شوفوا انا حجزت لبني لي ولخواتي وامي طبعا انا تسريحه العروس لكن خواتي وامي يبون بس استشوار فقط فهمتوا اذا يبون اهلكم استشوار فقط احجزوا وحده واذا تسريحه 2

موناليزا الله يوفقج حبيبتي لاتخافين انا والبنات كلنا بندعيلج ان الله يتمملج على خير

كلاسيك الله يعين تخيلي انا وانتي وسحابه حب والحلم الهادي وام الشيوخ واللحين خطيبه غالي ماادري بعد من قال ماادري شسالفتنا عروسنا كلها تاجلت تدرين بزيدج من شعر بيت جاتنا بطاقه المفروض العرس شهر 12 خلوه شهر 2 بس لانهم طبعوا كروت حطوا ملاحظه والله يوم قريتها ضحكت صديقتي اختها عرسها المفروض 2 تاجل لين 8 تخيلي وماادري بعد من اهلنا نسيت سمعت العرس تاجل وبعد بنت عمة زوجي تاجل عرسها

يااااربي شسالفه ؟؟؟؟ ويوم اجلته يقولي زوجي انتي مب اول ولااخر وحده تاجل كلها شهر ونص وكل مااقرا ان في وحده اجلت اضحك اتذكر كلامه ههههههههههههههههههه

بس تدرون اقولكم شي والله يوم زوجي يقولي خل ناجل اول شي ازعل اسبوع لكن بعدين ارتااح نفسيا لانه العرس باقيله واايد هههههههههههه يقولي انتي صج ماينعرفلج

صدقوني يابنات شهور تمر بسرعه ولانحس فيها

كلاسيك شدي حيلج هذا كورس تخرج والله افتكي من الجامعه اخبر اخر كورس لي درست من قلب حللت دراستي طول السنوات الجامعه كنت العب وادش الامتحان بس صج تعبت وكان ظغط نفسي رهيب لاني كنت ماخذه مادتين رياضيات وانجليزي ومادتين سهلين لدرجه عقب تخرج مرضت شهر

الله يوفقج كلاسيك حااسه بمعناتج

ايييي عمري قطر اقولج اخت زوجي راحت وكذب عليها قالها ماعندي كوش رخيصه كلها من 30 الف وطالع ياااربي شنووو حرااميه

ويييه فديتج دلوووعه مشكووورة عيوني خلاص بمر دبنهامز وبشتريهم احسن مادام عليهم خصم

هلا فديتج سحابه حب

احلام صغيرة معليش حبيبتي خليها على الله صدقيني هم بيجون وبيقولونج حجز بعد كم شهر بس اقوولج لاتسكتون كلميهم او خلى امج تكلمهم لازم يحددون يوم هالشكل مايصير حتي قاعات ماراح يحصلون حجز خليهم يحجزون من اللحين ويدفع عربون ان شاءالله حق سنتين جدام بس الاهم يختارون يوم على الاقل يكونون مرتبين امورهم معاج بس

بنات اللي مرت على كذا محل غير مناسبات وماسيس ورويال فلاورز والدر المنثو تخبرنا عنهم طاولات وكوش

ونزل تصوير ديجتال عنده غردينيا لاني سمعت اخر شهر اللي فات بينزلون ديجيتال

مرااااحب .. بنات شلونكم ..

غلا دبي منورة فديتج ,, يا هلا بج دووم الغالية ^^

كلاسيك ..

أعتقد والله اعلم إن السبب هو إن الكوش عنده صارت قديمة .. و الجديدة سعرها مرتفع ما يطلعها حق اي حد ..
بالنسبة للصور عطيهم المحل اللي خذتي منهم الشاشات

عروس الدوحة ..

في أقل و حلوين اقول لج شفت وحدة بـ20 عقب الخصم و صج فخمة .. بس ما ادري أنا بروحها الكوشة معورة راسي ..
بس بعد الأذواق اللي تختلف و اللي فوق الثلاثين ما يراويج إياها الا اذا قلتي راوني اللي عندك ابي غير الموجود في هالألبوم المغبر
و بالنسبة للقاعة ما في الا اسالهم و اشوف مع إن كرهي أكلم رياييل .. بس المحتد عاد ..
و مشكورة لأنج جاوبتي على أسألتي .. يعني تهقين ما آخذ ذهب الحين ؟؟؟


نورة قطر
آجاره واايد و البنات ما يقدرون لأن بقيمته تقدر تفصل لها واحد و بسعر أقل .. انا فستاني مكلف نفس القيمة تقريباً و أفكر ما أجره اللي تبيه تاخذه حلال عليها بس تدعي لي خخخخخ
عموماً الله يوفقج و يوفقها ..


دلع .. (( دلوعة قطرية ))
شخبارج يمه عساج بخير و شلون صحتج ^^ يالله حيها ..

خطيبة الغالي
يا مرحبا الساع .. و الحمد لله على السلامة
لا إله الا الله عليج .. صايرة بنت بطوطة ما شاء الله ^^ ننتظر تراويينا البضاعة أقصد تقولين لنا شخذتي ..
بالنسبة لمخططاتي .. عبالج عيل العب انا ؟!! : )
و بالنسبة للتأجيل .. ما عليه يا قلبي عساها خيرة لكم ..

عمري قطر
ههههههههههههههههههههههه والله هالكلام اللي سمعته باذني من عند رافي و لو إني شكيت في السالفة عقب قلت اشمعنى الحين ؟؟.. و العربون اللي عطتهم إياه ما يسوى شي بصراحة عشان يخافون يخسروني !!
بس صدتهم هالحركة حلوة .. بنات اللي احجزت عند ماسيس تروح لهم تقول ابي اسحب العربون خل ينزلون لها 8000 وطيران تحجز تصوير لول

روح قطر ..
يسلمووو على الرد انا اللي سالت عن الجيوان ..

الموناليزا
طمنينا شسويتي ؟ و إن شاء الله ترتيباتج اوكي كلها ؟

بنات اللي تبي تفصل فساتين للعرس أو لأي مناسبة :
موضة الحرير الحين و الكريستالات
و إذا شيفون دخلي معاه حرير أو دانتيل ..
صدقوووني بتطلع الفساتين كشخة حدها ^_*


روعتوني والله بالنسبة للفيديو الحين اكثر من وحدة اكدت إن الفيديو عند كريستال مب شي :"(
و رفيجتي كان عرسها في شهر 8 و حاجزة التصوير عندهم .. و تقول بالعكس حلو ما فيه شي .. و انتوا حيرتوني ..
ما أحب تستوي لي هالسالفة ابي خلاص اقرر شي و أحجز و أنساه مب اروح و ارد و الله وراي مليون شغلة غير :"(

شالحل الحين ؟؟

هلا دوحانيه قتلج عن تصوير اذا بتاخذين شي من الوان وشي من كريستال ماادري احس عفسه اختاري اما كريستال او اما الوان ماادري هذا رايي وطبعا الخيار الاخير لج

البنات اللي قالوا عن تصوير كريستال الفيديو انه مب شي هم شافوه وقت العرس بالشاشات ؟؟ والا بعدين بالبيت شغلوا شريط الفيديو وشافوه ؟
لاني حضرت اكثر من عرس تصوير الفيديو كريستال وكان روعه بالشاشات وكل ماكانت الشاشه اكبر تكون الصوره اوضح وماتبين مغبره او شي انا هذا احساسي انتو شرايكم ؟
وتصوير ديجتال الفوتو عند احلام وذكريات وايد يمدحونه بس ماشفته ولا مره
ومره شفت الفيديو يلوووووع الجبد طبعا بالشاشات في عرس كل شوي تتسكر الشاشه وطلعوا مقاطع للعروس مو حلووووه ابد
وابي اسالكم عن الكريستال انا ماخذه 8 افلام للعرس ديجيتال كفايه والا وايد ؟ وماعطوني الالبوم الخشب اللي بدروج ؟ قالت لي اختاري من الموجودين غير الخشب وماعجبني شي عندهم فاضطريت اختار واحد مو عاجبني ومعفس بعد لووول بس كان اهون واحد من الموجود عندهم اتوقع انه المفروض تعطيني البوم خشب
وين احصل الالبومات الخشب ؟؟ وشلون اسعار الالبومات الخشب عند الوان الخليج ؟

مجنونة قطر الريال قالي جيبي الصور قبل عشر ايام عشان يسون لها مونتاج عشان جي ايفة تصير خربطة


عروس الدوحة ان شاء الله باحاول اسوي اللي اقدر عليه

دوحانيه دامج حجزتي عند كريستال خلج عليه

عمري قطر مشكلة الديجتال ان البوماته غير عن العادي والبوم بو دروج بتلاقينه في الوان الخليج

خطيبة الغالي
صدقيني والله كل تاخيره فيها الخيره لج ولزوجج بعد
مثل ماقالو لج البنات يبا استانسي وودعي ايام العزوبيه على راحتج

احلام صغيره
الله يكون بعونج ويتمم عليج بالخير

عروس الدوحه
فديتج والله دايما احسج معاي

دلوعه
حبيبتي شلونج طمنينا عليج

دوحانيه
حياتي انا بخير وكل شي تمام الحمدلله بس الفستان بستلمه يوم الخميس باذن الله
تدرين بالنسبه للحرايروالكرستالات كل خواتي وبنات خالتي خيطو حراير والوان بصراحه طلعت فساتينهم كل وحده احلى من الثانيه لانها الموضه اللحين الله يحفظهم يارب
وبالنسبه للتصوير خلج على كرستال دام انج حاجزه وخالصه لا يأثر عليج كلام بعض البنات ترى عادي تحصل غلطات وهفوات في كل شي وبسيطه .

كلاسيك
شلونج حبيبتي


الله يتمم على الجميع بالخير

بنات شكثر اتصل حق سميره ما ترد ابي احجزها قبل الحنا
بليز اللي عندها رقمها ترسله لي يمكن اللي عندي غلط

دوحانيه والموناليزا فديتكم حبايب قلبي والله تسلمون عالسؤال
وانا الحين صرت حصان خخخ خلاص طبت وتشقتت مو مصدقه لوووووول
بنوتات كل وحده تقول شباقيلها من المشتريات وانا بحاول اساعدها
خبره بالاسواق لوووووول لاني لاحظت ان اغلبكم باقيلكم اغراض من السوق غير الحجوزات
ومحتارين فيها

هلالالا بنات شو اخباركم

احلام صغيره انا نفسج ماتحدد الموعد بالضبط بس على كلامهم انه شهر 1 يعني احنا فالهوا سواااااااااا..........

مادري شفيني اقعد افكر واقول بسوي وبسوي وفجأه اتذكر ان عرسي تاجل واقول لا خل اوقف كل شي ............... بس شكلي باهتم بجسمي وبشرتي هالفتره.......

دوحانيه والله ابي اعرض بياعتي تصدقين لين الحين شنطتي مافتحتها مالي نفس بس ناويه افتحها واكتب كل شي شريته واصور الجووووووتي خخخخخخ وعقب اقفل عليها........ بنات تتوقعون موضة الملابس الي شريتها بتروح والعبايات ؟؟ ..........محتاره شاسوي......................

عمري قطر شفت البومات خشب في احلام وذكريات بس غااااااااليه...................

كلاسيك سويتها عند العظمه في شارع النصر هو ماعنده نفسها لان انا مخترعتها ......... فهمتي موديلها؟؟

الموناليزا اطالع توقيعج فدييييييييييييتج مابقى شي يارب يثبت قلبج ويوفقج ....................