تجهـــيزاتــ عرايـــس قطـــر 2006

الله يوفقج ياااااارب حبيبتي الموناليزا...
عندي لج دعاء ان شاء الله ما تنسينه اللهم جنب الشيطان وجنب الشيطان مارقتنا لا تنسينه قوليه لين عرستي ..
والله يوفقج ان شاء الله والله ادعيلج من كل قلبي..:)

الموناليزا.......الله يتتم لج على خير ويسعدج ويهنيج يااااااااااااااااااااارب والفال حق كل العرايس والبنات :flower:

خطيبة الغالي:pain: الحمدلله على السلامه....join the club :gum:

بنات ادعوا لي انا بعد ما بقى لي شي
والله متصرقعه ومزاجي رايح فيها وصايره حساسه اي حد يقولي شي اشب فيه لوووول بس ما راح يزعلون
قلت لهم من قبل انا الحين متوتره ومضغوطه تحملوني عادي اصيحكم ههههههههههه
اااااااه الله يعين بنات ابي كلام يرفع المعنويات بليييييييييييييييييز

فديتج خطيبة الغالي لا تتضايقين ولا شي وكل تأخيره فيها خيره ان شاء الله
انتي كملي جهازج وانطري العرس وحاولي قد ما تقدرين قبل العرس بشهر ونص تكونين مخلصه كل شي حتى توزيعات الحنا علشان بالهفتره تتفرغين لنفسج والله يوفقنا كلنا يا رب

دلوعه قطريه الله يحفظج ان شاء الله دايما بصحه وسلامه .

خطيبة الغالي شفتي شلون مابقى شي خلاص بدأ العدد التنازلي

ام الشيوخ مشكوره فديتج تدرين بكتبه في ورقه وبحطه في شنطة الفندق علشان اتذكر


الحلم الهادي ان شاء الله يارب و يتمم على الجميع بالخير ويتزوجون كل العذارى

عمري قطر انتي متى عرسج هالشهر تقصدين ؟؟ ؟ ،، ا انا سمعت كلام البنات وكثرت من قراءة الادعيه والقرآن وبترتاحين وايد وايد فديتهم والله ماقصرو معاي اكثر من خوات .

عمري قطر

غريبه ان تصوير كريستال الفيديو نظيف وحلو

اصلا حتى اشرطتهم تخترب بسرعه

قبل يومين ابي اشوف فيديو عرس اختي الا الشريط كله مخترب

حتى التصوير اللي يطلع عالشاشات بعد مب واضح
عرس بنت خالتي ماكان الفيديو حلو ولا عرس اخت رفيجتي ولا عرس اختي
وكلهم من كريستال

بالنسبه للالبومات
عند الوان الخليج البومات حلوه بس ناار
يعني اللي خذته اختي ب 5 الاف
والله حرام

بنات حبيت اشارك معاكم في هاي الموضوع الاكثر من رائع
حبيت اعرف تقبلوني معاكم في هالموضوع او لالالا؟؟؟؟

بناااااات اللي عندها رقم مريم الفلبينيه مالت التصوير واميرة مالت الديجه ادزه لي بلليييز

ياهلا فيج وردة العشااق معانا

موناليزا قلبي معاج وماراح انساج يوم عرسج بدعيلج طول اليوم ان الله يتمملج على خير

عمري قطر بعد انتي حبيبتي اقري قرأن وهدي اعصابج وبيمر اليوم بسرعه بس ماقلتيلنا متى تاريخ عرسج عشان ندعيلج انا والبنات كلنا بيومج

=============================================================

بغيت اسئلكم اسئله مهمه وااايد لان عندي مناسبه خاصه جدا جدا واتمني تفاعلون معاي مافي وقت لازم احجز

من جرب سناء للتسريحات ممتازة او لا لاني حجزتها حق مناسبه

وبغيت اسئلكم مابي الا هثنتين من شاف وجرب مكياج سعاد القطريه اللي كانت تشتغل بصالون يونيك وطلعت واللحين تشتغل لحسابها بالبيت وامنه شاهين من فيهم احلى


اتمني تردون على بسرررعه

هلا عروس الدوحه

مكياج سعاد حلو جربنااااه

هلا بنات ..

شوفوا اللي باقي لي :

- مكياج و فرش بس ابي الحاجات الأساسية و قالت لي ام خالد عن كم شي و جزاها الله خير ..
- كولكشن واحد بس و ابيه حق يوم العرس لأن عندي شنطة متروووسة عطورات و كلها هدايا .
- بوديات و بلايز ابي زيادة و كششششششخة أتوقع المجاملات بتزيد عقب العرس خاصة إن ريلي مب من هلي و التغيير لازم ..
- نعل و جواتي + طقمين شنطة و نعال مب صندل للفساتين ( الله يعزكم )
- شناط سفر ( مادري كم وحدةآخذ ) و اللي شافت set تقول لي وين .. و مابي اي نوع لأن هاذي شناط باستعملها ..
- الــــــــــمــــــفـــــــــــرش ( بيض الصعو )
- الذهب و ابي شغلات خفيفة بس راقية ..
- ساعة و باشتريها قريب إن شاء الله ..
- جوتي لفستان العرس الله يعزكم ..



هذا اللي في بالي ...

هلالالالالالالالالالالالالالا بكل بنات بلادي
تصدقووون وايد اشتاق لك ولسوالفكم

بنات اللي قاعده تجهز بيتها خل تروح الهوم سنتر ترى وااايد منزلين اشياء حلوه وصاير كشخه

اليوم انا رحت سنتر بوينت .. اول شي دخلت لايف ستايل شريت لي الأكياس مالت الريحه والورق
عشان احطهم وسط الثياب
عقب دخلت الهوووم سنتر آآآآآآآآخ جد تعبت وريلي عورتني شريت وايد أغراض
باقول لكم اللي أذكره اول شي رحت صوب الأطفال وخذت لي معاليق ثياب يهال >>> حق قمصان النوم
وعقبها رحت صوووب معاليق الكبار وخذت بعد حق باقي الثياب .. عندهمممم الوان تجنن
برتقالي ... اصفر .. ازرق .. فوشيا.. سلفر
وبعد خذت معاليق حق البناطلينكل معلاق يشيل أربعه وقلت ممكن استخدمه حق الغتر "غتره"
ووو معلاق حق الاحزمه ومعلاق حق الكرفتات والسكارفات

خذت بعد استاند "2" قلت واحد حطه بغرفة الغسيل وواحد بغرفة الكوي وسعره حلو

ممممم نسيت خل اتذكر الترتيب وين رحتي ياسحووبه
اي صح رحت صوب الاثاث اول شي

رحت صوب كباتة الجواتي >> منزلين تشكليه كبيره
المهم حجزت واحد
وعقب رحت اشوف طاولات الطعااام عندهم اشياء حلوه
بعد حجزت طاولة طعام مع مكملاتها
وو بعد خذت طقم طاولات حق الصاله

وعقب رحت ناحية اشياء المطبخ
وخذت سكاكين وفتاحه وكساره وفطاعه وبشاره و....الخ


آآآآآآخ تعبت
عقب شوي باقول لكم لما رجعت البيت شسويت

- مكياج و فرش بس ابي الحاجات الأساسية و قالت لي ام خالد عن كم شي و جزاها الله خير ..
البودي شوب للفرش .. وماك للمكياج

- كولكشن واحد بس و ابيه حق يوم العرس لأن عندي شنطة متروووسة عطورات و كلها هدايا ..
انصحجج بعطر يوفوريا من ck

- بوديات و بلايز ابي زيادة و كششششششخة أتوقع المجاملات بتزيد عقب العرس خاصة إن ريلي مب من هلي و التغيير لازم ..
اللاتد مارك وحياة بلازا عندهم اشياء

- نعل و جواتي + طقمين شنطة و نعال مب صندل للفساتين ( الله يعزكم )
ميلاو سكوير وناين وست

- شناط سفر ( مادري كم وحدةآخذ ) و اللي شافت set تقول لي وين .. و مابي اي نوع لأن هاذي شناط باستعملها ..
السلام .. انا خذت 4 .. 2كبار و2صغار


- الــــــــــمــــــفـــــــــــرش ( بيض الصعو )
bhs باللاند مارك منزلين مفارش حلوه
في واحداوف وايت وااااااااايد عجبني
وشكلي باروح آخذه

- الذهب و ابي شغلات خفيفة بس راقية ..
انا اتعامل مع الماسيه بسوق الذهب وبعد دار الألماس شفت عنده اشياء حلوه
رحت فرساي والمفتاح ماعجبني شي


- ساعة و باشتريها قريب إن شاء الله ..
!؟!؟!؟! ماعندي فكره

- جوتي لفستان العرس الله يعزكم ..
انا خذت لي من ميلانو سكوير

وووسلامتج
ان شاء الله تستفيدين

يووووووووووووووه صج نسيت اخذلي معاليق للثياب صج فالحه بعدين اشلون بفرشهم بالارض

مشكوووورة سحابه نبهتيني على هنقطه

العفوو ولو حبيبتي

النوده وصلت خلاص
المهمممم قب ماروح انام
خل اقولكم شسويت لما رديت البيت
فتحت الشناط وحطيت الاشياء المعطره وسط الثياب
وركبت الاستاندين وعلقت عليهم الفساتين والبدل طبعاُ داخل الأكياس مالتهم وقطيت بالكيس ورق معطر
وووووووووووووووووووووووووووووووووووووووووووووتصبحون على خير

خل اقول لكم شاللي ناقضني قبل مارووح
عشان بكره اشوف الردود الحلوه

أبشـــــره"مفارش
سجادة صلاه كشخه او ثنتين
بناطلين حلووه وعمليه
شناط ماركات بس سعرها يكون معقول

عبايات وشيل >> باروح البحرين .. ياريت اللي تعرف محلات هناك تقول لي

يالله انطر ردودكم

hi guysat
am in the college and there is no arabic keyboard:)
ilmohim i wanna sk you guysat kam mafrash a5ith?i took a full set from al salam and i took ili yin7a6 6a5il ilcover ili lona white akeed you know it...ilmohim how many covers i should take coz i didnt take ..they brin one for me with the daza.... mmm plz answer me on this coz i will go today to the landmark and i wanna know..

o banat ba3ad sha'3la lazim a5ith shna6 lil sifar jdad??my sis told me i can have what we have ..ya3no dont buy another 1 9a7 wala?
plzz answer ok i hope u undersand me:)

السلام عليكم
دوحانيه فرش المكياج انصحج بماك احسن شي واذا ماتبين عندج بوبي براون وفورايفر ونارس بس فراشي البدي شوب لاتقربينهم مو شي والله الوحيده اللي حسيتها اوكي اللي مايله على جنب
واسالي ماك متى بينزلون الفراشي اللي بعلب صغيرهب 250 تقريبا اربع او خمس فراشي مع بعض اوفر من انج تاخذين كل فرشاه بروحها واذا حابه تشترين كل فرشاه بروحها اخذي من عندهم فرشاة الشدو وفرشاة دمج الشدو والفرشاه اللي وزعين فيها البودره المضغوطه جربيها هناك فللللللله جنها ذيل قطو ههههههههه اظن سعرها ب182
:::::::::::::::::::::::::
دوحانيه بالنسبه لكولكشن يوم العرس انا بنصحج بشي حلو حق يوم العرس لما تطلعين للناس بالقاعه حطي عطر قووووي مثل برايفت كولكشن او اوبيوم من ايف سان لوران وحق بعدين انصحج بعطر ريحته ثابته وبارده وناعمه مع دهن العود احلىىىى بوايد وبالذات اذا بتاخذين الطقم كامل وبعطيخ خيارين انتي وذوقج كولكشن جيرلان لنستانت رووووووووووعه او شوبارد الاخير
وانا اللي خذته كولكشن بيبي دول من ايف سان لوران العطر والشور جيل واللوشن بلمعه والصابونه
:::::::::::::::::::::::
وشنط السفر تلقين ماركة delesy في السلام اللي بالمول احجام مختلفه وعندج بعد في اللولو اللي بالمطار بس انا اشوف اللي بالسلام احسن لان اللولو شفتهم من زمان اما السلام شفتهم امس واعجبوني وهالماركه واااااايد زينه عندهم اللي مثل القماش واللي من البلاستيك المقوى لووول عالمصطح من اختراعي بس اكيد فهمتي قصدي وانا اقول اخذي ثنتين وحده كبيره ووحده اصغر منها ولا يهمج السعر لانه بيتمون عندج طول العمر واتوقع الثنتين مع بعض ما بيتعدون 1500 تقريبا
::::::::::::::::::::::
وبالنسبه للذهب انا من رايي تاخذين خاتمين او اربعه الماس احلى لان اكثر الناس بيجيبون لج هدايا اكثرها ذهب طبعا واذا تبين ذهب شوفي لي لا فرع داماس اللي بالمول او الالند مارك
اشياءهم ناعمه وراقيه
:::::::::::::::::::
والجوتي الله يعزكم انا بعد للحين مالقيت حذاء سندريلا

اففففف قهر كتبت رد طوووويل حق ام شيوخ وانمسح
المفارش الكشخه اخذي اثنين واحد حق الفندق اول ماتروحين الفندق تفرشينه وتعطرينه وحركات بركات
والثاني حق يوم الهديه اكيد الاهل بيشوفون غرفتج
وللتلبيس اخذي اثنين حاليااااااا لان ضروري تتغير المفارش بصوره مستمره


ومحلات المفارش : دبنهامز وهاي لاند وبي اتش اس ومحل بالرويال بلازا ومعرض القرنه والعروس والنمر الذهبي وهذول بالسوق امممممم واللي تذكرت اسم محل تكتب لنا اسمه

صباح الخير
وايد متضايقة اليوم واحس مالي مزاج حق اي شي
غير ان صارلي ليلتين ما انام فاحس راسي مصدع :(

دوحانية
الفرش اخذيهم من فور ايفر

الساعة شوفي الماسة الزرقاء او الجابر
في السيتي


-%-سحابة حب-%-
انزين لو علقتهم احين شلون باوديهم يوم الهدية
((احس ان سؤالي عبيط بس اعذريني مصدعة ))

ام شيوخ هلا اخذي اثنين كفاية