مجلس امهات شهر مايو 2006 حياكم

شكلي انعميت

سويت له بحث وطلع

مع اني طلعت ونزلت بصفحه الحمل ماحصلته

حبيبتي مراوي الله يتمم لج علي خير حملج ويثبته لج يا رب..... ويسهل عليج الولاده انشالله


مراوي يا قلبي اذا كنت بجررر يعني اول مره تحملني وتولدين اعتقد بتتاخر ولادتج علي حسب في بنات توصل العاشر وتولد وبنات لا تطوف التاسع بكم يوم وتولد ...

وانشالله تبشرينا بولادتج وابشرج بحملي .... ادعي لي الله يسهلها علي,,,


تحياتي

امين يا رب العالمين

انتي و باقي الاخوات يبشرونا ان شاء الله بحملهم قريب

:)

حبيبتي مراوي الله يقومك بالسلامه..

عندي سؤال لك بما أنك حامل جديده... أنا حطيت السؤال في المنتدى بس ماوصلني الجواب إللي في بالي...

أنا شاكه إني حامل من الآلام إللي جايتني تحت بطني وفي ظهري... بس ما أحس بلوعه أبدا ولا ألم في الصدر...

السؤال هو: هل الإفرازات إللي تفرزها المرأه نفسها ما تتغير في فترة الحمل عن قبل ما تحمل المرأه...

يعني قبل الوحده ما تحمل بعد الدوره بأسبوع الإفرازات حقها وااااااااو يوم 11 ما فيه إفرازات و يوم 12

الإفرازات تصير واجد ويوم 13 و 14 الإفرازات حدث ولا حرج...

وبعد هذي الفتره تصير الإفرازات شبه معدومه...

إدعيلي إني أكون حامل إنشاء الله

السلام عليكم ورحمة الله وبركاته .....

الله يثبتلي و لج ويقومنا بالسلامة يا مراوي وكل عرايس المنتدى يا منان ياكريم..

وأن شاء الله تكونين حامل يا قمر ويرزقج من رزقه الذريه الصالحه يارب...

الله يعطيج الي ببالج يا مراوي ...

تصدقي اني اتمنى اني أولد تاريخ 9/5/2006 لأنه نفس يوم ملجتي وكنت أتمنى بعد ان ملجتي تصادف تاريخ 5/5/2005 بس الله ما كتب لي لاني سألت شيخ وقال لي ان الليلة هذي مب زينه على حسب نجمي...

وانه موعد ولادتي 28/5/2006 والله كريم ...

بنت قمر راكبه همر ... ان شاء الله ياربي تكوني حامل دعوه من قلب ادعيلها لك و لباقي خواتي عسى الله يفرح قلبكم قريب ان شاء الله:)

شوفي حبيبتي اعراض الحمل اهي نفسها نفسها اعراض الدوره .. نفس الالم اللي احس فيه بصدري و في بطني قبل نزول الدوره كان معاي قبل لا احلل و توقعت الدوره تنزل بس يوم تاخرت يومين حللت و طلع حامل

بالنسبه للافرازات ترى بعد اهي نفسها اللي كانت معاي قبل الحمل .. يعني الافرازات تستمر مع الحمل

انتي اذا الدوره متاخره عندك تقدرين تسوين التحليل المنزلي حتى لو كانت متاخره يوم واحد راح يبين ان شاء الله نشوفك معانا بمجلسنا :)


++++++++++++++++++

منورتنا اخت jamjom
انتي تقريبا بتكونين معاي بنفس الاسبوع ان شاء الله

واحتمال اكون معاك بنفس اليوم لاني متوقعه اني اتاخر بالولاده .. مادري ليش :)

هلا بنااااااااات شوفو انا مو حامل لكن جذبني التواريخ 6\6 يوم عرسي و 7\مايو\1995 يوم ولاده بنتي

يشرفنا وجودك ميره الصغيره عزيزه و غاليه و الف شكر على التشريف :)

السلام عليكم

الله يقومنا ويقومج بالسلامه يا رب ويكتب لنا مافيه الخير

انا بعد ولادتي ان شاء الله بتكون في شهر مايو عاد في بدايته على تاريخ 8/5/2006
عاد ما ادري يمكن قبل ويمكن عقب اتمنى اكون 5/5/2006

يعني سابقتنا دلوله و ان شاء الله بتولدين قبلنا :)

عاد قاعدين نتدلع الين كل وحده تبي تاريخ على كيفها بس باجر اذا صار الثقل اللي وايد اسمع يشتكون منه نبي نولد بأي تاريخ ان شاء الله يكون سلطه :)

الله يسمع منك يا مراوي وعقبال مانسمع قصة ولادتكم إن شاء الله كلكم...

الله يقومكم بالسلامه يا حوامل آمين يارب العالمين..

مشكوره أختي جمجوم على الدعاء الحلو والله يقومك بالسلامه إنتي بعد..

مع إني مش متزوجه من كثير 4 شهور بس فيني حنين مش طبيعي إن يصير بين إيديني بيبي...

إش تسوى كلمة ماما في هذي الدنيا؟؟؟ تسوى الدنيا وما فيها...

مع إني أيام كنت مملكه كنت متفقه إني ما أبي عيال إلا بعد سنتين..

وبعدين تقلص العدد إلى سنه... وبعدين تقلص إلى 6 شهور...

وإن شاء الله الله يوفق وأحمل هالشهر هذا..

كل العيله متحمسين إنهم يشوفون بنتي أو ولدي لأني أنا أول وحده تزوجت من بيتنا...

وزوجي هو أكبر واحد من عيلتهم بس أخته تزوجت قبله وعندها بنتين لأنها تزوجت صغيره مررررره...

السلام عليكم ورحمة الله وبركاته..

يسلموا قمر ...
وان شاء الله الله يعطيج الي في بالج ونفرح فيج والعائلة الكريمة ان شاءالله...

عسى تفرحينا قريب يا اخت قمر .. انتي و باقي البنات ان شاء الله :)

الله يرزقج يا اخت قمر وينولج اللي في بالج


صدقتي يا مراوي لو علينا جان نحدد اليوم والساعه وكل شي

وانا ودي من الحين اولد وافتك تمللت من الوحام يضيق الخلق

انا كنت متوقعه اني يوم احمل بيكون وحامي لعوازه لاني كنت اتبهذل يوم تييني الدوره و بعد امي كان وحامها كريه يستمر معاها طول فتره الحمل .. فقلت انا ماراح افلت منها

بس الحمد لله الحمد لله ماحسيت بوحام اللي يقولون عليه ..

يقولون من خلال الوحام يعرفون اذا كان بنت ولا ولد بس مو متاكده

صج والله الحمد لله افتكيتي من الوحام

بس اشلون يعرفون اذا بنت والا ولد؟؟؟

السلام عليكم ورحمة الله وبركاته...

أختي العزيز مراوي أذا ما جاك وحام فهذي نعمة من رب العالمين ( ماشاءالله لا إله ألا الله)

الدور الباقي علي ذابحني الوحام وعزكم الله الترجيع مبهدلني ألي آكله على طول أرجعه وتعرفون أحنا في شهر رمضان فالوحام عافسني فوق تحت، والحمدلله رب العالمين على كل شي..

أختي دلوله الله يساعدنا على الوحام يارب...

أتمنى الى كل وحده تحمل ان ما يجيها وحام اللهم آمين...


ودمتم بــــــــــــــــــــود

الله يساعدكم والله

بس يالله خذوها فرصه حق تتدلعون على ازواجكم و اهلكم

انا مشكله اول حمل لي و مو عارفه اتدلع دايما اقول في بالي هذا اول حمل يعني هذا فرصتي الوحيده

الثاني محد بيدلعني لازم اتدلع من الحين .. بس ماعرف :)