خبيرة تجميل....... في خدمتكم

هلا فيج معانا ومشكورة على اهتمامك حياتى،،

كنت حابة اسأل اذا كنت تفيدينى بغيت سيروم من شركة ليبر يقولون عنة مفيد الى اخفاء الخطوط الرفيعة اللى تحت العيون وش اسمة او حتى تقدر تحطي لى كريم مناسب من خبرتك فى التجميل واكون لك شاكرة

حبيتي ..... حياج الله

اسمحيلي انا ما اعرف هالمستحضر اللي ذكرتيه...

عموما... ممكن تجربين .. مستحضر مثل الجيل يغطي العخطوط نوعا ما.. من كانيبو......

لتحت العيون انا استخدم جيل مماثل من كريولان...... احس الاثنين نفس المستوى....

smashbox > عنده لبيس يساعد في شد البشره شويه....


بس .... لو قدرت اعرف عن المستحضر اللي ذكرتيه راح اخبرج..


شكرا

اولاً ... مرحباً بك في المنتدى
ثانياً ... مؤكد راح نستفيد من خبراتك كخبيرة تجميل
ممكن تخبرينا ما هي الالوان التي تليق بالبشرة السمراء .. والبشرة الداكنة في المكياج
بشرتي داكنة وبالرغم من ذلك اميل الى الالوان الزاهية (الوردى - البنفسجي ) ولا ادري هل تليق بي ام لا .... خاصة ان شفاهي داكنة اللون ايضاً؟؟؟؟

اختي ممكن تخبرينا شو هي الالوان الدارجه هالفتره؟

[CENTER]حياك الله:flower:

welcome 2 the club :)

[CENTER][CENTER]:eek2: يا قلبي جيتي بالوقت المناسب من فضلك اش احسن كريم اضاءه على الأطلاق ويعطيني مثل اضاءة وجهه جنيفر لوبيز شاكره لك

اهلا وسهلا فيكي اخت يالكريمة

وحياكي الله في هالمنتدى

اكيد بنستفيد منك

عالم المكياج عالم مليء بلاإثارة والأسرار كل يوم يتجدد

واذا عندي سؤال صدقيني ما راح اتردد اني اسألك اياه

شهد78:
اهلا وسهلا فيكي اخت يالكريمة

وحياكي الله في هالمنتدى

اكيد بنستفيد منك

عالم المكياج عالم مليء بلاإثارة والأسرار كل يوم يتجدد

واذا عندي سؤال صدقيني ما راح اتردد اني اسألك اياه

hla wala

ياهلاااااااااااا ومرحبااااااااااا فيك
نستنىىىىى دروسك بفارغ الصبر

هلا والله وحياكم الله ................


الموسم ذهبي......

بالديكور والاثاث الفشن والميك اب.. الذهبي يدخل في كل شي....مع البنفسجي والازرق .. يسوي خلط جميل..

طبعا درجات الذهبي..
بما انا فربنا على الصيف.. الباستيل.... وخاصه الاصفر والبرتقالي....

البنفسجي والازرق.. الوان منتشره.. وهذا من حظ السمر...

يعني الحين البرونزاج .... والكحل الاسود طبعا..


نحاول نتجنب الاحمر.. والوردي شويه.. ..


بالنسبه لأضافة لمعه على البشره..

رشات خفيفه من بودره لامعه او اي شدو ذهبي.. ممكن نجرب بودره في علبه صغيره من ميك اب فور افر.. ما يحظرني الاسم بالضبط الحين.. ممكن باجر اكتبه..

بعد في بلشر من ماك.. بس يعطي لمعه ......

كريولان... في بودرات وايده للمعه .. ساينيه .. وسلسلة W2, W3, W4


انشالله اكون فدتكم...

[CENTER]السلام عليكم اختي makeupartist

آنه عندي مشكلة في وضع الآي شدو ومكياج العين عموماً

دايماً تطلع عندي منطقة العين مو نظيفة يكون الكحل اللي تحت كأنه سايح:down::down:

بغيت منك الطريقة الصحيحة حق الأي شدو

بغيت السموكي والعادي لو سمحتي وشلون اذا بغيت أحط آي شدو تحت الكحل وطريقة مزج ألوان

الآي شدو بليييييييييييييييز

شاكرررررررررررررررررررررررررررررررة لك جدا جدا:clap::clap:

[CENTER]هلا حبيبتي نورتينا

هلا بيج يا اخت makeupartist

حبيت اقولج اني بيضاء و شعري بني فاتح ... كل ما احط مكياج احس ان شكلي استوا جني ما كله ياهل او جني سايره عرس .... و يوم احط الوان فاتحه ابين سيلانيه .....

ابغي اعرف شو نوع المكياج الي يناسبني و الالوان اللي اقدر احطها في النهار

الاخت : GIS
من كلامج اظن انج يا تحطين فاونديشن فاتح يا باودر فاتح.. حاولي تحطين لون نفس لون بشرتج..

عليج بالبلشر .. خاصه الالوان البشريه... والطبيعيه.....

في المكياج الستعملي الالوان الهاديه .. وتجنبي الالوان الصارخه..
جربي السموكي لوك... .. حتى الروجات حطي طبيعي .. المات رجعت موضته .. بس لو شفايفج صغار خلج على الجلوس...

شو بعد.... صح .. الترابيات.. والبيح على العيون ...
بس يا حلوه

الاخت : GIS
من كلامج اظن انج يا تحطين فاونديشن فاتح يا باودر فاتح.. حاولي تحطين لون نفس لون بشرتج..

عليج بالبلشر .. خاصه الالوان البشريه... والطبيعيه.....

في المكياج الستعملي الالوان الهاديه .. وتجنبي الالوان الصارخه..
جربي السموكي لوك... .. حتى الروجات حطي طبيعي .. المات رجعت موضته .. بس لو شفايفج صغار خلج على الجلوس...

شو بعد.... صح .. الترابيات.. والبيح على العيون ...
بس يا حلوه

هلا اختي شنو نوع كحل مضغوط سوااده فاحم وحلو؟؟انا استخدم نوع وعاجبني وايد بس ابي اشوف اذا في احسن منه=)

صباح الخير....انشالله تكونون بخير وصحه ..


راح نشرح العيون مكياج العيون الدخاني:

بعد ما نحط المرطب على عظمة العين............نضع الكونسيلر (حسب احتياجنا .. وفي حالة وجود خطوط رفيعه حاولي تستخدمين كونسيلر خفيف - مثلا سان لوران)
نوزع الباودر وبالفرشاه نزيل الاضافات.. ثم نظع كميه من اللوز بودر تحت العين عشان يوم يتساقط الايشدو على الخد وتحت العين نمسحه بفرشاه تشبه المكشه ( المخمه ) في الاخير...

ممكن نبدأ بوضع اللون الفاتح تحت خط الحاجب او نخليه اخر مرحله.. (ممكن نستخدم rice paper, nylon, ) من ماك في بعد منتجات اخرى راح اذكرها مره ثانيه لو تريدون....

الحين نستخدم قلم كحل اسود كريمي ... مثلا الاسود من makeup for ever ونظلل فيه الجفن المتحرك كاملا.. وبستخدام الفرشاه ... انا استخدم (239 من mac) نوزع الكحل الاسود ونحاول دمج النهايات .. عشان ما تنبان بس خط تعطي سموكي لوك..

الحين تبدأ مرحلة وضع الاي شدو الباودر... اختاري درجات الالوان اللي تحبينها ... نبدأ بتدريح اللون الغامق مثلا اسود ( جربو carbon ) من ماك... او اي لون غامق .. بعدين درجه افتح... الي ان تصلي الى اللون الفاتح او اللولوي تحت الحاجب .. بستخدام الفرشاه .. حاولي تعملين عمليه دمج للالوان عشان تعطي لوك طبيعي .. يعني بداية كل لون ونهاية اللي تحته لازم تختلط عدل وهذا نسميه (color blending)

الكحل والايلينر:

ممكن نستخدم خط الايلنر الخفيف على مجري خط العين .. فوق او على كل العين او حتى نرسم اي شكل (مثلث مثلا) في مقدمة العين جهة الخشم ..

بعدين نحط الكحل الاسود ( smolder from mac or the black from cryolan ) لو حبينا او اي لون داخل العين .. ممكن البيج لتوسيع العيون الضيقه..


الحين رسمة العين تعتمد على شكلها .. يعني مثلا العين الصغيره .. حاولي الخط فوق العين يكون رفيع وممكن كن تسحبني الخط لو حبيتي تعطي العين ا حساس بالطول.



الحين التكنيك:

انا مرات احط اللون الاسود من الايشدو على الكحل بشكل يعطي نظره دخانيه ... ويثبت الكحل بعد.. هذا حتى لو ما اريد احط اي شدو ..عقب الايلنر احط اي شدو اسود او اي لون وادمج بالفرشاه.... يعطي عمق للنظره.....

عموما .. لازم نراعي العين وشكلها .. ونغمق يوم نريد نصغر شكلها في مكان معين والتفتيح يعمل العكس..


انشالله اكون فدتكم..... ولا تنسون المسكارا انا احب استخدم مسكرة سان لوران.... او CD

السلام عليكم ورحمة الله وبركاته
العرايس في المنتدى اغلبهم يمدحون
كانيبو وبن ناى---------------للكيك فونديشن للمناسبات
جيرلان -------------------ليكود فاونديشن


وانتي ياخبيرتنا شنو تنصحينا

انى بشرتى حنطيه فاتحه ونوعها----------مختلطه
استخدمت ديور وشسيدو الليكود حلوين بس الt-zone تظل تلمع مع انهم free oil
ما احب البودره او الكومباكت لا انى ما احسيها طبيعى مثل الليكود.


الصيف وصل وبيغيت اغير الفونديشن فلا تبخلى علينا بنصائحك

ويا عطيج الف عافيه