اللي موعد ولادتها في أغسطس الجاى .. تعالوا ندردش سوا

نوراء الحلووووه
اهليييييين حبيبتي انا ابخير والحمد لله
والنونو بعد ابخير تسلمين لي يا رب.

bent^cute
سلااااااااامات سلاماااااااات عنوني
ما تجوفين شر والحمد لله ما نزل عليج
شي عيل تطمني اختي ولا اتحاتين وايد
واذا حسيتي ان فيه شي تغير عليج او تغيرت
حركه البيبي روووووحي الدكتوره عشان
تتطمنين اهم شي صحتج وصحه البيبي.
والله لا يعود الشررررر ان شاء الله.

[CENTER]السلام عليكم ورحمة الله وبركاته

هلا اختي عسووووووووولة..

انا سويته السونار في مستشفى البحرين التخصصي عند الدكتورة فرح..

وقالت لي ما يبين واضح جنس الجنين ..

قلت لها خلاص عجل أكيد بنت وفرحت بس اهي قالت بعد 4 أسابيع أقدر أقول لك الجنس اكيد..

بس أنا من يومين احس بحرقة في كل بطني .. واحس أن بطني راح ينفصل عن جسمي من الحرارة ومزاجي متعفس وخايفة على حبيبي..

أمس كان عيد ميلاد زوجي حتى كل سنة وانت طيب ما قلت له..

الهدية شريتها من زمان بس ما رتبت الحجرة وتزينت ..

أنا خايفة يا ترى ليش كذا بطني يألمني وعلة فكرة كنت ماكلة (آجار) ثلاث قطع بس.. هل هو السبب؟؟

نورراء الحلوة..

هلا حبيبتي ..

الله يسمع منك وتعدي على خير والله يحفظ ما في بطوننا يا رب ..

وكل وحدة تبشرنا بسلامتها وسلامة ولدها يا رب..

bent^cute..

سلامات ما تشوفي شر..

أجر وعافية..

وأحسن عشان ما تظلي خايفة وتحاتين روحي للدكتورة خلها تفحصك وتفحص البيبي..

ألف الحمد لله على سلامتكم..

ربي ارزقنا من ذرياتنا أولادا صالحين وأعط كل محروم يا رب..

سلام حوامل اشلونكم وكيف البيبهات إنشاء طيبين بس لو سمحتو كل وحدة اتقولنا شنو قالوا لها جنس المولود وشنو الأعراض الي تحس فيه.


مممممممم حبيبتي لا تخافين من الاسهال في ولدي الثاني صادني وظل معاي حتى الخامس تقريباً بس اهم شيئ تتغذين زين.

عسوله اشلونج وحشتينا من فترة ما شفنا مشاركتج في الموضوع عسى المانع خير.

بنت كيوت سلامات حبيبتي وما تشوفين شر.

نور المدينة اتوقع اتكونين حامل بأنثى هي الي ما تبين اما الولد عن تجربتي في المرتين من الشهر الرابع يبين والي أكدلي انج حامل ببنت الحراره الي في بطنج نفس صديقتي بالضبط وهي حامل ببنت بس بشرينا صح تخميني والله غلط.

[CENTER]السلام عليكم ورحمة الله وبركاته

هلا بحرينية عسل..

أنا أحس أنها بالفعل بنت.. يا عمري البنات الحلوين..

توني ألحين سويت لزوجي بطاقة حلوة فيها صورة فستان وردي صغير..

وبالوسط كتبت له كلام عن عيد ميلاده..

مشكورة بحرينية عسل..

والله يسمع منك وتكون بنت سليمة صالحة حلوة حلاتك يا ربي,,

نور المدينة الله يعطيج الي في بالج حبيبتي والله يرزقني الي في بالي اللهم امين. بس ما قلتي لنا انتي بكر والله عندج أولاد .

نور المدينه
سويتي سونار فى التخصصي ومااااا عرفوا جنس الجنين؟؟
هذا ويمدحونهم بعد!!
ابصراحه ما فيه على فوزيه كماااااااال خبررررررره فى هالمجال.

بحرينيه عسل
اهلييييين اختي اشلونج واشلون البيبي معاج؟
انا متابعه الموضوع اول باول حتى لااااااااحظي ان كل بين
رد حق وحده تلاقين فيه رد لي!!

السلام عليكم ورحمة الله وبركاته ...

اخباركم يا حوامل ؟؟وشوه الحمل معاكم ان شاء الله كل شي بخير ...

اسمحولي انا غبت فتره عنكم لاني مشغوله شوي ..

طمنوني عليكم ..

وانا الحمدلله بخيروعافيه ..

والنونو بعد ..

راجعت امس قالوا لي انتي 6 شهور واسبوع ...

طبعا هذا بالاسابيع بس بالاشهر طبعا ما دشيت السابع بعدني :) ...

وحياااااااااااااكم الله ...

هلا وغلا بالغاليه شاليمار
اشلوووووونج شخباااااااااااارج عنوني.
انا والله لاحظت غيابج بس قلت اكييييييد الحمل
والوحم متعبينها حالها حالنا..
طمنينا حبيبتي شخبار البيبي وعرفتين شنو جنسه ولا للحين؟؟

هلا عسولتنا ..

طبعا الحمل متعبني شوي بس دخلت دورة رخصة القيادة الدولية ومكثفه عشان جيه ما انشاف وايد ..

وعن جنس البيبي اخر كلام بنت .. والحمدلله على كل حال البنوتات حلوات والاولاد بعد حلوين واللي من الله حياه الله ...

وكلهم رزق من الله وما افضل جنس عن جنس والحمدلله ..

بس ما بجهز لها بالزهري محايد ماا عرف ليش ؟؟ يمكن لان الكل يقولي لا تاخذين بلاكمهم مرات يغلطون فلا تجهزين على جنس البيبي ..

المهم طمنيني عليج وعلى النونو ان شاء الله بخير ..

وهاه جهزتي والا بعدج ؟؟

ومنوووووووووه ما جهز فيكم ويباله ضرب ... :)

أنا في الأسبوع 16 وولادتي رح تكون في 28 أغسطس ان شاءالله ..
بس ماحسيت بحركة البيبي إلى الآن .. وماادري متى تبين ..
وبعدين ويت سونار علشان أشوف جنسه الأسبوع الماضي وصار مسكر رجليه وقالت الدكتورة إنه مو مبين .. بصراحة هذا أول بيبي لي وودي بولد لأن زوجي وده بهالشي ..

الله يهون علي وعلى جميع الحوامل ..

شاليماااااار
انا والنونو ابخير والحمد لله.
انا للحييييييين ما جهزت ولا شي للبيبي ا
ن شاء الله ببتدي
اجهز له من السااااااااااابع. انا كلها جم يوم وادخل السادس.
احس توووو الناس على التجهيز!!

أهليين أمنيات
ان شاااااء الله بتحسين بحركه البيبي فى الخامس او نهايته
عادي لا اتحاتين حبيبتي البكر كله جذيه ما تحس بالحركه
بسرررررعه لانها ما اتعرف اتفرق بينها وبين الغازات.
اختي الله يعطيج وينولج اللي فى بالج ياااااااا رب.

[CENTER]

السلام عليكم ورحمة الله وبركاته


[align=right]



حبيت اسلم عليكم

كيف حالكم يابنات

وكيف ماشى الحمل معكم

الله يكملكم على خير ويقومكم بالسلامه

وربنا يرزقك غاليتى برايد
[align=left]



[CENTER]حبـــيبـــــــــه ,,,

[CENTER]

السلام عليكم ورحمة الله وبركاته


[align=right]



بنت كيوت

كيف حالك الان ياقلبى

ان شاء الله بخير
[align=left]



[CENTER]حبـــيبـــــــــه ,,,

شخبار حوامل المنتدى انشاء طيبين وحلوين. بنات انا بعد لحين ما حسيت بحركة البيبي مع اني مب بكر. انا الحين لي اسبوعين بالرابع وبعد اسبوعين عندي موعد مع الدكتورة إنشاء الله اطمنا.

السلام عليكم ورحمة الله وبركاته

هلا يا أمهات المستقبل..

ازيكم .. شخباركم.. شلونكم.. عساكم طيبين يا حلوين..

هلا عسوولة ..

انا أحس ان انها بنت.. الله يخليها لي يا رب.. وهي تقول إذا مو متأكدة ماتقول شنو إلا بعد ما تتأكد..

وبالنسبة لفوزية كمال..

راحت لها حماتي (أخت زوجي) وقالت لها بنت وبالفعل جابت بنوته تجنن ..

وبنت الجيران لمن راحت لها بعد قالت لها بنت وهذي من هبلها راحت اشترت اغراض بنات لحد 5 سنوات.. أكيد مو عاقلة وبعدها جابت ولد وسمته فراس .. وظلت بحسرتها على الاغراض والثياب الوردية..

[line]

هلا شيالمار,,

الله يعينك ويعينا ويعين كل الحوامل ويسهل علينا يارب..

انا كنت ناوية أخذ رخصة السياقة بس ولله الحمد حملت وما رضى زوجي قال خلها بعد الولادة أفضل..

[line]

شلونك امنيات.. هلا ومرحبا بك بيننا...

اهم شي البيبي بصحة وسلامة ويمكن هادئ طالع عليّ...

واللي فيه الخير يقدمه ربنا يا رب..

[line]

حبيبة 110..

هلا وغلا..

هلا بحبيبة..

تسلمي على اهتمامك وعلى دعواتك..

الله يسمع منك ويسهل علينا وعلى كل الحوامل..

ويعطي كل محروم يا رب..

[line]

بحرينية عسل..

هلا بيك والله يسهل وتطمني على النونو.. يا عسل..

بنات ابشركم صديقتي ولدت اليوم ويبت بنوتة. وهي بكر بعد أربع سنوات معاناة مع العلاج للحمل حملت وبعد تأخر عن تاريخ ولدتها خمس ايام ولدت أخيراً ولله الحمد والشكر. الفال لكم ولي إنشاء الله. شكل فريق البنات هو الي بيفوز هالسنة.

السلام عليكم ورحمة الله وبركاته

اخواتي حبيبة ونور المدينة وبحرينية عسل وشاليمار وعسووولة كيفكم وكيف كل حوامل


اغسطس انشاء الله تمام

الحين انا في اخر الخامس والظاهر اني اعاني من نزله برد شديدة كلمت الدكتورة قالتلي تعالي اشوفك وخذي حبتين بندول لاني كنت مسخنة لاني خفت من البندول واتوكلت على الله واختها ويوم رحت للدكتورة عطتني

1-مضادحيوي
2-فوار فيتامين سي

وانا مرة خايفة لاني لي يومين وما شفت تحسن وايد حلقي يعورني كثير وصداع وزكام معه دم جسمي مكسر وعلى طول دايخه واكثر شي البيبي اللي خايفة تاثر هاالدوية عليه

هلا عسوله ..

يا ريت اخذ رخصة القيادة اوالسياقة زوجي مب طايع بس انا اقصد شهادة .. ICDL

وصدق شكله هالسنه سنه البنوتات ..

لان كل حامل اعرفها قالوا لها بنت ..


....................................................


هلا اختي مممممممممم ما تشوفين شر حبوبه ..

للالتهاب الحلق فوري ليمون اسود يابس مع مايوملح وبعد ما يفتر شوي يعني يكون دافي تغرغري فيه او ماي وملح ..

او اذا تعرفين ليسترين تغرغري به بس من دون ما تبلعينه ..

واذا كان فيجسعال خذي ملعقه عسل مع نص ملعقه كركم قبل النوم بس ما تشربين او تاكلين بعدها وتنامين وعلى الريق بعد نفس الشي وبتخف ان شاء الله ..

وشربي سؤال وعصير برتقال بعد زين ..

تقدرين بعد تشربين عصير ليمون..

هلا شخباركم ياحوامل ان شاء الله بخير وبصحه ................... الله يعطيكم العافية


هلا بأختي امنيات اني معاك بس اني اولد اقبلك تاريخ ولادتي 23 -8 ان شاء الله

اني بعد ما حسيت بحركة البيبي الى الحين او بالاحرى ما اعرف اميزه ما بين الغازات ان شاء الله تاريخ 27 بروح المستشفى علشان اشوف شو فيني ولد والله بنت وبسال الدكتوره ليش ما تحرك الى الحين لان .....:sad:.... اني مشتاق وااايد الى تحرك البيبي في بطني ابغي يرفسني يعطيني بوكس بااايده ادعو لي بنات هالشهر يتحرك .............:cry:

هلاااااا عسووووووله شخبارك


واهلين شاليمار شخبارك


ونور المدينه شخبارك

انا الدكتوره قالت لي ان فيني ولد بس ما راح اجهز حق ولد راح اخد لون محايد يمكن يطلع غلط

ويا حواااااااااامل شلونكم وشلون البيبيات معاكم

انا باجر ادخل الاسبوع ال25 يعني كل يوم احد ادخل اسبوع جديد وباقي اسبوعين وادخل الشهر السابع

بس احس بالام فظيعه في منطقة الحوض والمنطقه الحساسه والساق اليمنى بعد النهوض من النووووم مباشره بس لما اتحرك يخف علي الالم


واليوم رحت حق تحليل السكر الحمد لله طلع كل شي تماااااااااااام


وعقبالكم يا حواااااااااااااااامل