اللي موعد ولادتها في أغسطس الجاى .. تعالوا ندردش سوا

هلا عسوووووولتنا ..

حبيبتي ترى انا مخي مفتر احسب بالاشهر وبالاسابيع ..

بالاشهر انا في الاسبوع الثاني من الشهر السادس على اساس كل 25 ادش شهر ..

وبالاسابيع انا في اول يوم من السابع .. :) شفتي الفرق الشاسع ..

المهم انا من الشهر الثالث حسيت بحركه البيبي بس خفيفه لان المشيمه كانت نازله وايد والحركه كانت تحت خط البطن مثل نمله اتحرك يمين وشمال ..

والحمدلله الوحام كان في اخر الثاني وبداية الثالث يمكن بس شهر وكم اسبوع بس وايد تعبت فيه كرهت كل شي ولا اتوحمت على اي شي ... ( فيه حد ما يتوحم على شي ؟؟؟؟؟؟ )

في الخامس حركة البيبي اقوى واحساس وايد حلو بالنسبه لي وكل يوم اقوله يالله عاد حبيبي متى بتوصل متولهه عليك ..

في الشهر السادس تكلموا معاهم ترى يحسون فيكم :) انا اقوله اسمع كلام امك لا تسمع كلام ابوك هههههههههه

وعني انا كل شهر اسوي سونار بحكم اني عقيت 4 مرات واعتبر حالتي خطر لين ما اشوفه جدامي ..

وحد قالي بنت وحد قالي ولد بس اخر كلام بنت ...

وعندي كلهم حلوين والحمدلله ..

عن الوحام خف حتى الاشياء اللي كرهتها ما احس بنفس الاحساس اللي في الثالث

يعني تلوع جبدي صح بس شوي وعلى الخفيف ..

الحمدلله الغازات عندي خفيفه .. بنات كثروا في الشهر الثامن والتاسع من النعناع والبابونج والسنوت

والاعشاب اللي تنظف البطن من الغازات لان البيبي بعدها بتكون غازاته خفيفه وما بتتعبين وياه وايد ..

شوه بعد اقولكم .. فديتج عسوله انا خلصت اغراض البيبي من لبس باقي السرير والخزانه واغراض الحمام كرمتوا ..

انا انسانه مستعيله لانهم قالوا لي لازم في السابع اكون مخلصه كل شي ..

باقي اغراض المستشفى من حلويات وعطورات وهالسوالف ويا ريت استفيد من اخواتي ..

طولت في الكلام صح ؟؟ هاه حد يبا يسألني سؤال ؟؟

نوراء الحلوة أنا الحين في الشهر الثالث وبدش الرابع قريباً. وشكلي بروح اسأل الدكتورة خلال هاليومين .

bridetobe
اهلييييييين حبيبتي
وانتي بعد وحشتينا خاااالص خااااالص
شخبارج عنوني عساج طيبه.
وانا ما سويت شي هذا واجبنا كلنا
لاااااازم نتساعد ونتعاون علشان الكل
يستفيد وما شاء الله الموضوع كل يوم يكبر
وفيه حوامل جدد يشاركونا بعد.

بحرينيه عسل و نوراء الحلوه
الحامل لااااازم تنزل عليها افرازات يوميا بس
اهم شي تكون من غير لون او ريحه يعني شفافه.
واذا كانت الافرازات غير طبيعيه عندكم فالافضل انكم
تكشفون عند الدكتوره علشان تتطمنون أكثر على
حالتكم وحاله البيبي. انا متعوده على الافرازات بسبب
الالتهاب اللي عندي. والله يصبرنا ويشافينا يا رب.

بحرينيه عسل ألم الضهر وأسفل البطن عااااااااااادي
وتعاني منه كلللللل الحوامل بسبب كبر حجم الرحم عشان يتسع
لحجم البيبي وبعد لانه يضغط على عظام العمود الفقري ويسبب ألم.
انا البارحه حسيت بألم فضيع اسفل بطني فى الجانب الأيسر ويوم
قعدت من النوم جفت ان بطني تمغط وطلعت لي تشققات بلون وردي
وما زعلت او حطيت فى بالي بالعكسسسسسس استانست وايد وايد
لان البيبي قاعد يكبرررر فى بطني وان كل شي سليم وطبيعي
والحمد لله.

شاليمار
اهلييييييين اختي انا بعد مفترررر راسي والله بالحسابات
وقلت بحسب بالاسابيع احسن وانا سالت دكتورتي ايهم الاضبط
فى حساب الحمل والولاده الاسابيع ولا الاشهر قالت لي بالاسابيع
طبعاااااا. واشوووووه بالاسابيع انا فى الاسبوع الثاني من الخامس
بينما بالاشهر انا بكمل الرابع عقب اربعه ايام. صج فررررررق. بس بالسونار
بين عمر البيبي فى الخامس والحمد لله. حسبي بالاسابيع افضل اختي.
وتسلمييييييييين حبيبتي على الشرح الوافي للي حصلج فى الاشهر اللي فاتت
ان شاء الله الكل يستفيد من نصايحج وخبراتج.
وفعلا مثل ما قلتي حركه البيبي ما شاء الله زادت من دخلت الخامس وكل اشوي
رفسه من الغالي الله يخليه لي ويثبته يااااااااا رب.
وما شاء الله عليج شااااااااطره جهزتي اغراض البيبي وما باقي عليج شي انا
ان شاء الله ببدي اجهز فى السابع يتراوالي تووووووه الناس علي التجهيز اذا شريتهم
من الحين بتم طول اربعه شهوووووور وانا اطالعهم كل يوم بيصير الوقت طويييييييييل
وااااااااايد وانا ابي الوقت يمر بسررررررررعه.

خواتي الغاليات الحوامل الله يتمم لكم ويهون عليكم ويسعدكم ويفرح قلوبكم بالغالين اللي بين ضلوعكم وانا معاكم مو وحدكم
انا حسب حساب الغاليه عسوله انا معاكم بالحساب واكون بنهاية الرابع 00
المهم يالغاليات انا ابي مشورتكم انا احس بألم في بطني جنب السر الجهه اليمنى ولقيت فيه تشققات لكن خايفه طمنوني 000
انتظر ردودكم 0

السلام عليكم ورحمة الله وبركاته

كيف الحال اخواتي انشاء الله تمام


اهلين عسوووولة كيفك تصدقين عاد انا في نفس الاسبوع الثاني من الشهر الخامس يعني معاك

يعني الاسبوع الثامن عشر بسسسسسس ما احس حركة وايد بس مجرد شد في عضلات البطن من تحت يعني لما احط يدي على بطني احس بنبضوحركه بسيطة

سويت سونار وتقول الدكتورة كويس وانا خايفة

الله يستر

هلا عسولتنا قبل كل شي ممكن طلب ... :)

وزعي علينا عسل ترى كلنا حوامل وبنحتاجه وقت الولاده :) ..

شفتي كيف الفرق بس يالله حياه الله في اي وقت بس المهم ايي بصحة وعافيه ..

وبالنسبه للاغراض ترى انا عارفه محد بيقصر فيني بعدين عسب جيه اشتريت اللي في خاطري والباقي بعد الولاده .. ( خليت شي ما خذته :) )

المهم ما تقصرين وما شاء الله عليج وتبارك الرحمن معانا على الخط على طول وان شاء الله ما ننحرم منج ..

سلام يا حوامل المنتدى شخباركم انشاءالله كل شيئ تمام.شكراً اختي عسوله على اهتمامج وشرحج والله يسهل عليج انشاء الله بس ما قلت لنا شنو قالوا لج جنس الجنين انا اعرف انه عندج ولد وبنت الله يخليهم لج لفت نظري انج قلتي انج اتحسين بألم صوب اليسار انا احس دايما الم صوب اليمين .

لاقارد
(((( انا احس بألم في بطني جنب السر الجهه اليمنى ولقيت فيه تشققات لكن خايفه طمنوني ))))
عااااااااادي حبيبتي والالم ناتج عن تمدد جدار الرحم والبطن لان البيبي قاعد يكبر فى بطنج من جذيه تطلع خطوط وتشققات بلون وردي او احمر. تطمني حبيبتي كل شي طبيعي وسليم.
______________________________

ممممممم
حلو حبيبتي انتي معاي بالضبط فى الحمل وان شاء الله نولد مع بعض فى نفس اليوم بعد اشرايج ههههههه. ولا اتخافين حبيبتي مدام الدكتوره طمنتج على البيبي خلاص يعني كل شي سليم وخصوصا انج تحسين بنبض البيبي. بالنسبه للحركه عاااادي البكريه ما اتحس بالحركه احيانا الا فى الشهر السادس يكون البيبي كبرررر وضاق الرحم عليه فبتحسين برفساته بوضوووووح.
______________________________

شاليمار
غالي والطلب رخيص اوزع عليكم كوارتين عسل بعد انتوا تامرووووون امررررر من لي غيركم الله لا يحرمنا من بعض يا رب. حلووووو التعاون اللي ما بينا خواتي.
______________________________

بحرينيه عسل
ايه انا عندي ولد وبنت والحمد لله. ويوم سويت سونار فى الرابع قالوا لي ما يبين بس احتمال يكون بنت. انا كله واحد عندي المهم السلامه مثل ما قلت. بس لازم بروح فى الشهر السابع اسوي سونار مره ثانيه عشان اتاكد بالضبطططططط شنو بجيب عشان اعرف اذا كان وردي ولا ازرق ابي اشتري اغراض منااااااسبه لنوع جنس البيبي.
بالنسبه للالم احس به فى الجهتين اليمين واليسار بس لاحظت ان الالم ناتج عن تمدد وتشقق البطن
______________________________

اهلين اخواتي
وحشتوني وايد

شكراً لليباركو لي على الحمل

نوراء + بحرينية عسل
انا بعد حالي من حالكم مع سالفة الافرازات متعبتني

تخيلو تعب الحمل والوحام وبعد فيني فلونزا وبلاعيمي كلش رحت المستشفى عطوني حبوب مضاد حيوي وفيفادول ومضمضة
وبعدين دخلت على الدكتورة وشافت الادوية قالت اوكي كلهم مسموح فيهم

وقلت بالمرى انتهزها فرصة واسألها لأني كلى انام على ضهري ويقولون مو زين قلت خلني اسألها وارتاح
سألتها قلت لها اني احب انام على ضهري وارتاح جذي عادي او لا!
جان تقول لي من نصحك هذي النصيحة حماتك(تقصد ام زوجي) وتخيلو زوجي معاي
قلت لها لا
قالت لي لا متفتكريش في كلام اي حد
نامي على الجنب اللي يريحك بس في الاشهر الاخيرة بنقول للحوامل ماتنموش على ضهركم لأنة بكون في ضعط كبيرعلى العمود الفقري وما بيوصلش دم الى الضهر من كثر الضغط ف الافضل النوم على جنب في الشهر الاخير بس

لكن وناسة لما ادخل على الدكتورة تتكلم مصري عجيب تذكرني بالافلام المصرية وانا اتكلم وياها مثل الشي
بس صراحة خوش دكتورة وايد ارتاح معاها

كأني طولت عليكم وقلت ليكم قصة حياتي خخخخخخخخخخ
بس من كثرما وحشتوني والمنتدي له فترة مو فاتح معاي قلت اطلع اللي في قلبي السوالف كلها
على العموم اشوفكم على خير

[CENTER] السلام عليكم ورحمة الله وبركاته

اللهم صل على محمد..

هلا حلوووين

شلونكم؟

وحشتوني...

أنا صار لي فترة ما اقدر أدخل المنتدى من بعد تغير شكل المنتدى..

في كل يوم تجيني حسرة وودي أبكي..

وأقول حرااااام يصير فيني كدا..

شخبارك برايد..

وانتي يا عسوولة مسيطرة على الموضوع وشايلته شيل الله يعطيك العافية..

بحرينية عسل هلا بيك يا بنت بلدي؟

ونوراء الحلوة ازيك؟؟

campoocha ألف مبروك..

لاقارد شلونك؟؟

شاليمار ايه الأخبار؟؟

ممممممم عساك طيبة؟؟

وحشتووووووووووووووووووني..

أنا اليوم دخلت في الاسبوع ال19 ..

وبإذن الله راح أروح أشوف البيبي تاريخ 9 مارس يعني بكره..

واحلى احساس لمن احس انه يتحرك بداخل بطني ويلعب ..

الله يخلي لنا أولادنا ويعطي كل محروم يا رب..

هلا نور المدينة حبيبتي والله وحشتينا يعني انتي الحين في اي شهر شكلج قبلي لأنه انا الحين في الأسبوع الرابع عشر.

هلا نور المدينة ..

لا تخافين علي مسيطره على الوضع تماما ...

انتي اخبارك ؟؟

خبرينا عن هالشهور الطويلة اللي مريتي فيها ؟؟ وشوه احلى شي في الحمل والتجهيزات ؟؟

ولا تنسين تعطينا من خبرتج ..

والله يسهل عليج ويقومج بالسلامه ويرزقج الذرية الصالحه ...

شcampoocha
أهليييين عنوني شخبارج انتي بعد وحشتينا وااااايد وما تجوفين شر ان شاء الله ونااااااامي على الجنب اللي يريحك هههههه.

نور المدينة
هلا والله بنور اشلوووونج وانا اقول اشفيها مختفيه هالايام؟؟ اتاري المنتدى معصلق معاج ههههه.
يلا عاد الحين نبيج تشاركينا وتعوضين الايام اللي راحت.

هلا بك يالغاليه نور المدينه 0000
يسعدني وجودك معانا وانشاءالله على طول مع بعض 000احنا ماينقصنا غير وجودك معانا يالغاليه000

حبيبتي ان شاء الله موعد ولادتي في 30/8/2005 اذا الله راد
بالنسبة لادوات البيبي انصحج اتجهزينها اذا قدرتي من الحين شوي شوي حتى تكتمل ......مثل الملابس الدخليه الفانيلات.....الاوفراول ...الفوط احجام صغيرة وكبيره ...ابات للاكل ..ادوات الحمام شامبو باودر زيت بيبي اويل ...صابون سائل ...قطن للاذن وقطن دوائر للتنظيف ...مشط للشعر ...لفات قطنية للبيبي مش صوف لانه الصوف ممكن يسبب حساسيه لا سمح الله
قفازات لليد البيبي ورجله ..اذا حبيتي ..قبعات بس نحنا بنكون في عز الحر ...
على فكره في موضوع وحده من البنات كانت كاتبتنه من زمان عن الادوات للبيب وللام في المستشفى بحاول ادورلك ايه واطرشه لك واااايد فادني في الحمل الاول ...كنت اشل اللسته في كل مره اروح السوق واشطب الاغراض اللي اخذتها


سامحيني طولت عليج

[CENTER] بسم الله الرحمن الرحيم

السلام عليكم ورحمة الله وبركاته

هلا بحرينية عسل..

هلا حبيبتي أنا في الاسبوع 19 يعني في الشهر الخامس.
[line]

شاليمار هلا اختي,,

هلا بيك أنا يا اختي ما جهزت ولا شي...

حتى ما قررت في وين راح اولد بإذن الله حيرانة مووت..

وما عندي خبرة ولا شي..

بس ناوية وعلى الله العزم في شهر ربيع يعني في شهري السابع إن شاء الله راح أبدا..

الله يسمع منك يا حلوة .. ويعطيك العافية.
[line]

هلا عسووولة..

هلا حبيبتي..

إن شاء الله راح أعوض..

[line]

هلا لاقارد.. تسلمي حبيبتي ..

وموضوعنا نور بوجودك.. شكراً..

أهليييييين حبيباتي اشلوووونكم واشلوووووون البيبيات معاكم؟
والله حمستوووووني اروح اشتري اغراض البيبي حرام عليكم تووووه
الناس على هالسوالف تونا فى الخامس اذا شريتوهم من الحين اش بتسوون
فى الاشهر الباقيه؟؟ اشلون بتضيعونها اصلا؟؟ وبعدين الاغراض
يوم واحد وتكملونها كلها ما يبيلها شي!!
لا تزعلون مني بس هذا رايي فى الموضوع والسموحه.

هلااااااااااا

شخباركم يا حوااااااااامل وشخبار البيبياااااااات ؟؟؟؟؟


صج عسووووووله الاشهر قاعده تطول من كثر ما مستعجله على جيت النونو ..... وعلى الاغراض انا مثلج للحين ما شريت ولا شي منتظره للسابع وابتدي اشتري

بس عندي سؤاااال انا اختي عندها السرير لصغير اللي يحطون النونو فيه لمدة اربعين يوم اللي نفس السله وهي جديده مو مستعمله وااااايد فأخواتي يقولون ما في داعي تشترين لج والفلوس حطيها في شي ثاني احسن لج وان خاطري اشتري كل شي طقم وااحد كامل والله انتو اش رايكم خصوصا انه اول مولود ؟؟؟؟؟

اهليييييين نوراء الحلوه
اختي انتي بكر صح يعني ان شاء الله لما تولدين بالسلامه بتروحين بيت أمج صح؟
عيل خلي سرير اختج هناك حق تحطين فيه النونو والجديد اللي بتشترينه خليه فى بيتكم.
وبهالطريقه بتستخدمين لثنين وما بتكسرين بخاطر اختج.
أشراااااااايج؟؟