اللي موعد ولادتها في أغسطس الجاى .. تعالوا ندردش سوا

بحرينية عسل
سوري حبيبتي يمكن ما شفت ردج عذريني
لا انا ما ابي اولد بالسلمانية تعرفين الحين الوحدة تولد بالنهار يطلعونها بالليل ما تاخذ حتى 24 ساعة على بعض
ولأني متعقدة من حملي الاولي ما فتكروا فيني ولا هتموا ليي خلاص تعقدت منهم

عسولة عمري مبروك
انا من الاسبوع 7 لما رحت سمعتني الدكتورة صوت البيبي في السونار
والحين كل مرة اروح الموعد يسون لي سونار تسمعني صوت دقات قلبة يجيني شعور عجيب

انا الموعد اللي عطتني اياه الاخت مرموم يختلف شوي
يعني اهم المستشفى عطوني 20 اهي عطتني 19 اقل بيوم
بس لما سوت لي الدكتورة سونار عطتني موعد 15.9.2005
يعني قدمت الموعد 5 ايام
وتقول لي الحساب بالسونار اضبط
والله يسهل الامور على الجميع

الله يتمم عليكم حملكم ان شاء على خير و اتقومون بالسلامه انتو و عيالكم .

الف مبروك Campoocha على الحمل .

عسولة حبيبتي زين طمنتينا عليج الحمدلله وإنشاء الله يتمم حملج على خير.
كموجا حبيبتي لا عادي كنت اتغشمر معاج بس. بالنسبة للسلمانية أنا في ولدتي الثانية سألوني لأني كنت مأخذه غرفة خاصة (40 دينار الليلة) تبين تطلعين اليوم قلت لا خلوني يوم بعد يعني قعدت يومين وصديقتي اسبوع لأنهم هم الربحانين الفلوس.وبالنسبة لتاريخ الولادة السونار هو الاضبط وأنا المفروض تكون ولدتي 3 /9 بس السونار يطلعلي 14 /9 يعني معاج إنشاء الله يقومنا بالسلامة.وطبعاً قبل الولادة بأسبوعين لما تسوين سونار يطلعلج اضبط تاريخ وكله بيد الله سبحانه.

هلا بنات اشلونكم اني موعد ولادتي في 23-8 -2005 يعني الحين في الشهر الرابع

بنات ابغي اعرف متى بيتحرك البيبي ومتى اقدر اشوف شنو فيني يعني ولد لو بنت

يالله بنات همتكم وياي لي يعرف ايقول لي والله ايسهل عليكم ولادتكم ان شاء الله

مشكوررررين

tft
يا مرحبا فيج حبيبتي معانا بموضوعنا..
البيبي يتحرك فى الخامس عند البكريه واحيانا فى نهايه الرابع.
وتقدرين تعرفين جنس البيبي وتتاكدين منه بالضبببببط اذا كملتي
(20) اسبوع من الحمل يعني فى الخامس لان الرابع ما يبين واااضح
عند معظم الحوامل.
والله يتمم لج على خير يا رب.

أهليييييييين يا حوااااااامل


كيفكم أنشاء الله بخير ؟؟؟؟


انا من يومين دخلت الشهر السادس .... بس حاسه بتعب زود عن باقي الاشهر احس الافرازات عندي زادت واحيانا احس بألام مثل الام الدوره الشهريه بس على خفيف وغير التشنجات ... بس حركة البيبي الحمد لله حدث ولا حرج ... بس ما ادري هل هذي الاعراض طبيعيه ولا لا ؟؟؟؟

اما عن جنس البيبي فلما سويت سونار في الشهر الرابع قالت لي الدكتور احتمال ولد والشهر الجاي راح نتأكد اكثر ولما رحت في الشهر الخامس قالت لي اكيد ولد


الحمد لله على كل شي وانشاء الله اشوفه في حضني سالم غانم يا رب

السلام عليكم ورحمة الله
كيفكم ياحومل انشالله بخير....
عسوله لوسمحتي عند استفسار منك انتي وباقي الاخوت الي عندهم خبره ؟ ؟؟
استفساري اهو اني في الشهر الخامس والاسبوع 20 تمم........
انا الى الان مااحس بحركة البيبي ياتراى متى احس في حركة البيبي وهذا اول حمل ليه
وحتى نبض قلبه لم احس بهي وهل هذا الشي طبيعي ولا بدري ...............
وعند موعد يوم الاثنين.......
وبس سلامتك......

نوراء الحلووووه
انا للحين فى الخامس بس احس بالاعراض اللي عندج بالضبط
وهي زياده الافرازات والم فى الضهر واسفل البطن يعني هذا الشي
عاااااادي لا اتحاتين وااايد لان البيبي قاعد يكبر ويبي مكاااان اكبررر
فى الرحم والالم ناتج عن تمدد الرحم انا تصيدني مثل التشنجات على خفيف
وقلت هذا اكيييييييد لان بطني بيكبرررر ازود.
ومبرررروك عليج الولد مقدماااا عنوني الله يثبته لج ويكملج على خير
ان شااااااااااء الله وزيييييين ان صدقوا معاج وطلع نفس الجنس حوامل
وايد يطلع العكسسسس معاهم. انا قالولي يمكنننن بنت لما كنت فى الرابع
وان شاء الله بتاكد منها اذا دخلت السابع. والله كريم.

نورس الوجود
وعليكم السلام والرحمه
اهلييييييين اختي
لااااا اتحاتين حركه البيبي عنوني ولانج بكريه
من الصعب عليج تميزين بينها وبين الغازات او
شي ثاني. عااااااادي البكريه ما اتحس بسرعه
بحركات البيبي احيانا لين السادس تبتدين تحسين
فيها . حتى النبض اكيد موجود بس انتي ما تحسين له
انا بعلمج على طريقه سهله حطي ايدج على المكان
اللي تحسين ان البيبي قاعد فيه وحطي اصابعج عليه
وضغطي اشوووووي مو واااايد وركزي على نهايه الاصابع
عشان تحسين بنبض البيبي انا على طول اسوي جذيه
والحمد لله الاقي نبض على طول. وعلى فكره نبض البيبي اسرع
بواااااااايد من نبض الام يعني بتعرفين اتفرقين بينه وبين نبضج.
وطمنينا حبيبتي اذا رحتين موعدج عند الدكتوره.
الله يكملج على خيييييييييير يا رب.

مشكوره حبيبتي عسووووله


والله ريحتيني الله يريحج دنيا وآخره

وعموما سوا صدقت الدكتوره وجبت ولد او جبت بنت كله خير اهم شي سلامة النونو

وانا مقرره اني ما اشتري اغراض النونو زرقه بشتري لون محايد يناسب البنت والولد لان خالة زوجي لي الشهر التاسع وهم يقولون لها ولد وتالي جابت بنت

والله يتمم لجميع الحوامل ويثبت حملهم يا رب

نوراء الحلووووه
صدقتي والله هالدكااااااتره ما يعطونج الرد الاكيد ويااااااااما
وهقوا نسوان معاهم. والله حرام الوحده تروح تشتري كل شي
ازرق حق الولد وحزه الولاده تطلع بنت والا العكسسسسسس.
بس اتعرفين يعتمد على مدى شطاره الدكتوره نفسها وتخصصها بعد.
يعني عندج فوزيه كمال صججججج غاليه اشوي بس مضمووووونه.
انا رحت لها بحملي الاثنين وصدقت معاي لانها متخصصه فى اشعه
الالترا ساوند للبيبي. يعني خبررررررررررره سنين ومنين عندها وما
شاء الله عليها وايد وايد شاطره واهلي ما يروحون الا عندها وكلللللهم
يابوا مثل ما قالت بالضبط. انا بروح لها ان شاء الله فى السابع عشان اتاكد
اكثررررر واضمن شنو بجيب عشان ما اخسر روحي واشتري اغراض والوان
تطلع ما تناااااااسب البيبي. انا رحت حق مستشفى ثاني من قبل يوم سويت
السونار بس للاسف طلعت الدكتوره مو خبيره فى تحديد نوع وجنس الجنين.

السلام عليكم ورحمة الله وبركاته ..

شكلي بدش عرض في الموضوع :)

انا اخر دوره يتني في 18/9/2004

وموعد ولادتي في 25/6/2005

وهذا اول بيبي لي الله يثبته ويجعله من الصالحين ..

4 اسقاطات ... :( وكلهم في الاسبوع 6 تقريبا والا 7

والحمدلله الحين انا في بداية السادس ..

بس بغيت اعرف الافضل نحسب بالاسابيع والا بالشهور يعني انا كل 25 ادش شهر ؟؟

وبالاسابيع اضبط والا الشهور ...

اهليين اختي شاليمار
انتي ان شاء الله بتولدين قبلنا احنا حوامل اغسطس
الله يثبته لج ان شاء الله.
فى زياراتي لعياده الحوامل يحسبون دااااايما بالاسابيع
ويقولون انه اضبط من الشهور ويعتمد على نمو البيبي وحجمه.
ان شاء الله اكون افدتج اختي.

جزاج الله خير اختي عسوله ورزق الله بالذريه الصالحه ..

اسمحوا لي دشيت عرض بس حبيت اشاركم ..

اذا جيه انا موعد ولادتي بيكون قبل 25/6 يعني في بداية 6 بالاصح ؟

المهم ان الله يسهل علينا جميعا ويرزقنا بنات واولاد حلوين صغنونين وبصحة وعافيه ..

تحيه وبعد....

أهلا بنوتات ما أدري اقدر اشارك معكم بالموضوع والا حصريا لحوامل اوقست ...

أنا عطتني الدكتوره موعد ولادتي باذن الله في سبتمبر ...

لكن انا مشكلتي انام على بطني واحاول قدر ما اقدر انام على جنب بس اصحى بالليل اكون نايمه على بطني ما ادري ايش الحل :(

وحبيت اسالكم سؤال ثاني متى يبان جنس الجنين في اسبوع بالضبط؟؟ لا تقولون لي بالخامس لاني ما اقدر استنى

ممكن يبان في اول اسبوع بالرابع والا ثاني اسبوع والا متى ؟؟

والله يتمم لنا جميعا على خير يارب

هلا حبيبتي بنت كيوت ...

انا قالوا لي في الشهر الرابع شوه الجنس بس لا تاخذين بكلامهم ..

يعني انا تميت مثلج اريد اعرف وشوه جنس المولود بس عرفت من ناس انه مرات يطلع غلط ..

عندي صديقه تقولي 2 من حريم اخوانها قالوا لهن بنت بس ولدوا اكتشفوا ان المولود ولد ..

عشان جيه ما اخذت بكلامهم ..

فيه حد من الدكاتره يعرف الجنس من الشهر الثالث وفيه حد يقولج لا بنتاكد الشهر الجاي ؟؟ وهكذا ..

والله يسهل عليج وعلى الجميع ..

ابداااااا ابدااااااا خواتي
شاليمار
و
بنت كيوت
انتوا نورتي الموضوع بمشاركاتكم حبيباتي.
ولااااا دشيتوا عرض او طول بعد ههههههه اشدعوى
كلنا خوات هنيه وبالعكسسسس نبي نستفيد منكم
ومن خبراتكم خصوصا اختنا شاليمار
لانج سابقتنا بشهرين تقريبا.
انتي فى السابع يعني صح؟؟
احنا الحين فى الشهر الخامس بعضنا فى بداياته وبعضنا فى وسطه
وبعضنا فى آخره. بالنسبه لي انا فى الاسبوع الثاني
من الخامس يعني فى الوسطططط نبيج اتقولين لنا
شنووو التغيرات اللي حصلت لج فى الخامس وشنو كانت مشاعرج
واحاسيسج؟؟ وهل سويتي سونار او لا؟؟ وشنووو قالولج جنس البيبي
( مو غصب ) تقولين ههههههه وهل جهزتي اغراض البيبي وشريتيها؟؟
يعني نبي كلللللللللللللللللللل شي وبالتفصيل الممللللللل.

بنت كيوت..
مثل ما قالت لج اختنا شاليمار الدكاتره ما يصدقون فى كلامهم خصوصا
اذا كان البيبي صغير ومنكمش على نفسه او الحبل السري نازل بين رجوله
هنيه صعب عليهم يحددون جنسه بالضبط. ونصيحه مني لا اتروحين الحين تسوين
سونار تصبرررري اشوي وروحي فى السابع بيكون مضمون ومضبووووط اكيد
وعشان تشترين اغراض وهدوم البيبي مره وحده.

ما شاء الله عليكم والله اني فرحانة بكم موووووووووووت

مش عارفة اقوللك ايه يا عسولة انت والله فعلا عسولة وجميلة قايمة بالواجب وشوية كمان

كل البنات واحدة واحدة وحشتوني والله ربنا يكمل لكم على خير يا رب ويعطي كل واحدة اللي نفسها فيه

السلام يا حوامل شخباركم ان شاء الله اخبار خير. بنات انا هالايام ينزل علي نوع الماي شوي بس خايفه منه هل هذا الامر عادي و الله في شيئ وفي الم في منطقة البطن والظهر نفس الم الدورة وخايفة.

شخباركم يا حوامل

بحرينيه عسل انتي في اي شهر الحين وممكن توصفي لي الماي اللي ينزل عندج

انا الحين في بداية الشهر السادس ونفس اللي عندج قاعد يصير لي

بس اللي سمعته انه عادي ... مدام ان الماي اللي ينزل مو دافئ


وبعد اقعد اوسوس


بس يا بنات اللي تقدر تسأل لنا دكتورتها وترد علينا .... نحن في انتظارها