اللي موعد ولادتها في أغسطس الجاى .. تعالوا ندردش سوا

[CENTER] السلام عليكم ورحمة الله وبركاته

أنا نور المدينة .. أواجه مشاكل في الدخول للمنتدى وعشان كدا سجلت بإسم زهرة العلا..

شخباركم يا بنات يا طعمين انتوا..

وشخبار النونوات العفريتات..

أنا اتوقع كلنا راح نجيب بإذن الله بنات..



عسوووووولة

ازيك وشخبار الحمل والوناسة اللي تحسي بها كلما حصلتي رفسة..

صراحة أنا أحب هذا الاحساس واجن عليه ولمن تتأخر شوي علي وما ترفس أحاتيها ..

الحين إلا يقرا يقول أكيد انها بنت لا والله مو متأكدة ولا شي..

أنا مثلك عسوولة الم ظهري ذابحين.. صار لي يومين ما داومت..

وبالنسبة للحليب ما لاحظت شي..

انتي شلون لاحظتي الحليب.. يعني شفتي بقعة في الستيانة وإلا شنو..

وتعالي وي ليش مستحيل تغلط فوزية كمال لا يكون اهي مو بشر..

[line]
برايد..

ألف ألف الحمد لله على النعم السابغة ..

على حملك يا حلوة..

والله يثبت لك بس شوي شوي على نفسك ولا تجهدي نفسك يا قمر..

وشنو سوا زوجك لمن عرف عن حملك أكيد انخبل..


ولي رجعة بإذن الله..
[line]

[CENTER] السلام عليكم ورحمة الله وبركاته

bent^cute ألف الحمد لله على سلامة النونو وامة..

أنا اتوقع تجيبي بنت..

بس بسألك يا عسل انتي من وين يعني من اي بلد ..

لو كنت من البحرين خبريني اي مستشفى رحتي وورويك العيون وكل حاجة في البيبي..

[line]

..campoocha

هلا الله يعينك يا أم ..

ويعينك على الحرارة والحموضة وألم البطن والغازات..

ووجع الظهر..

هونينها يا اختي وبتهون بإذن الله...

[line]

نور المدينة

الحمد لله على كل حاجة الحمد لله الحمد لله الحمد لله الحمد لله والله لو اقعد للصبح ما يكفي احساسي الحمد لله

انا يا ستي زوجي ما كانش مصدق فعلا وهو اصله من النوع القلوق فكان خايف يطمن احسن ما يكونش في حمل او يكون لا قدر الله حاجة وحشة زى المرة اللي فاتت ورحت حللت من غير ما اقولله وبعدين قلت له لما النتيجة طلعت وهو برضه مش مصدق وما كانش عاوز يكلم الطبيب ولو انه هو نفسه طبيب لكن مش تخصصه وفي الآخر بالعافية اتصلت انا بالدكتور وعطيته السماعة (حطيته قدام الأمر الواقع يعني) والحمد لله الدكتور طمنا فما كان من زوجي الا راسه والف سيف ما نروح للدكتور الا لما يكون في نبض يعني في الأسبوع السابع وبرضه فضلت اقنع فيه واحايل فيه لحد ما روحنا قبل كده وفضل يقرأ قرآن وحالته صعبة جدا ههههههههه

المهم الحمد لله على كل حال

انا طولت عليك صح

انا كمان باعاني من الحموضة وعسر الهضم والغازات

مبروووووووووووك حبيبتي برايد..والله فرحتلك...

بس قوليلي...اللي صار معاك كان اجهاض؟؟ولا حمل كاذب ولا شو؟؟؟

نور المدينه
انا ما قلت انها موبشر اشدعوى!! ومحد معصوم من الخطأ.
بس انا مستغرررررربه انها غلطت معاكم لانها سنين ومنين
فى هالمجال واوووووول مره اسمع انها غلطت مع وحده.
عموما الحجي ما منه فايده على شي صار وانتى اهم شي
سلامه الوالده والمولود صح ولا لا؟؟ واللي يجي من عند الله
حياااااااه الله.
بنت.. ولد.. خير وبركه المهم السلااااامه حبيبتي.
وسامحينا..

angel eyes

الله يبارك فيك يا رب ويقومك بالسلامة

لأ كان اجهاض حتمي يعني كان فيه كيس حمل وهرمونات وكل حاجة لكن البيبي توقف نموه وما كملش فكان لازم ينزل وهو الحقيقة كان لطيف خالص ونزل منه لنفسه وانا كملت بعملية تنظيف

مساء الخير للجميع مشتاقه لكم حيل
لي فتره ماشاركة معاكم وحشتوني وش اخباركم انتوا والنونوات انشاء الله كلكم تمام 0000
الله يتمم على الجميع بالخير ويقوم الكل بالسلامه مع النونو انا مشتاقه كثير للنونو نفسي اطلعه اشوفه وارجعه 00
انا رحت للموعد الاخير عند الطبيبه وطلع عندي فقر دم شديد لكن الحمدلله النونو تمام اهم شي تطمنت عليه لكن ماسويت الاشاعه مااعرف بنت ولا ولد انشاء الله بنت حلوه 00 وكل وحده منكم اللي تبي وانشاء الله سليم معافا يارب 000

لو سمحتوا ياالغاليات اللي عندها فكره عن الانيمياء وش المفروض اكل وش اللي يفيد اكثر لاني مو عارفه 00

يلا الحمد الله عالسلامه برايد...والله يتمملك حملك على خير...

و على فكره انا لسه ما اتزوجت :) بس زواجي الشهر الجاي ....ادعيلي احمل بسرعه خلال اول 3 شهور :) :)

[CENTER] السلام عليكم ورحمة الله وبركاته

هلا عسووووووووووووله

هلا حبيبتي صراحة تضايقت لمن قلتين سامحينا..


لا عمري ما قلت لك عن فوزية كمال عشان تعتذرين
والله يشهد..

انتين قلتين عن تجربتش وانا بعد..

وكلنا بشر وكلنا خطاؤون..

عسووووولة احنا خوات وبنات بلد واحد وروح وحدة لا عذين هذا الكلام مرة ثانية..

عسوووولة لا يكون زعلتين..

إذا زعلتش فأنا اعتذر الف مرة..

انتي اختي وحبيبتي..

أنا آسفة

الحمد الله عالسلامه برايد...والله يتمملك حملك على خير...

ولحمدلله انك رجعتي وكملتي موضوعك بس اهم شي انك تنتبهي على نفسك ياالغاليه

[CENTER]لاجارد حبيبتي..
شوفي علاج فقر الدم العنب الأسود.. والزبيب..
جربيه وان شاء الله يفيد معك..
بس ابدا ابدا ما تقربين من الكبده لأن فيها فيتامين A مرتفع فممكن تسبب تشوه لجنين.. ولأن تتجمع فيها معظم سموم الجسم حتى ما ينصحون يكثر منها الواحد لأنها ممكن تضره..
فانتبهي..

السلام عليكم ورحمة الله وبركاته

اخباركم يا حوامل عروس عساكم بخير وعافيه ...

ادري اني مقصره وما ادش بس شوه اسوي اصبروا علي شوي ..

وبعدين محد سأل فيني :(

وقال شاليمار وين ؟؟؟

يالله المهم انا اطمنت عليكم وعرفت اخباركم ...

والله يسهل علينا اجمعين ويرزقنا بالذرية الصالحة ...

انا اليوم دشيت السابع وطبعا على حساب الاسابيع انا في نص السابع ..

والحمدلله على كل حال ...

دايما اقول يوم بيي وقته ما بيشاروني ولا بيشاور المستشفى بينزل بقرار رب العالمين ..

ووووووووووووووووووووو سلامتكم وولهت عليكم وبس :)

مرحبا اخواتي
شتقت لكم وايد

دلوعة حبيبي
مشكورة ويارب الله يطمنج

برايد
انا عطتني الدكتورة للغازات وعسر الهضم حبوب ما ابلعها لا اكلها

امس رحت المستشفى وعملت لي الدكتورة سونار
بس قالت ما يبين للحين بنت او ولد لأني بالاسبوع ال 14 وإن شاء الله يوم الاثنين بدخل الاسبوع ال15
وعطتني موعد بعد 4 اسابيع

قالت راح يبين جنس المولود

بس الحمدلله راحت اللوعة وفتكينا منها

بس ما احس عندي شي جديد

والله يوفق الجميع

لاقارد
ما تجوفين شرررر حبيبتي وتحملي بروحج زين وكلي فواكه
وخضروات وايده وعليج بالزبيب مثل ما قالت لج اختنا دلوعة حبيبي.

angel eyes
مبروك الزواج مقدما وان شاء الله تنظمين لقافله الحوامل عن قرييييب
يا رب.

نور المدينه
افا عليج بس احنا خوات وحبايب بعد اي زعل واي خرابيط ههههههههه.
موضوعنا حلوووووو واحلى ما فيه مشاركتنا يالغاليه ومحد غلط على احد
عشان يعتذر منه. انا ما اجوف صار شي عادي الكلللل يسولف عنوني!!

شاليمار
اهليين عنوني ولا تزعلين حبيبتي من الحوامل انا عن نفسي احيانا اختفي
يوم او يومين على حسب الضروف وارجع اشارك مره ثانيه عاااااادي.

campoocha
اهليين حبيبتي ان شاء الله تسوين السونار وتتطمنين على البيبي.
بس ما قلتي لنا.. شنو خاطرج اتجيبين؟؟ بنت ولا ولد؟؟

هلا بنت كيوت بس ما قلتي لنا متى موعد ولادتج إنشاء الله.

أختي كمبوجا بالنسبة للهفتج على البيبي كل حامل تحس نفس الشيى متلهفة وخاصة البكر الله يتمم لج على خير, بس لا تحاتين وايد خلي ايمانج بالله قوي لأنه المحاتاه تأثر على الجنين ثانيا شغلي روحج بشيئ نافع مثل القرءاة واكثري من قراءة القراءن الا بذكر الله تطمئن القلوب والله يطمنج انشاء الله. بس لا تنسين تخبرينا بنت والله ولد.

دلوعة حبيبي تدرين انه تاريخ 13 سبتمبر عيد ميلادي وإنشاء الله نولد مع بعض اللهم امين وانيب اطفال صالحين واصحاء اللهم امين. والله يتمم لج على خير إنشاء الله بس خلنا نكون على اتصال دايما بأخر التطوارات الي تصير لنا لأنه احنا اقرب حوامل لبعض من ناحية التاريخ.


عسوله حبيبتي الله يتمم لج على خير انشاء الله ويا بختج دخلتي السادس عقبالنا يارب وبالنسبة لجنس الجنين ما يخلف معاج عندج النوعين ولله الحمد.وايي من الله حياه الله.

لاقارد حبيبتي لا تعاتبين الحوامل الكل الله يعينه بس احنا نقول اي وحده غابت عنا اكيد عندها ظروفها. وبالنسبة لفقر الدم المفروض الدكتورة تعطيج حبوب وتكثرين من أكل الأكلات الغنية بالحديد. وما خبرتينا شنو خاطرج بنت والله ولد.

شاليمار يا بختج دخلتي السابع الفال لنا انشاء الله يعني موعد ولادتج في مايو إنشاء الله.بس شنو جنس المولود إنشاء بنت والله ولد,.

بحرينية عسل
مشكورة على النصائح
والله كل يوم اقرأ قرآن
ودعاء...
وقالت لي اختي كل ليلةاقرأي سورة القدر 3 مرات قبل النوم
تقول لي يطلع الطفل هادئ وجميل

حبيبتي انا عطوني موعد الولادة 15-9-2005
يعني في ناس وايد بيولدون معاي بنفس الفترة وناسة
عاد اقول الى الدكتورة ياريت تقدمينة الى تاريخ 9-9-2005
لأنة ذاك المرة لما ولدت كان تاريخ 9-9-2002

وانا اصلا عيد ميلادي تاريخ 9-8-...... >>.عن الفضايح خخخخخخخخخخخخ

افكر اروح اصور انا مع زوجي في عيد ميلادي لأنة بكون حلو للذكرى
لأنة في حملي السابق صورت وانا حامل وكنت في شهر ال8 ودبتي عدل موصلة حدها بس بعد صورت وتكشخت
والله حلوين
للذكرى

اتصلت في الدكتورة اليوم سألتها عن البندول إذا الحامل ممكن تاخذ بندول لما تحس بوجع رأس
لأنة وجع الرأس مستمر معاي من اول حملي
والحين زايد
قالت لي : مفيش مشكلة
الحمدلله
لأنة صديقتي تقول لي مو زين
وزوجي يقول لي عادي
وانا خايفة ومحتارة كنت اخذ او لا
الحمدلله الحين اطمأنيت

سمعت إن في غرف في مستشفى السلمانية على 60 او 80 او 100 دينار
يقولون كشخة
ويهتمون
بس احس ما يسوى

وفي مستشفى عوالي
في غرفة مثل سويت يعني
تجي معاها مجلس كبير وفثية كلاسي وطاولات وفية مطبخ وفية حمام وما ادري شنو بس 350 بالليلة والله حرام

والامريكي غرفهم قديمة ما تسوى

وفي موعدي الجاي بشوف غرف الدولي شلون وكم اسعارهم
والله يستر
واللي عنده فكرة يخبرني

angel eyes
مبروك على الزواج
ويسارب من اولشهر تحملين على طول

شاليمار
+
نور المدينة
سوري عذروني ترى انا قليل لما ادخل
واشارك
اسموووووووووووووحة

لاقارد عمري
انا عندي مرض فقر الدم المنجلي
وتعطيني الدكتورة فولك اسيد كل يوم حبة على طول حتى قبل لا احمل
وقالت لي بعد 4 اسابيع بتعطيني كالسيوم
بس في كل موعد تسوي لي تحليل الى همجلوبين الدم وتشوف نسبة تكسر الدم
والحمدلله للحين دمي 10 والله يستر
لأني من ادخل ال 7 يبدأ دمي ينزل بسرعة
الحمل اللي فات دمي وصل الى 6 وركبوا لي دم

بس تحمليفي نفسج وكلي فواكة وشربي حليب

شخبارج كمبوجا يعني نفس موعد ولادتي انا مع دلوعة حبيبي النص من سبتمبر تقريباً يالله كلنا في يوم إنشاء الله. حلو التصوير في الحمل أنا جربت في ابني الاول وكان حلو للذكرى وإنشاء الله هالمره بأحاول اصور. أنا عن تجربتي ولدت في السلمانية في ولدي الثاني وخذيت حجرة ام اربعين دينار وكانت حلوة وايد و ارتحت فيها وبالنسبة للدولي زوجة اخوي دايما تولد هناك الولادة الطبيعية 700 دينار الحجرة حلوة لابأس فيها بس ما تفرق وايد عن السلمانية يمكن الفرق في نوعية الأكل الي يقدم لج. وانتي توج والده ما تشتهين تأكلين شيئ أصلاً أنا في السلمانية كان اكلهم لا بأس فيه وكانت تسألني الممرضه شنو احب اكل.