جمعتنا ولمتنا السورية من جديد لشهر سعبان ... اتفضلوا

جمعة مباركة يارب عالجميع
ام فيصل تسلمي يارب ايه والله نحنا اخوات واعز والله يسمع منك الا ماتفرج

دمشقية جوزي راح على ادارة البنين وقله انه بدؤا بتنفيذ القرار وان شاء الله السبت رايحة على ادارة البنات ومنقول يارب

سمورة وام مصطفى الله يسعد اوقاتكم يارب

اي والله جمعة مباركة وجمعة خير يارب عليكم جميع
سورية بتفرج ان شالله على الله مافي هم ....
سمورة وام مصطفى وشامية وام فيصل يارب تكونوا دائما بخير وعوافي

الله يسعد صباحكم جمييييييييع يارب

الله يسعد كل اوقاتك سورية وكل الصبايا

صبايا كيفكون وكيف الجو عندكون
نحنا اليوم وما شاء الله نزلت مطر كتير قوية تقريبا ضلت تشتي من الساعة 4:30 الى هالساعة ولكن بوقت متقطع يعني مو كل الوقت شتي حتى نزل شوية برد( البرد يلي بكون مي متلجة اكيد بتعرفو) ومن كتر ما صار رعد وبرق صارت الكهربا تروح وتجي وياريت كنتو لتشمو ما احلى ريحة الجو بأول مطرة يارب تفرج علينا وعلى هالبلد والله ما يضر حد
لانو بلدنا كتير حلوة والناس هون كتير طيبة

بكرا الاحد انا ناوية روح بكرا ع السوق اذا كان الوضع مناسب طبعا لحتى جبلو بدلات لمازن يكونو ع قطن لانو اغلب تيابو ماعادو يلبسو ما شاء الله كبران

الله يسعدك سمورة وماشاء الله الله يبعت الخير عليكم يارب والفرج وان شاء الله ملبوس العافية لمازن مقدما وربي يحميكم بحماه

اهلين سمورتنا الله يبعت الخير عليكم يارب ويارب انها مطرة خير عليكم ياااارب
ماشالله والله نحنا الحر عنا مو طبيعي والسنة الماضية ماشمينا ريحة المطر ولا شفناها بجدة وهيني مشغلة المكيف والله على 16

الله يحمي بلدنا ويديمه علينا يارررب

وان شالله يارب تكون الاجواء والاوضاع راااايقة وتنزلي على السوق وتشتري للحلو ... ولبس الهنا يارب مقدما

والله انا ناوية ان شالله اشتري قمصان نوم وبجايم الي وكب كل القديم اللي عندي حاجته مع هالحمل اتبهدلوا وشلفووو ههههههه

اهلين سوريتي شو اتعيشيتو ولا لسى قاعدة عم تنتتي ههههههه
ابو النت على النتيتة على اللي بينتتو عليه خخخخخخخ

اهلين دمشقيتي والله هالكم يوم ماعم نتعشى عم نقضيها سندويش لأنه عم نتغدى متأخر
ودخلك النا غير هالنت نتسلى فيه شوي على الله

صباح الخير للكل
هههههههههههه والله ضحكتيني دمشقية كلنا عم نتنت متل ماقالت اختك مافي غيرو تسلاية وياريت تسلايه اخبار وهم وغم
شواخباركن صبايا
دمشقية قديش باقي لولادتك الله يقيمك بالسلامة.

يسعد صباحكم يارب

سوريتي من شو بتشكي الساندويش والله اطيب واخف غلبة ههههه هنا وعوافي بس انا مابقدر اضيها سندويش بتفضحني حماتي بقلبها طبعا خخخخ

^^^^^^^^^^^^^^^

اهلين ام فيصل الله يسعدك ويجعل هالضحكة دووووم ..... والله يااختي النت صاير سووووسة شو بدنا نعمل
هلأ على ولادتي والله مابعرف اديش ضايل العلم عند ربك
بس باقيلي ان شالله 6 ايام وبدخل التاسع والله يسهل علي وعلى الجميييع يارب ... دعواتكم

مرحبا صبايا كيفكون وشو اخباركون

مبارح رحت ع السوق وجبتلو لميزو بيجاما قطنية بكم لانو بلش الجو يبرد شوي وجبتلو بربتوزات نص كم وكم طويل وبلات داخلية وما فطنت جيب لحالي سي:( مبروكين ع ميزو ويلبسون بالهنا ههههههههههههه
اما اليوم فكان نهار تعزيل ونضافة عزلت غرفة الضيوف الحيطان والسقف وغسيل برادي ومسح تريا وحالة وبعدين رجعت طبقتا وجمعتا تقريبا بزاوية وحدة من الغرفة وغطيتا بشراشف لانو لا في ضيوف ولا من يحزنون ماعم يزور هالغرفة غير الغبرة
لاحول ولا قوة الا بالله وبس هيك كان نهاري

طبعا بعد ما خلصت تحممت وعزمت بنت الجيران ع فنجان قهوة ع نضافة ;):C: بس قعدتها بالارض خخخخخخ من شان ما نرجع ننبش وبس

انتو شو اخباركون

اما عن سيرة الحب الله يذكرها بالخير لمون فكانت فاصولية ورز

اهلين سمورتنا الحلوة
ويارب لبس الهنا والعافية على مازن ان شالله بيهريهم وبجدد ......... نحنا هيك الامهات منضحي كتييير خخخخخ
والله انا ببالي كتير مشتريات عندي قائمة كبيرة لولادي والي بس عم استنى الراتب ولي على هالراتب شو بنبني عليه امال وبطير قبل مايخلص الشهر هههههه
الحمد لله على كل حال

وماشالله حولك الله يعطيكي العافية والله انك شطووورة والله انا من قبل الحمل كسلانة واجى الحمل صرت بالمرررة ... الله يقويني يارب واعمل كم شغلة قبل الولادة

يلا دمشقية شدي الهمة وقومي تفتلي انت وبطنك وعزلي بيتك ونضفي من شان تولدي ع ركون الله يقومك بالسلامة
وروحي كمان اتمشي بالسوق وجيبي اغراضك لانو المشي منيح الك
اما من شا ن الراتب صاير بهالايام بتشمي ريحتو وبتغنيلو بودعك هههههههههه
الله يديم الصحة والعافية

ومن شان الشطارة اي انا شاطرة هيك بقولولي:o
انا هيك بحب يكون كلشي مرتب ونضيف وما بحب حد يجي يشتغلي لانو بصراحة ما بيعجبني شغل حد:-#

اي والله بدي قوم وشمر واشتغل حاجة كسل قال ستي من غير وحام مصفرة خخخخخ

بس استني لادخل التاسع اول بس ادخل التاسع ببدأ اشتغل ان شالله ... اما عن السوق والله ياااختي لو بقدر كل يوم اطلع مابقول لاء هههههههه بس عندي حماتي قاعدة على
خانوئي وزوجي مابيسمحلي اطلع لحالي

ودخيل الشطور انا يعني الله يعينها كنتك بصراحة على قولك راح تطفشيها خخخخ الا اذا طلعت موسوسة نظافة اكتر منك ساعتها بتطلع الفرق ^_^