جمعتنا ولمتنا السورية من جديد لشهر سعبان ... اتفضلوا

ام مصطفى تسلميلي يارب وانتي ان شالله تقومي بخير وسلامة يارب انتي والبيبي

ويالله الحمل الجاي ان شالله بتجيبي بنوتة وتسميها شام وقليلو لزوجك شامنا غير شامة قرايبنا خخخخخ

&&&&&&&&&&&

اهلين سوريتي ايمتى رجعتو اليوم وعملتي شوبينغ من ستي ماكي ولا مادخلتيه؟؟

يا أهلين بشامية يارب دوووم بخير وعافية
اي والله بدنا تنحل بقى ومابدنا الهدوء اللي بيجي قبل العواصف والله يبعدها عنكم وربي يفرجها عليكم يالله
والله ربي يكون بالعون انا حاسة كتير فيكي وبمعاناتك اختي قريب منكم بكفر بطنا ومسكينة ماعم تقدر ترجع لبيتها وعلى قولك كمان مافي مدارس بالضواحي وحالة
الله المستعان ..........

وتسلميلي يارب وانتي ان شالله منفرحلك ببيبي تاني لما بدك اكيد ووقتها ان شالله الاحوال والاوضاع بتكون رااايقة يارب

اهلين شامية الله يسعدك يارب ان شاء الله دوووووووم بخير وبإذن الله بتنحل وعن قريب ربنا كريم
والله يحمي المدرسين والطلاب يارب ومنيح في مدارس فاتحة يعني الرمد اشوى من العمى وبالنسبة لبنتي لسى رئاسة التعليم ماردت خبر بس في خطاب كان مقدمه كفيل زوجي للداخلية عشان اقامتنا وهلأ اتحولت معاملتنا على الجوازات يعني يابتكون مقبولة يا اما بيرحلونا الله اعلم والمشكلة انه ليوم الاثنين او التلاتا ليبين معنا
بقى أمانة ادعولي تكون مقبولة واذا ماقبلوها بيكون هيك الله رايد واكيد مافي اعتراض على امر رب العالمين

أهلين دمشقيتي والله رجعنا الساعة 12 ونص ودخلت سيتي ماكس بس مافي شي عجبني هههههههههه مابعرف ليش

صباحوا

الله يفرجها عليكي سورية بجاه كل مين اله جاه عند ربي ... الله كريم ان شالله

وليش ماعجبك شي بستي ماكس ؟؟؟ هو اصلا من كتر الزحمة والبضاعة الوحدة بتتحير وبتطفش خخخخ

&&&&&&&&&&&

اهلين ام مصطفى يسعد صباحك ياااارب

الله يسعدك يادمشقية ويسمع منك يارب
وفعلا كان زحمة بسيتي ماكس واولادي جننوني وصرت بس بدي اطلع هههههه
امانة طمنيني ان شاء الله الحرق ماعم يوجعك ومو مبين ؟

اهلين ام مصطفى الله يسعد اوقاتك يارب

يسعد صباحكم يارب

لا تؤبشيني مافيني شي الحمد لله الوجع راح بس العلام بقي طبعا بس مو كتير ستي الحمد لله ... وحق معك نزلة السوق مع الاولاد بتعمي القلب والله
انا نفسي اشوف سنتر بوينت وتخفيضاته قبل ماتخلص بس ماعم يصحللي من اللي عندي اااااااااااااااه

هدا يابنات لقلكم القصة قصدي الاكشن اللي صار معي يوم الخميس ههههههه
عاملة عزيمة لبيت اختي واخت زوجي على منسف على كيفكم قام وانا عم اضغط اللحمة واذاااااا بتنفجر طنجرة الضغط وانا كنت واقفة جنب الغاز ووقعت الطنجرة وانكب
كل اللي فيها شي على رجليي وطرف بطني وشي على السقف وشي على الغاز والارض وحاااالة
وانا صابني شوية حروووء على فخدي وطرف صغير بطني وتلاقوني انط وابكي ههههههههه ورعبة اكلتها طبعا غير شكل انا وزوجي وولادي من الصوت

والحمد لله قدر الله وماشاء فعلا وربنا لطف بحالي وبللي ببطني وهيني مافيني شي يارب لك الحمد

واجت سورية مسكينة كملت الطيخة هي وززجي ههههههههه الله يخليلي ياهم ويخليلكم احبابكم

اهلين دمشقيتي ياعليي والله اكلتيها يالله الحمدلله قدر ولطف ومنيح يلي اجت على هيك
بتعرفي طلع في سنتر بوينت بعزيز مول والله ههههههههههه ماشفناه

الحمدلله على سلامتك يا أم محمود الله لطفك الحمدلله والله يخليكي أنتي وسوريه لبعض يا رب

يسعد صباحكم يااارب

سورية شفتي بالله شفت انو في سنتر بوينت بس بعد ماطلعنا ....اصلا زوجي كان تعبان شفتي فبكل الاحوال مارح اقدر كنت امر عنده

&&&&&&&&

ام نصطفى كلك ذوووق والله وربي يسلمك ... الحمد لله على كل حال
والله يخليلك احبابك يااارب

أهلين ام مصطفى الله يخليكي يارب ويخليلك اهلك واحبابك
ايه دمشقية ونحنا لما شفناه كانوا عم يسكروا هههههههههه يمكن اليوم نروح على الفرع يلي قدام بيتنا

السلام عليكم
كيفكون صبايا وشو اخباركم والله اشتقت لاخباركم بس ماكنت عم ادخل لانو كان النت مقطوع عنا بحماه مبارح حتى اجى
انا ما لحقت اقرا شو كاتبين بس سلامي لكل الصبايا

الحمد وضعنا بهالكم يوم احسن شوي بالذات مدينة حماه هالفترة اهدى من قبل بشوي ولكن الى الان ما كتير منطلع من بيوتنا طبعا بعد المغرب محد يطلع ابدا الا للشديد القوي ولكن بالنهار الناس بتروح وبتجي ع شغل او ع المدرسة او ع السوق والله يفرجا علينا ويرحلنا بالنا لانو تعبنا

سورية حبيبتي انا كتير معجبة بتوقيعك الله يقويك يارب وان شاء الله تضل هالبلد بخير
دمشقية كيفك وكيف الحمل معك وباي شهر صرتي

الحمد لله ع سلامتك دمشقية الله قدر ولطف معك فيكي ويلي ببطنك
انت لانك انسانة منيحة باذن الله رب العالمين ما بضرك
والله يخليلك سورية وجوزك يلي كفولك الطبخة ههههههههه

يسعدلي هالمسا قصدي هالصباح الحلو بوجود سمورة حبيبة قلبنا

اهلين ام مازن الله يخليلك مازن يارب وان شالله بتفرحي فيه ياااارب... وربي يفرج همكم وغمكم ان شالله .. ويارب دائما الامور هادية ومستتبة ياااارب
اخ شو بدنا نحكي حسبنا الله ونعم الوكيل احسن شي

انا بخير الحمد لله وحملي بخير ان شالله هلأ انا بالشهر التامن يعني هانت باقي عضة كوساية ههههه
وتسلميلي يارب كلك ذوووق هذا من ذوووقك ياعمري ,,,, ان شالله انتي كمان مابتشوفي شر ابدااا ابدا اي والله ربي لطف بحالي وبللي ببطني الحمد لله .... شايفة اجينا نبيض وجه قال خخخخخ
بس بيضته على حساب اختي وزوجي خخخخخخخخخخ والله طلع المنسف غير شكل تسلم ايديهم ^_^

سوريتي منيح اللي طلعتي وغيرتي جو ماقصرتي وانتي متلي بلف وبدور واخر شي مابشتري شي
انا زوجي قلتلو بدي روووح ماخلى علي كلمة على اساس مزح بس قال مو رمانة القلوب مليانة
على قولة شو شطاطة ويحرء حريشك شو بتحبي الطلعات والشط ومدري شو والله حبست دمعتي بيني وبينك ههههه بعدين رحت عنه صار يناديلي ويقللي فيقني العشا باخدكم ... قلتلو على كيفك مابطلع قبلانة بس على كيفي مابدي اطلع بطلت والله ضلو شام ومحمود ساعة يترجوني ومارضيت وتيست متلك مبارح خخخخخ على سلامتك يعني ... ومارحت وماعاد بدي روح هاااااااااااااااا

أهلين ام محمود والله وطف الجرن ههههههههههههههيعني عم نوجب بعض منورة بوجودك وبوجود الصبايا

لهله يا ام محمود ضروري تاخدي موقف وما تروحي كنت لحلحيها شوي لو انا محلك ما قصرت ابدا خصوصا انو انا حاليا لا طلعة ولا فوتة

ههههههههه الله يسعدها ام مازن خخخخ ... بيت فستق زايرينا خخخخخ

يااختي عندي موقف انا وعزة نفس لا تقرفي اي لكن انا شطاطة اهئ اهئ ... لك المشكلة لو انا هيك والله مابزعل بس مو هيك بنووووب ههههه صح لو صحللي مابقصر بس
ماعم يصحلي ... ماعلينا والله انتو الله يعينكم بتحكيلي اختي والله بقووول كانها عم تحكي على افغانستان ولا حتى الصومال ااااه الله المستعان الله
يكون بعونكم وربي يفرجها عليكم