جمعتنا ولمتنا السورية من جديد لشهر سعبان ... اتفضلوا

الله يسعد قلبك يا أم مصطفى وتحبك العافية يارب وانتي والله اخت عزيزة وغالية علينا والله يديم هالصحبة الحلوة ويديم المحبة بيناتنا

آآآآآآآآآآآآآآآآمين يا رب

تسلمي ياام مصطفى وربي يتمملك على خير ان شالله
خبريني ان شالله الحمل مو متعبك ؟؟؟ هو عادة ام الصبي اسم الله بيكون حملها خفيف وحلو صح ؟؟

سوريا طمنينا شو صار معك ان شالله يارب تنحل وتفرج

والله ياشامية ماصار شي وكل الحكي والكلام تبع الاقامات واللاجئين وتيسير امورهم ومدري شو كللو كلام بكلاااام
الله المستعان الله يفرجها عليها وعلى الجميع

والله الحمدلله يا دمشقيه بخير والله صحيح كلامك أم الولد خفيف بكون بس في الليل بتعب في بعض الأحيان ورجلي اليمين تعبانه شوي من الحمل و من الوجع هاي هيك المشوار طويل لسه ولسه في 5شهور على الولاده والله المستعان طبعا غير غلبت مصطفى وميسم كل واحد بدو شغله وتعي خلصي بينهم ياربي دخيلك شلون بس يصير 3 يا حبيبي..............ماشاءالله

دمشقيه بدي أسالك كيف أظهر شريط الحمل والله ما عرفت كيف أنسخ بدخل وكل شي بس ما بعرف كيف يظهر عندي مشكله جد بدي مسانده منك أزا ما فيه غلبه

أهلين شامية والله اليوم رحنا انا ودمشقية لرئاسة التعليم وطلع في كتيييييييييير سوريات بيعطونا استمارة والسوريين بيسجلوا اسماء اولادهم واذا في اقامة او لأ ورقم التليفون وبس وهنن بيتصلوا عليكي شفنا وحدة من حلب قال إلها اسبوعين مسجلة ولهلأ ماحدا إتصل عليها ما إلنا غير ننتظر ونشوف وعلى الله ربي يسعدك ياشامية على سؤالك

أم مصطفى سلامتك يارب وربي يتمملك على خير وانا متلك كنت اهكل هم قول إذا صاروا تلاتة شو بدو يصير فيني ههههههههه بس كل شي اوله صعب وبعدين بتتعودي

تقبري قلبي يادمشقية تعبتك معي اليوم بس والله انا بتفائل فيكي من بعد رب العالمين وبحس وجهك خير عليي
ربي ييسرلك ولادتك ويهونها عليكي وتقوميلنا بالسلامة انتي والبيبية واخدمك براسي

يسعد مساكم يارب

ام مصطفى الله يتمملك على خير ياررررب ويمكن رجلك بتوجعك نقص كالسيوم بتعرفي البيبي بياخد كل شي بجسمنا انتي دخلتي الرابع اعتقد صح ؟؟ عشان هيك واظبي على الكالسيوم والحديد ابدا لا تقطعيهم .... وبخصوص التلاتة اسم الله ربك رحيم لا تخافي بتتعودي معك معك ههههه الله يحميهم يارب

بخصوص شريط الحمل لا غلبة ولا شي بالعكس بدنا خدمة ياقمر
شوفي انتي بس انسخي كود الشريط من الموقع وروحي على تعديل التوقيع واعملي نسخ مباشر ضمن مربع الرد واوكي .... وان شالله بيظهر على طووول

الله يخليلي ياكي يااااارب ياسورية والله عمرك ماقصرتي وربي يفرج همك والله همك همي انتي بتعرفي ,,,,
ومنقول يارب شفتي متلك متايل ومامنقول غير حسبي الله ونعم الوكيل بهيك قوانين وهيك تعقيدات .... دخيل رب الشام وسوريا اول طبعا
كل الجنسيات تدرس عنا ومنفضلهم علينا كمان ... ستي الله المستعان اللي بدو يتغرب بدو يتحمل كتييييير

دمشقية وسوريا متل ما قلتلو مالكم غير الانتظار عسى ربي يفرجها بس عنجد شي عيب والله عيب لك ما بيكفي سكوت على هالظلم والكفر والفجور يلي عم يحصل عنا لك أبسط شي بيتقدم أنو يكرمو هالسوريين المغتربين
لك مابعرف شو هالضمير يمكن هالامريكي يلي أساء للاسلام كتير كان مؤدب بالمقارنة مع يلي عم يعملو شبيحة بلدنا يلي ماعم يسيئو بس للرسول لا لرب الرسول
لاء وجن جنون العرب وقتلو سفراء وخربو سفارات وللمظلومين ببلدنا ما قدمو ولا حتى موقف متل العالم والناس والله مهزلة اي والله وكلو تمثيل
عن جد مالنا غير يا الله

اه ياشامية خللي الامر لله ... اذا صرنا ننهان ببلدنا فما عتبنا على باقي البلاد ,,, شكوتنا لرب السما هو اعلم وهو اللي شايف ويمهل ولا يهمل
ومتل ماقلتي الكل ساكت وانا بقول الكل بسباااات... ورسولنا عليه الصلاة والسلام بريئ والله من هالناس اللي عم تقتل بدم بارد ستي على الله


طمنيني عنك انتي كيف المدرسة اليوم وفي طلاب ولا نص نص ؟؟؟

كيفكوا يا حلووووووووين

الحمد لله من الله دووووم بخير
انتي كيفك وشو اخبار الوحام معاكي

الحمدلله بخير تقريبا شكلوا خلص عم حس هيك........بس بتعرفي تعبانه وصايره كسوله كتييييييييييييييرفي بعض الأحيان...أنتي في الشهر الثامن؟

الله يسعدك أم محمود ويخليلي ياكي يارب وعلى قولتك مالنا قاعدين ببلدنا بدنا نستحمل
أهلين شامية والله كله على ربك لنشوف شورح يطلع منهم أما عن السكوت بيلي عم يصير بسوريا فكلوا خايف على مصالحوا بس لاتخافي صدقيني جاييهم يوم
والظلام يلي بسوريا والله غير ربك ينتقم منهم وياخذهم أخذ عزيز مقتدر ربنا كبير

أهلين أم مصطفى أنتي كيفك انتبهي على حالك وكلي واتغذي منيح عشان البيبي هههههههه

مسالخيرات

منيح ام مصطفى ان خلص الوحام لان مافي اغلظ منه وهو عادة بالثلث التاني من الحمل بخف كتييييير .... وعن الكسل فلا تسئلي والله مالي حيا اعمل غرض
بحس بكس وخمووول وبدي نام ماعم اشبع نوم لاني ماعم ارتاح والله بنومة ... اي انا بالشهر التامن

اي سوريتي كيفك اليوم وشو اخبارك واخبار الحلوين ..... قليلي لا جديد مبارح متل اليوم هههههه الحمد لله
اليوم رحت منشان احضر الحفلة تبع شام بلشنا حفلات قال حفلة عيد الفطر ... الله وكيل كلها هبالة بهبالة بيضحكوا على هالصغار منشان يلموا عملة الله لا يشبعهم

المهم ماكملتها للاخر تركتها ورجعت وقلت والله اللي بخفف عقلوا بتتعب رجليه