18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

لقااااااااء

ايه الشغل الجامد دة تسلم ايدك يا قمر
عايزاكي بقى تعمليلي صينيه الفراخ بالبطاطس والرز المعمر لما اجي مصر المرة الجايا ان شاء الله ههههههههههه

du;13599057:
تسلمواا كلكو يا بناات انا عايزاكو تقولولى كل الطرق اللى اعمل بيها خضار ومش للدايت انا بعملها لجوزى بس عندى كميه كبيره وعايزه انوع فيهم يعنى التورلى ورق اللحمه والحاجات دى بتتعمل ازاااى ؟؟؟

عندي طريقة حلوة اوي وجديدة

تبلي صدر فرخة مخلي واشويه في طاسه تيفال وقطعيه مكعبات

اسلقي كل انواع الخضار اللى عندك

اعملي بشاميل خفيف

قلبي كل دول مع بعض وحطيهم في صينيه

هاتي عجينه بف باستري وافرديها وغطي بيها الصينيه ودخليها الفرن

بس كدة

فراشة الإيمان;13599641:
بنات جبت قرنبيط ومش عارفه اعمله ازاى ولا عارفه اقطعه ولا اسلقه ولا اعمل ايه حطاها قدامة ومحتاره

حد يقولى بيتعمل ازااااااااااااااااااااااااى

انا كلته مره عند واحده صاحبتى وعجبنى قووووووووووووووووووووى وكانت العروق بتاعته مش باينه كده كانت مهروسه وتحسوه شبه العجه طعمه كان حلو قوووووووووووووووى نفسى ارعف بيتعمل ازاى

انا كمان جبت قرنبيط النهاردة هههههههه

بصي انا بحبه مقلي جدا

قطعي الوردات واسلقيها في ميه فيها شويه كمون

عشان مايبنش العروق قطعي القرنبيط المسلوق دة قطع نونو

اعملي بقى خلطة عبارة عن بيضة وملح وفلفل وبهارات وبقدونس ومعلقتين دقيق وميه تخلي القوام شبه البشاميل وحطي فيهم القرنبيط وبالمعلقة خدي وقلي في الزيت هيبقى زي اللى انتي كلتيه عند صحبتك بالظبط واحلى عشان انتي اللى عملاه

nanoo99;13600017:
ازيك يابنات عاملين ايه

بالله عليكم ادعو لى ربنا يعدى الايام دى على خير

بنات عندى عزومه تانى يوم العيد بسهتكون مشويات وكده
فمش عارفه اعمل ايه ومش عايزين رز وكلام من دا

فالمهم فكرت اعمل شيش طاووق وكفته ولحمه مشويه اعمل ايه تانى سواء اطباق رئيسه او مقبلات ؟؟؟؟؟؟؟؟؟؟؟؟؟؟؟

بصي مدام مشاوي احنا في عزومات المشاوي بنعمل بس مشاوي ومعاها عيش وسلطات بابا غنوج بقى وطحينه وتوميه وتبوله ومخلل وبطاطس محمرة بس كدة

miramiro;13600750:
سورى يا نانى كتبت غلط اصلى كنت متخانقه مع جوزى ومش مركزه:o
كنت بقولك انتى بتعمليها من غير بيكنج بودر زى الشيف اسامه
طب انتى جربتيها بالبيكنج بودر قبل كده؟
ولو ايوه البيض بيرفع الكيكه زى البيكنج بودر ؟

ولا يهمك يا حبيبتي وربنا يهديلكوا الحال يارب

اه بعملها من غير بيكنج بودر

والبيض بيرفع الكيك زي البيكنج بودر واكتر كمان

miramiro;13600852:
انا عندى شوايه زى اللى فى الصوره بتاعت لقاء اللى بتتحط على البوتجاز

ياترى بتطلع المشويات طعمها حلو؟؟؟؟؟؟؟؟؟؟؟؟؟؟؟؟

المشويات هيطلع طعمها حسب التتبيله :D

بصي الشوايه دي تحفة انا بشوي عليا على طول وعشان الطعم يحلو اكتر ويبقى زي المشوي على الفحم بولع مع المشويات بعد ما تستوي حتة فحم واقفل عليها 5 دقايق قبل التقديم

*miso*;13601036:

سلام عليكم يا بنات

تسلم ايديكم ما شاء الله الاكل يجنن و يجوع في نفس الوقت :lol:

يعني اخواتنا اللي بيعملوا دايت يخلوا بالهم و يدخلوا في اوقات مقاومتهم تكون عالية

ربنا يكرمكم مبدعات بجد ما شاء الله عليكم

بصوا بئا اختكوا عملت نفسها فلحوسة هانم

و قالت تعمل تورتة ناني اللي فيها جيلي

لغاية كدا تمام أوي

للامانة طعمها حلو ما شاء الله :thumbs_up:

بس مش عارفة كانت ناشفة من تحت

يمكن انا قشرتها زي ما ناني قالت بس من ناحية واحدة يمكن

المشكلة الفظيعة بئا اني لما جيت اقلبها في طبق التقديم الجيلي مش نزل خالص معايا

يعني التورتة اتقلبت بس الجيلي لا :'(

فما كان مني إلا إني انزله كدا واحدة واحدة بالسكينة

فكان الشكل العام في الاخر غير رومانتيكي بالمرة :sick:

شفتوا بئا اختكم الفلحوسة

ياريت تعرفوني ليه حصل كدا

عشان اتعلم من اخطائي

اصل انا دايما باقول لو ماعكتش في الاول مش هاتعلم في الاخر

صح و لا ايه

ارفعوا معنوياتي الله يكرمكم

اه و جربت المكسيكان تشيكن بتاعة شهيدة و كانت تحفة ما شاء الله

عجبتهم أوي :D

فعلا لازم نجرب ونفشل عشان نتعلم كلنا كدة

والجيلي معلش لزق عشان كان عايز يا تبطني الصينيه ببلاستيك و تسيحيه شويه بسيطة الاول

معلش المرة الجايا هتبقى مظبوطة

♥أم°•♥DANDONA_2010 ♥•°حلا♥;13601058:
ازيكم يا بنات يارب تكونوا جميعا بخير
عاوزة اسال الخميرة الفورية عندى مكتوب عليها انها تتحط على الدقييق على طول من غير ما تدوب هل صح كدة ولو دوبتها متعملش مفعولها


ومعلش عاوزة طريقة حلوة للمينى بيتزا وتكون بطلع العجينة طرية مش ناشفة لان جوزى ضد النواشف خالص

وجزاكم الله خيرااا

اه طبعا الخميرة مدام مكتوب عليها كدة حطيها على طول وكدة بتبقى احلى من اللى بتدوب


والبيتزا اهم حاجتين زي ما دايما اقول خميرة كويسه وعجن كتير


كوبين دقيق عليهم معلقتين زيت وذرة ملح ومعلقه صغيرة سكر ومعلقتين لبن بودرة واعجني بميه دافيه

نانى عملت التورتة مرتين ههه اول مرة هبطيت جامد معرفش لية حصل كدا المهم عملتها تانى و طلعت عالية و مظبوطة هى الاولى مستوية حلو بس هابطة جداا نفسى اعرف اشمعنا عملت كدا بجد مع انى ماشيت عالطريقة مظبوط

مش عارفة بقى اعمل اية باللى هبطيت دى ؟؟

ازيكم يا مبدعات مصر
انا عملت تورتة ناني
اول مرة حطيت المقدار في صينية متوسطة كبرت وعلت وكانت روعة
المرة التانية قلت اعملها في صينية صغيرة عشان تبقي اعلي بس غلاسة معليتش:lol: مش عارفة ليه
المهم عاوزة انزل الصور بس تطلع معايا اكسات اعمل ايه؟؟؟؟:o:o

حد شايف حاجة؟؟؟؟:D

د.ودعه;13604194:




حد شايف حاجة؟؟؟؟:D

مفيش حاجة ظاهرة يا قمر

مين بيحب الاكل الهندي ؟؟؟؟؟؟ظظ


انا بموت فيه

اتغدينا النهاردة هندي في المول


دجاج تكا مع خبز بوري وصالونه لحم الاكل لذيييييييييييييذ









عرفين دة ايه ؟؟؟؟؟؟؟؟؟؟؟







دة برياني لحم


عملينه في الفخار طعمه وهم والاحلى بقى انك بتخدي الفخارة دي بتعتك خدتها معايا البيت ههههههههه عجباني جدا






التحليه

احلى مكس اللى معاه البراوني تحت فظييييييييييييع

Bird amore;13604050:
نانى عملت التورتة مرتين ههه اول مرة هبطيت جامد معرفش لية حصل كدا المهم عملتها تانى و طلعت عالية و مظبوطة هى الاولى مستوية حلو بس هابطة جداا نفسى اعرف اشمعنا عملت كدا بجد مع انى ماشيت عالطريقة مظبوط

مش عارفة بقى اعمل اية باللى هبطيت دى ؟؟

اللى هبطت دى تفركيها خالص زى مايكون بسكويت مطحون او كيك مفتت

وحطى عليها صوص شيكولاته

كالاتى

4 معالق كاكاو + معلقتين زبده سيحيهم على النار وصبى عليهم لبن سرسوب كانك بتعملى مايونيز وايدك التانيه تقلب حوالى كوبايه وحليه بالشربات بتاع الحلويات بس يكون تقييييل او عسل ابيض لو عندك وممكن تكسرى على الخليط ده شيكولاته وبعدين معلقه نشا صغيره

وصبى الخليط على الكيكه والمفتته وقلبيها بس اوعى تتلسعى قلبى بمعلقه هاتلاقيها مسكت فى بعضها شويه زودى شويه لبن عادى من غير اضافات

لغايه ماتحسيها ينفع تتكور وياسلام لو عندك مكسرات وفرمتى حبه وقلبتيهم معاها

وبعدين كوريها كور صغيره وزينيها براحتك قلبيها فى فارماسيل او جوز هند

او سيحى شيكولاته خام وغطيها بيها انا بعملها كل دوووووووووووووووول وبتبقى شكلها شيك مووووووووووت وطعمها حلو قوى

وده شكل منها



والحلو ده اسمه Truffles Italian

بعمله على طول من غير ما كيكه تبوظ ولا حاجه جوزى بيطلبها منى وولاد اخواته

بس احلاهم اللى متغطى بتالشيكولاته رووووووووووووووووعه انا بعمل شيكولاته بيضه وشيكوته غامقه
يالا بقى فرجينا على الصور بتاعتك ياجميل

Bird amore;13604050:
نانى عملت التورتة مرتين ههه اول مرة هبطيت جامد معرفش لية حصل كدا المهم عملتها تانى و طلعت عالية و مظبوطة هى الاولى مستوية حلو بس هابطة جداا نفسى اعرف اشمعنا عملت كدا بجد مع انى ماشيت عالطريقة مظبوط

مش عارفة بقى اعمل اية باللى هبطيت دى ؟؟

غريبه اوي

يمكن الفرن مكنش سخن كفايه

المهم ان التانيه ظبطت الحمد لله
اول وحدة بقى اعملي حاجاة كتير بيها


قطعيها في اطباق وعليها اي شويه عصير او سفن اب وفاكهة وعليها كاستر بتبقى تحفة


فتفتيها واستخدميها قعدة تشيز كيك بدل البسكوت

اعمليها في التيراميسوا انا بحبه بالكيك اكتر من البسكوت

لقااااااااااااااااء ما شاء الله لا قوة الا بالله علي الأكل روعه بجد تسلم ايدك يا جميل ذوقك حلو في الأكل زي ما هو في الشقه

أنا عندي دور برد في العضم مكسرلي جسمي علي الأخر و جوزي مسافر بكرة ان شاء الله سوريا

شيكو ممكن نعملي بالكيكه الهابطة تشيز كيك موجوده في الموقع يا جميل

Bird amore;13604050:
نانى عملت التورتة مرتين ههه اول مرة هبطيت جامد معرفش لية حصل كدا المهم عملتها تانى و طلعت عالية و مظبوطة هى الاولى مستوية حلو بس هابطة جداا نفسى اعرف اشمعنا عملت كدا بجد مع انى ماشيت عالطريقة مظبوط

مش عارفة بقى اعمل اية باللى هبطيت دى ؟؟

وممكن كمان حاجه سهله قووووووى


قطعي الكيك ورصيه في الصينية وقطعي عليه فاكهه موز أو مانجو دول إلي جربتهم وتعملي

مهلبية لبن ونشا وسكر وقلبى معاها قشطه من بتاعه اللبن عادى أكيد عارفاها وتغطي الصينية والفاكهه بالمهلبية وتبرديها وبتكون رائعة

وأحسن حاجة في الطريقة دي إن كل حاجة طبيعى لا هتستخدمي كريم شانتي ولا جيلي

السلااااااااااااااااااااااااام عليكم
وحشتوووووووووونى اوى اوى يااحلى صحبه بجد
انا رجعت ليكم بحاجه حلوة اوى اوى ويارب تعجبكم وعاوزة اعرف رايكم كلكم طبعا
دى تورته عملتها النهارده بس والله العظيم طلعت تحفففففففففففففففففه بجد بجد

ودى بعد ما اتقطعت

ايه رايكم بقى انا عارفه انها على قدى يعنى انتم ماشاء الله اصلا مبدعاااااااااااااااات كلكم
انا بس حابه اسلم عليكم كلكم ام بودى وسوسى ونانى وبوسى ام عمر وايمى وشيمو
وروايه وصفا ونور وبسبس وشيكو وكلكم بجد ولو نسيت اسم حد معلش متزعلوش منى

نانو الله يسلمك يا قمر وبما ان ملهمش فى الحاجات الدسمه قضيها فاكهه وريحى نفسك وزى ما نانى قالتلك بالظبط عيش وبطاطس وسلطات وحلواوى كده
ام بودى الف مليون سلامه عليكى وربنا يرجعلك جوزك بالسلامه ان شاء الله
نانى جوعتينى حرام عليكى مع انى مليش فى الهندى بس فتحتى نفسى عشان اجربه ومبروك عليكى الفخاره ههههههههههههههههههه بجد حلوة متعرفيش بالمره طريقه الفراخ التكا
بنووووته ايه الغيبه دى كلها وحشتينا اووووى بجد بتغيبى تغيبى وتيجى بحاجه حلوة زيك تسلم ايدك يا قمر
لقااء مش عارفه اقولك ايه ماشاء الله عليكى بجد طول عمرك زوووق
اخر حاجه عمر هيجبلى انهيار عصبى اذا مكنش جالى اساسا من الساعه 3ونص ل5ونص زن وصريخ متواصل عشان باباه راح الشغل نام من التعب ساعه وصحى على زن تااانى اعمل ايييه عشان انا صبرى قرب ينفذ وهبدا ازعقله حد مر عليه الموقف دا قبل كده المشكله ان خايفه عليه من الصري
خ اللى بيصرخه دا بطريقه بشعه اول مره اشوفه كده وصعبان عليا اوووى دلووونى اعمل ايه مع العلم ان باباه خرج من مايشوفه وهوا خارج هوا كان شايفه لابس هدوم الخروج بس واكيد استنتج انه خرج

فراشة الإيمان;13602018:
ايوه هى دى اللى انا اقصدها تسلميلى ياقمر:thumbs_up:

قولى بقى طريقه السلطه:)

بصي يا جمي السلطة هتعملي نفس الخطوات بتاعة السلق عادي
بعدين فصصي بقى الزهرات حتت صغنونة اقطعيه بالسكينة كانك بتخرطي بصلة تكون زهرات صغنوووونة
واعملي سلطة طحينة عادية واخلطيها بالقرنبيط رهيييييييييييبه

sosiii-cat;13602781:

ايوة يا نووووور دي طريقة التيراميسو يا قمر والبيض بيستوي ماتقلقيش وطعمها حلو اووووي

ان شاء الله هاجربها قريب جدا خلال اليومين دول وهقولك النتيجة ;)

ام عمر افنننننننننننننننننديييييييييييييييي
وحشااااااااااااااااااني
بصي يا جميل طريقة فراخ تكا بتاعة بسبس اهي انا محتفظة بالمشاركة

فرااااااااخ تكا كلاكيت خامس مره : بصله مبشوره معلقه صلصه معلقتين مسترده معلقتين كاتشب لمونه وعلبه زبادى وتبلى بيها الفراخ لمده 5 ساعات وبعدين تحطيها على شبكهه الفرن وتحتها صينيه فيها ورق فويل مش مايه لان المايه هتطلع بخار ياخد الخلطه من على الفراخ وينزل وبس

اي خدمة ;)

بناااااااااااات مين امور شطور يقوولي
البطة بتتعمل ازاي
بس مش عاوزة فن وحاجات تلخبط عاوزة بطة والسلام هههههه

غدانا انهارده لحم مشوي وبطاطس محمره وسلطه ورز وسلطه بتنجاااااااااااااااااان;)

تسلميلى يانوووور

روووفه البطه بعد ما تنضفيها كويس اووووى اسلقيها مع بصله وورق لورا وفلفل ولو عندك كرفس يبقا تمام وبعد ما تسلقيها ابشرى طماطمايه وبصلايه وتبليهم بالملح وفلفل وادعكى بيهم البطه كويس اوووى ودخليها تتحمر فى الفرن ومفيش اسهل من كده

السلام عليكم ورحمه الله وبركاته
كيفكم ...... ...... ....ياستات.
بصراحه دخلت عليكم وما ادري هذا مقصور التجمع على بنات مصر ولاعادي الي يدخل
لاني خاطري اتعلم اكلات مصريه
وارجو الرد شاكره مروركم