18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

بنات جبت قرنبيط ومش عارفه اعمله ازاى ولا عارفه اقطعه ولا اسلقه ولا اعمل ايه حطاها قدامة ومحتاره

حد يقولى بيتعمل ازااااااااااااااااااااااااى

انا كلته مره عند واحده صاحبتى وعجبنى قووووووووووووووووووووى وكانت العروق بتاعته مش باينه كده كانت مهروسه وتحسوه شبه العجه طعمه كان حلو قوووووووووووووووى نفسى ارعف بيتعمل ازاى

دموع اشتياقي;13599438:
عملت النهرده ايس كريم الاوريو بتاع العضوه هند ربنا يحفظها ويسعدها يارب

وطلع جنان احلي من ايس كريم باسكن روبنز والصور اهه

تسلم ايديكي يا ايمي ممكن اللينك بعد اذنك

du;13599526:
تسلمى يا قمر هبقى اعملها ان شاء الله

الله يسلمك يا حبيبتي نسيت اقوللك معلش قبل ماتحطي الصينية في الفرن رشي رشة زيت فوق الوش

فراشة الإيمان;13599641:
بنات جبت قرنبيط ومش عارفه اعمله ازاى ولا عارفه اقطعه ولا اسلقه ولا اعمل ايه حطاها قدامة ومحتاره

حد يقولى بيتعمل ازااااااااااااااااااااااااى

انا كلته مره عند واحده صاحبتى وعجبنى قووووووووووووووووووووى وكانت العروق بتاعته مش باينه كده كانت مهروسه وتحسوه شبه العجه طعمه كان حلو قوووووووووووووووى نفسى ارعف بيتعمل ازاى

انا ماعرفش المقلي بيتعمل ازاي علشان مابحبش الخلطة اللي بتبقي عليه بس اعرف طريقة اللي باللحمة المفرومة هاقولهالك
قطعي الوردات واغلي مية فيها ملح وكمون كتير وفلفل اسود واسلقيه شوية فيها
وشيليها من المية في مصفاه وحمريها في نقطة زيت
وبعدين عصجي لحمة مفرومة ولما تستوي حطي عليها عصير طماطم ومعلقتين صلصة وملح وفلفل اسود
وتجيبي صينية ترصي وردات القرنبيط وعليها العصاج ودخليه الفرن ينشف ووشه يتحمر وبس

ولو اتبقي منك كمية قرنبيط مسلوقة ممكن تشيليها في الفريزر مسلوقة عادي واستخدميها بعد كدة

ازيك يابنات عاملين ايه

بالله عليكم ادعو لى ربنا يعدى الايام دى على خير

بنات عندى عزومه تانى يوم العيد بسهتكون مشويات وكده
فمش عارفه اعمل ايه ومش عايزين رز وكلام من دا

فالمهم فكرت اعمل شيش طاووق وكفته ولحمه مشويه اعمل ايه تانى سواء اطباق رئيسه او مقبلات ؟؟؟؟؟؟؟؟؟؟؟؟؟؟؟

Boody we zady;13598614:
هاتي ربع يا شيكو كويس قوي و لو عايزة تبقي لون مختلف عن الأبيض تضيفي كاكاو أو تيجبي أيس كريم بودرة و تضيفي ليه كريم شانتيه بودرة عشان يكون ماسك نفسه و كل 11 م ص مليانة تحطي ليها كوبايه لبن ساقع جدا و سكر بودره حسب ما تحبي

ميرسى يا قمر تسلمى F:

sosiii-cat;13599901:


انا ماعرفش المقلي بيتعمل ازاي علشان مابحبش الخلطة اللي بتبقي عليه بس اعرف طريقة اللي باللحمة المفرومة هاقولهالك
قطعي الوردات واغلي مية فيها ملح وكمون كتير وفلفل اسود واسلقيه شوية فيها
وشيليها من المية في مصفاه وحمريها في نقطة زيت
وبعدين عصجي لحمة مفرومة ولما تستوي حطي عليها عصير طماطم ومعلقتين صلصة وملح وفلفل اسود
وتجيبي صينية ترصي وردات القرنبيط وعليها العصاج ودخليه الفرن ينشف ووشه يتحمر وبس

ولو اتبقي منك كمية قرنبيط مسلوقة ممكن تشيليها في الفريزر مسلوقة عادي واستخدميها بعد كدة

نقس طريقتى بس انا بحط قطع لحمة مكعبات صغيرة مش عصاج

nanoo99;13600017:
ازيك يابنات عاملين ايه

بالله عليكم ادعو لى ربنا يعدى الايام دى على خير

بنات عندى عزومه تانى يوم العيد بسهتكون مشويات وكده
فمش عارفه اعمل ايه ومش عايزين رز وكلام من دا

فالمهم فكرت اعمل شيش طاووق وكفته ولحمه مشويه اعمل ايه تانى سواء اطباق رئيسه او مقبلات ؟؟؟؟؟؟؟؟؟؟؟؟؟؟؟

مع المشويات السلطات دى باباغنوج_سلطة طحينة_تبولة

و ممكن تعملى لازنيا او مكرونة بشاميل كطبق رئيسى

و اعملى بقى مقبلات بطاطس محمرة_سمبوسة_ورق عنب

nanoo99;13600017:
ازيك يابنات عاملين ايه

بالله عليكم ادعو لى ربنا يعدى الايام دى على خير

بنات عندى عزومه تانى يوم العيد بسهتكون مشويات وكده
فمش عارفه اعمل ايه ومش عايزين رز وكلام من دا

فالمهم فكرت اعمل شيش طاووق وكفته ولحمه مشويه اعمل ايه تانى سواء اطباق رئيسه او مقبلات ؟؟؟؟؟؟؟؟؟؟؟؟؟؟؟

اكيد يا نانو السلطات طحينة وبابا غنوج وزبادي
احنا المشويات بنحب ناكلها بعيش او مكرونة بالصلصة بس في عزومة متهيألي ممكن مكرونة بشاميل مش عارفة والله

وربنا يعينك يا نانو يا رب ويعدي الايام علي خير ويصلحلك الاحوال اللهم امين

بجد ماشاء الله الله اكبر عليكم

انا بقى بجد لما ارجع بيتي في مصر اي اكلة هعملها هصورهالكم خطوة خطوة

شوفوا دي بعض اكلات عملتها وانا في مصر

دي كانت اول مرة خالص اقف في مطبخي واعمل حاجة





ودي بطاطس كروكيت



ودي البيتزا بتاعتي :)



ودة رز معمر وفراخ بالبطاطس في الفرن



والبانية بحبة كدة اكتر لاني مش بحب حجات محمرة كتير



ودي البيكاتا بتاعتي






والرز والبيكاتا مكنتش لحقت احطهم في اطباق التقديم لسة

اية رايكم اكمل ولا اية

كملى ياجميل تسلم ايدك الاكل تحفه ماشاء الله

دي صورة عزومة لكن بصراحة المحاشي عملتهم بنت عم جوزي لانهم كانوا معزومين عندي يومها وهية جت وقفت معايا في اليوم دة بعزم الناس واعذبهم معايا



ههههههههه

ان شاء الله ابقى انزلكم صورة المحشي بتاعي انا






والبط دة انا اللي عاملاة



ودي بقى ميكسيكان تشيكن بطريقة شهيدة

بجد جميلة اوي تسلم ايديها



للعلم يابنات انا في بيت اهلي معملتش اكل غير مرتين او 3 في حياتي

وجوزي مكنش متوقع مني اي نتيجة كويسة ابداااا :D اية رايكم فية

تسلم ايدك يا لقاء شطوووورة خالص ماشاء الله عليكي
كملي طبعا يا قمر :)

تسلم ايدك يالقاء الاكل يفتح النفس

حلو قوى يا لقاء ماشاء الله بجد تسلم ايدك حلو جدا
بس عايزه اسالك علي حاجه بتعملى البيكاتا ازاى؟
لان شفت الصور بتاع البنات كلهم بيبقي الصوص بتاعهم فاتح وانا بصراحه مش بحبها كده
لكن الصوص بتاعك لونه غامق

يمممممممممممممممممممممممممممممممممممممممى

ما شاء الله يا لقاء اكلة يجنن تسلم ايدك و منورة

sosiii-cat;13597751:
ولا متعبة ولا حاجة يا ميرا انتي تؤمري يا قمر
الجبنة الكريمة بجيبها من اولاد رجب الكيلو بحوالي 12 جنيه
والقشطة بجيبها من عند واحد بتاع منتجات البان قريب مني
والقهوة اعمليها عادي خالص بس ماتحطيش فيها سكر يعني اعملي معلقة صغيرة ونص قهوة واملي الكنكة الصغيرة وحطيها علي نار هادية يعني قهوة عادية خالص
وعادي جربيها بكاكاو اكيد هاتبقي حلوة برضو مش هاتقول لا

ميرسى على ردك يا سوسى يا حبيبتى
و انا هبقى اروح اجيب اللبان اقوله عايزه قشطه كده بس صح؟
وابقى احط معلقتين كبار يعنى كده؟ هو ده مقدار العلبه و لا ايه
وهبقى اجربها بالكااكو ان شاء الله و اقولك طلعت ايه

ناني فيبس;13597852:




[SIZE=5]هي ايه اللى من غير بيض يا ميرا؟؟

سورى يا نانى كتبت غلط اصلى كنت متخانقه مع جوزى ومش مركزه:o
كنت بقولك انتى بتعمليها من غير بيكنج بودر زى الشيف اسامه
طب انتى جربتيها بالبيكنج بودر قبل كده؟
ولو ايوه البيض بيرفع الكيكه زى البيكنج بودر ؟

Bird amore;13597909:
نانى كويس انك هنا

انا بعمل دلوقت التورتة بطريقتك و دخلتلها الفرن من 5 دقايق على درجة حرارة 170 اخليها ع الدرجة دى ولا اعلى شوية و لا اية ؟؟؟؟؟؟؟؟؟

قررت اعملها النهاردة و ازينه ابكرة بلليل علشان مش فاضبة بكرة و بصحى مـتأخر مش حلحق اعملها بكرة بالليل و ازينها السبت

يارب تطلع كويسه ان شاء الله يا حبيبتى
و تعجبك خطيبك ان شاء الله
وفى انتظار الصور

monyfofo;13598334:
اه بعملها بزبادى على طول او شوية لبن بيبقى طعمها حلو

ميرسى على ردك يا فوفو يا جميله

Boody we zady;13598614:
هاتي ربع يا شيكو كويس قوي و لو عايزة تبقي لون مختلف عن الأبيض تضيفي كاكاو أو تيجبي أيس كريم بودرة و تضيفي ليه كريم شانتيه بودرة عشان يكون ماسك نفسه و كل 11 م ص مليانة تحطي ليها كوبايه لبن ساقع جدا و سكر بودره حسب ما تحبي

كل 22 معلقه صغيره من الكريم الشانتيه البورد السايب يا امن بودى عليه كوب لبن ساقع صح كده؟صح كده؟

دموع اشتياقي;13599438:
عملت النهرده ايس كريم الاوريو بتاع العضوه هند ربنا يحفظها ويسعدها يارب

وطلع جنان احلي من ايس كريم باسكن روبنز والصور اهه

جميل ما شاء الله
بالف هنا و شفا

nanoo99;13600017:
ازيك يابنات عاملين ايه

بالله عليكم ادعو لى ربنا يعدى الايام دى على خير

بنات عندى عزومه تانى يوم العيد بسهتكون مشويات وكده
فمش عارفه اعمل ايه ومش عايزين رز وكلام من دا

فالمهم فكرت اعمل شيش طاووق وكفته ولحمه مشويه اعمل ايه تانى سواء اطباق رئيسه او مقبلات ؟؟؟؟؟؟؟؟؟؟؟؟؟؟؟

ربنا معاكى يا نانو ياااارب
ويعدى الايام دى على خير ان شاء الله
ممكن تعملى سلطه تحطينه
وممكن تعملى سلطه كوكتيل يعنى مايونيز على كاتشب ده اد ده بالضبط و قلبى ممكن بابا عنوج بس ااعتقد سلطه الطحينه هتبقى اخف او سلطه خضراء عاديه او تبوله او سلطه الدجاج اللى هو السيزر سالاد على ما اعتقد
ممكن بقى مقبلات ممكن ورق عنب
حمص بالطحينه
الاطباق الرنيسيه
ممكن تعملى حاجات خفيفه برضو
مكرونه الوايت صوص
او مكرونه بالصلصه و اللحم المفرومه و المشروم
او نجريسكو
او جلاش باللحم المفرومه
سمبوسك
مكرونه بالبشاميل

ارز بالخلطه

و ربنا معاكى يا حبيبتى

shimaaafifi;13600575:
كملى ياجميل تسلم ايدك الاكل تحفه ماشاء الله

الله يسلمك ياحبيبتي ربنا يخليكي

sosiii-cat;13600598:
تسلم ايدك يا لقاء شطوووورة خالص ماشاء الله عليكي
كملي طبعا يا قمر :)

بجد ربنا يخليكي ياااارب شجعتوووني ربنا يكرمكم

رشرووش;13600614:
تسلم ايدك يالقاء الاكل يفتح النفس

بجد دة من ذوووقك ربنا يخليكي

bonbona we bas;13600617:
حلو قوى يا لقاء ماشاء الله بجد تسلم ايدك حلو جدا
بس عايزه اسالك علي حاجه بتعملى البيكاتا ازاى؟
لان شفت الصور بتاع البنات كلهم بيبقي الصوص بتاعهم فاتح وانا بصراحه مش بحبها كده
لكن الصوص بتاعك لونه غامق

بصي البيكاتا انا بجيب البوفتيك بحطة في لمونة وملح وفلفل

واسيبهم ساعة مثلا في التلاجة

وبعد كدة بطلعهم واجيب تومة واقطعها قطع صغنونة واشوحها وبعدين بصلة واقطعها مكعبات صغنونة اوووووي

وبعدين احطهم فوق التومة واحمرهم لحد مايقربوا يتحرقوا

وبعدين اجيب طاسة تانية احمر البوفتيك في معلقتين زيت او سمنة لحد مايقرب يستوي

وبعدين احطهم فوق التوم والبصل

واحط فوقيهم المشروم بعد ما اغسلة كويس اوووي

وبعدين في نفس الطاسة اللي حمرت فيها البوفتيك ازود شوية زيت صغننين او سمنة

مع معلقتين دقيق

واحمرهم في السمنة دي بسرعة عشان مش يكلكع

واقعد كل شوية ازود مية علشان اعمل السوس دة لحد مايكون في نفس سمك بتاع البشاميل كدة

وبعدين احطة فوق البيكاتا

واغطيهم

وممكن تزودي المية شوية هتلاقي الصوص دة بقى غامق بالشكل دة

وماما بقى بتعمل حاجة بتحرق معلقة سكر معاهم بتغمقها برضة

بس انا بتاعتي كانت من غير السكر

رشرووش;13600638:


يمممممممممممممممممممممممممممممممممممممممى

Bird amore;13600725:
ما شاء الله يا لقاء اكلة يجنن تسلم ايدك و منورة

منور بيكم ياقمراااات

ما شاء الله
تسلم ايدك يا لقاء ايه الحاجات الجامده دى ما شاء الله
انتى بقى لما تروحى بيتك و تطبخى بقى هتكسرى الدنيا ما شاء الله

بجد الاكل شكل يم يم يم خالص
و عملتى البطاطس الكروكيت دى ازاى يا ترى؟

انا عندى شوايه زى اللى فى الصوره بتاعت لقاء اللى بتتحط على البوتجاز

ياترى بتطلع المشويات طعمها حلو؟؟؟؟؟؟؟؟؟؟؟؟؟؟؟؟

miramiro;13600843:
ما شاء الله
تسلم ايدك يا لقاء ايه الحاجات الجامده دى ما شاء الله
انتى بقى لما تروحى بيتك و تطبخى بقى هتكسرى الدنيا ما شاء الله

بجد الاكل شكل يم يم يم خالص
و عملتى البطاطس الكروكيت دى ازاى يا ترى؟

ادعولي ربنا يرجعني لزوجي على خير ان شاء الله :)

البطاطس دي سهلة مووت

بتجيبي بطاطس تقطعيها وتسلقيها

ممكن شرايح زي بتاعة الفرن بتبقى حلوة برضة

وبعدين تسلقيها بعد كدة تطلعيها تهدى شوية وبعدين تجيبي بيضة او 2 وفيجيتار وبقسماط مطحون

وتحمريها عادي زي البانية

وفي خطوة المفروض بتتعمل قبل الفيجيتار انك تحطيها في دقيق بس حسيتها بالفيجيتار بس اخف

miramiro;13600852:
انا عندى شوايه زى اللى فى الصوره بتاعت لقاء اللى بتتحط على البوتجاز

ياترى بتطلع المشويات طعمها حلو؟؟؟؟؟؟؟؟؟؟؟؟؟؟؟؟

اة بجد حلوة اوووي اوووي

ودي صورتها اول ما اشترتها