18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

دموع اشتياقي;13597095:
ناني لو سمحتي عايزه طريقه الكبسه الي انتي بتعمليها وتسلم ايديكم يا بنات بجد

ايمى
ازيك
ما شاء الله شكل الفطير جميل و ميرسى على الطريقه
انا كنت عامله اقتباس ومش عارفه راح فين :hysterical::hysterical:
و تم التقييم يا حبيبتى
بس بدل ما ماكتب تسلم ايدك
كتبت ايدم :o:o:o:o

miramiro;13597445:
الف سلامه عليكى يا ام عمر
شافاكى الله و عافاكى ياااااارب

ميرسى على الطريقه يا سوسى
بس معلش ليا اسئله متعبه انا

انتى بتستخدمى قشطه نوع ايه و ياريت لو فى صورة يبقى تمام خالص
وانتى بتجيبى جنبه كريمه منين؟ من كارفور و لا اولاد رجب و لا منين وبتبقى بكاام؟
و كوب القهوه التقيله اللى من غير سكر دى بتتعمل ازاى؟؟؟؟ وممكن بدل اقهوه اعمل كاكاو؟ اصلى مش بحب القهوه اوى يعنى :o

ولا متعبة ولا حاجة يا ميرا انتي تؤمري يا قمر
الجبنة الكريمة بجيبها من اولاد رجب الكيلو بحوالي 12 جنيه
والقشطة بجيبها من عند واحد بتاع منتجات البان قريب مني
والقهوة اعمليها عادي خالص بس ماتحطيش فيها سكر يعني اعملي معلقة صغيرة ونص قهوة واملي الكنكة الصغيرة وحطيها علي نار هادية يعني قهوة عادية خالص
وعادي جربيها بكاكاو اكيد هاتبقي حلوة برضو مش هاتقول لا

دموع اشتياقي;13597095:
ناني لو سمحتي عايزه طريقه الكبسه الي انتي بتعمليها وتسلم ايديكم يا بنات بجد

من عنيا حبيبتي

حلة فيها سمنه او زيت شوحي بصله صغيرة وقرن فلفل اخضر يسلام لو حراق وحبهان وورق لورا وفلفل اسود حب وقرفه عيدان و3 قرنفل ووحدة لومي ومعلقة صلصه واللحمه او الفراخ وبعدين زودي ميه وسيبي اللحمه او الفراخ تستوي ولما يقربوا يستوا ظبطي الملح

وبعدين شيلي اللحمة او الفراخ في صينيه وحمريهم في الفرن ومعاهم حتة فحمه بتدي نكهه حلوة

والشوربه بقى اعملي فيها الرز صفيها لو مش بتحبي شكل البهارات باين في الرز بس قلبي الرز الاول كتير في معلقة زيت او سمنه صغيرة عشان ميعجنش بيبقى مفلفل بيبقى احلى ولكل كوبايه رز كوبايتين الا ربع من الشوربه وبس كدة

وممكن تزودي شويه مكسرات على الوش لو حابه

ام عمر افندى;13597358:
ازيكم يا انسااات عاملين ايه واحشينى جدا بجد نفسى ادخل كتير بس دور البرد عامل عمايله معايا ومبهدلنى اوى
سوسى ايه الجمال دا تسلم ايدك حلو اوى الرمان
مشمشه تسلم ايدك على الشاورما شكلها جميييل
بسبس هااانم اعمليلنا البانيه بنفسك ونزليه بموضوع عشان نشوف هيطلع عامل ازاااى وتشكرى مقدما
دلوقتى انا عندى فرخه كبيره 1300جرام ومش عاوره اعملها صحيحه كده عاوزة اعملها اى حاجه شيش طاووق شاورما الصدور بانيه والوراك اى حاجه مش عارفه قولولى كده اقتراحتكم ايه
مع انى عندى حاله زهق شنييع من المطبخ ومليش نفس للطبخ خااااالص

الف سلامة عليكي حبيبتي

والفرخة ما تقطعيها 8 قطع وتعمليها كنتاكي بطريقة بسبس انا متحمسه اجرب الطريقة دي جدا

miramiro;13597399:
انتى بتعمليها من غير بيض زى الشيف اسامه يا نانى؟
و جربتى البيكنج بوده و من غير البيكنج بودر اللى بالبيض احلى؟




;)

هي ايه اللى من غير بيض يا ميرا؟؟

أنا حأجرب الطريقه دي لما جوزي يسافر فرصه هو ملوش في الكنتاكي بس أنا بحبها و حأعملها يوم الفري بتاعي ههههههههههههههههههه

نانى كويس انك هنا

انا بعمل دلوقت التورتة بطريقتك و دخلتلها الفرن من 5 دقايق على درجة حرارة 170 اخليها ع الدرجة دى ولا اعلى شوية و لا اية ؟؟؟؟؟؟؟؟؟

قررت اعملها النهاردة و ازينه ابكرة بلليل علشان مش فاضبة بكرة و بصحى مـتأخر مش حلحق اعملها بكرة بالليل و ازينها السبت

و عاوزة اعرف كمان اجيب اد اية كريمة شانتية بودر علشان يكفى التورتة

اجيب ربع و لا نص

هو انتي فرنك حامي ولا عادي

لو عادي اعمليه على 180

لو حامي سبيها كدة

بصي اضمن حاجة اعمليها على نفس الدرجة اللى بتعملي عليها كيك كل مرة هي زي اي كيك

نانى ازيك
عامله ايه

حشو وتغطيه يبقوا 3 اكياس تقريبا اللى في السوبر ماركت لكن لو سايب مش عرفة ممكن ام بودي تفيدك اكتر في الموضوع دة

انا علطول بعمل اى كيك على ردجة 170 لانة بيحرق الفرن عندى الحاجة بسرعة

ميرسى يا نانى على ردك السريع

و يارب ام بودى تدخل ترد عليا فى موضوع الكريمة

اه بعملها بزبادى على طول او شوية لبن بيبقى طعمها حلو

السلام عليكم ورحمه الله
كيفكم .......ياحلوين

Bird amore;13598014:
انا علطول بعمل اى كيك على ردجة 170 لانة بيحرق الفرن عندى الحاجة بسرعة

ميرسى يا نانى على ردك السريع

و يارب ام بودى تدخل ترد عليا فى موضوع الكريمة

هاتي ربع يا شيكو كويس قوي و لو عايزة تبقي لون مختلف عن الأبيض تضيفي كاكاو أو تيجبي أيس كريم بودرة و تضيفي ليه كريم شانتيه بودرة عشان يكون ماسك نفسه و كل 11 م ص مليانة تحطي ليها كوبايه لبن ساقع جدا و سكر بودره حسب ما تحبي

Boody we zady;13594865:
ده غير شوربه الخضار يا غدير؟؟؟؟؟؟ اعمليه سوتيه بحله البخار لو عمدك لو مش عندك اعملي الأتي هاتي مصفاه و حطيها علي الحله و حطي جوه الحله دي ميه و ليمون و ملحي و حطي فلفل علي الخضار و حطيه في المصفاه و غطيها و سيبيها تستوي علي نار متوسطة عادي حيطلع سوتيه تحفه

monyfofo;13595246:
رورو الف مبروووووك الحمل ربنا يقومك بالسلامه يارب




بصى قطعى الكوسه والبطاطس مكعبات صغيره وحطي كل الخضار فى صنيه وحطى عليهم شويه عصير طماطم بس مش كتير وحطى ملح وفلفل واى توابل تانيه انتى بتحبيها وحطيها فى الفرن وكل ما تنشف زودى شوربه او مايه هيطلع طعمها حلو اوى




لو عندك لبن او زبادى
حطى شويه فى طبق وحطى فيهم الفراخ وبعدين حطيهم فى الفيجيتار

sosiii-cat;13595278:
تسلم ايدك يا مشمشة




بسبس بسبس بسبس

هو طلع شكله كدة معاكي بالظبط بالظبط ولا ايه ؟
انا نفسي اجربه اووي
وانتي كنتي قايلة الطريقة دي احسن في الفيليه ليه ؟
طيب انا عندي فرخة صغننة كيلو مية هاتبقي حلوة لا ايه ؟




اعمليه طاجن تورلي يا دودو مع رز ابيض وسلطة خضرا




اللوز اسلقيه شوية وطلعيه تحت مية الحنفية يبرد وقشريه وحطيه في حتت زبدة لغاية ما لونه يصفر وبس
والبندق حمصيه في طاسة من غير دهون طبعا لغاية ما تلاقي القشر بدأ ينفصل عته
والزبيب بالمرة حمريه في حتت زبدة برضو هاتلاقيه اتنفخ كدة ولما تشيليه هايرجع لحجمه الطبيعي تاني بس وهو محمر كدة بيبقي طعمه زي الكراميل :thumbs_up:




ايوة يا جميل اسمها سبايسي
والبانيه عادي انا ساعات بتبلها واشيلها من التتبيلة علي الفيجيتار علي طول هايبقي مقرمش اكتر من ما تحطيه في دقيق وبيض مش بيعمل طبقة خارجية كدة

ناني فيبس;13596239:
اه في العجان البيض والسكر والفانيليا على اعلى سرعه وبعد كدة وقفي خالص وحطي الدقيق وقلبي بسباتيولا او معلقة خشب في اتجاه واحد من تحت لفوق



جميله اوي بالف هنا وشفا



ايوووووووووة يا بسبس هو دة للاسف ملقتلهاش صورة تقريبيه غير اللى حطيتها هههههههههه وطبعا مكنتش هي انا عرفه







سوسو قامت بالواجب




عايزاه حاجة دايت ولا عادي؟
عندي طريقة ماتنفعش دايت




اه هتلاقيهم في السوبر ماركت

واللوز حطيه في ميه سخنه دقيقة بس ماتسلقيهوش لا بس سبيه في الميه هتلاقي القشرة بتطلع بمنتهى السهوله زي الترمس هههههههههه

وبعد كدة تشوحيهم في شويه زيت او سمنه يبقوا دهبي وتحطيهم على وش الكبسه

وياريت تحمري الزبيب لوحده لانه مش بياخد وقت زيهم عشان مايتحرقش ويمرر

وممكن تحطي كبشه زبيب مع الرز وهو بيستوي بيبقى حلو اوي واحلى من اللى بيتحمر

Bird amore;13597243:
اعملى تورلى او ورقة لحمة بالخضار

Boody we zady;13597880:
أنا حأجرب الطريقه دي لما جوزي يسافر فرصه هو ملوش في الكنتاكي بس أنا بحبها و حأعملها يوم الفري بتاعي ههههههههههههههههههه

تسلمواا كلكو يا بناات انا عايزاكو تقولولى كل الطرق اللى اعمل بيها خضار ومش للدايت انا بعملها لجوزى بس عندى كميه كبيره وعايزه انوع فيهم يعنى التورلى ورق اللحمه والحاجات دى بتتعمل ازاااى ؟؟؟

du;13599057:
تسلمواا كلكو يا بناات انا عايزاكو تقولولى كل الطرق اللى اعمل بيها خضار ومش للدايت انا بعملها لجوزى بس عندى كميه كبيره وعايزه انوع فيهم يعنى التورلى ورق اللحمه والحاجات دى بتتعمل ازاااى ؟؟؟

بصي يا دودو التورلي تقطعي بطاطس وجزر مكعبات وبسلة وفاصوليا وممكن باذنجان كمان رومي مكعبات وكوسة وبصل وتوم حلقات وقطع لحمة مسلوقة نص سلق وتحطي كله علي بعضه في الصينية .
وتحضري عصير طماطم متدوب فيه معلقتين صلصة ومكعب مرقة دجاج وكوباية شوربة وملح وفلفل
وتحطي كل دة علي الخضار وتحطيه علي البوتجاز يغلي غلوتين تلاتة وبعدين تدخليه الفرن يكمل سوا ولما يستوي تفتحي الشواية علشان الوش يتحمر وياسلام لو عملتيه في طاجن فخار بقي يبقي احلي

شكرا يا ناني عطريقه تسلمي يارب

عملت النهرده ايس كريم الاوريو بتاع العضوه هند ربنا يحفظها ويسعدها يارب

وطلع جنان احلي من ايس كريم باسكن روبنز والصور اهه

sosiii-cat;13599213:
بصي يا دودو التورلي تقطعي بطاطس وجزر مكعبات وبسلة وفاصوليا وممكن باذنجان كمان رومي مكعبات وكوسة وبصل وتوم حلقات وقطع لحمة مسلوقة نص سلق وتحطي كله علي بعضه في الصينية .
وتحضري عصير طماطم متدوب فيه معلقتين صلصة ومكعب مرقة دجاج وكوباية شوربة وملح وفلفل
وتحطي كل دة علي الخضار وتحطيه علي البوتجاز يغلي غلوتين تلاتة وبعدين تدخليه الفرن يكمل سوا ولما يستوي تفتحي الشواية علشان الوش يتحمر وياسلام لو عملتيه في طاجن فخار بقي يبقي احلي

تسلمى يا قمر هبقى اعملها ان شاء الله

du;13599057:
تسلمواا كلكو يا بناات انا عايزاكو تقولولى كل الطرق اللى اعمل بيها خضار ومش للدايت انا بعملها لجوزى بس عندى كميه كبيره وعايزه انوع فيهم يعنى التورلى ورق اللحمه والحاجات دى بتتعمل ازاااى ؟؟؟

ممكن تعملى صينيه خضار مشكل باللحمه او الفراخ لو بالفراخ
هاتحطى الخضار فى الصينيه وتضربى طماطم مع بصل وجزر فى الخلاط وتكونى متبله فراخ او مش متبلاها عادى يعنى وترصيها فوق الخضار وتحطى الطماطم مع الملح والفلفل والبهارات ومعلقة سمنه او من غير انا مابحطش وتديها غلوه من عالبوتاجاز وتدخليها الفرن بس وااااااااااااااو
ولو هاتعمليها بلحمه نفس الطريقه بس حمرى السمنه من الناحيتين قبل ماتحطيها عالخضار ده لو مابتاخدش سوا لكن لو بتاخد هاتسويها نص سوا وبعد كده تحطيها على الصينيه


وممكن تعملى رز بالخضار ده كله وتعمليه بالبشاميل
هاتشوحى الخضار فى سمنه مع بصله مفرومه وتنزلى الميه والملح والفلفل والبهارات والمرقه وتسيبيها تستوى نص سوا وتحطى الرز وتسويه عادى واما يستوى حطى نصه فى صينيه وعليه لحمه مفرومه وعليه باقى الرز وعالوش بشاميل ورشة جبنه وعالفرن

وممكن تاكلى الرز كده جمب كفته او بانيه او اى حاجه بيبقى طعمه جميل اوى برده لو افتكرت حاجه تانى هاجى اقوللك

تسلم ايدك ياايمان الطريقه بقى ممكن