Boody we zady;13419812:
في انتظار ردوود الفعل يا سوسي و ماما ليها معايا ذكري في موضوع الكنافه يا رب دي كمان تعجبها ههههههههه
هههههههههه ايوة صحيح يا ام بودي هي اي حاجة ليكي دلوقتي بتجربها وهي مغمضة ربنا يكرمك :)
sweetyronaaa;13423518:
بنات هو التشيكن رول لازم اقفله بخله
و لا ينفع اقفله كده من غير خله
و الاحسن احطه في الفريزر يتجمد شويه و بعد كده احمره و لا احمره على طول
ردوا عليا بسرعه عشان هعمله النهارده
لا مش لازم غلفيه بورق فويل واسلقيه زي ماهو في الورق كدة في مية فيها بصلة سواء هاتقليه او هاياخد وش في الفرن
انا علي فكرة بعملها والفها في ورق الفويل واسيبها في الفريزر كل فترة اطلع منها واسلق علي طول :thumbs_up:
miramiro;13420639:
سوسى
يعنى مقدار البرغل يبقى ضعف مقدار اللحمه؟
يعنى مثلا نصف كيلو اللحمه ياخد كيلو برغل و لا كيلو الا ربع برغل؟
لالالالا يا ميرا هو الطريقة الاصلية للكبيبة بيبقي البرغل قد اللحمة يعني لو نص كيلو من دة يبقي نص كيلو من التاني برضو بس انا علشان بحبها مقرمشة شوية من برة فبزود البرغل حبة كدة وبالبركة اصلي مش بعمل بمقادير مظبوطة والله بعمل بالنظر كدة ههههههه
ما شاء الله الله اكبر
الاكل شكله جميل اللهم بارك
و لفه ورق العنب دى بتاعتك و لا بتاعت ماما يا سوسى ها;););)
انا عارفه انتى شاطره ما شاء الله
لا دة انا اللي اتدبست في اللف والله هههههههههه :hysterical:
سوسى
ممكن طريقه سلطه التفاح و الباف بسترى بحشوه الفراخ؟
حاضر يا قمر
سلطة التفاح دي عبارة عن 1/2 كابوتشي ونص تفاحة وخيارة وفلفل الوان (من غير طماطم ) :lol::lol::lol: كله متقطع والدريسينج عبارة عن معلقة مستردة + ملح وفلفل + عصير ليمونة + معلقة خل + معلقتين زيت
وحشو الباف باستري عبارة عن صدور فراخ مفرومة وعليها بصلة مبشورة و4 فصوص توم مفرومين ومعلقة زبدة وكسبرة علي بقدونس مفرومين وجبنة شيدر او رومي وموتزاريللا وملح وفلفل ونحشي بيها العجينة والخلطة نية زي ماهي ونقفلها وندهنها لبن وندخلها الفرن وبس
وليه مش عملتى موضوع خاص بالاكل الجميل ده ما شاء الله
و سوسى صحيح الحمام عندك بقى بكام؟
ربنا يخليكي يا ميرا دة من زوقك يا قمر
مش عارفة والله الحمام بكام دة بابا اللي جايبه :)
تسلم ايدك يا قطقوطه يا شطورة
وان شاء الله المره الجايه تطلع احلى كمان:)
انا جوعت يا ام محمد :confused::confused::confused::confused:
ما شاء الله شكلها طريقه حلوة اوى
انابحب المكرونه بالبشاميل اووووى
نانى
تسلم ايدك طبعا
بس عرفينا ده اسمه ايه ؟ و ياترى ايه هى المكونات :!!::!!::!!:
ما شاء الله تسلم ايدك يا ام بودى
سوسى
معلش هتعبك معايا انا اسفه
هى كميه الورق العنب كانت اد ايه و اخذت ارز وخضره اد ايه؟
والتشيز كيك معلش
انتى استخدمتى بسكوت نوعه ايه؟
و الويبنج كريم كانت العلبه الصغيره ؟
و 2 جبنه كيرى يعنى 2 مكعب كيرى صح؟
معلش انااسفه على اسئلتى الكتيرة دى بس دى مهمه ليا اوى علشان مبتدئه ونفسى الحاجه تضبط معايا ياااارب :o:o
لا ماتقوليش كدة يا حبيبة قلبي
بصي التشيز كيك استخدمت بسكويت فيري عادي ومكعبين كيري فعلا والويبينج كريم كانت العلبة الصغيرة
وورق العنب بقي كان حوالي نص كيلو علي كوباية رز وشوية كدة وحزمة شبت وبقدونس
سوسى
انا الكيكه عندى بتكون مستويهمن النص و الجنب
بس بتبقى عاليه من الجوانب و سايبه الصنيه يعنى مش لازقه فيها خالص و هبطت من النص
ياترى بتبقى كده ليه؟؟؟؟؟؟؟؟؟
ربنا يخليه لكى و يلاقى اكلات كمان و كمان :D:D:D
طيب يا ميرا بتكوني فاتحة الفرن من اول ماتبدأي تشتغلي فيها ؟ وفتحتي عليها مثلا قبل تلت ساعة ؟
فراشة الإيمان;13423882:
عملت البيكاتا قبل كده ومش استلزها قوى قالى كويسه
مش دى برده اللى قصدك عليها
قدمته مع رز وبطاطس محمره
تسلم ايدك يا قمر
*pippo*;13424691:
هى الفراخ اللى بنشويها فى الكيس الحرارى لازم تبقى بيضا عشان تستوى بسرعة ولا عادى ممكن حمرا او بلدى؟ وانهى احسن؟ وبتاخد قد ايه فى السوا؟
اي نوع فراخ يا بيبو مش هاتفرق بس بلاش بلدي البلدي دي عايزة تتسلق وتتحمر ويتشرب شربتها :) وتسيبيها فيه براحتها خالص لما تستوي وتتحمر من غير ماتحتاجي تفتحي الكيس والشواية
بيرق أمل;13425072:
ازيكم يا بنانيت وحشتووووووووووووووووووني بجد والله جداااا
عندي تقارير من غير صور ينفع ولا مينفعش :o
يوم الجمعة عملت سمك شاخورة مشوية طلعت واااااااااو بطريقة جديدة ومختلفة تماما بجد روعة وشويتها في البيت كمان اسهل من كده مفيش، وناويه ان شاء الله الايام الجاية اعملها تاني واصور الطريقة
ويوم السبت عملت بسبوسة شيمو عند عمتو، وكان اخو زوجها وعياله عندها وعملتها قبلها بحبه
بصراحة اتجنووووووو عليها بقى اخو جوز عمتي يقوله انت شاري البسبوسه دي منين يقوله طيب كل الاول وبعدين اقولك، وجوز عمتي بقى منشكح بيا قوي ههههههههههههههه :lol: اصله بيعزني جدا والله وانا باعزه قوووووي ربنا يعلم ... المهم
انهرده عامله كبسة سوسي وشوحت في الكبسة جزر عشان شيمو دايما تشكر في الجزر قولت اضيفه وعاملاها على فراخ ورز ابيض
عندي بسمتي بس ميكفيش الكمية خالص ومش لاقية حد يجيب واستحاااالة هانزل خلاص 8o|
تسلم ايدك يا نور اول مرة اسمع عن السمك الشاجورة دة
وان شاء الله الكبسة تطلع حلوة يا قمر
