18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

جامممممممد يا سوسي تسلم الايادي وخاصه الحمام الي محشي رز ده تمامووز اوي يا بنتي بالهنا والشفاااا
رورو وحشتونى وحشتونى وحشتووووونى فييينك طمنيني عليكي داايماا يا بنتي ومحمد اه كبر وبئا جحش هههههههههههه 5 شهور ربنا يحميه
مايونيز كلك ذوق يا عسل انتي وكل البنات

بشكر كلللللللللل البنات الى ساعدونى فى المكرونه بالبشاميل ربنا يكرمكم يارب والحمد لله البشاميل طلع حلو بس الى مش طلع حلو هو البقسماط محستهوش ضاف حاجه حلوة للطعم بالعكس كان مخلى الطعم غريب شويه وان شاء الله بعد كدة مش هبقى افرش الصنيه بيه وابقا احط المكرونه على طول

الف هنا على قلبك يا قطقوطا بس للاسف مخدتش بالي انك كنتي طالبه مكرونه بشاميل بس طريقتي انا كالتالي
بحضر المفروم الاول بصلة طبعا تتشوح وفيها المفروم ونضيف الملح والفلفل الاسمر واقفلي عليها
تروحي بئا جايبه طماطماتين على معلقه صلصه وتسبيكيهم بردو يف بصلايه صغننه ولما تتشبك وتحمر جامد شيلي نصها قلبيه على المفروم وخلي باقي الصلصه على جنب
تجي بئاا لسلق المكرونه تسلقيهاا بس مش جامد وتشيليها على جنب
تيجي بئا للبشاميل
كيلو لبن مثلا وتجيبي معلقتين تلاته سمنه تحميهم على النار وعليهم معلقتين تلاته دقيق وتفضلي تقلبي فيهم لحد ما تحسي ان الدقيق قرب يحمر ويكون في ايدك مضرب البيض وتحطي اللبن شويا شويا وتلفي جامد وتضيفي الملح والفلفل الاسمر كتريه شويا وبعدين لما تبدا تعمل فقاعات على الوش اقفلي عليها
وانا لا احبذ الجبنه ولا البقسماط ولا اي حاجه
هتجيبي صينيتك بئاا تدهني قعرها بشاميل وبعدين تجيبي المكرونه الي سلقتيها وتقلبي عليها كم معلقه بشاميل لحد ما تحسي ان المكرونه بتمسك في بعضها وبعدين تفردي نصها يف الصينيه من تحت وبعدين اللحمه ام صلصه في النص وبعدين على الووش باقي المكرونه وبعدين تحطي فوقها ااخر طبقة بشاميل عندك وتساويها كوويس ولو هتلزق في ايدك بلي ايدك شويه ميااا وافردي كوويس ونضفي صنيتك وبعدين تجيبي الصلصه ايل شلتها من الاول تدهني بمعلقين الووش وعليها بئا في الاخر حته سمنه بلدي متنطوره كده او زبده وافتحي فرنك بئا ودخليهاااا سويها من تحت الاول شويا لحد ما تحسي ان الاطراف بدات تحمر وبعدين طلعيها على الشبكه وشغلي الشعله ايل فوق عشان الوش يتحمممر
بصي هو الوش كده هيتحممر بالصلصه بس في ناس بئااا بتجيب بيضه وترربهااا كويس بملح وفلفل وتحطهاا فوق اخر وشها تدهن بيها وش الصينيه عشان البيض في البشاميل بيكون مش ظريف واحنا بنحطه عشان البشاميل وشه يصفر بس وبكده نكون قضينا الغرض بس طبعا تحطي البيضه قبل ما تحطي الصينيه اساسا في الفرن والطريقه دي انا بحبها بصراحه واهم حاجه في البشاميل انه يكون مش عالي اووي يعني الخرطه لما تخرطيها تكون معقوله عشان ميبئااش بيلكم
وبعدين تطلعيها من الفرن متقطعيهاش وهي سخنه عشان مش تتفرفت منك تسيبيها تبرد على راحتها لحد ما تبئا دافيه شويا وتقطعيها بئاااا
ويا سلام لو عندك ششطه من يال بتكون في ازايز دي ام شطه وخل دي بتكون تحفه معاها

مشمش ام محمد;13411137:
الف هنا على قلبك يا قطقوطا بس للاسف مخدتش بالي انك كنتي طالبه مكرونه بشاميل بس طريقتي انا كالتالي
بحضر المفروم الاول بصلة طبعا تتشوح وفيها المفروم ونضيف الملح والفلفل الاسمر واقفلي عليها
تروحي بئا جايبه طماطماتين على معلقه صلصه وتسبيكيهم بردو يف بصلايه صغننه ولما تتشبك وتحمر جامد شيلي نصها قلبيه على المفروم وخلي باقي الصلصه على جنب
تجي بئاا لسلق المكرونه تسلقيهاا بس مش جامد وتشيليها على جنب
تيجي بئا للبشاميل
كيلو لبن مثلا وتجيبي معلقتين تلاته سمنه تحميهم على النار وعليهم معلقتين تلاته دقيق وتفضلي تقلبي فيهم لحد ما تحسي ان الدقيق قرب يحمر ويكون في ايدك مضرب البيض وتحطي اللبن شويا شويا وتلفي جامد وتضيفي الملح والفلفل الاسمر كتريه شويا وبعدين لما تبدا تعمل فقاعات على الوش اقفلي عليها
وانا لا احبذ الجبنه ولا البقسماط ولا اي حاجه
هتجيبي صينيتك بئاا تدهني قعرها بشاميل وبعدين تجيبي المكرونه الي سلقتيها وتقلبي عليها كم معلقه بشاميل لحد ما تحسي ان المكرونه بتمسك في بعضها وبعدين تفردي نصها يف الصينيه من تحت وبعدين اللحمه ام صلصه في النص وبعدين على الووش باقي المكرونه وبعدين تحطي فوقها ااخر طبقة بشاميل عندك وتساويها كوويس ولو هتلزق في ايدك بلي ايدك شويه ميااا وافردي كوويس ونضفي صنيتك وبعدين تجيبي الصلصه ايل شلتها من الاول تدهني بمعلقين الووش وعليها بئا في الاخر حته سمنه بلدي متنطوره كده او زبده وافتحي فرنك بئا ودخليهاااا سويها من تحت الاول شويا لحد ما تحسي ان الاطراف بدات تحمر وبعدين طلعيها على الشبكه وشغلي الشعله ايل فوق عشان الوش يتحمممر
بصي هو الوش كده هيتحممر بالصلصه بس في ناس بئااا بتجيب بيضه وترربهااا كويس بملح وفلفل وتحطهاا فوق اخر وشها تدهن بيها وش الصينيه عشان البيض في البشاميل بيكون مش ظريف واحنا بنحطه عشان البشاميل وشه يصفر بس وبكده نكون قضينا الغرض بس طبعا تحطي البيضه قبل ما تحطي الصينيه اساسا في الفرن والطريقه دي انا بحبها بصراحه واهم حاجه في البشاميل انه يكون مش عالي اووي يعني الخرطه لما تخرطيها تكون معقوله عشان ميبئااش بيلكم
وبعدين تطلعيها من الفرن متقطعيهاش وهي سخنه عشان مش تتفرفت منك تسيبيها تبرد على راحتها لحد ما تبئا دافيه شويا وتقطعيها بئاااا
ويا سلام لو عندك ششطه من يال بتكون في ازايز دي ام شطه وخل دي بتكون تحفه معاها

تسلمى يامشمش ربنا يكرمك يارررررررررررررررب ويباركلك فى محمد اللهم امين يارب

معلش انا كتبت جمبري بانيه دة غلط انا كنت اقصد سمك مش جمبري


وكفته جمبري بنزل طريقتها بالتفصيل في موضوع واه بتبقى حلوة اوي بس انا بحبها بالطريقة اللى انا بعملها بس لاني مش بخليها معجنه لا بيكونفيها قطع جمبري وضحه اوي


ام بودي اهو اللى جوزي عمله ومش عرفه اسمه ايه ههههههههههههههههههههه بس كان حلو

مشمش



واااااااااااو الطبق بتاع اكل العزومة جامد جدا تسلم ايدك البيكاتا شكلها يشهي جدا

معلش انا كنت عمله اقتباسات لكن النت فصل فكسلت اعيد من الاول ههههه:D

Boody we zady;13408796:
كده يا سااااااااااااااااااااااااااااالي يعني مشفتيش البيتبفور بتاعي اللي في الموقع عملته و الله طلع تحفه يا قمر و بسيط و سهل

فعلا يا سالي جربي طريقة البتيفور بتاعت ام بودي وانتي مغمضة انا عملته والله كلهم قالوا انه احلى من الجاهز


ميه ميه يا ام بودي :thumbs_up::thumbs_up::thumbs_up:

برادايس


زي ما كتكوته قالتلك بالظبط بخصوص الكيكه هي فعلا كانت لسه ما استوتش وانتي استعجلتي وقفلتي عليها قبل ما تستوي


لان انا اول مرة اعملها عملت معايا كدة بس كنت عامله صنيتين منفصلين رحت مدخله الصينيه التانيه الفرن تاني بعد ما كنت خرجتها وكملت سوا عادي جدا وعلى فكرة هي دي اللى بحكيلك عليها اللى في صورة الموضوع بتاعي تصدقي بقى هخههههههههههههه


يعني اللى كانت في الصورة دي كانت طلعت نيه ودخلتها تاني تكمل سوا ههههههه


وعلى فكرة موضوع انك تسبيها في الفرن بعد ما تطفي دة عادي جدا انا اصلا لازم اعمل كدة في كل الكيكات بتبقى احسن ومتخليها تهبط في حالة انها استوت كويس قبل ما اطفي من الاول

سوسيييييي.. عايزة طريقة التشيز كيك ... :thumbs_up:

ناني فيبس;13411808:
معلش انا كتبت جمبري بانيه دة غلط انا كنت اقصد سمك مش جمبري


وكفته جمبري بنزل طريقتها بالتفصيل في موضوع واه بتبقى حلوة اوي بس انا بحبها بالطريقة اللى انا بعملها بس لاني مش بخليها معجنه لا بيكونفيها قطع جمبري وضحه اوي


ام بودي اهو اللى جوزي عمله ومش عرفه اسمه ايه ههههههههههههههههههههه بس كان حلو

دا معمول ازاي وللا من ايه ده ههههههههههههههه شكله مقرمش :thumbs_up:
يا خسارة كان نفسي يكون جمبري بانيه عايزة طريقة حلوة و متجربة لجمبري بانيه :)
و حستنى موضوع كفتة الجمبري

مونى لو تقصدى بالجمبرى البانيه الى هو متقشر ومعمول فى الدقيق عادى فانا بعملو بطريقه حلوة بصى ياستى بعد متغسليه حطى عليه توم كتيير مفروم وملح وكمون وخل بس اضربي الخلطه دى فى الخلاط مع شويه مايه وشويه بقدونس صغيرين لو ليكى فيه وبعد كدة ضيفى الخلطه دى على الجمبرى وبسيبو فيها من بليل واجى تانى يوم اعملو فى دقيق وبقسماط وبيكون طعمو جميل ومقرمش

http://forums.3roos.com/showthread.php?p=13412590#post13412590


كفتة الجمبري

عملت سمك بلطي زي الفيليه بس محموش حبتين معلش
تبلته بفلفل اخضر وبشر طماطم وتوم وشطه وكمون وملح وقطعت الراس وفتحته من الديل وبالدقيق وفي الزيت وطلع كده

سوسي انتي تغيبي تغيبي و تيجي تتحفينيا ههههههههههههههههه تسلم ايدك يا قمر بجد كله كله حلو

ناني ربنا يخليك يا جميل و جوزك شكله عامل حلو يوناني أصلي شوفت حاجة زي دي قبل كده بس عليها شربات هههههههههههه

أنا لما تستوي الكيكه مش بطلعها من الفرن علي طول بفتح باب الفرن و أسنده بالمساكة بتاعه الحاجات السخنة دي شويه و بعد كده أطلعها عشان الكيكه لما تتعرض لتيار هوا بتهبط

اللي حصل يا قمر انها مكنتشي استوت و انتي لما جربتي تشوفيها استوت جربتي من جنب الصينيه لالالالالالالالا المفروض من النص يا جميل عشان كده الجناب مع الحراره كشت و اللي في النص لسه ني

at2ota;13411053:
والحمد لله البشاميل طلع حلو بس الى مش طلع حلو هو البقسماط محستهوش ضاف حاجه حلوة للطعم بالعكس كان مخلى الطعم غريب شويه وان شاء الله بعد كدة مش هبقى افرش الصنيه بيه وابقا احط المكرونه على طول

ليه يا جميلة ده احنا بنحطه عالطول وعلي فكرة بحب طعمه اوي فيها لازم اساسي عندي احطه تحت لكن اللي علي الوش بقي بنوع فيه مرة جبنة رومي كتير ومرة بقسماط بسيط ومرة بحط بيض علي البشاميل في الحلة ومرة من غير وساعات بحط جبنة رومي مع البقسماط علي الوش

sosiii-cat;13410309:


































تشيز كيك

nanoo99;13410514:
ماشاء الله ياسوسى الاكل شكله تحفه ااااااااااااااااااااوى
تسلم ايديك ياقمر

قولى بقى على ورق العنب والتشيز كيك

الله يسلمك يا نانو
ورق العنب عملته عادي خالص بصفر بصلة في الزيت وعليها عصير 2 طماطم واسيبها تتسبك وبعدين احط معلقة صلصة وملح وفلفل اسود وكمون ومعلقة صغيرة من هريسة ايزيس (تحففففففة )
ولو مافيش يبقي شطة عادي وفلفلاية خضرا مبشورة وبعدين اطفي واحط البقدونس والشبت والرز بقي عادي وسقيت بشوربة وربع مكعب مرقة دجاج وربع معلقة صغيرة صلصة وعصير نص فص ليمون وفلفل اسود

التشيز كيك دي بقي يعني مش تشيز كيك هي اختراع شوية ههههه انا وماما عملناها باللي كان متوفر ساعتها في المطبخ بس طلعت جميلة اووي
طبعا بسكويت مطحون وزبدة وزودنا كمان علي البسكويت ملعقة قرفة ادت اضافة حلوة اوي ونضغطها كويس في قالب التشيز كيك
وبعدين ضربنا كيس كريم شانتيه لوحده بمضرب البيض
وضربنا علبة ويبينج كريم لوحدها برضو بمضرب البيض علشان مش بياخدوا نفس الوقت في الضرب طبعا
وبعدين ضربنا تمن كيلو جبنة كريمة مع 2 جبنة كيري ومعلقة كبيرة عسل ابيض وورقة جيلاتين متدوبة في شوية مية دافية حطيناها عليهم بعد ما صفيناها كويس
وخلطنا بقي الجبنة مع الويبنج كريم والكريم شانتيه
بعد مارصينا طبقة البسكويت حطينا فوقيه طبقة خفيفة اوي من الجبنة وبعدين رصينا فراولة مقطعة وبعدين باقي الكمية كلها وسيبناها في التلاجة يوم كامل
ووقت التقديم حطينا عليها من فوق صوص فراولة بتاع فايف مينتس وبس
دي كانت فكرة ماما وطلعت حلوة اوي اوي :thumbs_up:

CuTie KaTkOoTa;13410543:
تسلمي يا سوسي

ورق العنب شكله تحفة ما شاء الله وكل الاكل والتشيز كيك كمان ده صوص فراولة ولا حاجة تانية؟ حساه زي الايس كريم

بس شطورة بجد قليل لما بشوف حد لافف ورق العنب مظبوط كده تسلم ايديكي

الله يسلمك يا ايمي دة صوص فراولة من فايف مينتس بس هو مكتوب الكيس كله علي نص كوباية لبن احنا عملنا نص الكيس علي كوباية لبن حسينا انه كتير وفعلا كدة كمان وطلع مسكر اووي :)

Bird amore;13410549:
شكرا يا سوسى يا قمر ع ردك عليا انا فعلا بفكر فى المندى جداا و داخل دماغى

و الاكل شكلة حلو اوووى جوعتينى على اخر الليل و انا جعانة اصلا ههههه

تسلم ايدك

هههههه الله يسلمك يا شوشو

bonbona we bas;13410590:
حلو قوى يا سوسي ماشاء الله
تسلم ايدك الاكل تحفه
بس هو ايه علاقه ورق العنب بالرمان ههههههههههههههه


لا بجد عارفه اكتر حاجه عجبانى ان واضح ماشاء الله الله كبر ان جوزك عنده استعداد يجرب الاكل الجديد والافكار الجديده اللي انتي بتعمليها ومتعاون يعني ما بيقولش لا ههههههههههه
اصل فيه رجاله كتير مش كده

يا هند دة 99,9 من الرجالة مش كدة عارفاهم انا الرجالة دي كويس هههههههههههه
بس جوزي الحمدلله فعلا زي مانتي بتقولي كدة ماشاء الله عليه بيشجعني اجرب علي طول ومابيحبش الاكل التقليدي حتي لو مرة حاجة طلعت وحشة بيستحمل ومابيتكلمش :worn_out:وبيقوللي تسلم ايدك ههههههه ربنا يهديه يارب

وعلاقة ورق العنب بالرمان بقي اني أكلته في مطعم سوري قبل كدة في السعودية كان عليه رمان كدة بنفس الشكل بس الفرق انهم كانوا مقدمينه كمقبلات يعني كان بارد وبيحطوا طماطم قليل اوي وني في ني
بس هو كان مدي مزازة حلوة وكمان شكل ههههه:)

manyaa;13410848:
:biggrin::biggrin:ماشاءالله الله اكبر.. تحححفة الأكل يجنن و شكله يفتح النفس.... بس أنا مبحبش الحمام ... لكن حعتبره فراخ مش مشكلة :)
تسلم ايدك يا جميل

الله يسلمك يا اماني .. حد مايحبش الحمام برضو :biggrin:

مايونيز;13410916:
تسلم ايديكوا يابنات الاكل شكله يجنن سوسي وندي ام محمد وشاهي ماشاء الله الاكل تحفه

رورو ازيك ياقمر وحشتيني اوي ازيك وازي جوجو يارب تكونوا بخير

سوسي ممكن طريقة التشيز كيك؟؟؟؟؟

الله يسلمك يا مايو التشيز كيك كتبتها فوق اهي يا قمر

sally2007;13410936:
انا مقدرشى على زعلك ياقمر حالا هشوفهخا وربنا يكرمك ياقمر


تسلم ايدك ياسوسى الاكل شكلة تحفة
بس قوليلى ليه حطة رمان على ورق العنب

الله يسلمك يا سالي وقلت سبب الرمان فوق برضو يا قمرة

مشمش ام محمد;13411052:
جامممممممد يا سوسي تسلم الايادي وخاصه الحمام الي محشي رز ده تمامووز اوي يا بنتي بالهنا والشفاااا
رورو وحشتونى وحشتونى وحشتووووونى فييينك طمنيني عليكي داايماا يا بنتي ومحمد اه كبر وبئا جحش هههههههههههه 5 شهور ربنا يحميه
مايونيز كلك ذوق يا عسل انتي وكل البنات

الله يهنيكي يا مشمشة تسلمي يا قمر

manyaa;13412227:
سوسيييييي.. عايزة طريقة التشيز كيك ... :thumbs_up:

دا معمول ازاي وللا من ايه ده ههههههههههههههه شكله مقرمش :thumbs_up:
يا خسارة كان نفسي يكون جمبري بانيه عايزة طريقة حلوة و متجربة لجمبري بانيه :)
و حستنى موضوع كفتة الجمبري

فوق يا اماني ان شاء الله تعجبك

مشمش ام محمد;13413304:
عملت سمك بلطي زي الفيليه بس محموش حبتين معلش
تبلته بفلفل اخضر وبشر طماطم وتوم وشطه وكمون وملح وقطعت الراس وفتحته من الديل وبالدقيق وفي الزيت وطلع كده

تسلم ايدك يا مشمش نفسي في سمكككككك هههههه:)

Boody we zady;13413364:
سوسي انتي تغيبي تغيبي و تيجي تتحفينيا ههههههههههههههههه تسلم ايدك يا قمر بجد كله كله حلو

هههههههههه اي خدمة يا ام بودي :p

زهورة..;13415567:

السلام عليكم ورحمة الله وبركاته

اللهم بارك شكل الاكل جوعني :)

ممكن طريقة التشيز كيك ؟

تسلمي يا حبيبة قلبي ربنا يخليكي التشيزكيك في المشاركة اللي فوق علي طول

Boody we zady;13415885:

صينيه رقاق باللحمة المفرومة

تسلم ايدك يا ام بودي :thumbs_up::thumbs_up: