18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

Boody we zady;13416930:
ما تخليكي طيب في المضمون أحسن ههههههههههههه انتي عيد جوازك امتي طيب؟

يوم 22 \10 و 2 \ 11

طب بصي أنا حأعمل واحده بالشيكولاته و أنزلها الموقع عشان خاطر عيونك يا قمر و انتي تعملي زيها

خلاص ماشي يا ام بودى
معلش هتعبك معايا

أم يـاسـيـن العسل;13417340:
انهارده ولو اول مره اخلص الغدا الساعه 12 الضهر

عملت فراخ كنتاكى وملوخيه وشوربه

ومخلل اللمون اللى ماما حبيبتى عملتهولى

حلو ا وى يا بنات بالعصفر وحبة البركه بس تخليل سرييييييع

هى عملتهولى لما كنت فى كايرو من كام يوم وبناكل منه دلوقتى حلو جدااااااااااااااا

Boody we zady;13417387:
أنا كمان عملت ملوخيه يا بسبس بصره هههههههههههه بس عملت معاها رقاق باللحمة المفرومة

ههههههههههههههههههههههههه
انا كمان ملوخيه وبط

اه والله يا انوس
فعلا 99% من لارجاله كده
بس الحمدلله ربنا يخليكم لبعض يارب ويباركلك فيه ويهديه
انا بقي خايفه من البشمهندس بصراحه هو عنده استعداد يجرب بس مش ال هذا المدى
ربنا يستر ههههههههههههههه

sweetylolla85;13417900:
وعاوزه طريقه للفخده الضاني اعملها بيها عشان عندي عزومه تاني يوم العيد ان شاء الله يعني عاوزه اشويها في البيت وقدمها علي سرفيس كبير تبقي هي الطبق الرئيسي ان شاء الله

بصي ياقمر عندك طريقتين احلى من بعض طريقة ناني هي عاملاها بالكتف الضاني بس اظن مش هتفرق اوي لو اتعملت بالفخده وده اللينك :

http://forums.3roos.com/showthread.php?t=557923

وفي طريقة تانيه شفتها في جروب على الفيس بوك بس تحفه برضه ماشاء الله هاحاول اجيبها وانزلهالك برضه

بصي يا لولا دي طريقة الفخده زي ما البنوته كاتباها والصورة شكلها حلو ماشاء الله اوي

تجيبي الفخدة (بتكون صغيرة مش كبيرة يعني) بس ما شاء الله بتكفي يعني
وتتبليها ملح وفلفل وبهار حلو (اسمه بالإنجليزي all spice)
بشر قشر الليمون وانا أضفت بشر قشر البرتقال عشان الزفارة طبعا) وشوية زنجبيل وتعملي مساج للفخدة..
تقطعي بصلة جوانح رفيع اوي وعليها التتبيلة بتاعتها مع خل وقرفة ودبس الرمان (اختياري) بجانب اي بهار تاني وتمسجي برضه الفخدة
وممكن بقى دي تجهز من بالليل ف التلاجة

تطليعيها قبل العزومة ب3 ساعات وتجهزي خضار مقطع مكعبات كبيرة
جزر- بطاطس- قرع- كوسة ممكن- طماطم للون
قلبتهم في بعض بشوية ملح وزعتر وورق لوري (الغار) وفلفل وشوية زيت زيتون
وحطيتهم معاها في الصينية وشوية مية وورقة فويل من فوق وهوووووووووب في الفرن وانسي بقى يا حاجة..

ممكن يتحط كل ده في كيس فرن مش هياخد الوقت ده..
بالفويل اخدت تقريبا ساعتين ونص .. بس طلعت اللحمة مفصولة عن العضم واللحمة على راي ماما زي الزبدة

sweetylolla85;13417900:
وعاوزه طريقه للفخده الضاني اعملها بيها عشان عندي عزومه تاني يوم العيد ان شاء الله يعني عاوزه اشويها في البيت وقدمها علي سرفيس كبير تبقي هي الطبق الرئيسي ان شاء الله

دي طريقتي يا قمر كنت كاتباها قبل كدة ان شاء الله تعجبك


الفخدة الاول عملت فيها فتحات صغيرة بالسكينة ونغزتها بفصوص ثوم صحيحة وبعدين عملت التتبيلة بصل مفروم وملح وفلفل اسود وبهارات لحمة وجنزبيل باودر وزعتر جبلي وروز ماري وشطة وليمون وخل وزيت ونص معلقة صغيرة صلصة وقلبتهم اوي ودهنت بيهم الفخدة ولفيتها بالفويل ودخلتها التلاجة من بالليل للعصر ودخلتها الفرن الساعة 3 طلعت 5 ونص علي درجة حرارة متوسطة بس دة عشان فرن مروحة لكن هي المفروض بتقعد اكتر من كدة

دي قبل السوا وهي في التتبيلة



ودي بعد ماطلعت من الفرن

bonbona we bas;13419123:
اه والله يا انوس
فعلا 99% من لارجاله كده
بس الحمدلله ربنا يخليكم لبعض يارب ويباركلك فيه ويهديه
انا بقي خايفه من البشمهندس بصراحه هو عنده استعداد يجرب بس مش ال هذا المدى
ربنا يستر ههههههههههههههه

هههههههه ان شاء الله يطلع عنده استعداد للتجارب ماتقلقيش :lol:

ام بودي انا هاجرب قالب الكفتة بكرة وهاعملهالهم هنا ان شاء الله
ماما عجبتها الفكرة اوووووي

sosiii-cat;13419607:
ام بودي انا هاجرب قالب الكفتة بكرة وهاعملهالهم هنا ان شاء الله
ماما عجبتها الفكرة اوووووي

في انتظار ردوود الفعل يا سوسي و ماما ليها معايا ذكري في موضوع الكنافه يا رب دي كمان تعجبها ههههههههه

paradise rose;13409861:
ايه اقتراحتكم لاكل ينفع يتحط فى التلاجه ويتسخن علطول بس ميكنش طبيخ
يعنى هيطلع من التلاجه هيتحط ف الميكرويف

ومعلش طلب كما ازاى اعمل كفته بالبرغل او من غير بس تبقى زى اللى بناكلها بره
وازاى اعمل الكبيبه الشامى

ومرسى ليكو يا بنات

ازيك يا منمن عاملهايه منورانا
بصى ممكن تعملى مكرونه بشاميل او كوسه بشاميل ممكن تكونى مجهزاها كلهاااا و تحطيها فى الفريرز و لما تروحى تتطبخيها فى الفرن مش هتاخدوقت كتير
و ممكن تسويهاو تجطيها فى الفريزر و لما نروحى على الميكرويف عالطول

ممكن برضو كوسه بشاميل و مسقعه و مشقعه بشاميل و طوسه عاديه وصنينهبطاطس يعنى كللللللل الاكل ممكن تتطخيها و تغلفيه و نحطيه فى الفريرز ولما تروحى طلعيه وعلى الميكرويف
و ممكن كمان تبقى تعملى الكبيبه برضو و طفته او قالب الكفته بالخضار كمان و كده يعنى يا حبيبتى

sosiii-cat;13410065:


هاقللك طريقتي في الكبيبة حلووووة اوي وهاتدعيلي بإذن الله
هاتعملي الحشو اللي جوة عبارة عن بصلة مبشورة هاتدبليها في معلقة سمنة وبعدين تحطي اللحمة المفرومة ولما تستوي تحطي الملح وفلفل وشعرة شطة علي قرفة مطحونة علي نعناع ناشف مفروم وبقدونس مفروم وتقلبي وتقفلي
الطبقة الخارجية طبعا هاتكوني ناقعة البرغل من قبلها هاتعصريه بقي وتصفيه من المية كويس وبعدين تحطي عليه اللحمة المفرومة انا بحبها البرغل يبقي اكتر من اللحمة علشان يبقي مقرمش وعليهم بقي بصلة مبشورة وملح وفلفل وتعجني كويس وبعدين تحشيها بقي بالحشوة بتاعت اللحمة

سوسى
يعنى مقدار البرغل يبقى ضعف مقدار اللحمه؟
يعنى مثلا نصف كيلو اللحمه ياخد كيلو برغل و لا كيلو الا ربع برغل؟

sosiii-cat;13410309:
بسم الله الرحمن الرحيم


محشي ورق عنب













حمام محشي ارز









باف باستري بحشو الفراخ













سلطة التفاح









تشيز كيك

ما شاء الله الله اكبر
الاكل شكله جميل اللهم بارك
و لفه ورق العنب دى بتاعتك و لا بتاعت ماما يا سوسى ها;););)
انا عارفه انتى شاطره ما شاء الله


سوسى
ممكن طريقه سلطه التفاح و الباف بسترى بحشوه الفراخ؟

وليه مش عملتى موضوع خاص بالاكل الجميل ده ما شاء الله

و سوسى صحيح الحمام عندك بقى بكام؟

at2ota;13411053:
بشكر كلللللللللل البنات الى ساعدونى فى المكرونه بالبشاميل ربنا يكرمكم يارب والحمد لله البشاميل طلع حلو بس الى مش طلع حلو هو البقسماط محستهوش ضاف حاجه حلوة للطعم بالعكس كان مخلى الطعم غريب شويه وان شاء الله بعد كدة مش هبقى افرش الصنيه بيه وابقا احط المكرونه على طول

تسلم ايدك يا قطقوطه يا شطورة
وان شاء الله المره الجايه تطلع احلى كمان:)

مشمش ام محمد;13411137:
الف هنا على قلبك يا قطقوطا بس للاسف مخدتش بالي انك كنتي طالبه مكرونه بشاميل بس طريقتي انا كالتالي
بحضر المفروم الاول بصلة طبعا تتشوح وفيها المفروم ونضيف الملح والفلفل الاسمر واقفلي عليها
تروحي بئا جايبه طماطماتين على معلقه صلصه وتسبيكيهم بردو يف بصلايه صغننه ولما تتشبك وتحمر جامد شيلي نصها قلبيه على المفروم وخلي باقي الصلصه على جنب
تجي بئاا لسلق المكرونه تسلقيهاا بس مش جامد وتشيليها على جنب
تيجي بئا للبشاميل
كيلو لبن مثلا وتجيبي معلقتين تلاته سمنه تحميهم على النار وعليهم معلقتين تلاته دقيق وتفضلي تقلبي فيهم لحد ما تحسي ان الدقيق قرب يحمر ويكون في ايدك مضرب البيض وتحطي اللبن شويا شويا وتلفي جامد وتضيفي الملح والفلفل الاسمر كتريه شويا وبعدين لما تبدا تعمل فقاعات على الوش اقفلي عليها
وانا لا احبذ الجبنه ولا البقسماط ولا اي حاجه
هتجيبي صينيتك بئاا تدهني قعرها بشاميل وبعدين تجيبي المكرونه الي سلقتيها وتقلبي عليها كم معلقه بشاميل لحد ما تحسي ان المكرونه بتمسك في بعضها وبعدين تفردي نصها يف الصينيه من تحت وبعدين اللحمه ام صلصه في النص وبعدين على الووش باقي المكرونه وبعدين تحطي فوقها ااخر طبقة بشاميل عندك وتساويها كوويس ولو هتلزق في ايدك بلي ايدك شويه ميااا وافردي كوويس ونضفي صنيتك وبعدين تجيبي الصلصه ايل شلتها من الاول تدهني بمعلقين الووش وعليها بئا في الاخر حته سمنه بلدي متنطوره كده او زبده وافتحي فرنك بئا ودخليهاااا سويها من تحت الاول شويا لحد ما تحسي ان الاطراف بدات تحمر وبعدين طلعيها على الشبكه وشغلي الشعله ايل فوق عشان الوش يتحمممر
بصي هو الوش كده هيتحممر بالصلصه بس في ناس بئااا بتجيب بيضه وترربهااا كويس بملح وفلفل وتحطهاا فوق اخر وشها تدهن بيها وش الصينيه عشان البيض في البشاميل بيكون مش ظريف واحنا بنحطه عشان البشاميل وشه يصفر بس وبكده نكون قضينا الغرض بس طبعا تحطي البيضه قبل ما تحطي الصينيه اساسا في الفرن والطريقه دي انا بحبها بصراحه واهم حاجه في البشاميل انه يكون مش عالي اووي يعني الخرطه لما تخرطيها تكون معقوله عشان ميبئااش بيلكم
وبعدين تطلعيها من الفرن متقطعيهاش وهي سخنه عشان مش تتفرفت منك تسيبيها تبرد على راحتها لحد ما تبئا دافيه شويا وتقطعيها بئاااا
ويا سلام لو عندك ششطه من يال بتكون في ازايز دي ام شطه وخل دي بتكون تحفه معاها

انا جوعت يا ام محمد :confused::confused::confused::confused:
ما شاء الله شكلها طريقه حلوة اوى
انابحب المكرونه بالبشاميل اووووى

ناني فيبس;13411808:
معلش انا كتبت جمبري بانيه دة غلط انا كنت اقصد سمك مش جمبري


وكفته جمبري بنزل طريقتها بالتفصيل في موضوع واه بتبقى حلوة اوي بس انا بحبها بالطريقة اللى انا بعملها بس لاني مش بخليها معجنه لا بيكونفيها قطع جمبري وضحه اوي


ام بودي اهو اللى جوزي عمله ومش عرفه اسمه ايه ههههههههههههههههههههه بس كان حلو

نانى
تسلم ايدك طبعا
بس عرفينا ده اسمه ايه ؟ و ياترى ايه هى المكونات :!!::!!::!!:

Boody we zady;13415885:

صينيه رقاق باللحمة المفرومة

ما شاء الله تسلم ايدك يا ام بودى

sosiii-cat;13416062:
الله يسلمك يا نانو
ورق العنب عملته عادي خالص بصفر بصلة في الزيت وعليها عصير 2 طماطم واسيبها تتسبك وبعدين احط معلقة صلصة وملح وفلفل اسود وكمون ومعلقة صغيرة من هريسة ايزيس (تحففففففة )
ولو مافيش يبقي شطة عادي وفلفلاية خضرا مبشورة وبعدين اطفي واحط البقدونس والشبت والرز بقي عادي وسقيت بشوربة وربع مكعب مرقة دجاج وربع معلقة صغيرة صلصة وعصير نص فص ليمون وفلفل اسود

التشيز كيك دي بقي يعني مش تشيز كيك هي اختراع شوية ههههه انا وماما عملناها باللي كان متوفر ساعتها في المطبخ بس طلعت جميلة اووي
طبعا بسكويت مطحون وزبدة وزودنا كمان علي البسكويت ملعقة قرفة ادت اضافة حلوة اوي ونضغطها كويس في قالب التشيز كيك
وبعدين ضربنا كيس كريم شانتيه لوحده بمضرب البيض
وضربنا علبة ويبينج كريم لوحدها برضو بمضرب البيض علشان مش بياخدوا نفس الوقت في الضرب طبعا
وبعدين ضربنا تمن كيلو جبنة كريمة مع 2 جبنة كيري ومعلقة كبيرة عسل ابيض وورقة جيلاتين متدوبة في شوية مية دافية حطيناها عليهم بعد ما صفيناها كويس
وخلطنا بقي الجبنة مع الويبنج كريم والكريم شانتيه
بعد مارصينا طبقة البسكويت حطينا فوقيه طبقة خفيفة اوي من الجبنة وبعدين رصينا فراولة مقطعة وبعدين باقي الكمية كلها وسيبناها في التلاجة يوم كامل
ووقت التقديم حطينا عليها من فوق صوص فراولة بتاع فايف مينتس وبس
دي كانت فكرة ماما وطلعت حلوة اوي اوي :thumbs_up:

سوسى
معلش هتعبك معايا انا اسفه
هى كميه الورق العنب كانت اد ايه و اخذت ارز وخضره اد ايه؟

والتشيز كيك معلش
انتى استخدمتى بسكوت نوعه ايه؟
و الويبنج كريم كانت العلبه الصغيره ؟
و 2 جبنه كيرى يعنى 2 مكعب كيرى صح؟

معلش انااسفه على اسئلتى الكتيرة دى بس دى مهمه ليا اوى علشان مبتدئه ونفسى الحاجه تضبط معايا ياااارب :o:o

sosiii-cat;13416177:
علي فكرة يا بنات الكيكة انا لما بعملها اول ماتستوي بشيلها من الفرن علي طول وبقلبها كمان من الصينية ومش في تيار هوا ولا حاجة لأن المطبخ اساسا بيبقي دافي من حرارة المطبخ فطبيعي مش هايبقي فيه تيار هوا لأن لما بسيبها في الفرن وفي الصينية كدة شوية هاتعرق زي مابيقولوا وممكن تبقي مكتومة ومش نافشة بأكبر قدر
كمان لما باجي اختبر الكيكة استوت ولا لأ بختبرها من الجنب الاول ولو استوت تمام ابقي اختبرها من النص بسيط خالص كدة لأن ساعات برضو اختبرها من النص علي طول مرة واحدة كدة تقوم هابطة من النص ولسة عالية من الجناب كذا مرة يحصل معايا الكلام دة وبعدين سمعتها من الشيف فتأكدت من المعلومة ...واللهم بلغت اللهم فاشهد ههههههههه

سوسى
انا الكيكه عندى بتكون مستويهمن النص و الجنب
بس بتبقى عاليه من الجوانب و سايبه الصنيه يعنى مش لازقه فيها خالص و هبطت من النص
ياترى بتبقى كده ليه؟؟؟؟؟؟؟؟؟

Boody we zady;13417687:
:D:D:D:D:D:D:D:D;);)

أنا مبسوطة انها عجبتك يا ميرا الحمد لله بس ابقي ادعي لجوزي عشان هو اللي اكتشفها من علي النت هههههههههههه

ربنا يخليه لكى و يلاقى اكلات كمان و كمان :D:D:D

http://forums.3roos.com/showthread.php?t=572099

شرفوني حبوبات صور حناي بالنقش السوداني:adore:

سوسى وكتكوته ونانى وميرا مرسى لردكوا يا قمرات انا ان شاء الله المره الجايه هاعملها واخد بالى

ام بودى موقع ايه اللى بتقولى عليا معلش ممكن تبعتيلى اللينك

صور الاكل اللى بتحطوها بتجوع تسلم ايديكوا يابنات

بنات جوزى عايزنى اعمله اكله جديده:|
وانا بصراحه داغى فاصله وفى نفس الوقت هو نازل النهارده متأخر حوالى 1 وراجع بدرى على الساعه 6

يعنى المفروض الافتكاسه تكون خلصت وزياد فى ايدى مابيفصلش

عندى مفروم وبفتيك ولحمه ووراك وفراخ كامله وصدور بانيه

اظن مش هايحركم صح :lol:

انا وقفت قدام الفريزر واحترت بصراحه

نسيت اقولكم ان جوزى مش بيحب الخضار والطبيخ قوى
عايز نواشف:rolleyes:

بنات هو التشيكن رول لازم اقفله بخله
و لا ينفع اقفله كده من غير خله
و الاحسن احطه في الفريزر يتجمد شويه و بعد كده احمره و لا احمره على طول
ردوا عليا بسرعه عشان هعمله النهارده

فراشة الإيمان;13423483:
بنات جوزى عايزنى اعمله اكله جديده:|
وانا بصراحه داغى فاصله وفى نفس الوقت هو نازل النهارده متأخر حوالى 1 وراجع بدرى على الساعه 6

يعنى المفروض الافتكاسه تكون خلصت وزياد فى ايدى مابيفصلش

عندى مفروم وبفتيك ولحمه ووراك وفراخ كامله وصدور بانيه

اظن مش هايحركم صح :lol:

انا وقفت قدام الفريزر واحترت بصراحه

نسيت اقولكم ان جوزى مش بيحب الخضار والطبيخ قوى
عايز نواشف:rolleyes:

ممكن تعملى المندى بتاع سوسى

وممكن تعملى بيكاتا بلحمة البفتيك واعملى جمبها مكرونه بالوايت صوص
ممكن تعملى رولات بفتيك محشيه مفروم وجمبها اى حاجه ممكن خضار سوتيه ورز

sweetyronaaa;13423518:
بنات هو التشيكن رول لازم اقفله بخله
و لا ينفع اقفله كده من غير خله
و الاحسن احطه في الفريزر يتجمد شويه و بعد كده احمره و لا احمره على طول
ردوا عليا بسرعه عشان هعمله النهارده

لا مش لازم مانت هاتلفيه فى ورق فويل وتسلقيه؟
ولا هاتحمريه على طول؟
ولو هاتحمريه على طول نزليه فى دقيق اول وبعد كده بيض وبقسماط ودخليه الفريز ربع ساعه واقليه
ولو مش هاتعمليه بانيه وهاتحمريه على طول متهيالى ممكن تدخليه الفريزر شويه وبعد كده حمريه

عملت البيكاتا قبل كده ومش استلزها قوى قالى كويسه

قوليلى بقى طريقه البفتيك باللحم المفروم وممكن اعمل جمبه مكرونه ولا مينفعش اصله ملوش فى الخضار

فراشة ماتعملي الكفته بحشوة البيتز اللي موجوده في موقع ام بودي انا معملتهاش بس اكيد هتبقى تحفه وجديده وممكن تاكليها بالعيش او رز او مكرونه