تجمع حوامل و امهات البحرين لشهر شوال 1430ه

الشهر الرابع: 13 اسبوع و3 ايام تدخلين الرابعالشهر الخامس: 17 اسبوع و6 ايام تدخلين الخامسالشهر السادس 22 اسبوع و2 يوم تدخلين السادس


سارة : )

خذيت الروح;10331155:
الله يسهل عليج دموعه ان شاء الله سهالات يارب اليوم نسمع خبر ولادتج بالسلامه

,,الله يسمع منش خيووو (y)

صوت الحنان;10331217:
دموعة .. ما اقدر اوصف لش .. لأن يبي له لايف الشرح خخخخخ
شوفي ألم الولادة .. يخليش ما تقدرين تقعدين و لا تمبطحين و لا توقفين :D
بس كأنش فرخة مدبوحة خخخخ
كله تمشين و تبين تروحين الحمام و انتين بالكرامة لأن ضغط البيبي يحسسش انش تبين تسوين خروج :D
و يكون الألم بدون توقف

أهني لازم تروحين المستشفى لا تنتظرين تنزل لش افرازات او شئ لأن مو كل وحدة يصير لها جدي
أني في المستشفى يبطون لي الكيس مال الماي ما ينبط بروحه .. يختلف

أما وقت اللي خلاص بيطلع البيبي بتشوفين الألم أكبر .. و بيتلايمون عليش يساعدونش على الدفع

أهم شئ لا تصارخين و لا تصيحين بصوت .. وفري طاقتش .. كل ما حسيتين بألم أخذي نفس شهيق و زفير
واجد يساعدش وقت طلوع البيبي

,,اها جديه يعني,, بس اني ابغي اعرف هالتقلصات اللي يقولون منتظمة وتجي كل جم دقيقة شلون تكون؟؟ مثل الم الدورة بعد؟؟

فراوله ملكية;10331223:
هلا والله دموع جيكت في الرفاع اللي شفتهم مخدات مال راس الياهل

الله يسهل عليج ان شا ءالله وتقومين بالسلامة بس انتي لا تحنين اللي يحن يتأخر هههههه خلي كلشي على الله وقت اللي كاتبة ربج راح يطلع

وعن طيور الجنه وفي اشياء حبوة بس انا ما اعرف شنو اختار وايد متردده لأني كلشي يعجبني

اي وبعد امي قالت لي سوي غراش ماي لقاح صغار الحين يايبينهم بس انا اقول جنه حنه مو ملاده ولا بعارفة شنو اسوي

,,فراولة اني ماحنيت على الولادة :rolleyes: اسألي صوت بعد>>>الناطق الرمسي بإسم الكل ههههههه
جنيت قبل على جسمي .. وبعدين سكت
اما الولادة كلش ملش ماحنيت عليها,, والدليل اني كنت مع بطة واساير في نفس الشهر ولا حد لاحظ اني ولادتي وياهم الا يوم وصلت لموعدي وهم قدموا

فراوله ملكية;10331239:
اي انا قالو لي لا تصرخين ترى وايد بتعبين الله يسهل عليج دموع وتولدين بالسلامة شكله ولدج يدور التاريخ الحلو عشان يطلع فيه ان شا ءالله تولدين تاريخ 29 وايد حلو التاريخ

,, وشدراني ابه هذا ويش يبي بعد هههههه
اقول لزوجي امس: والله ولدي يحبني ومايبي يفارقني.. مايبي يطلع والكل يشيل ويحط فيه.. يبي يقعد في دبتي ولاصق فيني ههههههه
>>>احس ولدي بيطلع دليع ولصقة فيني :tongue:
اني ابغي في شهر 9 عشان يصير هو وابوه مع بعض في نفس الشهر الميلادي ونفس الشهر الهجري.. لأن زوجي بعد انولد في شوال وشهر سبتمبر :wink:

صوت الحنان;10331360:
دموع .. لا تعبين روحش و تسوين سشوار و بلاوي لأن الشعر بينشحن ماااي خخخخخخ
لأن الولادة بتخليش تعرقين واجد و بتستغربين من كمية العرق
و لما ينزل الماي بتتسبحين فيه اتسبح
مافي فايدة .. عقب الولادة لازم بتتسبحين و بتغسلين شعرش بشامبو

أني أول ولادة لي .. ما ادري .. شعري حده طووووويل .. و كنت مغسلتنه و جففته بسشوار لأن يازعم ما ابي اروح شعري رطب خخخخخ
و لابسة دشداشة قصيرة جديدة خخخخ

بس وصلت هناك فصخوني الدشداشة
و الشعر حدث بلا حرج
القابلة لمته لي لكن مافي فايدة


فراولاية .. الألم خيو أكثر شئ في الظهر .. و تحت الله يعزش .. بتحسين كأن حديدة رازينها حقش تحت :o
و تحسين البيبي يرفس تحت براسه بطريقة تألم ما تخليش تقعدين و لا تسوين أي شئ

سبحان الله .. حتى لو ما عندش خبرة بتعرفين انها ولادة

بس اهم شئ .. التنفس
ووقت اللي شوي يخف الألم .. أقري آيات و أستغفري و صلي على محمد و آل محمد و أدعي للي يعزون عليش

,, يعني مااسشوره؟؟ اني شعري مسوي تمليس مائي وصاير حلووو يعني حتى لو بدون سشوار
بس بمكواة السيراميك يصير احلى واحلى,, كأنه طبيعي :tongue:
من جديه اقول بسويه عشان لما يجوني الناس يكون حلووو.. انزين يعني لما ينزل ماي البيبي بيوصل لشعري؟؟:rolleyes:
وحتى لو عرق مااظن بيخترب لأنه اولريدي سيدة

مايخصني بسويه حتى لو اخترب عادي:D

فديتها دمعة .. هادئة ما توقعتها .. ما تحن و لا شئ ..

دمعة .. التقلصات في الرحم و يمتد للظهر خيو .. و تضغط على تحت كأن أحد يسحب شئ من تحت
و ترا الولد يلصق في امه أكثر و يحب الأم اكثر من الأبو :D

اي خذيت مو عارفة شنو آخذ حق التوزيع لا ان شا ءالله يوم الثلاثاء راح ابتدى ابحث وان شا ءالله احصل

هلا والله صاحبة شخبارج اي ولا يهمجاول ما احصلها باقولج انزين ليش ما تحطين مخده عادية تحت احسن

دموع الله يسهل عليج بس لا تحاتين ولا شي عادي ناس بتأخر عندهم وناس يولدون بسرعة

كيفش دمعة تعبي روحش :tongue:
الناس اذا جوش بتكونين متسبحة مرة ثانية و مغسلة شعرش و اللي سويتينه كله بروح ع الفاضي

هلا صحوبة .. فديته يويو القمر
أذكر يسوف ولدي كنا نسميه يويو >>بس من صار يتحجى .. يقول أسمي أوفف خخخ يعني يوسف .. ما يبي اناديه يويو :D

فراولة .. قبل ما تشترين .. فكري شنو التوزيعات و شنو تصورش للطريقة اللي تسوينها عشان لما تروحين تشترين تعرفين وش تآخذين

خذيت بجم سويتي هاي المفرش ؟؟؟

وهل هو عملي ولا شلون لأن احس وايد يابس

صحوب خاطري في الحلاوة اللي في الصوره عندج خخخخخخخخ هاي قبل كانو يبيعونه بس الحين ما في

,,برررب طويلة شوي
وبعدين برجع ارد عليكم

تيت حياج الله دموع احنا في انتظارج

دمعو
ان شاءالله ما ترجعين الا تقولين بروح المستشفى فيني ولادة خخخخخ

اي ان شا ءالله تولدين يله عاد مشي السيد ترى واقفين عليج هههههههههههه

بنات ذكروني شنو احط في شنطة المستفى حقي

وحق البيبي

مشكورين واسفه بناتي مخلينه قايمه وقاعده وراهم ما يخلون لي أقعد على النت

الله يخليهم لج ان شا ءالله وتقومين بالسلامة ان شا ءالله

فراولة ..
شنطة المستشفى ..

حقش
فوطة كبيرة و فوطة متوسطة
شامبو
صابونة او رغوة جسم
ليفة جسم (مفركة)
معجون اسنان
فرشاة اسنان
ديودرنت
عطر خفيف
كريم جسم
مشط
نعال للحمام الله يعزش
نعال للغرفة (شبشب)
بيجامات او جلابيات ثلاث يكفي
حفاضات نسائية خخخخخ
ثياب داخلية
ربطة شعر
شيلات
كوبة حق اذا يجيبون لش شاي او حليب
قلاص للماي
علبة كلينكس
مريلة للرضاعة

البيبي
فوطة كبيرة و فوطة صغيرة
ثلاث بدلات
ثلاث قماطات
الفراش
ثلاث قحفيات
لحاف خفيف
مناديل مبللة
مرضعة صغيرة و معقمة حق الماي
مشط
حفاضات جم وحدة بس.. يمكن ما يعطونش المستشفى خخخخ

تسلمين اختي صوت على المعلومات واليوم ان شا ءالله باروح اشتري اغراض حقي وباشتري عطر حق روونه خفيف

مرحبا حوامل وأمهات شخباركم شمسوين ..!؟ شخبار البيبيات

ها دمعة شلخبار وش آخر التطورات .!؟

الله يسهل عليج إن شاء الله وتقومين بالسلامة