رابطة امهات واطفال مصر لشهر شوال1430"كل عام وأنتم بخير"

كات ازيك انتى والنونو بتاعك

ميرو حبيبتى ازيك يا بنتى عاملة اية وديدى وعبد الرحمن عاملين اية مش بتشاركى معانا لية

توتى انتى هنا

مش بدخل خالص والله
انتى ليه مش بتفتحى الميل
وحشتينى موت بجد

ايوة انا هنا اهوة:)

اه ازى مايا عاملة ايه معاكى

مش بتدخلى لية بس استنى هقوم اغير لمايا وارجع افتح الميل نتكلم و اطمن عليكى انتى والعيال :)

عندها قد ايه دلوقتى

خلاص اوك
بوسيهالى وانتى جية

ازيكم يا بناااات
واحشني جدا

حمزه بقي مجنني ومش بيحب الاكل خالص مش عارفه اعمل ايه معاه
هو بيحب الذبادي والجبنه المثلثات بس
انا اصلا مش عارفه هو الزبادي ينفع دلوقتي ولا بعد سنه
قولولي كنتم بتعمله ايه مع اولدكم
يعني ااكله عصب عنه ولا ايه

يا وحشينين انتم فين

انا مش عندي وقت اقرأ اللي فات لانكم زاغيين مووت

طمنوني عليكم وفين كوفي و اسماء وام سلمي وكل اللي كانوا معانا في التجمع ايام رغي الصبح راحو فين

بقولكم ايه يا امهات ياسابقات

هو ينفع بعد ما ادى الولد ينسون على كراويه ولسه ماشبعش وبيصرغ ينفع ارضعه عادى ولا يبقى عك فى بطنه

صحيح نسيت أسألكم انا بلبس زيزو فانله حماله وفوقيها فانله نص كم او كت مش ثابت يعنى ومن فوق بيجامه يانص كم ياكم اوسلوبيت نص كم

يعنى بلبسه 3 قطع كده كتير ولا ايه

http://www.forums.3roos.com/t486928.html

متنسوناش :)

وربنا يبارك لكم فى اولادكم وبناتكم يارب

فراشة الإيمان;10445951:
صحيح نسيت أسألكم انا بلبس زيزو فانله حماله وفوقيها فانله نص كم او كت مش ثابت يعنى ومن فوق بيجامه يانص كم ياكم اوسلوبيت نص كم

يعنى بلبسه 3 قطع كده كتير ولا ايه

الموضوع ده يعتمد على الجو في بيتك

انتي لو بتحسيه بيعرق وراسه بتسخن يبقى كتير

لو عادي يبقى مش كتير ولا حاجة

لو الجو عندك عادي خففي فانلة من الاتنين

السلام عليكم ورحمة الله

ازيكم مهمهات

ام حمزة عادي طبعا تدي ابنك زبادي وبلاش تضغطي عليه في الاكل عشان ميتعقدش بس انتي خليكي وراه كل شوية لعلى وعسى وان شاء الله ياكل كويس والله الاكل دا مشكلتنا كلنا ربنا يهدي ولادنا

فراشة لا طبعا مش عك لازم تشبعي ابنك والرضاعه دي احسن حاجه واعتقد انك متقلاله شوية قطعتين حلو في اللبس لان الجو لسا مش بقى برد اوي

فراشة الإيمان;10445951:
صحيح نسيت أسألكم انا بلبس زيزو فانله حماله وفوقيها فانله نص كم او كت مش ثابت يعنى ومن فوق بيجامه يانص كم ياكم اوسلوبيت نص كم

يعنى بلبسه 3 قطع كده كتير ولا ايه

متهيالى يا شيرى كدة كتير امال فى الشتا هتلبسيه ايه يا بنتى ...؟؟

خففى فانلة و كفاية فانلة كت على السالوبيت بكم :)

السلام عليكم
وحشتوووووووووووني
ازيكو يابنات عاملين ايه وازي الولاد كلهم يارب تكونو بخير يا رب
شهيدة فييييييييين وحشاني اوي بقى لي كتيييير جدا مارغتش معاها يارب تكون بخير هي وعمر يا رب

انا رحت لدكتورة الجلدية عشان الحساسية وسالتني اذا كنت حامل ولا لا قلت لها مش عارفة قالت لي هكتب على ادوية وفيه واحد منهم مش تجيبيه غير لما تعرفي انك مش حامل ولو حامل مش تجيبيه اللي هو المضاد وطبعا رحت امبارح حللت دم وطلعت مش حامل الحمدلله والبيريود لسة ماجتش وناوية ان شاء الله اتكلم مع جوزي في الموضوع انهرده
ادعولي بقى ربنا يهديه وياخد الامور ببساطة شوية لانه كل مرة يزعل ونتخانق
ربنا يستر

ازيك ايمان وازاي معاذ

ان شاء الله خير وربنا يهديلك جوزك يارب

على فكرة انا لسا ضايفاكي على لفيس بوك

ايما ازيك
ربنا يهدي جوزك وفعلا لازم تكلميه حتي مش عشان الحمل عشان لازم تتابعي مع دكتور عشان تظبط البيرود وان شاء الله خييييييييير