تجمع وتجهيزات ورغى حوامل مصر العساسيل لشهر رمضان الكريم

السلام عليكم ورحمة الله وبركاته ازيكم يا ماميهات يا حلويييييين؟

انا حصللى حاجه عجيبه زى شفت كده فى شهيتى بعد ما كنت مش طايقه كل الأكل اللى فى الدنيا ومش باكل الا خضار وفاكهة دلوقتى عندى حالة عجيبه جعااااااااااااااااااااااااااااااااااااااانه مووووووووووووووووووووووووت ونفسى اكل حاجات معينه

كشرى اصفر مع بتنجان مقلى
شكشوكه
بيض بالبطاطس
ليمون مخلل
سلطه رنجة بالطحينه
كشرى
محشى بتنجان وفلفل اخضر

بجد بجد مش عارفه انام من التفكير فى الأكل ده وريقى بيجرىىىىىىىىىىىىى
انا اتجننت وللا حاجه؟

الف سلامة عليكى يا بيبو و ان شاء الله اول متدخلى الرابع ميبقاش فيه قىء و طالما الصبح اكتر حاجة اول متقومى خديلك بسكوتة تاك المملح بتعدل النفس شوية


دودى انا كمان جوزى مش فاضى يجيب فا قررت ابرشط على اهلى فى الغدا اول يوم :)

شكله وحم يا جميل

دودى هاتى سمك جاهز من اى مطعم جنبكم وخلاص مش لازم من السوق

sweet_toota;10279516:
الف سلامة عليكى يا بيبو و ان شاء الله اول متدخلى الرابع ميبقاش فيه قىء و طالما الصبح اكتر حاجة اول متقومى خديلك بسكوتة تاك المملح بتعدل النفس شوية

الله يسلمك يا جميل
انا الغثيان والقئ عندى مش الصبح بس.. انا عرض متواصل طول اليوم :D سواء صايمة او فاطرة مفيش فايدة
والحمد لله انا صايمة ماينفعش اخد حاجة لما اصحى من النوم

انا كمان يا عروس جاتلى الحالة دى و نفسى بقت كل يوم بتروح لحاجة و احس ان ريحتها فى مناخيرى مرة كشرى و مرة بيتزا و مرة مخللات و حاليا نفسى فى كفتة اسكندرانى اووووووى

ماشاء الله ربنا يتقبل منك يا بيبو ادعى كتير و ان شاء الله كل الاعراض الوحشة هتروح

بيبو ماينفعش صوم مع القىء لا يجوز
عروس حبيبى ده وحم اى حاجه تيجى فى نفسك كوليها واحيايانا هتلاقى نفسك فى حاجات عمرك ما كنتى بتحبيها وهتكليها بنفس جامده
انا كنت تعبانه جدا وراجعه من الشغل ومش قادره اقف وقفت قاليت 2 كيلو بتنجان وخللته كنت بتوحم عليه
رغم انى طول عمرى مش بحبه قوى يعنى
واكلت منه كتييير لدرجة جوزى كان مستغرب جدا
وانا اهه فى أول السادس ولسه بتوحم

ميرفى منورة ازى جومانه عامله ايه معاكى

بفكر أعمل بيتيفور وغريبه
اصل ماما مش هتعمل عشان جوز خالتى توفى قريب

ميرفى حمدلله على سلامتك و مبروك على جوجو

اةةة طمنتونى بس بجد انا شهيتى مفتوحه زى الديناصور دلوقتى وموصيه جوزى يجيب الطلبات بتاعتها عشان اعملها فى اسبوع العيد براحتى

بيبو الف سلامه عليكى انا عارفه اد ايه القىء فظيع ومزعج معلش ياحبيبتى استحملى ربنا يجعله فى موازين حسناتك بس يادودى القىء العمد هو اللى بيبطل الصيام انما القىء اللى غصب عن الواحد مش بيبطله

ميرفى50;10279638:

واحشتونى جدا

الامومه حاجه جميله جدا بس مسؤليه كبيرة جدا

عقبالكم كلكم يارب

عايزين تفاصيل يا هانم

طمنينا الاول القيصري اية اخباره؟

sweet_toota;10279536:
ماشاء الله ربنا يتقبل منك يا بيبو ادعى كتير و ان شاء الله كل الاعراض الوحشة هتروح

ربنا يخليكى يا جميل

DodyCat;10279558:
بيبو ماينفعش صوم مع القىء لا يجوز

ينفع لانه مش قئ عن عمد يا دودى

*عروس حبيبى*;10279602:
اةةة طمنتونى بس بجد انا شهيتى مفتوحه زى الديناصور دلوقتى وموصيه جوزى يجيب الطلبات بتاعتها عشان اعملها فى اسبوع العيد براحتى

بيبو الف سلامه عليكى انا عارفه اد ايه القىء فظيع ومزعج معلش ياحبيبتى استحملى ربنا يجعله فى موازين حسناتك بس يادودى القىء العمد هو اللى بيبطل الصيام انما القىء اللى غصب عن الواحد مش بيبطله

الف هنا وشفا يا جميل
تسلمى يا قمر ربنا يخليكى

ميرفى50;10279638:

واحشتونى جدا
الامومه حاجه جميله جدا بس مسؤليه كبيرة جدا
عقبالكم كلكم يارب

حمدالله على سلامتك انتى وجومانا (f) بوسيهالى بوسة كبيرة

أظهر بحث علمي جديد أن الأطفال الرضع الذين يتعرضون لضوء النهار، وخصوصا
في ساعات العصر، يميلون للنوم بصورة أطول وأفضل أثناء الليل.

وأوضح الباحثون في كلية علم النفس بجامعة ليفربول البريطانية، أن تنزه الرضع في الحدائق
أثناء النهار أو إخراجهم إلى الشرفة على الأقل، يساعد في تحسين مستويات النوم الليلي لديهم،
وبالتالي عند الوالدين، مشيرين إلى أن الطفل الذي ينام جيدا في سن الستة أسابيع،
ينام جيدا أيضا في سن التسعة والاثني عشر أسبوعا.



واعتمد البحث الذي نشرته مجلة “بحوث النوم”، على متابعة 56 طفلا رضيعا من الأصحاء،
ولدوا جميعا في الموعد المحدد بعد اكتمال مدة الحمل، لمدة ثلاثة أيام متتالية عندما بلغوا
الستة والتسعة والاثني عشر أسبوعا من العمر، مع مراقبة درجات تعرضهم لضوء الشمس.

ووجد الباحثون أن الأطفال الذين ناموا جيدا أثناء الليل تعرضوا لضوء أكثر بحوالي
الضعف بين الفترة التي تبدأ من منتصف النهار وحتى الساعة الرابعة عصرا.

وأشار هؤلاء إلى أن أحد التفسيرات المحتملة لهذه العلاقة بين التعرض للضوء والنوم،
تتمثل في أن مستويات الضوء العالية تشجع النمو المبكر للساعة البيولوجية في الجسم
المسؤولة عن تنظيم عدد من الوظائف الحيوية ومنها إفراز مادة الميلاتونين المهمة
لتحقيق أنماط نوم جيدة ومتوازنة.

وبينت الدراسة أيضا أن الأطفال الذي يبكون كثيرا في سن الستة أسابيع بضعف
مما يبكون في سن الاثني عشر أسبوعا، شهدوا تحسنا ملحوظا، وانخفضت فترات بكائهم
من 40 دقيقة يوميا إلى 20 دقيقة فقط




منقول

الف مبروك يا ميرفى انتى ولدتى جومانا امتى احكيلنا عن الأمومه بليز واول مرة شوفتيها ربنا يخليهالك وتفرحى بيها ويبارك فيها يارب

تفاصيلى انا فضلت مصدومه لما الدكتوةره قالتى انى هاولد خلاص وكنت خايفه جدا والله من صدمتى فضلت فى توهان لبعد الولاده وتصدقى معادى مع الدكتورة الساعه 10 صباحا وانا كنت لسه فى البيت وكنت بعمل شعرى استشوار وكانى فعلا ما كنتيش عايزة ارح المستشفى من الخوف المهم روحت ولاقيت كل حاجه متيسره الحمدلله ودخلت العمليات ولما شوفت الدكتورة انفجرت من العياض وخدت البنج وصحيت بعد 20 دقيقه وبنتى جانبى ومحسيتش بالولاده خالص كل اللى تاعبنى الجرح وتانى يوم كنت الحمدلله كويسه وجوجو طلعت زى القمر ربنا يباركلى فيها ويحفظهالى اللهم امين بس بقى كل حامل تنسي كلمه النوم من قاموس حياتها بعد الولاده

ميرفى50;10279690:
تفاصيلى انا فضلت مصدومه لما الدكتوةره قالتى انى هاولد خلاص وكنت خايفه جدا والله من صدمتى فضلت فى توهان لبعد الولاده وتصدقى معادى مع الدكتورة الساعه 10 صباحا وانا كنت لسه فى البيت وكنت بعمل شعرى استشوار وكانى فعلا ما كنتيش عايزة ارح المستشفى من الخوف المهم روحت ولاقيت كل حاجه متيسره الحمدلله ودخلت العمليات ولما شوفت الدكتورة انفجرت من العياض وخدت البنج وصحيت بعد 20 دقيقه وبنتى جانبى ومحسيتش بالولاده خالص كل اللى تاعبنى الجرح وتانى يوم كنت الحمدلله كويسه وجوجو طلعت زى القمر ربنا يباركلى فيها ويحفظهالى اللهم امين بس بقى كل حامل تنسي كلمه النوم من قاموس حياتها بعد الولاده

يا حبيبتى ربنا يتم نفاسك على خير ويفرحك بيها ويقويكى

الحمدلله انها كانت سهلة و شعور باباها اية دلوقتى؟