تجمع وتجهيزات ورغى حوامل مصر العساسيل لشهر رمضان الكريم

معلش يا إيمان ربنا يصبرك يا رب

انتي متعرفيش حد جنبك خالص؟؟

لا ولا عايزه اعرف لان مش متقبله اصلا ان اعرف ناس جديده وكده غير ان معظم الي اتعرفت عليهم نظام مصالح وناس اكبر مني بكتييييييير

انا عايزه امي واخواتي وبس

ايمى والله يا قمر انا حاسة بيكى انا كنت كدة وكنت بفضل بالساعات بكلم نفسى ولا جيران ولا اى حد وجوزى كان ممكن يرجع بلليل من الشغل يادوب ياكل وينام ويوم الاجازة كان بياخدة نوم لغاية ما كنت هطق منة ولا نت ولا اى حاجة قاعدة بين اربع حيطان ومن كتر زهقى كنت بتخانق مع جوزى على اتفه الاسباب حتى لو نام اتخانق معاة عشان هينام ويسبنى وكنت بسهر لغاية الفجر وبعد الفجر كمان وشى فى وش التليفزيون ولا بضحك على حاجة فاتحة وبعيط وبس لغاية ما بعد اربع شهور عناء دخل النت وهو اللى خفف عنى والله كنت 24 ساعة مع اهلى عالنت بس بردوا والله فعلا الغربة وحشة كفاية انك تكونى هناك وفى مناسبة حلوة والكل هيكون متجمع فيها بيكون نفسى اكون معاهم بس الحمد لله جوزى والله كان مقدر لاحساسى واستحمل كتير منى ربنا معاكى يا حبيبتى وان شاء الله تتجمعى مع اهلك فى اقرب وقت

فعلا الي خانقني اكتر ان العيد يجي عليه كده من غير ما اكون معاهم ازاي العيد هنا اصلا ناس تخنق استغفر الله العظم مش زي روح مصر برضه

وكمان هولد هنا فوالله ماقادره اكمل كده خالص

ايمان ربنا يكون في عونك
علي فكره انا برده بحس بشعور الغربه في مصر نفسها لان اهلي مش عايا في نفس المحافظه وكل الاعياد الجازات لازم جوةزي يكون في الشغل
يعني انا كل عيد بقضيه لوحدي في الشقه حتي من غير جوزي وخالاتي وخالاني معايا في كايرو بس بقا كل واحد شغلاه حياته يعني مفيش غير تلفونات وفين فين خروج معاهم
بس هقلك حاجه انا اتعودت علي كده ومرتاحه ومش عايزه اوجع دماغي
ومعلش انتي في غربه عشان هدف معين وحاولي تتاقلمي مع الوضع باي طريقه وشوفي لو حد معاكي مصري اكيد في ناس كويسسه يا بنتي وكفايه انك لما تكوني عايزي تعتمري ولا تحجي
علي فكره انا خالتي اعدت 20 سنه ومكنوش عايزيزن يجو بس عندك نزلو قرارا بان اللي اكتر من 20 بنزل حاجه كده وكمان كانت كل ولادتها عندك
وكمان اخو جوزي ليه 15 سنه
ربنا يكون في عونك يارب ودلوقتي بودي يجي اخته ويلعبو مع بعض متقلقيش

السلام عليكم ينات

حبايبي المغتربات ربنا يقدركم وتتحملوا وان شاء الله عن قريب تتجمعوا مع الي بتحبوهم

مالك يا هبة بتعيطي ليه؟؟

مونيتا صورة بيرو صغيرة أوي


عايزة أشوف واحدة واضحة شوية

بعيط علي حالي
الحمد لله
اموري متلخبطه خالص وجوزي شغلله ماثر عليه نفسيا وده كله فوق دماغي انا
واللي حصل في الخناقه ده كله سببه شغله وضغطه عليه
وانا بصراحه زهقت كل خناقه يقولي الشغل
وانا نهارده اتصلت بيه لقيت نفسيته تحت خالص ومش عارفه اعمل ايه
اتنازل عن حقي ولا ايييه مش عارفه

ندىىىىىى

سيبك من الناس وآرائهم وسمي بنتك الاسم اللي انتي مقتنعة بيه

جويرية حلو أوي بجد

والناس مش عاجبها الاسم لأنهم للأسف مشس عارفين قدر صاحبته ... ودي مشكلتهم هما مش مشكلتك ... ونقي لها اسم دلع بسيط علشان اللي ميعرفش يقول جويرية يقول لها جوري أو جوجو أو جيري أي حاجة يعني


وبالنسبة لعائشة على فكرة الناس بتتعود تنطق الإسم زي ما انتي بتقوليه ... يعني عبدالله انتي عارفة الناس العادية في مصر بتقوله إزاي ... بس علشان أنا وجوزي مش بنقوله غير عبدُالله كله بقى يقوله زينا ... ونفس الموضوع على فاطمة ... أنا نفسي بس أطبق الموضوع ده على محمد جوزي :):)

hoba555;10271405:
بعيط علي حالي
الحمد لله
اموري متلخبطه خالص وجوزي شغلله ماثر عليه نفسيا وده كله فوق دماغي انا
واللي حصل في الخناقه ده كله سببه شغله وضغطه عليه
وانا بصراحه زهقت كل خناقه يقولي الشغل
وانا نهارده اتصلت بيه لقيت نفسيته تحت خالص ومش عارفه اعمل ايه
اتنازل عن حقي ولا ايييه مش عارفه

يا هبة بالله عليكي الموضوع يستاهل إنك تفضلي شايلاه كل المدة دي

على فكرة رجالة كتير ممكن متاخدش بالها إنه عمل حاجة زعلتك بس بتصعب عليه نفسه أوي لي حس إنك بتشيلي منه جواكي

عدي الموضوع يا هبة واحتوي جوزك خاصة إنه مش راجل وحش وبينكد عليكي دايما ... سايسي أمورك وبعد ما النفوس تروق وتهدى لما تتقابلوا ... اتكلمي معاه وقولي له إنك مش بتلوميه وإنك خلاص مش زعلانة بس صعبت عليكي نفسك إنه زعق لك وكده

والله يا بنتي الراجل الطيب سهل أوي تخليه يعمل لك كل اللي انتي عايزاه وتخليه يقدرك ويشيلك على راسه ... بس الموضوع محتاج منك شوية حكمة

هوبا ...انتى مكبرة موضوع زعلك مع جوزك...
غير كدة انتى المفروض بتعاملى ربنا ...يعنى مينفعش جوزك ينام وهوا زعلان منك والا الملايكة حتفضل تلعنك...
وفيه حديث تانى فيما معناه ...ان ربنا لو كان امر حد ان يسجد لبشر لامر المراة ان تسجد لزوجها
فمينفعش تحطى راسك براسه....
متزعلييييييش منى... بس والله انا بحبك ومش عايزة تكونى متضايقة...
وانتى دلوقتى زعلانة وجوزك زعلاااااااان...طب ليه النكد دة؟!!!
الدنيا مش مستهلة..... جوزك اكيد حيقدر انك اللى ابتديتى الصلح

وربنا يجعله فى ميزان حسناتك ان شاء الله

معلش يا ندى بس ملحوظة

الحديث اللي بتتكلمي عنه ده لما يبقى هي اللي مزعلاه

هبة مزعلتش جوزها هو اللي زعلها واحنا بنقول لها معلش تعدي وتسماح بس هي مغلطتش

والله يا مي انا صعبان عليا اوي بس برده صعبانه عليا نفسي
انه يزعقلي وهو طيب وكل حاجه بس كل لما يجي هنا لازم تحصل حاجه
مش عارفه في البيت عنده بيقلوله ايه مش فاهمه بجد
وهو امبارح بعتلي رساله وبيعتذر يقولي ان اكبر غلطه عملها بس ده كله كلام وحاسه ان الموضوع هيتكرر تاني
ومن ناحيه تانيه حاسه انه بجد مكتئب وحالته النفسيه وحشه وصعبان عليا
حتي لما كلمته انهارده كان موضوع يعني مستعجل وكان لازم اكلمه ولما فتحت معاه موضوع شغله قالي لو سمحتي متكملنيش تاني عشان انا مش في طبيعتي وممكن اقول اي كلمه تضايقك تزعلي تاني
انا مش عارفه اعمل معاه ايه بجد حاسه ان كرامتي وجعاني اوي

هوبا حبيبتى بصراحة امة الله وندى كفوا بصراحة بس انتى بتقولى ان جوزك نفسيتة وحشة وانتى الحاجة اللى بتهون علية يعنى المفروض انك تكونى حنينة علية وبلاش القسوة يا قمر معلش حاولى تكونة معاة وترضية وربنا يجزيكى خير بلاش يكون زهق ضغط الشغل وزعل من ناحيتك انتى كمان والله الراجل مسكين كدة مش عارف يلاحقها منين ولا منين معلش يا قمر ومافيش فيها اى اهانة ليكى ان تجريح لما تصالحية واكيد هو هيقدر وقوفك معاة فى ظروف شغلك وانك كونتى اللى بتهون علية الشغل وبعدة عنكم وربنا يصلح الحال يارب (f)

زي ما مي قالت يا ندي انا مزعلتوش
واتنازلت ومرحتش عزومه اختي عشانه وعشان والدته

صباح الخير يابنات إزيكم وحشتوني جدا

صباح النور يا دارين اخبارك اية يا قمر (f)

ماشى يا هوبا يا حبيبتى....
بس هوا اعتذرلك ....
ومن الواضح كدة انه جوزك اعصابه مشدودة من الشغل ومن بعدك انتى وبنته عنه...
فشيلى عنه الهم شوية يا هوبا....
كلميه قوليله كلمتين حلوين كدة يفتحو السواااااد اللى قدامه دة
اصلك كدة منكدة عليه وعلى نفسك....
و عشااان يحس ان فيه حاجة تفرح فى الدنيا دى.....


الراجل دة لو جاله اكتئاااااااب مش حسامحك يا هوباااااااااااااا

hoba555;10271503:
والله يا مي انا صعبان عليا اوي بس برده صعبانه عليا نفسي
انه يزعقلي وهو طيب وكل حاجه بس كل لما يجي هنا لازم تحصل حاجه
مش عارفه في البيت عنده بيقلوله ايه مش فاهمه بجد
وهو امبارح بعتلي رساله وبيعتذر يقولي ان اكبر غلطه عملها بس ده كله كلام وحاسه ان الموضوع هيتكرر تاني
ومن ناحيه تانيه حاسه انه بجد مكتئب وحالته النفسيه وحشه وصعبان عليا
حتي لما كلمته انهارده كان موضوع يعني مستعجل وكان لازم اكلمه ولما فتحت معاه موضوع شغله قالي لو سمحتي متكملنيش تاني عشان انا مش في طبيعتي وممكن اقول اي كلمه تضايقك تزعلي تاني
انا مش عارفه اعمل معاه ايه بجد حاسه ان كرامتي وجعاني اوي

معلش يا هبة

بس الصراحة بجد الموضوع ميستاهلش كل اللي انتي عاملاه ده والراجل اتكلم واتعذر وقال لك انه مش في طبيعته

عديها علشان لو انتي كنتي في يوم تعبانة وعكيتي يعدي لك ويصبر

والمفروض متخليش كبريائك يكبر المواضيع ما بينكم ... وبعدين يا ستي لو الزعل بيحصل بسبب أهله معلش ما هو صبرك ده ربنا بيجازيكي عليه خير واللا انتي بتصبري من غير نية ببلاش؟؟

عدي الموضوع لأنه بجد مش مستاهل واحتسبي الأجر ... وحسسيه إنك مقدرة الجوانب الكويسة بتاعته علشان ميحسش إنك مش حاسة بحاجة كويسة بيعملها

احنا لما بنتعصب أو نزعق لو حد قال لنا حاجة نفضل نقول معلش واستحملونا والبيت والعيال ومش عارفة ايه؟؟ ما هو برضه طالع عينه في الشغل ... معلش عدي له وابقي اتكلمي معاه في الموضوع وفهميه إنك كنتي متضايقة أوي وعديتيها بس علشان هو ظروفه كانت صعبة في الشغل


هو هيقدر الموضوع ده وإن شاء الله مش هتتكرر ... بس كده هو فعلا هيحس إنك مش حاسة بيه نهائي ومش مقدرة أي ظروف صعبة بيمر بيها