تجمع امهات شهر مآيو لشهر شوآل^_^

عليييييييييا وعليك عنوني ,, الحمدلله اهم شي استانستوا وان شاء الله تعيدوونها ,, اخبارك واخبار جوجو الحلوة ؟؟

والله جوجو اول يوم قضته نايمه وجننتني! ثاني يوم حست بتغيير الجو وماخذت راحتها هههههه ثالث يوم تعودت واليوم رجعنا
بس الحمدلله كانت معاي امي ساعدتني عليها وهناك بعد خوالي وخالاتي ماقصرو انبسطت كل شوي احد شايلها الحمدلله
انتي ماتفكرين تروحين مكان من هنا من هنا قبل لاتخلص اجازتك؟رجعتي حاولتي مع ريمي عالاكل! ولالا
انا اشوف بنتي نصاااابه كل ماجي ااكلها تسوي نفسها بتشرق قلت بشوف وحطيت لها الملعقه يادووب ع طرف شفتها والملعقه فاضيه قامت تسوي نفسها تشرق ههههههه بعدين جلست تضحك الله يصبر قلبي بتجنني
تطعيمها باذن الله الاسبوع الجاي الله يستر يارب يكون ابره وحده بس=(

هههههههه ياعمري عليها ,, لازم جييي على ماتتعود ريمي بعد عندها هالحركة ...

والله يا أختي بهالعيد رييييموووه سوت لي فيلمم ! لما رحنا لأهل أهل زوجي لان بخاطرهههم يشوفونها من اول ماولدتها فلما رحت لهم الله لايراويك شسوت !! مو بس ماتبغيهم الا ماتبغي الدار اللي هم فيها حاول معاها ابوها يحملها يشيلها من تسمع صوت أحد منهم تصارخ ماقدرت و هم زعلوا ؟!! اقولهم للحين صغيره شوي شوي تتعود والاخت مافتحت باب البيت بطلع الاا ماشوف الا وحدها ابتسامتها من الخد للخد !! ههههههه هذا اول فيلم ....

ثاني فيلم كاان لما رحناا نتشرى لها اغراض طبعا عطلة زوجي كل يوم نطلع عشان نخلص اغراضنه وبنفس الوقت نغير جوو ومانرجع الا مرهقيين من الاخت ( ملكة اليزابث ) .. رحنا محل ألعاب قلت بشتري لها السجادة اللي عليها العاب و تعالي شوفي شسوت ,, مسكت لها لعبتين كان ابوها يوريها اياهم والثالثة مسكتها بالغلط وشبكوا عندها وطاحت صيااح ماتلمسونهم من عندي !! وبس طول الوقت ماسكه الالعاب و تحاجيهم هههههههه .ولما رجعنا البيت ماتبغيهم ,,,

عن الأكل لا حاولت مرة وخلص هونت واوردي خلاص قررت ان مابرووح وخبرتهم بعد مو بيدي شسوي ربي كاتب بس من اسبوع تقريبا اكتشفت انها تحب الكرز فقمت اعطيها وحده باليوم او ثنتين ,, المشكلة مو على الشغل الحين المشكلة ان حتى بطلعاتي اتغربل بهالسالفة يعني اللي يهداها ماتجيها حالة الجوع الا اذا شافت الطريق حتى لو توني راضعتها !! يعني احس الشي مزعج ! من جي انا انتظر اخلص من تطعيمها و بعدها باسبوع ببتدي معاها الاكل شوي شوي ....

التطعيم هو نفس القبلي يعني ابرتين هاذي الجرعه الثانية وبعد 6 شهور بعد نفس الشي وهاذيك الجرعه المكملة ... يالله ربي يساعدنه ان شاء الله بذاك اليوم ويا محاسن الصدف يوم تطعيمها بيكون عندنا زواج !!!

الحمدلله على السلامه احلى حلوه اشوف الجو متحسن هاليومين فقطر اتاري جوجو منورتنا هاه قوليلي وين رحتوا وشاللي عجبكم واللي ماعجبكم حسافه مجمع فيلاجيو مافتحوه والا كان انبسطوا فيه احنا والله مفتقدينه

التفاحه بنتج حبيتها من قلب على افلامها العجيبه هههه فخاطري بجد اشوف صورتها

شهوودة من عيوني ان شاء الله براويك صورتها اذا نزلتهم من الكاميراا ....

هالمجمع اللي صار فيه الحادث شهوودة موو ؟؟ ,, كسروا خاطري خصوصي اللي فقدوا تواءم على عمررري ... انا بخاطري اروح تركياا وبعدها على صلالة ,, ان شاء الله اذا كبرت ميمي شووي برووح ...

شنوو تطورات بيبياتكم هالاسبووع ؟؟ ,, انا ريمي اشوف جم يووم كله تقول بو بوو وتمسك لعبتها وتقعد تهذر معها كأنها تقص لها قصص !! ,, السعاابيل زاااااااادت واحس انه كل تبغي شي يحك لها لثتها ,, تقدر تنقلب بس ماتقدر ترجع مرة ثانيه وتتملل بسسسرعه والحين تحب تسوي لي مقالب مثل تسوي عمرها تكح ولما اجي لها اربت على صدرها تضحك ههههههه فديتها ...

تفاحه
هههههههههههه بنتك الله يحفظها جننت العالم,تصدقين زين بنتك تحب الالعاب انا بنتي مدري كيف جربت معاها كذا لعبه ماش ماتبيهم مدري كيف اخليها تلعب بس تبينا احنا نلعب معاها ونسولف معها جبت لها العاب تغني صغنونه ماتبي احترت صراحه!
بس عيديتها تعرف تمسكها زين ههههههههه ذاك اليوم مسكت عيدياتها وتعالي شوفي ماتبي تفكهم ويوم خذتهم منها قامت تخزني ههههههه زوجي يضحك علينا!
شهد
اول يوم وصلنا الي هو الاثنين يوووه الجو كان رطووووووووووووووووبه طلعت عيوني وحبكت الا خالتي بتودينا كتارا عشان الالعاب الناريه وكل مانجي ندخل مكان فلل اخر شي قلت لها خلنا نرجع البيت, فعلا الكل قالو مفتقدين فيلاجيو! رحنا لاند مارك سيتي سنتر وسوق واقف اكيد جلسنا بمقهى داماسكا اتوقع اسمه! وعلى حظي كنت ابي اتحنى عند الحريم الي جالسين برا وقالو الحنايه ماجات اليوم انقهرت ههههههه بس الحمدلله انبسطنا وجمعة الاهل كانت مررره حلوه
بس استغربت موقف صار بالاند مارك! كان معاي بنت خالي وصديقتها صديقتها احس بالنسبه للممجمع ولها هي لابسه عادي! لابسه بنطلون وبلزه كت عاديه جدا جاتها وحده وقامت تقرقر على راسها تقولها وش هاللبس ومدري ايش المشكله بنفس المكان فيه امريكيات لابسين شورتات وحاله بس اشوه البنت عقلها كبير ماقالت شي بس هذيك الحرمه مادري حزتها وش كان فيها محتره وطلعت حرتها بالبنيه مسكينه كسرت خاطري ههههههه

تفاحه
كيف بتطعمينها وتروحين زواج بتصير الحفله حفلتين ههههه الله يستر, انا بنتي عطوها ابرتين بفخذ وابره بالفخذ الثاني المره الي راحت! غير تطعيم الروتا بالفم اوف يارب الله يعين ويعدي ع خير
الحين سؤال المشايات حقة الاطفال نحظهم فيها التطعيمه الي بعد الجايه؟! يعني لما يتمون الشهر السادس ولا بس يدخلون الشهر السادس! لان جوجو ذابحتني اذا بنسكتها لما تصيح نوقفها تستانس بس بعد احس بدري ماحبها توقف واجد
والسعابيل حدث ولاحرج! وكلا ايديها بفمها جننتني وخالتي الا والا بيطلعون لها اسنان قلت لها مايطلعون قبل السادس ومافي اي شي اصلا باين بلثتها بس يمكن تهئ نفسها من بدري! احس بوسوس زي الحريم يجلسون كل شوي بيسنن بيسنن واخر شي ماتطلع الاسنان قبل 8 شهور خخخخ الله يعين ويسهل

كل عام وانتون بخييييييييييييييير

الحلوووة ,,, اي والله ربي يعيييين ! قلت بخليها في الليل مع ابوها وبروح اناا والحمدلله انها تنام بالليل !! .... هههههههه جوجو تخاف على الحلال يختي يعمري عليها ,, وع الالعاب خذي لها اشياا كبيرررة وملوونه هذا يلفت نظرهم وخليها تمسكهم وبتشوفين شوي شوي تحبهم انا ميمي من كانت صغيره اخليها تتعلم تمسكهم والحين تعودت تمد يدها وتمسك ... وعلى السعابيل معناه فعلا قاعد يجهز اولاا للتسنين وبعد شهرين او اكثر ان شاء الله تبدأ تطلع لها وثانيا عشان تبدأ تنطق بالكلمات البسيطة يعني بابا تاتا دادا هيك ... التطعيم هو 3 مرات نفس الشي يعني ابرتين والروتا اماا تطعيم الشهر الثامن يختلف ...

المشاية حبيبتي من تبتدي تمسك راسها وتقدر تتقعد بالأرض يعني من نهايات الخامس الى نهايات السادس خلص تخليها فيها اولاا عشان تأكلينها فيها وثانياا عشان يساعدها على الحركة و تسوي تمارين تقوية لرجلوها ويساعدها للوقفه ... انا مقررة ان شاء الله بالشهر الجاي عشان خلص تتعود ...

افا يام ميمي
ماكانج شفتي ردي

عيدكم مبارك وكل عام وانتو بخير

جووووووووفان افاااا يالعسل اعذريني لاني صدق ماشفت مو مني من الاخت اللي وياي هههههه ,, اخبارك يالحلووة ؟؟ عييييييييييدك مباارك وسعيد ان شاء الله وأخبار امورك ؟؟ و شنو آخر التطورات ؟؟؟

همس ,, علينا وعليك ان شاء الله ... اخبار الكتكووتة ؟؟

تفاحه
بس ابوها وش بيسوي اذا قامت باليل تبي ترضع؟!! يوه الله يعينك ويقويك عالرضاعه صراحه
الالعاب تعبت صراحه بنتي تجيبلي الاحباط تحب الحركه اكثر من الالعاب يعني تشوف صغار يلعبون تتحمس وتستااانس اليوم ولد اختي ماشاءالله حركي مرره عمره 5 سنين تقريبا شقولك طول اليوم بس تطالع فيه وتلحقه بعيونها ودها تفز تلعب معه! عشان كذا احسها مياله للعب الحركي اكثر من الالعاب العاديه! اتوقع بتستانس عالمشايه وعلى رايح ان شاءالله شهر شهر ونص احطها فيها اشوف تطورها كيف! وربك يسهل
جوفان
كل عام وانتي بصحه وسلامه ويارب العيد الجاي نفس هالوقت يكون معاكي توام مو بس بيبي واحد^_^
همس
كل عام وانتي بالف خيير اخبارك واخبار البيبي وكيف الحياه الجديده=) تعال تفاعلو معنا خخخ حسسونا ان فيه احد مشارك وحشتونا

الحللوة ,, شسوي بعد ماعندي الا هالحل ! وانا حافظة جدولها هههههه يعني بروح بالساعتين اللي بتنام فيهم !! اما سالفه اوديها معااي نووو ويييي بتفضحني !! هوو لما عمتها جات تبات عندي الله وكيلك ما هدأت بمكانها ! يا تصيح يا تسوي حركات عجيبه غريبه ياا تبغي تتدلع زود يا تبغي كله على صدري !! كأنه احد معتدي على مملكتها ولما راحت ياسبحان الله من طلعت من الباب رجعت بنتي طبيعيه !؟! الله يستر شنو بتسوي فيني اذا كبرت بس ,, وعلى قولة الوالده انا كنت جذي لما كنت بيبي !!! ...

الحلووة الله يستر على جوجو !! ذكرتيني ببنت اختي لما كان اخوها يلعب ويجنن امه واللي حواليه هي كانت تركز فييييه وكانت هااادئة يازعم والحين لما صارت بعمرره تسووي كلشي كان يسوويه بالضبببببببط و تزيد عليه حبتين !! يعني على قوله امي الحين هي تختم ههههههه ...

التفاحة الجناوية;16229477:


همس ,, علينا وعليك ان شاء الله ... اخبار الكتكووتة ؟؟

الحمدلله بخير ,, :)

احلى~حلوه;16229774:

همس
كل عام وانتي بالف خيير اخبارك واخبار البيبي وكيف الحياه الجديده=) تعال تفاعلو معنا خخخ حسسونا ان فيه احد مشارك وحشتونا

الحمدلله بخير ,, والله الحياة اليديه حلوة ,, بس احس اني مزحومه وماعندي وقت :worn_out: مادري شنو بسوي لين رحت الجامعه :!!:

تفاحه
ههههههههه انتي مثلي! بس بنتي عندها حاسه سادسه حتى لو اقرر اسوي شي بالساعات الي ضامنه انها نايمه فيها تقوم وتنكد علي خ خ خ خ ان شاءالله ريمي تنام نوم العوافي لحد ماترجعي
اما بالنسبه للشطانه لاتخافي معلمينها كثار! ولد حماتي وبنت حماي ماشاءالله تبارك الله حركييييييييييييين وشططانه على كيف كيفك وولد اختي بعد مو مقصر يعني ميه ميه هههه تدرين انتي اتوقع لان ريمي معك انتي وابوها بروحكم! عكس انا ببيت اهلي بعدين بيت اهلي زوجي وتشوف اطفل ووجيه ماشاءالله كثير خلال اليوم خلاص تعودت الحمدلله ههههه
همس
الله يعينك انا كمان جامعتي تبدا بعد شهر كل مااتذكر تمغصني بطني هههههه بدري كيف بداوم بالعمل والجامعه ومتى بشوف جوجو! يارب القى محاضرات بالاوقات اللي ببالي ولا فمصيببه-_-

بالنسبه لتطورات جوجو بدت تفحط شوي لما اخليها ع بطنها بس مافي تنسيق بين حركة رجولها وايدينها باقي ...غير كذا متحمسه ابدالها بالاكل هههه بس معرف ابدا بالخضار الي كوسى وجزر وكذا ولا ابدا بالفاكهه زي التفاح احترت

الحللوة ,,, ربي يعييينه عليهم ! .. ايي انا متعمده ما اوديها بصراحة فووق المعقول شطانتهم !! يعني الوالدة على عمرري ماتوصل الساعه 2 الظهر عشان امهم توديهم للنوم الا امي مرررهقه تناام من التعب !! فقلت بعد ماتفتح المدارس بروح للوالدة الصباح كل يوم ع اساس بنتي تظل معاها .... تصدقين عااد نفس تفكيرري انا جد خايفه من سالفه هالحاسة السادسة هههههههه حتى قلت مابروح مبجر ومابروح الصالون !! تنازلت عشان بس اضمن انها تنام خخخخخ ...


الله يخليها جوجوو الحين ترافس عشان تثبت نفسها شوي شووي ,, ميمي بعد جيي بس تحب ترافس على فوق يعني تدز راسها خصوصي عاد اذا احد ماسكها او تضحك ههههههه ... الأخت اكتشفت اليوم ان ضحكتي تضحكها !! هههههههه يعني بالاخير صردنا قردة !! هوهو هاها خخخخخ ...

التفاحه
اي اهم شي التنازلات انا جبت الكوافيره للبيت لما كان عندي زواج وسويت كل شي هناا وكمان ماسلمت من جوجو خخخ
هههههههه لعيونهم نصير كل شي انا بنتي البوسه عن بعيد والحركات الي اسويها لما امطط رجولها وايديها وكذا تخليها ضحككتها توصل لاخر الشارع ههههه
لاحظت اذا احد شالها ترافس ترافس برجولها كنها خايفه تطيح خخخ

يالله بانت حياكم في موضوعي الجميل

تجهيزات البرنسس [ عائشة ] الجزء 3

الحللوة ,, والله فكرة حلووة وتوني مكتشفة انه فيه صالون جنب شقتي لصق ! اعتقد بروح هناك بس بنفس الوقت اقوول يمكن أروح الملجة لان بتصير الصباح والعصر الحنة واشطب سالفة الروحة للخطوبة بالليل !! لان افكر ان ميمي توها متطعمه واكيد بتزيد حرارتها خصوصي بالليل مثل ذيك المرة او يصير لها اسهال !! ....

هههههههه تجنن ضحكتهم بهالوقت ياعمرري الله يخليهم ويبعد عنهم كل شر يااااارب ,, انا بنتي الحين جم يوم اشوف فيها شي براسها من ورا لما شلت شعرها ماشوف الا بقعه حمراا على عمرري مرة وحده طلعت لها !! قلت يمكن اكزيما بس ماتحكها ولا منزعجة ولا فيها قشرة مجرد طبقة من الجلد الميت وبروحه يقوووم ,, تقولي امي يمكن عين شببيها كسرت خاطري ...

الحلوة بديتي تسبحينها وهي قاعده ؟؟ صارلي جم يوم اسووي لها الحركة وهي مستانسه ولا تبغي تطلع من الماي ههههههههه ....