تجمع امهات شهر مآيو لشهر شوآل^_^

الحلووة ,, ربي يحميها جوجوو ويسلمها ويلووق عليها الذهب والألمااس وان شاء الله تترسينها بس اهم شي تتحملين من هالموضوع ...

امس جننتني مريوومة مو راضيه تنام نفس الناس والعالم !! مادري تتحلم انها تنقلب بنص نومتها ! وماشوف الا وحده قالبه على بطنها وقاعده !!!!! وارد اعدل فيها وراحت نومتي من زود ماانا قاعده احاتيها وكلحين افتح عيني عليها ,, واشوف امس من الصبح صوتها شوي متغير لما اقول لابوها يقولي انتي موسوسة بس تأكدت انها مزكمة لانها تضايقت بالنومة امس كله تبغي تقلب ع جنب ولحد الصبح فيها هالحالة تعبتني وجننتي واللي زاد علي ان الدورة جاتني مرة وحده و الوالدة مرضت وصارت لنا جم مشكلة سبحان الله كلشي يجي بوقت واحد بس الحمد والشكر لله هو يعطي لصحة والعافية ....

التفاحه
الله يعافيها ماماتك ومعليه ربي اذا حب العبد يبتليه الحمدلله, انا جوجو امس هبلت فيني كمان الظاهر حاسه بصديقتها ريمي هههه قامت الفجر تصيح الاخت ماتبي ترضع وحفاضتها نظيفه نص ساعه احاول اعطيها الحليب تصيح وتوخر راسها جننتني اخر شي طنشتها خليتها تبكي بعدين فكرت اعطيها مويه فعلا عطيتها وشربت! يعني احس رسميا بنتي عافت الحليب حتى باليل ياربي مدري وش اسوي معها توها صغيره بنجن شكلي منها ومن عمايلها! كل يوم فلم بهاليل ياربي انتظر الويك اند يجي عشان يصحى معها زوجي ويخليني اغط بالنوم العميق هههههههه
جوفان
وييييييييينك طمنينا حبيبتي=)

,,
والله ربي يعيينك يالحلووة وانتي دوام الله يعطيك العافية صراحة ,, انزين يمكن من الاكل ؟؟ يعني البيبي اذا ينعطى اكل كثيير تصير له طاقه بالليل مايبغي ينام او يسوي شي !! وتصدقين قمت اوسوس على اذونها !! واليوم شريت لها قطرة ام بطه اللي قلتوا عنها قلت بعطيها وان شاء الله ربي يهديها لان حد حددددددددي دايخه هههههههه حتى كتابتي مخربطة ياكافي خخخخخ

انا بنتي تنتف اذنها اليمين ومافيها شي كل حين احط لها من ذا المرهم وخلاص راح الجفاف نظفتها لها امس بقطن الاذون احس مو زين كل يوم انظفلها فيه اخاف عليه خصوصا هي ماشاءالله حركيه واذبحيها ولا احد يجي جنب اذونها او خشمها يوووووه تقلب الدنيا صياح كنك جالسه تطقيها!
والاكل ماتوقع المشكله انها نايمه مغمضه وتصيح العاده لما تصحى كذا احط لها الرضاعه وترضع تكون جوعانه بس امس سوتلي هالفلم واحترت معها لو تبي تصحى كانت صاحت شوي بعدين فتحت عيونها وقامت تلعب مثل فلم ذيك المره>>>ياكثر افلامها جوجو هههه

حبيباتي انتوا والله
اكثر قروب اشتكي له ويتعاطفون وياي
ضعف في بطانه الرحم
وعطتني علااج
يارب رحمتك تعبت من المستشفى وايديني زرق من التحاليل

الحلوووة ,, ربي يعيينك والله احس بتعب هالدورة البلووة وفوقها ميمي مزكمة رسميييي وابو بطة امس استخدمته معاها مافااد و لما حطيت لها مرة ثانيه بالفجر لان صعبه نومتها طلعت كل الحليب اللي شربته وقعدت لي مبققعه عينها وساعه ع مانامت !!! والأخت طالعه لي طلعه النومة ع جنب يعني ماتقدر تثبت نفسها على جنب عدل عدل وتعالي انتي عدلي الوضعيه وخليني انام جذي !! فمن جذي ماانام حدي ربع ساعه وارد انتبه واشوفها طاحت على بطنها ووجها لو لا ,, ربي يعيينه بس ... افكر للسرير شنو بتسوي فيني ع جذي !!! ....

الحلووة ,, تحملي من تنظيف اذنها ,, يعني بالعادة مفترض ماتتنظف الاذن لان الشمع الموجود بهالفترة يحمي اذونها من المااي اولاا ومن الحشرات ثانيا ومن البكتيريا ثالثا لان حاليا قناتهم السمعيه قصييرة مو مثلنه من جذي تشوفين الشمع يطلع لبره ...

واذا قعدت جوجوو ماعليك منها حاولي تهزينها وتنيميها بتاخذ فترة بس بتنام عن تجربة ويوم عن يوم بتتعود ان هالحزة تكون نايمة ...

جوفان ,, حبيبتي سلاماااات ان شاء الله وأجر وعافية ان شاء الله والضعف بالبطانة ياخذ له فترة ويرد الرحم يبني خلاياه بعد فترة لاتخافين هذا كله بسبب النزيف ....

دوفان
سلامتك ماتشوفين شر اجر وعافيه يارب=)
تفاحه
والله انا ماعمري نظفتهم لها بس شككتني بنفسي لما قامت تحك انا اصلا اخاااف انظفهم نو واي يعني! بس مدري هالحكه وش سببها احترت وحيرتني معها
ابو بطه نقطه بكل فتحه وكل 6 ساعات هذا الي قالي اياه دكتوري انا كنت اعطيها اياه قبل الرضاعه بشوي لان طعمه مو ذاك الزود وبنفس الوقت مو قوي لدرجة وع>>جربته ع نفسي ههههه
انا اخليها تلعب مااشيلها من سريرها لو تسوي ايش تطفش بروحها وتجلس تتبكبك اخليها 10 دقايق واشربها اي شي ماي حليب الي هو وتنام الحمدلله
بس من هي نونو انا ماشيلها من سريرها باليل عشان تعرف ان الليل للنوم مافي شيل وحط اول شهر متتتت كانت ماتنام الا بحضني! من احطها بسريرها صياح قلت بسس لهنا وخلاص اعطيها رضعتها بسريرها وكل شي بس المشكله انتي ترضعينها طبيعي يعني غصب تشيلينها خخخ انا اشوف جوجو تثبت ع جنب بس ماتحب تقلب حتى عالارض صارت ماتبي تقلب بس تميل نفسها ع جنب, وعالسرير انا جبت لجوجو مخده مخصوص من سنتر بوينت حلللوه داخلها زي الجل احط نص جسمها عليها تغوص فيها وتمنعها تنقلب خخخخ
عيني اليمين كلللللللش حمرا وحالتي حاله شكله من قلة النوم وكل الناس تقولي وجهك اصفر وقمت احس طول الوقت اني بردانه! اتوقع دمي نازل لان البرد الي احسه مو طبيعي اقصر عالمكيف اقصر شي وكمان البس روب شتوي بالبيت اي نسمه تثلجني
-_-

سلاماااات حبيبتي ماتشوفين شر !! يمكن نزلة برد عندك من التعب يصييير هالشي بس عليك بعصير البرتقال اما الاسترخاء والراحة ماقدر انصحك فيهم لان ادري مابتقدرين من جوجو !! ,,, شخبار نومه جوجو ان شاء الله ماسوت الفيلم مرة ثانيه ؟؟؟ واما الحكة انا امس تذكرت شي ان ميمي من كانت صغنوونة بالاربعين وهاي حركتها بس يمكن لان ذاك الوقت ماتقدر توصل لورا او تثبت يدها ميه الميه من جي ماحطيت بالي بس عندها كم صورة اذا ترضع لاازم حركة الحك بالراس او الشك بالشعر !!!! فيمكن جوجو مثل الشي وتدرين الحين نوسوس من اي شي !!!! .....

اما اليوم بنتي قعدت الا اسمع ابوها يقولي اكوو في عينها اللي تقلب عليها ضبضوب ( انتفاخ ! ) وفعلا فييه بس بعد كم ساعه شويه خف بعد ما سويت لها كمادات ساخنه و مسحت وجها بماي الورد ,, لاحول الله كل يوم شي احسها بنتي وكله من هالحر والرطوبة اوووووووف ! والمشكلة انها تاخذ الاشيا الغلط مني ومن ابوها يعني الحساسية وتسكر الانف مني وانا حساسيتي حتى لو فيه حشرة صغيره اتحسس >>> بنت السلطان خخخخ ,, ومن ابوها سالفه هالانتفاخ ...

الحلووة بديتي مع جوجوو نظام الأكل ؟؟ شنووو الجدوول بتاعك ؟؟ ,, انا ميمي كل يوم اعطيها يا سنطر يا عنب وهاليومين ببتدي معاها تفاح و كمثرى وموز على حسب كلام والدتي وبعدها ببتدي السيريلاك بالرز ,, بس خايفه استخدم لها بسكوت لانه من القمح مادري فيه على رز لو شنو ..

والله ياتفاحه مخي مو مركز منقهره ومتضايقه بنت حماي عنقزت ومدري وش بسوي بجوجو وين اوديها المشكله مقدر اودي لامي كل يوم مااضمن اخوي يمر ياخذها والحل احس فيها فيها بنتي العنقز ="( بصيح والله خايفه عليها حددددي
عالبسكوت حبيبتي حق الاطفال يكون مكتوب عليه بدون قمح وبدون بيض الظاهر او شي انتي دوري وبتلاقي, جوجو عكسك انا بديت معها سيريلاك رز وامورها الحمدلله تمام ببدالها بالكوسى قريب بس مدري كتى احس مخي مشغول وكمان متردده من سالفة كرهها للرضاعه! لان السيريلاك مره باليوم وكرهت الحليب شلون لما يصير خضار وسيريلاك طق اصبع ويا طويلة العمر!
عالعيون عندنا وعندك خير! جوجو تدخل صبعها دااخل عينها تخيلي مرات اقول خلاص راحت عينها شمختها ولا جاها شي مسببتلي فلم رعععب

يووووو على عمري يالحلووة ! هاذي المشكلة اذا واحد من الاطفال مرض ينقله بسسسرعه للباقي واعتقد تقصدين الحصبة الليل نسميه ابو شنيتر عندنا !!!!! بس حبيبتي قد ماتقدرين وديها لأمك يعني فكري يوم بيومه وعلى العدوى هذا تصير عدواه بالنهاية اذا الطفل بيتشافى يعني بعد جم يووم فانتي بعد يوميييين ثلاثه حاولي تبعدين جوجوو وربيي يحمييها ....

وع الاكل امي تقولي اذا بديتي تاكليها بيقل شربها فلاتخافين لانها شبعانه من جييي ,,

والله تفاحه العنقز هو جدري الماء المشكله ماتطعم له قبل السنه
خلاص شسوي بعد هذا انا بوديها لامي طول هالاسبوع وخلقه الاسبوع الجاي اجازه يومين لليوم الوطني الحمدلله
والله بنتي ذبحت اذذذذذذذذنها حكه اليوم اشوفها متجرحه شوي كل الاماكن طابت تحت رقبتها الحمدلله راح خدودها صارو زينين الا ورا هالاذن تعبتني معاها طول اليوم احطلها من المرهم وانفخلها عليه تهدا شوي وترجع ترد اليوم ماما عطتني مدري وش شي بودره كذا نسيت اسمه قالتلي انقع منه شوي بماي واحطلها ان شاءالله يارب يفيدها

الله يعيينك حبيبتي ماعليه شتسووين مجبوورة انتي ! ,, لاحول الله يانه يااا هالحكة !! مثل حالتي مع ميمي يعني !! والله احس شوي وبصيررر مجنونة ,, الاخت امس اول تجربة لها بالسرير بالبداية اشوفها متحممممسة للنومة بس بعدين اشوفها تبغي تقلب وبدل ماتنام على جنب مبااشرة على وجهها ومكملة النومة ! بغى يوقف قلبي لان لو بس دقايق ما اوتعيت لها انجان راحت من يدي الله لايقوله والله تذكرت ولد خالك استغفر الله حسيت بإحساسهم بقووة ,, قلت مابحطها بالسرير إلا لما تقدر تثبت اليمين واليسار يعني على نهاية هالشهر او نص السادس ...

وعن الحكة اليوم اشوف خدها اللي ذابحته من النوم عليه صاير احمرررر واشوه بعد ماحطيت عليه الفازلين خف شوووي ,, شوفي جوجو تحك لأن صاير جاااف ميمي كانت جييي واستخدمت معاها الفازلين تبع الجونسوون وماشاء الله كلها جم يووم ورااح اليبااس وهذا كللله من الحر والرطووبة اللي عندنا ولاحظي ان كل مازادت الرطوبة كل مازادت الحالة !!

والله تفاحه جوجو رسميا شكلها لما تنعس تبدا تحك! لان لما تكون قاعده احط ايدي العب باذنها عااادي ماكن فيه شي! يعني نحاسه
بالنسبه لريمي تذكرتك بسنتر بوينت مسويين زي المخده من النص فاضيه ومن الجنبين فيه مخدتين عشان تثبت الطفل! روحي شوفيها وااضحه بالرسمه كذا تتطمني عليها اكثر!حتى لو جنبك

تقاحه وشو سنطر؟؟

الحلووة ,, عجل هاذي حكة النومة لاتخافي منها !!! وكل مازادت الحكة كل ما عنى انها تعباانه ونعساانه حدها هااي ميمي جييييي والحين صرت اعرف متى تكوون دايخة وتبغي تنام ...

عن المخده بدل الوحده عندها ثنتين !! وحده شراها ابوها لها من مذركير مثل اللي قلتي عنها والثانيه ست كامل من القطن ويازعم طبي والخ بس الله وكيلك ماترضى !! ما تقدرين عليها واذا بغت تقلب تقلب لو شنو تسوين فيها اللهم اذا خليتها صوبي ورضعتها شوي تطنش ,, انا ماعلي خلها تقلب بس اهم شي مو على وجهها لان صارت لي نفس الحالة اقعد بالليل متخرعه اطل عليها .....

جوووفان ,, السنطرر اخو البرتقالة هههههه ماعرفه بالعربي الفصحة بس اعتقد انه يسمونه عندكم باليوسفي او الافندي ؟؟؟ ....

يالله امهاات قريب بنخلص الخمس شهوور شنوو تطورات ببياتكم ؟؟

وااااااااااااااااااااااااااااااااااااااااااحشيني ومشغووووووله حدي لي رجعه لكم بس مادري مته:(

اها اول مره اعرف ان الافندي اسمه سنطر

شهد الله يساعدج

شهوووودة ,, وانتي واحشتنه أكثـــــــــــــــــــــر ,, ربي يعييينك ويعطيك القوة والعافية ان شاء الله ...

جوفاان ,, ايي اعتقد ان احنا مميزين بهالتسمية ههههههه و اعتقد سموها سنطر نسبة لتسمية الشي المقطع يعني مسنطر مقسم جييي ..

تفاحه
عذرا عالقطعه بس عيني جدددددها ملتهبه ومقدر اطول عالاب بس قلت ادخل اتطمن عليكي واطمنكم علي
جوجو صايره شيطونه وفعلا خلاص حفظت حزة النوم الحكه باليل رجعت البسها قفازات زي لما كانت صغيره خخخ والحين مجننتني يوم تنام زين يوم لا احترررت ممعاها مع ان نظامي هو هو ماتغير بس وش اقول الله يعين بنجن لحد ماتكبر هالبنت بتعقد من الاطفال والسبه هالنوم الله المستعان
لي باك لما تتحسن عيني دعواتكم^_^

سلامتج ام جوجو

فتحوا تجمع جديد دخلنا شهر جديد