ســـــعوديـــات !!!

بصراحة رغم قرائتي للقصة
أحاول أقنع روحي أن هذولا بنات السعودية


بس مافي فايدة


هذولا بنات ماعندهم دين ولا أخلاق ولاتربية ولا مفاهيم اسلامية

بنات تبنو الفكر الغربي باسم التحرر والتطور
أنا أعر ف إن بنات السعودية عندهم تجاوزات
بس مو لهدرجة
وخاصة إني ساكنة في المنطقة الشرقية وأدرس في كلية البنات
اللي فيها أشياء يشيب لها الرأس



بس اللي أقراه فسق وكفر


أتمنى أخت ترانيم أنك في سياق القصة تعاقبي أو تظهري على الأقل توبتهم
بدل التعامل مع الأمر كأن طبيعي وماسو شي



أدري ردي مختلف عن الردود الاخري
بس هذا رأي


تسلم الانأمل

ننتظر البقية

بنت البنات

سامحيني عزيزتي على الكلمات الي بكتبها لك بهذا الرد

اختي الكريمه هذي القصه قصه للكاتبه السعوديه ساره

وانا ما كتبت القصه من خيالي

عموما انتي ما تعرفين كيف الاحداث راح تدور بنهاية القصه

ان كانت مملكة العربيه السعوديه تم نشر هالكتاب فيه

فهو كتاب يبين الخطأ و الصواب

وبما انه نشر تحت رعاية الحكومه بالسعوديه

فهو كتاب قد تم منحه جائزه على اساس انه يتكلم

بكل صراحه عن المجتمع السعودي وايضا عن المجتمع الخليجي

وبكل ديره مقبره صح يا اختي


طيب لا تقولين وتحكمين على السعودين على اساس مجتمعك ومحيطك

وازيدك من الشعر بيت

أنا مواطنه سعوديه ولكن مقيمه بالبحرين

واقول لك سلامتك يا اختي سافري معي وبتشوفين بعينك

ان شفتي كويتيه او بحرينيه بدون عباة او حجاب تقولين عادي

ولكن الغريب ان السعوديات ايضا يتحررن وقت السفر

أنا لا اعمم بردي على الجميع هناك سعوديات ما شاء الله

محترمات ومتمسكين بالعادات والتقاليد والاكثر من ذلك على الشريعه الاسلاميه

ولكن مثل ما قلت كل ديره فيها مقبره

اختي الكريمه قبل السعوديه لما كنت مقيمه فيها ما كانت البنات تمشي بدون نقاب

ولكن تفاجئت خلال زيارتي بعد بضع سنين ان بعض الفتيات قد تم خلع نقابهن

حتى وهم بالمملكه خصتا بالمجمعات سواء راشد او غيره من المجمعات المعروفه

انا اعتقد ان الكتاب يحكي الواقع الحقيقي لهذا الكبت ونهايته

تتكلم الكاتبه عن واقع الارهاب بالمملكه

يا اختي اخفاء معالم الحقيقه أمر منتهى منه خصتا بالسعوديه

لو كان كلامك صحيح لما شاهدنا الكم الهائل من النساء والرجال بالبحرين

على هالشاكله الغريبه مثل ما تكلمت عنه الكاتبه بكتاب السعوديات

وانا كسعوديه اخجل من هذه الفئه المتمرده عن الدين والعادات

أنا اعلم يا اختي ان ردك كان رد انسانه غيوره على فتيات وطنها

وتحب الخير ولكن صدقيني لعل بعض من هذه القصص تكون عبره لمن يعتبر

خصتا ان الاحداث مع انها غير حقيقيه ولكن هذي الاحداث كما نسمعها بظروف الحياه اليوميه

اصبحت شبه عاديه للبعض بسماع هذه القصص

خصتا بعصر البلوتوث والانترنت ها قد تماشوا مع العصر

تقولين انك بالكليه ورأيتي اشياء تشيب الرأس

فما اعتقد الكاتبه قد روت غير الحقيقه عن بعض المشاكل الاجتماعيه الموجوده

سواء بالسعوديه او خارج السعوديه

أحترم رأيك ولكن لا استطيع معاقبة الاشخاص بالقصه الا بعد انتهاء القصه بشكل نهائي
وبعدها اتيح للعضوات المناقشه بأسلوب الكاتبه وآرائهم الخاصه بالقصه ....

لا يهم ان كان ردك مثل الباقي ام لا
ولكن الذي يهم اني فهمت قصدك ووصلني رأيك
وانا كلي احترام لرأيك الخاص ولكن
لا اتفق مع هذه الجمله بالذات (أحاول أقنع روحي أن هذولا بنات السعودية )

ليش يا قلبي الي عند السعوديات من تربيه ما عند الخليج بكبره ؟؟؟
صدقيني ياما عرفت بنات منقبات ومستورات ولكن ينطبق عليهم المثل الي يقول من برااا هالله هالله ومن الداخل يعلم الله والعكس صحيح للبنات المحتشمات

واخر نصيحه لك يا اختي
لا تخفي المشاكل الاجتماعيه الي موجوده بالسعوده وتقدرين الوضع على حسب المجتمع الضيق ..

وشكرا

نواصل ..

( 23)

هاتف خالد ياسمين على محمولها يعلمها بأخر المستجدات التي حدثت بخصوص موضوع ( الأميره ) شارحا ما وصله على بريده الألكتروني منها , وسألها هل يكشف كل شئ ( للأميره ) ويواجهها بالحقيقه كاشفا كل اكاذيبها عليه طوال الفتره الماضيه ؟ ولكن ياسمين طلبت منه ان يتمهل ولا يتعجل الامور , لأن الوقت المناسب لم يحن بعد لكشف الأوراق للأميره , استأذنت ياسمين من خالد وأخبرته أنها ستحادثه في وقت لاحق , أنهى خالد المكالمه .

وسألته شقيقته داليا :

-خالد الظاهر عندك سالفه وشاغلتك مره !!
-أمسك بمحموله وكأنه يبحث عن شئ وعلق على حديثها :
-صحيح بس لا تسأليني الحين بشرح لك كل شئ قريب .

نظرت داليا لساعتها :
-أوووف ماما ومنار تأخروا الظاهر حنا راح نسبقهم للمطعم حسب الاتفاق .

توجه الاثنان الى مطعم رنج روفر الفرنسي في نايتسبريدج وعند وصولهما كانت كلا من والدتهما ومنار بأنتظارهم وسألهم خالد :

-هاااه عسى تسوقتوا تمام ؟ ترى ما بقى شي على رجعتنا للخبر الا ثلاث ايام بس .

عرفت منار ان السؤال كان موجها لها بالتحديد :

-ادري تكلمني انا شسوي ما احب اتسوق الا اخر اسبوع قبل ما نرجع بس لا تخاف حتى لو مالحقت اشتري كل اللي ابي لما ارجع بسوي طلب للي ابيه ويجيني لحد عندي .

سألت والدة خالد أبنتها داليا :

-وأنت يا ماما مو ناويه تنزلين السوق نزله عدله ؟

تنهدت داليا وامسكت بقائمة طلبات الطعام متذمره بقولها :

-لا من جد هذه السنه ما في شي لفت نظري وغير كذا مش طايقه لندن ولا طايقه نايتسبريدج احس اني امشي في السعوديه , او في الخليج من كثر السعوديين والخليجيين اللي هنا , شي ينرفز وين نروح كل مكان عرب خليج .

أيد خالد كلام داليا بقوله : بس كندا غير ما فيها خليج ولا عرب الا قليل بلد رايق من قلت ان شاء الله السنه الجايه نروح كندا

سألته منال : أي والله تعال هنا وشموديك كندا ؟

رفع خالد حاجبيه وكأنه يود إلقاء قنبله قائلا :

شسوي العروس هناك , ورحت اشوفها .

لم يصدقوا ما سمعوه , سيتزوج خالد اخيرا , فرحت الام ولكنها تريد التأكد تحدثه :

-أخاف تمزح !!

وسألت منار بفضول:

-مين خالد ؟ تكفى قول مين ؟ واااااااااو بتتزوج جد ؟ ياربي ليه ما قلت بدري ؟ الحين اللسته حقت السوق بتزيد أبلبس في زواجك شي عجيب يغطي على العروس نفسها خالد قول ميييييين ؟

قاطعتها داليا وكأنها تعنفها :

-وانت بتزوجين اخوك عشان تكشخين بس ؟

ردت منار وكأنها تود بدأ شجار مع داليا :

-يعني هو أخو على الفاضي ؟ هذه وظيفته يتزوج وحنا نكشخ ونحر العذال .

ضحك خالد من تفكير منار , وسمع داليا تتحدث :

-شكلها كنديه !!

استفز خالد ما قالته داليا , ورد بحده :

-لا سعوديه ومن الخبر بعد وشرايك !!

لم يعلق احد على ما قاله من شدة ذهولهم , ولكنه أكمل :

-عموما بعرفكم عليها لما نرجع .

ظل الصمت سيد المكان , حتى رن محمول خالد ورد على الاتصال بحماس وفرح واضح :

-هلااااااا ياسمين .

نظرو له بفضول , واضطر خالد للوقوف والابتعاد عن نظراتهم هذه , كانت ياسمين تكمل معه الحديث الذي انقطع قبل ساعات بينهم , طالبه منه ان يستمر في مجاراة الاميره لانها تريد ان تكشفها بنفسها وامامها , واخبرها خالد انها طلبت منه رقم محموله للتحدث اليه وهو يمتلك رقم بريطاني , هنا طلبت منه ان يرسل لها من هذا الرقم حتى تعرف انه موجود في لندن لأن الاميرة سبق وان اتصلت عليها واخبرتها انه من المحتمل ان تذهب الى لندن قبل عودتها من كندا , فهم خالد مقصد ياسمين من هذه الفكره , ولكنه عاد وسألها عن الكيفيه التي ستكشف بها كذب الاميره اجابته ياسمين بثقه :

-لا تستعجل كل شي بوقته حلو .

انتهت المكالمه وعاد خالد للطاوله وسألته منار وكأنها تباغته مين ياسمين ؟

غير خالد مجرى الحديث بطريقه ذكيه وألتفت الى داليا يسألها :

-داليا متى عيد ميلادك ؟

أجابته : بعد اسبوعين , ورفعت رأسها للأعلى قائله :

-يالله احس الايام تمشي بسرعه بكمل 23

صرخت منار : يالله وللحين ما تزوجتي ؟ ما بقول عانس ما بضايقك !

نظرت والدتها لها بنظره تأنيب على السخافه التي تفوهت بها معلقه :

-عانس ! طيب والله لاوريك صبرك علي بس فرحانه بعمرك 19 سنه , خلاص ما بقى شي عليك كلها سنه وتصيرين انت عانس .

ضحك خالد على هذا الجدل بين والدته وشقيقاته برغم انه شعر بعدها بالذنب , ربما لاحساسه انه قد يكون سببا في عدم تقدم احد لخطبة داليا رغم تميز شقيقاته بالجمال والذوق والأخلاق , ولكن فضيحته عالقة في اذهان الكثير ربما !!!!

(24)

وجودهم هنا وبدونهم بالنتيجه لجود لا فرق , رغم ان هذا ما كانت ترجوه دائما , ان تشعر بالجو العائلي الحميمي , ربما لأنهم قد وصلوا متأخرين عليها !!

ها هي معهم في مدينة الضباب تسير في نفس الشوارع وتجلس في نفس الاماكن التي قضت فيها اجمل اللحظات مع بدر , تشع الانوار منها مبتهجه تنبض بالحياه , مدينة الضباب الآن في أوائل شهر سبتمبر الكثير عادوا الى بلادهم , وكان بدر اول العائدين المودعين لهذه المدينه .

تمنت لو تعود هي الاخرى مع العائدين الآن , نظرت للطاوله التي شاهدت فيها بدر للمره الاولى في احد مقاهي هاردز وحيده في طاولتها ولكن هذه المره تجلس في نفس المكان مع والديها وعبدالله , حتى طعم القهوه ومذها قها اختلف , معهم وليست معهم , تستمع لهم ولا تعرف في ماذا يتحدثون و لاحظ والدها انها طوال الوقت ظلت صامته برغم معرفته ان هذا هو طبع أبنته , ولكن هدوئها كان مسموعا لديه فسألها :

-بابا جود ودك بشي ؟

ابتسمت ابتسامه شاحبه مختلفه :

-وشفيك ؟ ناقصك شي يا بابا ؟

هزت برأسها نافيه : لا

علق عبدالله : ما قلت لكم نقول لشيخه تجي معنا جود ترتاح لشيخه كثير وتحب مجلسها .

علقت والدته :

-بس شيخه مشغوله كثير وما كانت راح تقدر تجي , جالسه تجهز نفسها للسفر بعد يومين .

عضت جود على شفتها محدثه نفسها :

-لا ودي لو يكون بدر موجود الحين .

جلس عبدالله يحدث والده عن مشروعه الجديد مع ضاري بكل التفاصيل , ولكن والده تردد لأن عبدالله يدرس في الجامعه خائفا ان يشغله المشروع عن دراسته , ولكن عبدالله أوضح لوالده أن دراسته لن تتأثر ابدا , حتى بدا والده مقتنعا بالمشروع بشكل مبدئي , واثناء نقاشهم هذا سمعو رنه محمول جود :

( رن رن رن ... رن وفرحني )

فرحت جود بالفعل وارتبكت قليلا فهذه الرنه التي خصصتها لبدر حين يتصل بها , ولكنها لم تستطع الرد عليه لوجودهم معها , ونبهتها والدتها :

-جود جوالك يرن يا ماما ردي .

عللت جود عدم ردها انها احدى صديقاتها من الخبر هي المتصله , ولا تود الرد عليها الآن وانها ستحدثها في وقت لاحق , بدأت تتبادل الرسائل القصيره مع بدر ووضحت سبب عدم ردها عليه , انشغلت معه بالرسائل , فيما كانت عائلتها تتحدث في امور مختلفه , بعد انتهائها من تبادل الرسائل معه تغيرت جود وكأن الرسائل قد منحتها الطاقه والاندفاع والنشاط , عادت لها حيويتها , وطلبت من والدتها مرافقتها الى محلات هاردز للتسوق .

عمدت جود على تضيع الوقت في التسوق واشترت اشياء كثيره لم تكن بحاجه اليها , توقفت كثيرا عند بعض الحاجيات والاشياء الرجاليه متمنيه ان تهديها لبدر , ولكنها لا تستطيع ابتياع أي شئ لأن والدتها كانت ترافقها , تمنت لو كانت شيخه معها في هذه اللحظه , استطاعت جود تضيع هذا الوقت الطويل ,وعادت بسرعه للشقه , ابدلت ملابسها وغسلت وجهها ويديها , واخذت جهاز الكمبيوتر المحمولت واتصلت بالانترنت وانتظرت دخول بدر في الوقت الذي اتفقوا عليه منذ سفره , حدثته عبر هذا الوسيط لوقت طويل , سألها عن موعد عودتها واخبرته انهم عائدون بعد اسبوع من اليوم , لم يسعد بدر كثيرا ففي اخر الامر هو في الكويت وهي في السعوديه , ولكنهم ولكنهم اتفقوا ان يتقابلوا حسب امكانيه في الويك اند من كل اسبوع في مملكة البحرين , ظلت جود تحدثه عن وحشه الاماكن التي ذهبت اليها مع عائلتها دونه , سعى بدر ان يجعلها لا تحزن ولا تشعر بهذا الفراغ الكبير فهذه الاماكن تظل في النهايه أماكن , مذكرها بأن المكان الوحيد الذي يجب ان لا تشعر به بالوحشه هو قلبه الذي تجلس وحدها فيه .

هنا اهدته جود اغنيه فنان العرب ..

الأماكن .

::::::::::::::::::

نتابع البقيه .....

السلام عليكم مرة أخرى
أولا ::لك جزيل الشكر على الرد السريع والمتابعة
وشكر أخر على الاسلوب في الرد

وشكر أخرلتحمل لثقالة دمي

وشكر أخر لأنك ستقرئين سطوري التالية


مو حابة أحول سياق القصة الى نقاش
بس اسمحيلي بالرد مرة أخرى



سامحيني عزيزتي على الكلمات الي بكتبها لك بهذا الرد

بالعكس مافي شي أبد وخذي راحتك ... الصراحة حلوة

وبكل ديره مقبره صح يا اختي

صح طبعا وكل ديرة مثل مافيها الزين يها الشين

يا اختي سافري معي وبتشوفين



أنا مابين فترة وفترة وفترة أروح البحرين وبصراحة في البداية ورغم معرفتي بالوضع مسبقا الا إني ضليت مثل الاطفال مبققة عيوني وأنا أطالع


ولاحظت بعد كم زيارة إن الوضع تحسن أكثر يعني ي مجموعة كبيرة متسترين ولابسين حجاب


مدري أنا تعودت ولا لأن احنا غيرنا المجمع لمجمع ثاني

بس أن شفت بنات عجايب ومن السعودية بعد


ملاحظة مالها داعي (أنا اذا رحت أرو ح بعباتي الراس والبوشية وبكامل احتشامي وطبعا هذا نفس حالي بالسعودية وأمشي بكل فخر أني سعودية سواء مع أخوتي أو أحد أقاربي وألاحظ نظرات الاحترام أو التعجب أحيانا وبصراحة ماشاء الله أهل البحرين ورجالهم كلهم احترام)


ليش يا قلبي الي عند السعوديات من تربيه ما عند الخليج بكبره ؟؟؟


بالعكس على رمش عيوني بنات الخليج كلهم

بس حبيبتي أنا مأقدر أحكم على مجتمع ماعايشته ولو بحكم أحكم من وشو المسلسلات الخليجية الي نشاهدها ؟؟؟
للأسف في هالحالة الحكم بيكون غير منصف وفي غير صالحهم ومو واقعي طبعا

لا تخفي المشاكل الاجتماعيه الي موجوده بالسعوده


القضية مو قضية اخفاء
القضية ..قضيةاستفهام غايته استنكار تعجبي مثل مايقولو بالغة العربية

وتقدرين الوضع على حسب المجتمع الضيق

هم بعد مو قضية مجتمع ضيق
أنا أتكلم عن نفس المجتمع اللي تتكلم عنه وعايشة فيه

وعلى فكرة أنا أروح مطاعم تشليز وهاردز وبيتزاهت في الخبر



لي تعليق

لابد للكاتبة في سياق القصة كما اعتدت أن تبين وجهة نظهرها في مايحدث بطرق مختلفة يتضح للقارئ فيها موق الكاتب من يروي

كلمة سعوديات :: كلمة نكرة والتنكير يأتي به للعموم والكثرة والتهويل والتحقير أيضا
مالم يكن مضافا لغيره

لذا المؤلفة حسب رأي الشخصي لم توفق للعنوان





اعتذار أخير

اعتذار على الازعاج
اعتذار على ثقالة الدم
اعتذار على التسرع في الرد بس للأسف ماأضمن الحول على فرصة في الكوميوتر لاأنه كثير ما يتعطل وكثيرا ماتحدث حرب شوعاء لأخذ الشرف في الجلوس مع أخوي الأصغر سنا

اعتذار عميق على الإطالة



وشكرا


أنتظر بقية القصة حتي النهاية


سلمت يداك ولاحرمناك



بنت البنات

فديتك يالغاليه

ما بيننا أعتذار يا اختي
ثم اختلاف الرأي شي طبيعي بين كل شخص وآخر
اعتقد من ردك بآخر مشاركه اتفقنا بالرأي
وصدقتي بعنوان الكتاب ( سعوديات ) قد يكون ملفت للنظر كما لفت نظري وقت شرائي للكتاب
ولكن لاحظي ان هناك شخصيات عديده لم تفعل مثل باقي الشخصيات
يعني ما فيها تعميم لجميع السعوديات مثلا مها لم يذكر عنها بعد
وايضا نوره انسانه قد تهتم بأمور كثيره ولكن ايضا لم يذكر بعد انها قد فعلت ما فعلته الاخريات

هذا توضيح بالنسبه للعنوان ,,,

وشكرا لك غاليتي
ربي يحفظك ويسعدك

[MARK="660000"]اكشطو تحت V لكم كلمة راس انتو الثنتين[/MARK]

[MARK="660066"]مشاء الله تابعت ردودكم وكلها عجبتني وكلها ذوق واحترام فيما بينكم ........!!!!!


وهاذي لكم انتو الاأثنتين :9_33: وخلصونا نبي القصه:mad_argue::21_30::angry::21_163::naughty:[/MARK]

أشكرك يا ترانيم على هالجهد الكبير في نقل القصة

صج إنها ممتعة وتلقي الضوء مو فقط على الشارع السعودي بل الخليجي ككل

وأنا أقرأ القصة لأخذ العبرة.

عندي الكتاب من اروع الكتب الصراحه الف شكر لك ياترانيم على المجهود

بانتظار البقيه

uPPPPPPPPPPPPPPPPPP

يسلموووووووووو

ياربيه :(


ترانيم حبيبتي القصه بلييييييييز ابغى اعرف وش صار مع ليلى :)

(25)


كان خالد منهمكا في مكتبه في الشركه حتى رن محموله , استغرب الرقم فلم يمر عليه سابقا , رد مستفسرا :

-هلا
-هاي

تعجب خالد من انها فتاة انها ياسمين فالصوت مشابه لصوتها !!
-اهلين ياسمين
-ردت بغضب : انا ياسمين !! أنا مي .
-أوووه مي سوري سوري بس صوتك يشابه صوت ياسمين
-عادي عادي حنا خوات المهم وشخبارك ؟؟
-مبسوط وعلومك ؟
-تمام اسمع خالد اكيد مستغرب من اتصالي ؟ أمم بس في واحد يحن من مده يبي يكلمك أزعجنا .

ضحك خالد :
-عرفته عرفته عطيني سيف اكلمه .

صرخت مي :

-ياويلي منك ما يفوتك شي ونادت سيف:
-سيف سيفووووه .. تعال بسرعه .

وأحرج سيف مي بقوله وكان خالد يستمع لسيف :
-مااااااااابي جالس اللعب بلاي ستيشن بعدين اجيك بذبح الوحش .

أرتبكت مي واحس خالد بأرتباكها وسألها :
-خليه يذبح الوحش أحسن ما يجي ويذبحك , بعدين بكلمه بس علميني متى رجعتوا من السفر ؟

أمسكت مي بخصله من شعرها تعبث بها :

-من يومين وانت ؟
-قبلكم بيوم وشخبار خالتي وياسمين ؟
-الحمدلله ياسمين ما تنشاف , وماما فاتحه البيت استقبال من جينا تقول لوبي المريديان .

ضحك خالد وانهت مي المكالمه , وجلس خالد يفكر حتى دخل والده لمكتبه لم يشعر به خالد وظل والده مناديا له :

-خالد خالد وشفيك وين وصلت ؟

رد خالد سارحا : مع العنيد

تعجب والده : أي عنيد ؟

أفاق خالد من حالة السرحان مرتبكا :

-سم عنيد ! عنيد وشو ؟

ورد والده : انت تقول العنيد مو انا ؟
وقف خالد بحركه سريعه يلملم الأوراق بطريقه عشوائيه دون ان يرفع رأسه لوالده :

-أنا ! أنا ! أنا قلت العنيد ؟

نظر له والده نظرة استهجان معلقا :

-لا تشككني ترى ما كبرت مره وصرت ما اسمع !!

ضيع خالد الموضوع ضاحكا :

أما ما كبرت ذي كثر منها يعني نقدر نقول يبغالك عروس !!

جلس والده معلقا بجديه :

-أقول لا يكثر تسمعك أمك تسوي لنا سالفه , علمني بس وش صار على شغل بو صالح خلصته ؟

تنمى خالد لو أخبر والده بصراحه عن رغبته في الزواج , ومناسبة عائلة العنيد , ولكنه فكر ان يفاتح والده في المنزل امام والدته عند عودته , واثناء ما كان خالد عائدا الى منزله اتصلت به ياسمين :

-الو هلا خالد كيفك ؟
-أهلين ياسمين تمام أخبارك أنت ؟
-تمام حبيت أسألك اذا فيه شي جديد جد من جهة الأميره ؟
-لا بس الكذب اللي اتفقنا عليه شغال من الطرفين ليه في شي جديد صار ؟
-لا لا بس حبيت اكون معك بالصورة , على فكره يا خالد انا ناويه اسوي عزيمه وتكون الاميره وحده من الحاضرات , لأني أبي انهي الموضوع هذا بسرعه وتكون نهايته من جهتي انا .

صمت خالد واردف راضيا :
فكره حلوه بس انت قادره تنهين هالسالفه ؟
-ردت بثقه : لا تخاف أكيد قدها .

إستأذنته بقولها :
-خالد عادي لو أعزم خواتك ؟

فرح خالد بهذه المبادره : أكيد ممكن بالعكس أنا اتمنى يتعرفون عليكم .

سعدت ياسمين بقبوله :

-حلوو طيب ممكن تعطيني رقم تلفون عشان اتصل بصفه رسميه عليهم واعزمهم ؟

رد خالد بسرعه ( 55......) بس اسمحيلي اعطيهم خبر وبعدها كلميهم وقت ما تحبين .

أيدت ياسمين اقتراحه :

-صار أوكي خالد أخليك الحين باي

مجرد ما ان انتهى خالد من المكالمه حدث نفسه :
فرصه ما كنت اتوقعها وجات لعندي عشان خواتي داليا والمطيوره منار يتعرفون على ياسمين ومي .

وصل خالد للمنزل عازما على مصارحة ومفاتحة والديه بنيته في الزواج ومناسبة عائلة العنيد , دخل المنزل مناديا يصرخ بحماس شديد :

-يمه يمه , أم خالد وينك ؟

فز جميع من بالمنزل من صراخ خالد , خاصه انه كان يفتح أبواب البيت كلها بصوت عالي , مناديا وباحثا عن والدته هبط الجميع من الدور العلوي الى الاسفل مدهوشين من هذا التصرف من خالد , متعجبين من الربكه التي يحدثها , وقف خالد امامهم ترتسم أبتسامه كبير محياه يخبرهم :

-بتـــــــــــــــزوج !



(26)

أرتدى عبدالله ملابسه على عجل وخرج مسرعا من غرفته , استوقفه منظر والده في الصاله وهو يشاهد قناة العربيه لاحظ أن والده كان شديد الانتباه للخبر العاجل وسأله :

-وش صاير ؟

لم يلتفت له والده ولكنه أجابه :

-الله ياخذهم هالأرهابين شف الخبر العاجل في مطارده جديده بين الأمن وبينهم في الرياض إسمع إسمع الخبر .

تنهد عبدالله :

-يوه أفكر في شي جديد تعودنا على هالأخبار يلا فمان الله يا والدي الطيب .

-ناداه والده : على وين ؟

-طالع مع ضاري والشباب بنتعشى ونروح القهوه .

ذكره والده :

-ترى المحاسب اليوم أودع في حسابك فلوس مو تجي تقول اني نسيت مصروفك كل شهر لا وهالمره المصروف زايد شوي تستاهل .

عاد عبدالله بسرعه الى والده , وقبل جبينه , شاكرا له هذه الكرمه .

في المقهى التقى عبدالله بأصحابه فكثيرا منهم لم يرهم منذ عودتهم من الاجازه , ظلوا يتحدثون في امور متعدده حتى سأل احدهم :

-أقول شباب شفتوا البيت اللي في الدمام بحي الحمرا اللي صارت فيه المواجهه بين الارهابين ورجال الامن ؟ يقولون ان اصوات المواجهه هزت الدمام هز خساره كنت لسه مسافر وقتها .

علق الجميع على ما حدث وكان الغالبيه منهم غير موجودين في تلك الفتره في السعوديه , ولكن الجميع ابدى استياءه من افعال هذه الفئه القاتله , متعجبين من الافكار والنهج الذي يبررون بها افعالهم البشعه واسترخاص الانسان وقتله بدون أي ذنب ؟ !!

بعدها اقترح ضاري على اصحابه :

-طيب وشرايكم بكره نروح ونشوف البيت سمعت ان الامن محاوطينه بس ممكن نشوفه من بعيد , كثير شافوه اصلا صار معلم مهم لأهالي المنطقه .

أيد الجميع اقتراح ضاري , وبعدها بدا الصديقان ضاري وعبدالله يسرد تفاصيل مغامرتهما في باريس والشباب ظلوا يستمعون لهم , حتى قرر البعض منهم ان يتملصوا في الصيف القادم من مرافقه عائلاتهم الذين يرافقونهم في نفس البلد منهم في سويسرا واسبانيا ولندن عازميين على بدء مغامره جريئه في مدينة الأناقه لوحدهم مستعينين بخبرة ضاري وعبدالله بأعتبارهم المرشدين السياحين لهم هناك .


تأخر الوقت ولم يبق سوى القليل من هذه المجموعه , لذا استأذن كل من ضاري وعبدالله ممن تبقى , واستقل كلا منهما سيارته وانطلقا على نفس الطريق , اتصل ضاري على عبدالله مقترحا عليه ان يبدآ سباقا بسيارتهما على طريق العزيزيه , كان ضاري يحدث سيارته البي ام الكوبيه ان لا تخذله , وطلب منها ان تتحدى سيارة عبدالله الامريكيه كاديلاك كوبيه و بدأ السباق بين المانيا وامريكا كما كان يفكر عبدالله كان الشارع مريحا لمثل هذا التحدي كون الوقت متأخرا , فالساعه كانت الثانيه والنصف ليلا .

كان ضاري مناورا ممتازا مقارنه بعبدالله فلم يستطع الاخير ان يصل او يتفوق على مهارة صديقه في القياده وبعد مده بسيطه أعلن عبدالله استسلامه بوقوف مفاجئ وسريع محدثا صوتا مدويا في المكان , لاحظ ضاري من المرأه أن صديقه قد توقف , وعاد بسيارته للخلف وتوقفا بالقرب من شاطئ البحر وترجلا من سيارتهما وتحدث ضاري مازحا :

-شعندك مستسلم ؟

تذمر عبدالله من مرارة الهزيمه معلقا :

-أحم لا لا السالفه اني خفت على السياره , المهم علمني متى بنباشر مشروعنا

ضحك ضاري على طريقة عبدالله في الهروب من موضوع السباق :

-حلوووه التصريفه , بالنسبه للمشروع وشرايك بكره نروح ونشوف أرض مشروعنا ؟

فيما نظر عبدالله لساعته :

-أوف مر الوقت بسرعه تأخرنا مره والفجر قرب يطلع يلا نروح لبيوتنا , وننام وبكره مواعدين الشباب على بيت الحمرا لا تنسى .

عاد عبدالله للمنزل ولاحظ أنوار غرفة جود مضاءه , تعجب أنها لا زالت مستيقظه !!

طرق باب غرفتها للتأكد , وسمحت له بالدخول وجدها جالسه على سريرها وجهاز الكمبيوتر المحمول بين يديها , سألها متعجبا :

-جود للحين صاحيه ؟

كانت جود تحادث بدر عبر الماسنجر ردت على تعجب عبدالله دون النظر اليه :

-عادي ما عندي شي لا كليه , ولا اشتغل , وش الغريب ؟

اقترب عبدالله وجلس على طرف سريرها مستغربا :

-منتي ملاحظه انك من يوم رجعنا من لندن وانت صايره مدمنه نت !!؟؟

ما كنت كذا !!!

ابتسم لها غامزا بعينه :

قولي الصدق مين عندك في النت ؟ عادي عادي انا اخوك حبيبك عبود اعترفي !

ارتبكت جود وفعت جهاز الكمبيوتر عن حجرها ووضعته جانبا , محدثه نفسها : ماذا يريد عبدالله ؟
فهي تعلم ومتأكده انه متفتح الذهن ولكن ليس الى حد انها تصارحه بأنها تعرف شابا كويتيا وتحبه وأسمه بدر !!

لي رجعه لأكمل باق

بانتظارك اختي ترانيم :)

الله بدت الأحداث تحلووو

كملي ترانيم إحنا وياج

يعطيكي ألف عافية.. حبيبتي .. في انتظاااااااااااااارك.................................

ترانيم


بانتظارك حبيبتي

سامحوني على التأخير

نتابع

إنتظر عبدالله جوابا منها , ولكنها كانت تحدق به فقط , ضحك عبدالله على هذا المنظر الذي كانت عليه جود قائلا :

- وشفيييييك مخترعه ؟ أمزح معك ادري ان ما عندك سوالف كذا ولا كذا , اصلا مين هذا اللي يبي يتعرف على وحده مفهيه ؟


أساسا الى ان ما تكونين معه اوكي يكون زهق وعرف 20 وحده غيرك .


استفز جود ما سمعته من اخيها , صارخه في وجهه :

- لا يا شيخ وشفيني أنا , نا قصه يد ولا رجل !!!

بلاك ما تدري ان المفهيه هذي على قولك المفهيه على قولك ...

وارتبكت جود لا تدري ماذا تقول ؟ واقترب منها عبدالله :

- إي أيوه كملي اسمعك

أكملت جود وهي تتأتئ :

- إيوه بكمل المفهيه هذي اختك .

ضحك عبدالله ضحكه من اعماقه لدرجة ان عينيه قد ادمعت من شدة الضحك معلقا :

- وانا جالس ساعه انتظرك تكملين , واخرتها تقولين أختك !

يووووووه تصوري طول هالسنين هذي أفكرك بنت الجيران .

استاءت جود من استهزاءه بها , لاحظ عبدالله ان جود غضبت منه , ولطف الجو بسؤاله :

- وشرايك نروح البحرين هذا الويك اند ؟

برغم انها متعجله للذهاب الى البحرين اكثر منه , فالبحرين هي مكان الملتقى مع بدر , ولكنها لاحظت نظرات عبدالله المحدقه بها , احست للحظه وكأنه يقرأ افكارها , فتأففت وكأن هذا آخر ما تفكر فيه !!

- أقول شكلك فاضي وما عندك سالفه بعد , اصلا انا ما اقدر اروح , ولا مكان هذا الويك اند لاني معزومه مع مجموعه من البنات .


سألها بفضول :

- عند مين يا ليدي جود ؟

- أجابت دون ان نتظر اليه :

عند ياسمين العنيد .

وقف عبدالله بحركه سريعه وصرخ :

- لا حركات ياسمين العنيد مره وحده ؟ علميني جود هي حلوه مثل ما يقولون ؟

تنهدت جود مبديه استيائها :

- أمووووووووووت واعرف مين قالك حلوه ؟

جلس عبدالله بسرعه واقترب منها وتلفت للخلف وكأنه يود التأكد ان لا احد يسمعه :

- أبوي قالي انها قمر .

تفاجئت جود وصرخت ثم اطبقت بيدها فمها :

- ابوي ؟ ابوي وشدراه عن ياسمين ؟؟

ارتبك عبدالله : قصري صوتك من جد فضيحه انت , لا تسحبيني بالكلام وتخليني افضح ابوي واكشف سوالفه .

نظرت له جود بعصبيه وامسكت يده بقوه :

- عبود .. عبيد تكلم ولا بذبحك !!

أخبرها عبدالله انه سمع اسمها اكثر من مره من والده بحكم بعض التعاملات التجاريه بين شركته وشركة ياسمين , احست جود بالراحه بعد معرفتها بالسبب , وظل عبدالله يسعى لإغاضتها فيما كانت هي تحدث نفسها :


- يالله عبدالله صدق فاضي اطلع خلاص , بدر ملطوع على الماسنجر من دخلت يلا قوم يا عبود خليني اعرف أكلم بدر .


تمنت ان يشعر عبدالله بما يدور في نفسها ويذهب , طال الوقت وعبدالله ما زال يتحدث ويثرثر , هنا صرخت جود بلا شعور :

عبود يلا تصبح على خير .

وقف عبدالله : بدري تو الناس , طيب عطيني اشيك على ايميلي .

هنا نفذ صبر جود :

- عبدالله عندك بدال الجهاز اثنين تكفى من جد خلاص ابي انام .


شعر عبدالله انه استفز جود بما فيه الكفايه , وكونها بدأت تتحدث اليه هكذا فهذا يعني ان طاقتها نفذت ولن تتحمل مزاحه اكثر من ذلك , استأذنها وتوجه للخارج فون محموله , وبعدها بلحظات سمعت جود صراخ عبدالله المروع بقوله :

- مستحيل مستحيل أنت تكذب أكيد , لأ ما اصدق

أنت تمزح ...........

(27)

هيأت ياسمين نفسها لدعوة الليله منذ ايام , تعد نفسها للمواجهه الحاسمه بينها وبين ليلى , جهزت كل شئ للدعوه الكبيره , اكدت على طاقم الطهاه بالاهتمام الجيد , وتنويع اصناف الطعام , واوصت على احضار الحلويات من اشهر المحال , تأكدت بنفسها وتابعت ادق التفاصيل , وفي اثناء انشغالها مع الخدم في وضع اللمسات الاخيره على المكان اتصل بها خالد :

- هلا ياسمين بشري كل شي اوكي ؟

ضحكت ياسمين :

- خالد وشفيك ؟ هذي المره الكم اللي تتصل فيها ؟ شكلك متحمس كثير , الظاهر الود ودك تكون من ضمن الحضور الليله !!


تنهد خالد :

- ياريت من جد ودي اشوف هــــ ( الأميرة ) بصراحه قلبي محروق من اللعب الي لعبته فيني .

علقت ياسمين :

- اوف لهدرجه !!! تعرف كنت اتصور انك مبسوط على الاقل قضيت العطله في كندا بسببها !!

أسرع خالد بقوله :

- هذا الشي الوحيد الكويس اللي اذكره لها , ما انكر انها كانت السبب في معرفتي فيك , واتشرف .

أيدته ياسمين :

- والنعم فيك , عموما يا سيدي لا تشيل هم الوضع صار اندر كنترول .

انهت ياسمين المكالمه مع خالد , ولاحظت مي تسير بطريقه حائره , تملئ وجهها تعابير غاضبه فسألتها :

- مي وشفيك حالتك كذا ؟

تأففت مي وكانها تحدث نفسها :

- لي يومين البس واغير الين احترت وش ابلبس اليوم .؟

دهشت ياسمين مما سمعته من حديث مي الغير منطقي , وتحدثت بلهجه شديده الجديه :

- اوه حالتك صعبه , ماما يا ماما تعالي شوي لو سمحتي .

جائت الأم بعد سماعها نداء ياسمين تسأل :

- نعم وشفيه ؟

اقتربت ياسمين من والدتها ونظرت لمي :

- حنا في ازمه يا ماما لأن مي محتاره وش بتلبس الليله , بس انا عندي اقتراح وشرايك يا ماما تتصلين على جارتنا ام وليد وتطلبين منها ملابس عشان مي ؟

قاطعت مي حديث شقيقتها الساخر :

- ماما ماما شوفي ياسمين تتمصخر علي .

أيدت الام كلام ياسمين , ووجهت لوم شديد لمي :

- معها حق اختك اجل محتاره هااا , اللي يسمعك تقولين وش ألبس يقول مسكينه ما تشتري ولا ما عندها !!! نسيتي كم شنطه رجعتي فيها من السفر ؟

أو على الاقل خليني اذكرك بعدد الايام الي نزلتي فيها للسوق , لا لا ما يحتاج نحسبها كذا اسهل شي اذكرك انك كنت ترجعين اخر كل يوم في يدك على الاقل كيس فيه غرض شاريته لنفسك ويخصك !!


غضبت مي من سخريتها هذه , وذهبت وهي تصرخ :

- مابي احضر العزيمه مابي .

ذهبت ياسمين مسرعه تستوقفها وتذكرها :

- لا لا لا مي عيب خوات خالد جايين لعندنا اول مره بيتعرفون علينا لو ما حضرتي وش بيقولون عننا !؟ اجلي اضرابك هذا لشي ثاني غير عزيمه الليله .

وقفت مي وكأنها تراجع حساباتها , حتى اقتنعت ثم همست لياسمين :

- طيب تعالي معي علميني وش ألبس ؟

انصرفتا كي ترشد اختها بينما عقارب الساعه اقتربت من السابعه , وكانت اول الواصلات العزيمه هي جود , واستقبلتها ياسمين بحفاوه شديده مرحبه بها , تتالت بعدها القادمات ليلى وبعض صديقات ياسمين وقدمت ياسمين شقيقتها مي لصديقاتها , وبدأو يتبادلون الاحاديث وكانت ليلى تنظر لياسمين نظرات عميقه وكأنها تكتشف قمة جبل !!!

نواصل بعد قليل ..

بانتظارك على احررررررررررررررررررررررر من الجمررررررررررررررررررررررررررررررر