تجهيزات احلي عرايس مصر (الجزء السادس)

شكرا يا ولاء
الريجيم أنا كتبته فوق
وبالنسبة للمجموعات هشوف المجموعة دى وأحاول أشتريها
وفعلا الميكأب الكتير بيبوظ مع الوقت فمش هكتر
والشباشب حلوة فكرتك دى
أنا هجيب تلاتة كفاية مش لازم نعمل معرض يعنى ههههههههههه
وبعدين لو كانوا كتير ممكن نستخدمهم فى حاجات تانية يعنى لو فى معركة ولا حاجة ههههههههههههههههههههههههههههه

تمام يا شيرازى بس الخوف لحسن هو اللى يستعملهم فى المعركة مش انتي علشان كده متكتريش هههههههههههههههههههههههه:shy:

ههههههههههههههههه
على رأيك الطيب أحسن
بس ما قولتيليش إيه رأيك فى الريجيم؟

بالنسبة للريجيم هو كويس بس المشكلة مش فى الريجيم المشكلة فالعبدة لله مش بقدر اعمل ريجيم خااااااااااااااااااااااااااااالص ومخنوقة من نفسي موووووووووووت انا طول 158 سم لو سمحتوا متضحكوش و ووزني ( احم احم ) 76 كجم عارفة انكوا بتضحكوا بس مش مبينين علشان متحرجونيش :sad: المهم انا عايزة بس شوية عزيمة :confused: لحسن الكابتن خلاص قرب يفيض بيه

هههههههههههههه
ولاء أنا مش بضحك عليكى انا بضحك على أسلوبك عسل والله
هههههههههههههههههههههههههههه
يابنتى عادى ولا يهمك أنا عندى واحدة صحبتى أقصر منك وتقريبا نفس الوزن وإتجوزت واحد بيموت فى شكلها وهى كدة
دى مسألة أزواق
وفى ناس مش بتحب البنت الرفيعة أصلا
إنتى بس ما تعقديش نفسك وخدى الموضوع ببساطة وخلى عندك ثقة فى نفسك
وبشوية صبر وإصرار هتعرفى إن شاء الله تخسى شوية

:gum:

طيب يا بنات انا عندى سؤال
مفيش بنج أو مخدر موضعى نستخدمه وإحنا بنشيل الشعر خصوصا من المنطة إياها؟
لحسن دة أنا بتعذب وبقعد أعيط وأنا بشيل
لو فى حاجة زى كدة ممكن تقوليلى إسمها وسعرها
بس المهم تكون بتجيب نتيجة فعلا مش أى كلام يعنى مانحسش بوجع خالص

صباح الخير يا احلى بنات عاملين ايه كلكم



انا لسه راجعه من التدريب ولونى بئه برونزى طبيعى من غير ولا ماء ولا شمس انا مش عارفه الواحد هيرجع لى لونه الطبيعى امته بس



حد يقولى رايه استعمل البيتادين على مكان الجرح الاقديم علشان تفتحها شويه ولا اسبه تروح لوحدها ولا الستخدم المرهمين اللى احبكم فى الله قالت عليهم


محدش عارفه كوافير كويس فى مدينه نصر


على فكره يا بنات انا لسه معملتش سويت فى الحته الحساسه خالص هو كده غلط والمفروض اعمل من دلوقتى ولا ايه اصل انا الصراحه خايفه اعمل اوى

اولا مرسي ع الريجيم وع فكرة انا ماشية ع نفس الريجيم واليوم الفري ده ونقصت في شهر 7ك تقريبا مع الرياضة
اما بالنسبة للمخدر انا عملت جمسي والمنطقة وحطيت مخدر ولا بيأثر ده وهم انتي اتكلي ع الله واعمليها واهي علقة تفوت وكمان من يوم ما عملت وانا بعمل كمدات مية ترمس وسعد علشان يقلل الشعر
والنصيحة انكم لو فرحكم ع الاقل ناقص شهر ونص او اكتر تعملو علشان حتي تعملو الكمدات والمرة اللي بعدها يطلع صغير
المسكات هو انتي ممكن تنوعي وده افضل وبالنسبة للشعر حاولي الحاتجات الطبيعيه زي التوم والنخاع والزيوت
ومرسي يابنات ع خوفكم عليا انا خلاص مش حعمل بخار غير مرة او مرتين
انا دلوقتي كنت براجع ع طقم الاركوبال اضحك عليا كويس اوي انا المفروض جايبة طقمين من 3 سنين شكل بعض علشان يكونو 12 كل حاجة لاقيت صح 12 لكن مثلا المفروض 4 سلاطين كبار لاقيت تلاته السرفيس 3 بس وهما المفروض ارعه وهكذا وانا قررت اني حجيب الصيني مفرض بس من النوع اللي بيتحط ع النار علشان يبقي عملي اكتر وحجيبه في حدود 850ج واشتري طقم شاي فاخر لوحده وانا عندي قهوة مفرد ده غير الطقم اللي في الاركوبال وياريت تروحو تبصو بصة ع المعرض السوري بذات المفارش جميله جدا:shy:

طيب احبكم فى الله قوليلي ارجوكي اسعار المفارش ايه هناك و كمان اطقم الملايات اسعارها اية وهو ممكن تشتري طقم مفرد صيني ده بالطبق بيتباع ولا بال6

أيوة مانا بتكل على الله وبعمل بس ساعات مش بقدر أكمل خالص من الوجع
دى حاجة فظيعة اوى
طب مفيش حد تانى يابنات جرب اى نوع من المخدر؟

:shy: ياقطة انا جربت المخدر وكل الانواع زي بعض حتي النوع بتاع الخياطة والنوع بتاع الرياضين انتي هاتيه وجربي ممكن يخفف شويه بالايحااااااااء
الصيني فيه هناك مفرد واطقم وانت براحتك وع فكرة المفرد نفس النوع
الملايات مش سألت لكن المفارش بنتاعة السريير 550 او 650 ج وفيه بتاعة التربيزة من 100 وانتي طالعة

صباح الخير يا وحشين محدش يسأل عليا زعلالالالالالالالالالالالالالانة منكم كلكلم
المهم بوسة كبيرة لكل الناس
مارو
كات
أحبكم فى الله
أمه الله
جويرية
ولاء
نانى فيبس
قطة شيراز
vetdodoy
وكل الناس
حد يعرف أخبار قلب العصفورة إيه جابت البيبى ولا لسه؟

أما عند جديد اليوم فجبتلكم الخبراليقين والبنج المتين اللى يخليكم تعملوا سووووويت وأنت مرتاحين
طبعاً كله مسك ورقة وقلم طيب أقولكم لما افضى بقى















ولا حرام نقول دلوقت
legnopanthine
جل بــ 3.5 بجد يا جماعة تحفة هحكيلكم المغامرة أول حاجة أنا قصيت شعر المنطقة:shy: بس أنا قصرته أوى زى ما الكل قال بس ماما قالتلى بلاش تقصرية أوى بس أنا دماغى دى تستاهل الكسر وفعلاً أنا مكنتش مالكه اقص ففى جزء مقدرتش اقصره أوى وده كان اسهل جزء فعلاً عند الشيل وبعدين غسلت إيديا كويس أوى بديتول وغسلت المنطقة كويس أوى أوى بالغسول بتاعها ونشفتها كويس أوىىىى نيجى للمهم جبت البنج أنا حطيت منه بس بافتراء بقى قلت عشان محسش بحاجة خالص وعلى بال ما يشتغل مفعوله غسلت شعرى وحطيت عليه حمام نخاع وحطيت علبه السويت فى حمام الماء عشان تجهز وجبت أدواتى بقى علبه كلينكس وفوطة ودخلت عملت تحت ايديا كل ده عشان اديله وقت يشتغل وبعدين والله يا جماعة كنت بترعش من الخوف بس ربنا كريم قعدت ادعى ربنا واقول تكالى واعتمادى عليك يا رب وربنا كان معايا يعنى الموضوع كانت صعوته الوحيد أن الجو حر فالسويت بتسيح وأنا كنت مضطرة اتحبس فى الحمام لأن أخويا فى البيت فمش نافع اطلع برة واستخدم المروحة عشان كدة نصيحتى لما تقررى القيام بالخخطوة الجريئة دى خلى البيت يكون فاضى واستعملى المروحة عشان متتبهدليش طبعاً شعر المنطقة تخين وناشف ماسك فى الجدر يعنى عشان لسه فى الأول الهم أن الحمد لله تمت العمليه بسلام وبعد الشيل خلوا بالكم بقى عملت إيه حطيت شوية نشا ( معلقتين كبار ) وشوية ماء ورد وليمونة ونص وكل ما الليمون يكتر أحسن ودهنت المنطقة فقبل م اغسلها أو أى شئ لأن الليمون يطهر ويقفل المسام وكمان ماء الورد يقفل المسام والنشا بيبيض وسبته 5 دقائق كدة وخدت دش سااااااقع محدش يستعمل ماء ساخن يومها ساقع عشان المسام تقفل وطبعاً غسلت المنطقة بالغسول بتاعها واللى أثبت ليا أن البنج ممتاز أن كان فى كام شعرة كدة بعد الشاور قلت اشيلهم بالملقاط لقيت نااااار عشان كدة انهاردة هحط بنج تانى واشيلهم وابتدى كريم السعد إن شاء الله وبليل حطيت كريم بيتادين بس مش هحطه تانى لأنى ريحته مش حلوه حسيت أنى عملت عمليه بس اللى ناوية كمان عليه اشترى من الصيدلية مناديل بيتادين دى ريحتها مش وحشة أوى زى الكريم بس هخليها معايا فى شنطتى ولو استعملت التواليت أى وقت استعملها للتطهير. ولاء ونانى عشان الحبوب فى المنطقة دى هاتوا كريم فيوسيدين من الصيدلية أظنه ب 4 جنية فى الحدود دى وبعد الخطوات اللى قلتها كل وبعد غسيل المنطفة حطوا منه أنا نسيت أجيبه بس عملت والوضع مستقر أة ونصيحة منى متقصروش الشعر أوى يعنى مش طويل مووت بس مش قصير أوفر فعلاً خبرة الأمهات بتفرق والحاجة التانية اللى برضه هقولكم أعملوا حمام مغربى قبلها يا بيوم أو 3 ساعات عشان تفتحوا المسام أنا قريت معظم البنات بتعمل كدة بس أنا بالغباء الفطرة قلت لأ انضف واعمله على نضافة ااااه من مخى ده طبعاً تفتيح المسام هيسهل الموضوع ويا رب البنج يكون كويس ويجيب نتيجة حلوة معاكم

ميرسي داليدا وحشتينيييييييييييييييييي المهم انشاء الله انا هاجيب الكريم واجرب ادعيلي

ميرسي يا داليدا على المعوماات الي تجنن