تجهيزات احلي عرايس مصر (الجزء السادس)

موضوع جميل ومبروك على الجزء الجديد ولو سمحت عايزة اسأل قطة شيرازى عن المكواة السيراميك هى ماركتها ايه وبلد الصنع
وجزاك الله كل خير

ولاء
نانى
بوسى كات
ميرسى يا حلوين على ردكم
نانى لأ أنا أقصد شعر البكينى
بصى هقولك أنا لما بيطلعلى حبوب فى وشى
1- كريم تيراكورتريل انبوبة صغيرة بـ 3 جنية تقريباً بس خلى بالك للجلد لأن فى منه للعين لونه أصفر شبة التيراميسين بس تحطيه على الحباية نسها
2-كريم كودراديرم دة برضة ممتاز للحبوب
3-ماسط طبيعى لبن بودرة نيدو وتخلطية بماء ورد لغاية ما يبقى عجينة وسبيه على وشك أنا بحطه وانساه يعنى ممكن أربع خمس ساعات بس خلى بالك لو ماء الورد بيأثر على بشرتك يبقى بلاش منه
يا رب حاجة من دول تساعدك يا رب

بصى يا نانى جربى شيلى جزء صغير من وشك وشوفى لما الحبوب تطلع استعملى كودريدرم لأنه ممكن تدهنية على المنطقى المصابه كلها مش الحباية حته صغيرة فى جنب وشك لو جاب نتيجة معاكى أوكى لو مجبش نفكر فى حاجة تانية وبعدين جربى بشكل عام الخميرة البيرة ودوبيها فىما أو لبن وبقنطة وزعى على وشك هو فى حبوب خميرة فى الصيدلية بتتبلع بس بتزود الوزن عشان كدة ممكن على الوش والخميرة برده هتفيدك إن شاء الله

ناني فيبس:

يا بنات انا عندي مشكلة عايزة اشوف لها حل ... انا بشرتي حساسة جدا وبتتاثر من اقل حاجة .. انا مرة شلت الشعر اللى في وشي بالطريقة العادية المعروفة عند الكوافيرة بس ربنا ما يوريكم كان الشعر ارحم بكتير من الحبوب اللى ظهرت في وشي حبوب كتير جدااااااااا وليها راس بيضاء ومؤلمة وشي فعلا كان مشوه كل اللى يشوفه يسالني خير مالك وانا طبعا كنت اتكسف جدا ... وانا شعر الوجه عندي يعني بحس انه باين وملحوظ ولازم اشيله .. فاياترى في حل للموضوع دة يعني مثلا في حاجة ممكن احطها بعد نزع الشعر تهدي البشرة او طريقة معينه انزع بيها ولا ايه بالظبط ؟؟؟؟؟؟؟؟؟؟؟

بصي حبيبتي انا وجهي زيك بس بعد ما اشيل الشعر بكون محضره معي زجاجه ميه بارده واغسل وشي بيها علطول عشان تسد المسام وتريح الوش بعدين ادهني كريم مرطب انا مشكلتي غيرك خالص انا لما بعمل سويت في المنطقه الحساسه بيطلعلي الرؤوس البيضا واتهابات كتير رغم اني بنضفها كويس قبل ما اعمل بس عشان كده حستخدم براون لانها مش بتستلزم استني الشعر كله لما يطلع وده اللي بيسببلي الحبوب لان جلدي رقيق جدا في المنطقه دي فلما اعمل السويت بيتشد من مكانه جامد وبيلتهب :sad:

e_walaa:

ميرسي شيرازي انتي اللى عسل هو اي نعم انا قصيرة بس الحمد لله عندي حاجات تانية بتديني الثقة فى النفس :shy: عموما هو خطيبى لسه مدخلش فى مرحلة الاعتراض بالعكس بس انا مش عايزاه يوصل للمرحلة دى ههههههههههههه بصي بئة ايه رايك لو قولتيلنا انتي اشتريتي ايه فى جهازك لحد دلوقتى لو فاكرة الاسعار قولى علشان نفكر بعض يمكن نستفيد

:gum:

قصيره طيب انا ختي طولها 151 ووزنها 75 وعندها ثقه عجيبه وتقول اللي يجوزني يخدني كده بصي حبيبتي لازم الصبر انتي عارفه انا اول اسبوع نزلت تلاته كيلو التاني نزلت 2 الثالث كيلو ونص والرابع كيلو والدكتوره قالتلي لازم يوم حر تكلي اللي انتي عايزاه عشان جسمك اتعود علي الريجيم بصم بنات بجد والله وعن تجربه الريجيم لوحدك غلط غلط غلط لازم دكتوره تتابعك كويس وتوزنك كل اسبوع لان مش اي ريجيم يمشي مع اي حد لكل واحده صفات معينه ولازم تعملي تحاليل وكده يعني اللي من اسكندريه انا ممكن ابعتلهم نمره الدكتوره بتاعتي :shy:

vetdody:
صباح الخير يا احلى بنات عاملين ايه كلكم



انا لسه راجعه من التدريب ولونى بئه برونزى طبيعى من غير ولا ماء ولا شمس انا مش عارفه الواحد هيرجع لى لونه الطبيعى امته بس



حد يقولى رايه استعمل البيتادين على مكان الجرح الاقديم علشان تفتحها شويه ولا اسبه تروح لوحدها ولا الستخدم المرهمين اللى احبكم فى الله قالت عليهم


محدش عارفه كوافير كويس فى مدينه نصر


على فكره يا بنات انا لسه معملتش سويت فى الحته الحساسه خالص هو كده غلط والمفروض اعمل من دلوقتى ولا ايه اصل انا الصراحه خايفه اعمل اوى

بصي بالنسبه لوشك لازم تحطي وانتي نازله التدريب صن بلوك كويس جدا وكمان لازم تخدي معاكي العبوه وكل ساعتين تحطي منه وبلاش اي مكياج مع الشمس وكمان اول ما ترجعي اعملي ماسك يودره تلك مع شويه ماي ورده متلجين وحتشوفي الفرق واسألي مجرب

dalida_palace:
صباح الخير يا وحشين محدش يسأل عليا زعلالالالالالالالالالالالالالانة منكم كلكلم
المهم بوسة كبيرة لكل الناس
مارو
كات
أحبكم فى الله
أمه الله
جويرية
ولاء
نانى فيبس
قطة شيراز
vetdodoy
وكل الناس
حد يعرف أخبار قلب العصفورة إيه جابت البيبى ولا لسه؟

أما عند جديد اليوم فجبتلكم الخبراليقين والبنج المتين اللى يخليكم تعملوا سووووويت وأنت مرتاحين
طبعاً كله مسك ورقة وقلم طيب أقولكم لما افضى بقى















ولا حرام نقول دلوقت
legnopanthine
جل بــ 3.5 بجد يا جماعة تحفة هحكيلكم المغامرة أول حاجة أنا قصيت شعر المنطقة:shy: بس أنا قصرته أوى زى ما الكل قال بس ماما قالتلى بلاش تقصرية أوى بس أنا دماغى دى تستاهل الكسر وفعلاً أنا مكنتش مالكه اقص ففى جزء مقدرتش اقصره أوى وده كان اسهل جزء فعلاً عند الشيل وبعدين غسلت إيديا كويس أوى بديتول وغسلت المنطقة كويس أوى أوى بالغسول بتاعها ونشفتها كويس أوىىىى نيجى للمهم جبت البنج أنا حطيت منه بس بافتراء بقى قلت عشان محسش بحاجة خالص وعلى بال ما يشتغل مفعوله غسلت شعرى وحطيت عليه حمام نخاع وحطيت علبه السويت فى حمام الماء عشان تجهز وجبت أدواتى بقى علبه كلينكس وفوطة ودخلت عملت تحت ايديا كل ده عشان اديله وقت يشتغل وبعدين والله يا جماعة كنت بترعش من الخوف بس ربنا كريم قعدت ادعى ربنا واقول تكالى واعتمادى عليك يا رب وربنا كان معايا يعنى الموضوع كانت صعوته الوحيد أن الجو حر فالسويت بتسيح وأنا كنت مضطرة اتحبس فى الحمام لأن أخويا فى البيت فمش نافع اطلع برة واستخدم المروحة عشان كدة نصيحتى لما تقررى القيام بالخخطوة الجريئة دى خلى البيت يكون فاضى واستعملى المروحة عشان متتبهدليش طبعاً شعر المنطقة تخين وناشف ماسك فى الجدر يعنى عشان لسه فى الأول الهم أن الحمد لله تمت العمليه بسلام وبعد الشيل خلوا بالكم بقى عملت إيه حطيت شوية نشا ( معلقتين كبار ) وشوية ماء ورد وليمونة ونص وكل ما الليمون يكتر أحسن ودهنت المنطقة فقبل م اغسلها أو أى شئ لأن الليمون يطهر ويقفل المسام وكمان ماء الورد يقفل المسام والنشا بيبيض وسبته 5 دقائق كدة وخدت دش سااااااقع محدش يستعمل ماء ساخن يومها ساقع عشان المسام تقفل وطبعاً غسلت المنطقة بالغسول بتاعها واللى أثبت ليا أن البنج ممتاز أن كان فى كام شعرة كدة بعد الشاور قلت اشيلهم بالملقاط لقيت نااااار عشان كدة انهاردة هحط بنج تانى واشيلهم وابتدى كريم السعد إن شاء الله وبليل حطيت كريم بيتادين بس مش هحطه تانى لأنى ريحته مش حلوه حسيت أنى عملت عمليه بس اللى ناوية كمان عليه اشترى من الصيدلية مناديل بيتادين دى ريحتها مش وحشة أوى زى الكريم بس هخليها معايا فى شنطتى ولو استعملت التواليت أى وقت استعملها للتطهير. ولاء ونانى عشان الحبوب فى المنطقة دى هاتوا كريم فيوسيدين من الصيدلية أظنه ب 4 جنية فى الحدود دى وبعد الخطوات اللى قلتها كل وبعد غسيل المنطفة حطوا منه أنا نسيت أجيبه بس عملت والوضع مستقر أة ونصيحة منى متقصروش الشعر أوى يعنى مش طويل مووت بس مش قصير أوفر فعلاً خبرة الأمهات بتفرق والحاجة التانية اللى برضه هقولكم أعملوا حمام مغربى قبلها يا بيوم أو 3 ساعات عشان تفتحوا المسام أنا قريت معظم البنات بتعمل كدة بس أنا بالغباء الفطرة قلت لأ انضف واعمله على نضافة ااااه من مخى ده طبعاً تفتيح المسام هيسهل الموضوع ويا رب البنج يكون كويس ويجيب نتيجة حلوة معاكم

وحمام الهنا :shy:

داليدا شكرا جدا على معلوماتك رائعة بجد:clap: :clap: :clap:

وان شاء الله بتبعها حرف حرف:shy: :shy: :shy:

بنات بصم المفروض اني النهارده كنت رايحه دمياك حقولكم ايه اللي حصل امبارح كان معادي مع دكتور الاسنان عشان اشيل ضروس العقل اللي مش بتطلع عشان فكي صغنن المهم لاقيت ماما ضرسها تعبان اوي فقلتلها روحي بدالي المهم زوجي اتصل وقال انه عايزني معاه في الاجهزه استأذنت بابا ونزلت المهم واحنا بنلف لاقيت بابا بيكلم حمايا ويقوله لما تخلصم انا مستنيكم في المكان الفلاني المهم رحنا لاقينا صلات موبيليا احنا كنا شايفنها من اسبوع ومكنش عاجبني فيها حاجه طلع ان الصلات دي النهارده جلها موديلات جديده وان الاسبوع اللي فات معظم الحاجت كانت متباعه دخلنا اتفرجنا علي حجره النوم وعلي السفره وعلي الصالون والانتريه كمان وعجبني جدا حجزنا السفره والصالون ونقيت القماشه واللون والنهارده رايحين نحجز حجره النوم والانتريه باركولي بنات شفت قدر ربنا بيعمل ايه كمان متهيألي كده احسن لان لو جبنا اي حاجه من دمياط وطلع فيها عيب مشوار عشان ترجع او نبدلها ام هنا المحلات جمبنا تليفون صغير ويجم يشوفوا المشكله صح وعلي فكره المحلات دي بتجيب حاجتها من القاهره مش من دمياط :shy: باركولي بنات وعقبالكم يا قمرات

لوووووووووووووووووووووووووووووووووولى

الف مبرووووووووووووووووووووووووك يا امة الله


والحمد لله انك اختارتى اللى انتى عايزاها

بس قوليلنا بقى ايه اسم المحل يمكن نشترى منه احنا كمان

amt_allah:
بنات بصم المفروض اني النهارده كنت رايحه دمياك حقولكم ايه اللي حصل امبارح كان معادي مع دكتور الاسنان عشان اشيل ضروس العقل اللي مش بتطلع عشان فكي صغنن المهم لاقيت ماما ضرسها تعبان اوي فقلتلها روحي بدالي المهم زوجي اتصل وقال انه عايزني معاه في الاجهزه استأذنت بابا ونزلت المهم واحنا بنلف لاقيت بابا بيكلم حمايا ويقوله لما تخلصم انا مستنيكم في المكان الفلاني المهم رحنا لاقينا صلات موبيليا احنا كنا شايفنها من اسبوع ومكنش عاجبني فيها حاجه طلع ان الصلات دي النهارده جلها موديلات جديده وان الاسبوع اللي فات معظم الحاجت كانت متباعه دخلنا اتفرجنا علي حجره النوم وعلي السفره وعلي الصالون والانتريه كمان وعجبني جدا حجزنا السفره والصالون ونقيت القماشه واللون والنهارده رايحين نحجز حجره النوم والانتريه باركولي بنات شفت قدر ربنا بيعمل ايه كمان متهيألي كده احسن لان لو جبنا اي حاجه من دمياط وطلع فيها عيب مشوار عشان ترجع او نبدلها ام هنا المحلات جمبنا تليفون صغير ويجم يشوفوا المشكله صح وعلي فكره المحلات دي بتجيب حاجتها من القاهره مش من دمياط :shy: باركولي بنات وعقبالكم يا قمرات

الف مبروك وربنا يباركلك في الحاجه وتتهني بيها قوليلي بقه المحلات ديه فين عشان اروح القي نظرة واهي توفر علينا السفر لدمياط والمشوار

مبروك يا أمة الله ربنا يبارك لك في الحاجة وتكملي ع خير انا بقي شايلة هم مشوار دمياط :sad: الحاجة هنا في القاااااهرة ناااااااااااااار لأن ماما لسه شارية صالون من سنة ونص لاقيته هنا الضعف فخطيبي قالي من هناك افضل ياريت ياجماعه اللي من دمياط ماما كانت بتقولي في حتة كده مش ع البحر هي حواري فيها صنيعيه كويسين وفنانين بيعملو الموديلات وبتبقي قطعه واحدة لو حد يعرف عنوانهم يقولي

بصم بنات عارفين جمال عبد الناصر عند شهد الملكه بعد شتقاطع جمال عبد الناصر مع خليل حماده في كام محل ريتش هاوس والاوربي وفينوس انا مش فاكره بالظبط المحل اللي عجبني فيه الصالون اسمه ايه النهارده لما انزل حقولكم حجره النوم لسه مقررتش لاني محتاره مابين العادي والجرار يعني ما بين محلين الانتريه بقي عجبني عند مكوان وهو عنده كتالوجات ممكن تنقي من عنده وخشبه زان وكويس ولو ميزانيتك مرتاحه نصيحه مني روحم شارع فؤاد في حاجات فظيعه ورهيبه وتجنن ده قرب محطه الرمل بس زوقه عالي جدا وشغله كله من اسكندريه ومودلات حلوه:shy: انا السفره كانت عجباني من هناك بس لاقيت زيها هنا بصم اصل انا الصالونات لما لفين وشفت لاقيت المعظم يا اما اللويس كله وانا مش حابه كده يا اما الكوكتيل بس كله متنجد ومش حابه برضه دمه تقيل المهم كنت عند محل اسمه قصر القط وشفت عنده صالون عباره عن كنبه كبيره و2 كرسي لويس و 2 كرسي اللي هم كبار والورد فيه صغير وكله مأكسد ما عاد الورد بالفينو المهم سألت عليه قالي 15 الف اوخره 14 الف انا استغليته وقررت اروح دمياط ادور علي حاجه شبهه المهم سبحان الله امبارح لقيت شبهه وكمان القماشه علي مزاجي والاكسده بتكون حسب لون القماشه فعجبني اوي اما السفره عند نفس المحل ماما عجبتها واحده ضخمه وكلها بومبيه وشغل ماليها والمرايه علي البوفيه شكلها غريب وانا بصراحه بيني وبينك احب الرقه يعني احب الحاجه لا تكون ساده اوي يعني مودرن ولا ستيل اوي احبها نص نص فعجبتني واحده تانيه كانت لسه جايه شغلها بسيط وخفيف اما الانتريه انا جبته انتريه موديل عادي محبتش اجيب الموديلات اللي تشبه الصالونات عشان قلت اجيبه عملي للاستخدام عشان حيكون ده حجره المعيشه ولما اهله او اهلي يجم نعد فيه اما حجره النوم لسه مقررتش بنات نصيحه قبل السفر لدمياط لفم هنا كويس اوي لمده اسبوع في كل اماكن اللي فيها الموبيليا وفاصلم كويس ولو محل قالك في حاجه جيه كمان يومين روحي شوفيها لحد ما تحسي انك مش لاقيه حاجه هنا ابقم سافرم واللهي بنت خالتي لفيت دمياط كلها وفي الاخر جابت من هنا

اه ياريت يابوسي عايزة اعرف اي اخبار الحاجات دي خطيبي مش عايز يكتب قايمة وبيقول ان لقدر الله لوحصل حاجة بتسجن

بصي في دمياط في اولاد حمزه والعراقي واولاد سامي صديق وفي الجمال بس ده بيبع اود نوم جرار بس وفي ايه كمان الصالونات فيه شنشن بس ده نار نار وفيه بصي محل اسمه كركر دهاسعاره مهاوده بتنقي الصالون وهو متنجد عبك بس والقماشه بتنقيها انتي ويتعملك

بنات شرعا القائمه حرام لان فيها ظلم للزوج وتخوين يعني علي رأي الشيخ وجدي غنيم لو انتي ماشيه وخبطي في كرسي السفره كسرتيه هو حيكتب عليكي تعهد بده مثلا كمان لا قدر الله لو حصلت مشاكل بينكم بعد 20 سنه ووجب الفراق العفش بعد الاستعمال ده بيكون في نفس قيمته المكتوبه في القايمه كمان هل يقبل والدك ان يكتب مثل تلك القائمه علي ابنه وايضا كيف تقبلين ان يكتب علي زوجك وصل امان مزين بعباره قايمه في بدايه الزواج وسؤال تاني هل تظني ان تلك القايمه ستعطيكي حقق فلنفرض ان هذا الزوج فعل الاتي عذبك يوميا حتي تكتبي تنازل بكل حقوق ماذا فعلت لكي القايمه كمان ما فائده الاستخاره اذن الا تثقي في الله عز وجل انه سيكرمك ويحميكي حبيبتي فكري جيدا لو انك مكان هذا الزوج كيف ستشعرين اما المهر فهو حقك والمؤخر ولاكن اياكم والتغالي في طلب امهور والمؤخر لان المؤخر يظل دينا في عنق الزوج لانه يجب عليه اعطائك اياه و هو معكي يعني حرحهاكم المهر يقسم الي جزئين مقدم وهو الذي يمنح قبل الزواج والمؤخر والذي يتعهد الزوج بدفعه في حاله مقدرته علي الدفع بعد الزواج وليس كما يعتقد البعض بعد الطلاق:shy:

:clap: جميل يا أمة الله وانا مش صممت بس حبيت اعرف رأيكم والمؤخر كام تقريبا والمهر اساسا احنا تقريبا حنشتري بالنص فمش لازم مهر عايزة اعرف الحدود والشبكة علشان لسه مش جبتها لأن ان شاء الله كله حيبقي في يوم واحد ولو عيزين تعرفو افكار الفرح اللي عايزة اعمله ممكن اقولكم