تجهيزات احلي عرايس مصر (الجزء السادس)

قطة شيرازى:
يابنات إنتو فين؟ مفيش حد هنا ولا إيه؟
عشان خاطرى قولولى إيه اللى ناقص
يعنى كريمات وشامبوهات والحاجات دى
وأجيب قد إيه من كل حاجة؟

صباح الخير ياقطه
هو انتى فرحك امتى
هاتى مجموعات الجسم ( الشاور -اللوشن -الكريم- الرو اون- البرفيم -البودره)
هاتى 2 عندك فى فى اورفيليم وافون
وممكن لو عايزه هاتى من دوف اونيفيا
الكميات على حسب ميزانيتك انتى :clap:
كمان لا تنسيى الاكسسوارات على لبس البيت :clap: مهمه جدا
ونوعى فى الاشكال والوان

يابنات انا امبارح كنت في المعرض السوري وهو حيقفل يوم الجمعه ماما جابت طقم صيني وهم وبيتحط ع النار وبيدخل الفرن جمعته وفي كامل وبجد اشكاله جميله احلي من العادي ع فكرة انا كانت مشكلتي اجيب طقم كامل علشان انا مش عايزة الفناجين لكن الحمدلله ده تحفة وع فكرة التصنيع من شركة العامرية بمصر وهي اساسا تصدير للدول العربية وطقم ومعاها صنيتين للباشميل في الرفن قطع 350 ج تقريبا وع فكرة انا مش جبته كامل ماما جابت القطع اللي هي محتاجاها يعني 10 جاتوه و 8 غاويط وسرفيس كبير والصنيتين و5 اكبر من الجاتوه كده جميل جدا انا بقي حعمل كده بس 12 من كل نوع طبقي يعني اجمع طقم في حدود 800 واستخدم جميع اجزائه وع فكرة عنده بردو قلاية بيض صيني هو موجود في الاخر اعتقد الحارة اللي قبل الاخير جنبة واحدة بتبيع كل حاجة ب2ج ونص

حبيبتي هو فين المعرض السوري ده فى ارض المعارض انا مش فاكرة مين بالظبط اللى قالت ان معرض ارض المعارض هايبدأ يوم 20/7 وانتي ازاى بتقولى هايخلص الجمعة ردي ارجوكي

صباح الخير يا حلوين ... ايه الجديد النهاردة ؟؟؟؟؟

انتوا فين يا بنات نمتوا ولا ايه انا مستنياكم امة الله , كات, احبك فى الله , سبايكى , داليدا فينكم يا بنات

امال انا بقولكم حطو البيتاديرم ليه مهو علشان يخفف وكمان ده من لتحت الابط ده للاماكن الغامقة زي مكان الحروق والجروح ومابين الفخدين وكمان الجيل خفيف بيمتص بسرعه وانا بقولكم بحطه ومش بيحصل حاجة
بالنسبة للمعرض اه في ارض المعارض وفيه حاجات حلوة جدا

ياحببتي ده المعرض السوري لكن السياحة والتسوق يوم 20/7

احبكم في الله9:
امال انا بقولكم حطو البيتاديرم ليه مهو علشان يخفف وكمان ده من لتحت الابط ده للاماكن الغامقة زي مكان الحروق والجروح ومابين الفخدين وكمان الجيل خفيف بيمتص بسرعه وانا بقولكم بحطه ومش بيحصل حاجة
بالنسبة للمعرض اه في ارض المعارض وفيه حاجات حلوة جدا

السلام عليكم
انا اللى قولت ان المعرض 20-7
اللى موجود دلوقتى قاعه واحده
التانى ده بيكون اكبر لانه بتاع السياحه والتسوق وكل الحلات بتشراك فيه تقريبا وكل القاعات فبيكون العرض اكتر وممكن تعرفى تفصليى والمعروض اكتر

حاضر ياحببتي حسأله لما يرجع ان شاء الله وع فكرة بقولك تاني البيتادرم مش بيستخدم لوحده لازم معاااه الليكوسيد ار وانا بحطه وبيقشر ياجماعه اقرو الكلام كويس ع فكرة تقريبا يوميا بعمل حمام بخار وحمامات لوشي وزني ثبت عند 76 ومش راضي ينزل اظاهر علشان البريود

ممكن فعلا يكون هو ده السبب يا احبكم فى الله بس متهيألى بلاش تعملى حمامات بخار يوميا علشان انتي كده بتجهدي بشرتك كفاية مرتين فى الاسبوع

سبايكى
والله انا كمان إتصدمت
انا أصلا كنت ناسية موضوع البلاستيكات دة
بس كويس إنك فكرتينى
إن شاء الله هروح أجيبهم بس مش كلهم هختار حاجات مهمة

كات 2006
ميرسى يا حبيبتى خلاص إن شاء الله أجيب مجموعات الجسم
إنتى قصدك اللى بيكون كلها نفس الريحة صح؟
طب هى سعرها كلها على بعضها بيبأى فى حدود كام؟
والمفروض أجيب ميك كتير أب صح؟
وسمعت بنات بيقولوا لازم اجيب شباشب كتير برضو, إيه رأيك


ولاء
الليكوسيد مكتوب عليه لازم تعملى إختبار حساسية للجلد على حتة صغيرة ولو ما إلتهبتش تحطيه عادى
يعنى هما محذرين لإن فى بشرات حساسة إنتى الغلطانة المفروض تقرى التحذير كويس
وكمان محدش يحطه على حتة مكشوفة زى الإيدين ويطلع فى الشمس ولا يتحط على الجلد اللى تحت العين ويستحسن بلاش الوش أصلا

لكن هو مفعوله حلو وضيعلى أثر الخرابيش بتاعت قطتى لإنها كانت سايبة أثار لونها بنى وبقالها مدة مش عايزة تروح


أحبكم فى الله
بلاش البخار كل يوم لوشك بعدين المسام تتفتح وتوسع وتخلى منظر البشرة وحش والمسام اللى بتتفتح صعب تقفليها تانى حتى لو بالماية الساقعة والتونك
على فكرة حتى خبيرات التجميل بيقولوا الكلام دة كفاية مرة فى الأسبوع مش مرتين كمان
وبالنسبة لوزنك إنتى كنتى كام كيلو وبقيتى كام؟ وإيه نوع الريجيم اللى إنتى عاملاة يمكن أقدر أفيدك
لإننى كنت فى يوم من الأيام 68 كيلو وعملت ريجيم وخسيت لحد ما بقيت 51 يعنى 17 كيلو فرق
قوليلى عشان أساعدك


نانى فيبس
إنتى فعلا مشكلتك صعبة
بس أكيد فى حل وممكن دكتور الجلدية يكتب على حاجة مهدئة
بس عموما أنا لما بشيل الشعر من المنطقة الحساسة كان بيحصل لى كدة بس بعد كدة بقيت بجيب سافلون وأمسح بيه بعد ما أشيل على طول
وفى مرهم صغير كدة إسمه تيراميسين بتاع الدمامل والحبوب دة أصلا مرهم مضاد حيوى بجيبه وأدهن بيه كل المنطقة بعد ما السافلون ينشف
والحمد لله مابقيتش أشوف الحبوب تانى
أظن ممكن الطريقة دى تنفع عالوش بس برضو أنا مش مجرباها فى الوش

:sad:

ما تجربوا تشقروا الشعر يا جماعة
هو طبعا مش زى ما تشيلو بس أكيد أرحم من إنه يبأى إسود وباين
إيه رأيكو؟

:shy: يابنات حمام البخار مش زي ما انتم فاكرين الحمام بيكون سخن وكمان انا بحط شبة ع العموم حاضر مش حعمله غير مرة في الاسبوع ومرسي ليكم
اما بالنسبة لوزني فأنا كنت 83 وطولي 166سم وكنت رياضية فطبعا لما قللت المجهود جسمي زاد وياريت عايزة ريجيم قاسي شويه لأني محتاجة انزل لحد 67 ك ان شاء الله وطبعا دي اوامر عليا تنفذ ياريت تنشري الريجيم يا شيرازي

حبيبتي شيراز ازيك اولا و شكرا على الرد وكمان انا بضم صوتي لصوتك لاحبكم فى الله واقولها كفاية مرة او مرتين حمام بخار علشان بشرتك متجهدش وكمان انا عايزاكي تقوليلى النظام اللى اتبعتيه لاني نفسي اخس تقريبا من 5 سنين يارب اخس ادعيلي و بالنسبة لاسعار مجموعة افون ممكن تشتري مجموعة فاراواى جميلة قوي بس استني لما تنزل فى العرض البارفان بيبقى ب 50جنية والشاور جيل ب 25 جنية والرول اون ب 6 جنية والبودي كريم ب 15 جنية بس بجد حلوة قوي ممكن تجيب منها اللى يناسبك مش شرط كلها اما الميك اب ما تكتريش لان الميكب لو كتير ممكن يقعد معاكي فترة طويلة وساعتها ممكن الصلاحية تنتهى اما بالنسبة لسؤالك الاخير عن الشباشب كفايه 3 واحد للحمام و واحد فرو كعب عالى لقمصان النوم وواحد خروج علشان تقابلى بيه ضيوفك بس كده يا جميل يا رب اكون افدتك

:shy: (f)

أحبكم فى الله على فكرة إحنا نفس الطول
والريجيم اللى انا عملته كان من دماغى مش دكتور بس كان كالتالى
الصبح كباية نسكافية أو شاى بلبن منزوع الدسم ومن غير سكر ولو مش بتحبى الطعم المر حطى دايت سويت بس ما تكتريش منه وكنت باكل نص رغيف عيش أسمر مع جبنه قريش

الغدا بصراحة كنت باكل سلطة على قد ما أقدر وأحط عليها خل ولمون وملح وآكل معاها أى خضار سوتيه وممكن سمك أو لحمة أو فراخ بس كنت مانعة الرز والمكرونة خاااااااااالص
وكنت باكل فاكهة قليلة السعرات زى الجوافة والتفاح والبرتقان والبطيخ حسب الموسم يعنى وبلاش العنب والموز والتين والمانجة والبلح

العشا زبادى منزوعة الوش وجبنة قريش وممكن بيضة مسلوقة

أهم حاجة بأة اللى فى ناس كتير مايعرفوهاش وفاكرين مالهاش لزمة هى الأوبن داى أو اليوم المفتروح مرة فى الأسبوع
دة أهم حاجة فى الريجيم مش معمول للدلع يعنى
لإن ثبت علميا إن الريجيم القاسى بيعطى إشارات للمخ بأن فى مجاعة ولازم إن الجسم يبدأ يقلل من فقد الوزن عشان يستعد لمواجهة المجاعة دى فتلاقى بعد فترة من إتباع نفس الريجيم وبعد ماكنتى بتخسى كويس تلاقى نفسك ثبتتى رغم إنه نفس النظام الغذائى

فاليوم المفتوح دة معموا عشان نضحك بيه عالمخ وما يتخيلش إن فى مجاعة وتستمرى فى الخسسان
بس خلى بالك ما تسيبيش نفسك أوى فى الأكل فى اليوم دة كلى اللى نفسك فيه واللى إنتى محرومة منه بس ما تكتريش

أنا كان دة ريجيمى وكل اللى يقعد شهر ما يشوفنيش وبعدين يشوفنى يتخض من كتر ما كنت بخس كنت بمعدل كل شهر أروح أضيق الهدوم خصوصا البنطلونات
ورغم إنه ريجيم قاسى أوى بس كنت بستحمل لإنى مش بحب التخن أبدا

يلا قوليلى إيه رأيك؟