التجمع الاول للحوامل اللاتي سيلدن شهر يناير 2015

فتاااااه من جدج بتطلبين الجراحه
3/4 الالم والمعاناه بعد الولاده هالجراحه
انا ماجربت بدون
بس والله الي اشوفهم يولدون بدون جراحه ياااهوو راحه مو طبيعيه
خصوصاً للتكون عندها عيال من قبل وتحتاج قووومه وقعده وراهم


تفاحه
الله يبارك فيييج والله يقومج بالسلامه انتي ودلوعه
تجمعنا مختصر ههههههه بس5 حنا؟؟؟
تخيلي ليما بدا الطلق وسوت سونار اقولها ها دكتوره نزل الراس بالحوض
قالت لا بينزل كل مازاد الطلق

اتوقع الي يكون نازل بالحوض من قبل ولادتهم اسرع

اللهم امييييين ربي يسمع منكم بنات منجد تعبت وعظامي كلها تعورني

البارح حسيت بألم قوي ولمن رحت للمستشفى قالت الدكتورة اذا جاء يوم السبت وﻻ انفتح الرحم اكثر او حتى ماجاج الطلق بنولدج ﻻن البيبي مكتمل نموه وكبير

ياربي هالبنت شكلها بتعزر فيني الين تطلع :'(

دلوعة حييبتي ماعليك منهم وان شاء الله بتولدين بوقتك وطبيعي تكون حجمها اكتمل! ماقالةا شي جديد ومعروف الزيادة اللي يخافون منها هي اكثر من اسبوعين يعني بالايبوع 42 اما الاقل فهو طبيعيي فلا تخليهم يللعبوا عليك حتى لو خاص ! عليك بالجماع والتمررر وبتشوفي الولادة الميسرة باذن الله هاذي مكونات الوالدة السرية هههههههه اخواتي مشوا عليها وولادتهم سريعه ماشاء الله بعكسي!

والله تفاحة لاعت كبدي من الجماع يحمي الطلق من الفجر الين الظهر وبعدها يبرد :'(

يعني كنك يابو زيد ماغزيت عوار عالفاضي

انا مو ناوية اروح اصلن اخاف يعطوني طلق صناعي ولا يحوسون فيني هههههههه

من الفجر وانا اشرب عصير برتقال مع ملعقة خروع تقول الدكتورة مايسبب اسهال الله يعزكم بس تقول زين يحمي الطلق اذا الرحم مفتوح عشان ينفتح اكثر ولا تضطرين للطلق الصناعي :(

الله يأجرنا صج الحمل تعب واللي يتعب اكثر التعب النفسي البارح حطيت حرتي في بنت خالتي متصلة تسألني ماولدتي وقبيت فيها هههههههههه

ياربي يعني بروحي متمللة وادعي ربي يخلصني وهالحريم مع اسألتهم البايخة بنتج ماطلعت اشفيج طولتي ياربي مافي احساس ابد

والله انا من جربت هالشعور بولدي صرت ابد مااسأل اي حامل عن ولادتها لان منجد هالسؤال يغث الحامل ويضايقها :(

الله يعينك يادلوعه والله اني حاسه فيك
الوحده لا عدة موعدها تصير نفسيتها عدم
انا كنت اخلاقي زفت مع اهلي خصوصا الصغار
انفجر فيهم وماتحملهم وانا عديت 4 ايام على موعدي
صدقيني ربي كاتبله يوم وساعه يطلع فيها
انا كان موعدي 3/10 وطلع 3/15
اصبري واستغفري وهونيها تهون
ان شاء بعد هاتعب ربي يعوضك بولاده احلى منها مافيه
:)

دلوعه ودي اقولج شي بس اخاف تتحطمين

يااختي شمستعجله عليه
صيااااح ووجع
شوفيني بغربه ومطوله عن الحمل
مو عارفه اتصرف معاها
بس ابجي معاها
وحتى اكل مااكل
ناسيه شي اسمه اكل
معتفسه حييييل معاها

صادقة فتاة ربي يسهلها ياكريم

جوفان انا مو سالفة مستعجلة بس تعبانة مو قادرة اتحرك وﻻ انام حملي هالمره متعب جدا مو زي حملي اﻻول ماكنت احس بشي حتى ماكنت افكر بالوﻻدة مستانسة بالكرشة هههههههههههه

بس هالحمل غير طول من كملت الثالث وانا من تعب لتعب والحين النوم والقومة والقعدة حييييل متغربلة وولدي للحين بالبامبرز وﻻ راضي يتركها ولسه الكﻻم على قدة ومايخلي احد يغير له غيري ووقت النوم ﻻزم يقعد بحضني وشوفي المعاناة والله اني احيان ابكي وانا اغني له وانومه وكاسر خاطري من كبر بطني وهو صاير حساس فماابيه يتضايق اكثر ﻻن الغيرة عنده قوية مرررره :'(

حتى من الحين قاعدة افكر اول مااولد بخليهم يطلعوني على طول عشان ﻻيستوحش ويفقدني ﻻنه صاير متعلق فيني كثير هالفترة وهذا اللي يخليني احاتيه اكثر :'(

اذا على ولدج
بيصير الوضع اصعب بعد الولاده
كيف بتغيرين له وتنومينه وانتي يلا تتحركين وتشيلين نفسج

كم عمره الله يحفظه؟

سنتين ونص الله يحفظه ويهدية

ﻻ والحين كل ماشاف بيبي صغير يقولة باباي بيبي ويسحبني بعيد عن مكان البيبي ههههههههههههه

يعني الغيرة بدت تشتغل عنده :'(

ويقولي انا بيبي ويتدلع علي ههههههههههههه حتى لمن يناديني ماما يسوي روحه مثل الجهال وكل شي حقي وﻻ تمسكونه مجنني الله يهديه

واحيان يبي يرضع مني ولمن اقوله يع حمودي ويقرص نهودي بقوووووة يعني وش بيسوي اذا شاف اخته ترضع مني :'(

الف الف مبروك للبنات الي ولدوا وعقبال الباقين حاسه بمعاناتكم بالنسبه للشد ﻻ ما تلبسينه بس اربطي لرفع الرحم عشان ترتاحين ارفع بطنك انا بالنسبه بدون جراحه احسن وجبت مردده ردت لي روحي لان عظامي احس مففكه بعد ماسوت لي مساج ورددتني بنات ارتحت حيل الحمدلله

توني جيت من موعدي بالمستشفى تقول راس البيبي مرررره نازل تحت يعني الحمدلله شي زين

بس مشكلتي الرحم مب راضي ينفتح للحين على سانتي وانا ماامشي كثير ماعندي وقت حق اطلع كل يوم وﻻ اطبخ العشاء حق زوجي وﻻ ارتاح ﻻني صايرة مررره مكسله

الله يعين بقعد امشي واكرف بالمشي هاليومين عساني اولد يوم السبت مثل ماحددوا لي يااااااارب :'(

ماشالله كلكم بدون جراحه

طيب عندي اسئله بخصوص الجراحه

مادري تعرفون اولا

دلوعه لا بد تمشين لان المشي يخلي البيبي يضغط
براسه ويفتح الرحم
تخيلي انا من نهاية الثامن وانا امشي واطلع درج وانزل
وطوفة عن موعدي ويوم الولاده كان 5 سنتي
بس انا ماكنت امشي كثير كنت مكسله بالبدايه يوم ايه
ويوم لا ماجديت الا باخر اسبوع بالتاسع كللل يوم
لاني فعلا كنت مكسله وثقل
جوفان اسئلي بنجاوب على الي نعرف

بنات لي فترة تنزل علي زي اﻻفرزات قطع بيضاء مع لون مايل لﻻصفر بدون دم الله يعزكم

وكنت احسبها السدادة بس توها تنزل علي السدادة وفيها خيوط دم بني تتوقعون قريب اولد ههههههههههه

حالتي حاله اضحك والله هههههههههههه

العصر بروح امشي من قلب

من نزلت السدادة احس الحركة والضغط صار اقوى تحت وﻻ شكلي اوسوس ههههههههههههه

عادي استحملوني ماابي اكلم امي واخوفها ﻻني وحيدتها من البنات والباقي اوﻻد ومسكينة طول الوقت تحاتيني

على البركة دلوعه
وشدي حيلك بالمشي لانه لا صار يضعط على تحت
معناته جالس يوسع المكان

الله يسمع منج فتاة واولد هاليومين يااااارب

المشكلة الطلق عندي بااااااارد مبهذلني :'(

على الساعة 9 بالليل وانا امشي نزلت علي افرازات وردية مايلة لﻻحمر بدون الم طلق وﻻ شي

توني شربت حليب بالزعفران يقولون يحمي الطلق والله مااحس حمى شي اﻻ جاب لي النوم والحين بنام ههههههههه

الحمدلله على سﻻمه الوالدين..
دلوعه كاسره خاطري والله.. بس شكلج اليوم او باجر خﻻص وﻻده من هالافرازات.. الله يهون عليج وتبشرينا يارب ..

دلوعه دام نزلت السداده وبعدها افرازات ورديه
ان شالله قربت ولادتج


مهره انتي معانا بالتجمع؟


فتاه
سؤالي
كم يوم وتلتأم الجراحه
او بالاحرى متى اقدر اجلس
ابداً مو قادره اجلس ألم ألم
وسالت الدكتوره شاقدر احط عليها مرهم اوغسول قالت بس مويه وملح

يااااارب ترحمني

كنت اتمنى بدووووون جراحه

انا عملتها على البكر الا والداه مبكر بتستغربي
بس كانت صغيره بس ماانصحك بالمر لانه يشدها
خليك ع الميبو ومويه دافيه ولا تتنقعي بطشت
اممممم واحتمال اسبوع وتقدري تجلسي وتتحركي
كمان سمعت عن تحاميل الفولتارين انها تريح وتخليك
تتحركي بحريه
وقدامك العافيه ان شاء الله

مهرة انتي ولدتي ولا باقي