التجمع الاول للحوامل اللاتي سيلدن شهر يناير 2015

حمدلله على سلامتك وسلامة البنوته
دلوعه ان شاء الله نفقس جماعي
زوجة اخوي راحة تولد من شوي
وانا خايفه تجيني ولاده وماحد عندي
ياربي تسترها حتى ترجع بالسلامه
والله احس الطلق قام يسوي حركات نص كم
وانا خايفه مره مره:(

جوفان انتي بحكومي ولاخاص

الله يسلمج
خاص

بسألكم بنات شلون يكون التحجر

ﻻن انا بطني ياااااابس مررره من بداية حملي ﻻني كنت اسوي رياضة فمهما سويت مايلين بطني وبالنسبة لحالتي هذا طبيعي

بس اول مره اسمع عن التحجر قبل الوﻻدة بصراحة خايفة ﻻن الطيف ولدت ومانزل عليها ماية الراس وجوفان نفس الشي اخاف يصير فيني مثلكم ماتنبط موية الراس اﻻ من بعد وانا ماادري عن نفسي والمستشفى اللي بولد فيه يبي له نص ساعة اذا مافي زحمة بالطريق :'(

ان شالله تجي لج ولاده وقت مو زحمه مثلي الفجر الشوااارع فاضيه


بالنسبه للتحجر البطن يكون قاااااسي مره مره
وماتعرفين تتكلمين او حتى تاخذين نفس

الله يسهل علينا يااااارب ونفتك هاﻻسبوع :-)

ابشررررركم ياكروشات ولدة اليوم الصباح ربي
لك الحمدوالشكر
ومانسيتك يادلوعه انتي وتفاحه من الدعاء
الحمدلله انتهت رحلة الحمل المضنيه

دلوعه وانا برضو مانزلني مويه
بس مغص منتظم كل 6 دقايق

الف الحمدلله على السلامه فتاااه
ريحي ولاتنسينا من الاكشن

والله انج على بالي فتاة دخلت كنتةبسأل عنج هههههههههههه

الف الف الف مبرووووووك الحمدلله على سﻻمتج تستاهلين اخيرا ههههههههه

ياربي حتى انتي مانزلت موية الله يسترررررر

اذا ارتحتي عطينا اﻻكشن :)

بودي ولدي المﻻهي الحين مع اني احس بمغص خفيف يروح ويجي ان شاء الله وﻻدة خخخخخخخخخ

احسن شي بالمجمع اللي بنروحة انه قريب من المستشفى حقي هههههههههههههه

بعطيكم الاكشن مختصر
اول شي بدا معي مغص متباعد الساعه 2 بالليل
وكنت كل شوي اروح الحمام على بالي مغص عادي مثل كل
مره افرغ فيها مثانتي ويروح والساعه 3 حسيت بغازات مثل الاتجي قبل
الدوره وكنت اكلم اختي واسالها عن هالاغازات وهي تقلي ماتعرفها
وبعدها بنص ساعه كنت بحاول انام بس المغص مشككني يروح ويجي
فقمت اقيس المده وطلع كل 6 دقايق انتظرت لحد الفجر صليت وجهزت
شنتطي وطيران ع المستشفى دخلت ع الدكتوره وقاستني وطلع 5سنتي
جلست امشي في الاسياب وكل شوي تجي طلقه واوقف بعدها الدكتوره
طفشت مني تبغى تطلع لانه انتهى دوامها حطتلي مغذي وعلى غرفة
الولاده فكت الماي وحمي الطلق وشرف نور عيني
وانتهت القصه

ماسردت بعض التفاصيل عشان ماتخافون
الله ياجرنا ويجعلها كفاره لذنوبنا

بسالكم يانفوسات انتم تلبسو المشد من اول يوم والا

الحمدلله فتاه ولادتج تيسرت

لا ماالبس مشد من اول الايام

عملو لك جراحه؟

لا ماطلبت ربي يسرها
بس معي مغص واحس بطني نازل لتحت
وماقدر امشي الا وانا منحنيه 😩😩

الف الحمدلله على سﻻمتج وربي يجعله من الذرية الصالحة يااااارب

المشد انتظري اسبوع وبعدها البسيه

ارررررريح بواجد بدون جراحه
انا مع الجراحه متلعوووزه حيييييل ماعرف اقوم بسهوله
حتى بنتي مااعرف اشيلها عدل

الف الف الف مبررروك جووفااني و فتاة والحمدلله على سلامتكم وسلامة النونوات ،،، ههههههه الله يستر يا دلووعة من اكشناتنا انا وانتي كل ماقرب موعدي اخااف صاير عندي فوبيا وبسبب هالخوف يجيني الم طلق مع تحجر الله يستر .،. انا اللي مزعجني هالشد اللي يصير بجسمي من اتمغط او امد يدي او رجلي بقوة تتيبس كان الدم واقف وهاتي يا الم ! ...

دلووعة يالله من يسبق انا لو انتي ؟ انا حاسة اني بكون اخر وحدة خخخخخ ،،، جووفان انا بعد احس النونو للحين فوق بعكس حملتي الاولى من دخلت التاسع احسها نزلت للحوض وتجهزت ولكن رغم هالشي تعذبت وعذبوني هالمستشفى الفاشل ،،

الله يسلمك دلوعه
جوفان انا كنت بطلبها بس ماادري ايش الا خلاني اتراجع
في اللحضات الاخيره
تفاحه ربي ييسرلكم ان شاء الله هالاسبوع وتولدو
بالسلامه انتي ودلوعه
اذا كثرالتحجر وكان متقارب معناه ولادتك قربت
يوم او يومين وانتي والد